24/02/2026
رمضان کا پہلا عشرہ رحمت— رحمت کا دروازہ کھلنے کا وقت… 🌙
یہ وہ عشرہ ہے جب آسمانوں سے رحمت اترتی ہے،
دل نرم ہوتے ہیں،
اور گناہگار بھی اُمید کا دامن تھام لیتا ہے۔
اللہ تعالیٰ فرماتا ہے (حدیثِ قدسی):
“إِنَّ رَحْمَتِي غَلَبَتْ غَضَبِي”
بے شک میری رحمت میرے غضب پر غالب ہے۔
(صحیح بخاری، صحیح مسلم)
سوچیے…
جس رب کی رحمت اُس کے غضب پر غالب ہو،
وہ اپنے بندوں کو کتنا چاہتا ہوگا! 🤍
اور نبی کریم ﷺ نے فرمایا:
“اِرْحَمُوا مَنْ فِي الْأَرْضِ يَرْحَمْكُمْ مَنْ فِي السَّمَاءِ”
زمین والوں پر رحم کرو، آسمان والا تم پر رحم کرے گا۔
(جامع ترمذی)
یہ وہ دین ہے —
جس کا خدا “الرَّحْمٰن” بھی ہے اور “الرَّحِيم” بھی…
جس کا نبی ﷺ نبوت سے پہلے ہی
“رحمت” کے لقب سے پہچانا گیا…
اور جنہیں خود ربِّ کائنات نے فرمایا:
“وَمَا أَرْسَلْنَاكَ إِلَّا رَحْمَةً لِّلْعَالَمِينَ”
سوچنے کی بات ہے…
وہ دین جس کا خدا رحمت،
جس کا نبی رحمتُ اللِّلْعَالَمِین —
آج ہم میں سے رحمت کہاں چلی گئی ہے…؟
کیوں ہمارے لفظ زخم دینے لگے؟
کیوں ہمارے رویے سخت ہو گئے؟
کیوں ہمارے ہاتھ مدد کے بجائے فاصلے پیدا کرنے لگے؟
رمضان ہمیں سکھانے آیا ہے —
رحمت مانگنے سے پہلے، رحمت بانٹنا سیکھو۔
کسی کی خطا معاف کر دو،
کسی کی مدد کر دو،
کسی کا دل جوڑ دو…
کیا خبر —
اللہ تمہیں اپنی خاص رحمت میں جگہ دے دے ✨
آؤ اس ماہِ مبارک میں عہد کریں:
ہماری زبان زخم نہ دے،
ہمارا رویہ تکلیف نہ دے،
ہماری موجودگی رحمت بن جائے۔
یا اللہ! ہمیں بھی اپنی رحمت کا ذریعہ بنا دے… 🤲🌙
🤲🌙
آمین یارب العالمین
#رحمت #حدیث
#نیکی #دعائیں
