https://www.facebook.com/957518981040259/

HealthNet TPO Nangarhar

Home
Afghanistan
Jalalabad
HealthNet TPO Nangarhar

ننګرهار کې د روغتیايي خدماتو تطبیق کوونکې اداره Also in Afghanistan we work with ‘evidence-based’ interventions on accessible health care.

HEALTHNET IN AFGHANISTAN
As a knowledge driven Dutch aid-organization, HealthNet works on the sustainable (re)construction and rehabilitation of health care in areas disrupted by war or disaster. After all, reconstruction starts with health. HealthNet is one of the largest health NGOs in Afghanistan and has been working in a developmental mode in Afghanistan since 1993. We work closely with other NGOs, the Ministry of Public Health (MoPH) and local communities, in implementing evidence-based projects that will contribute to the long-term development of strategies and policies at the national level. We work particularly in the area of supporting primary health care, providing mental health care and combating diseases. In the past years security is a recurrent topic. For HealthNet key to success is local population support: local communities are direct partners in (re)building health systems. Afghanistan also is the biggest project country for HealthNet with over eight offices and various warehouses spread among the country. See some examples of our projects in Afghanistan:

Malaria project
Community Resource Mapping and Mobilization (RMM) Project
Public Private Partnership (PPP) project
Hospital in Jalalabad

31/01/2023

د ننګرهار سیمه ایز تخصصي روغتون رئیس ډاکټر عبدالشکور عظیمي د خپل ماموریت په وروستۍ ورځ اداري کارکوونکي تقدیر کړل.
یاده ناسته چې نن مازیګر د (Health Net TPO) ادارې په دفتر کې ترسره شوه په کې د (Health Net TPO) مرکزي دفتر اداري او مالي رئیس حاجي عبدالواحد یوسفزي، ولایتي ادارې رئیس ډاکټر احسان الله شینواري، د ننګرهار سیمه ایز تخصصي روغتون رئیس ډاکټر عبدالشکور عظیمي، سرطبیب ډاکټر منصور ښاغلي او د یاد روغتون اداري کارکوونکو ګډون درلود.
د یادې ناستې پرمهال د مرکزي دفتر اداري او مالي رئیس د ننګرهار سیمه ایز تخصصي روغتون رئیس او کارکوونکو ترسره کړې هڅې وستایلې
هغه زیاته کړه چې په یاده موده کې یې په ډیرو کمو امکاناتو درانه مسئولیتونو ته غاړه ورکړې نو له دې امله یې د (Health Net TPO) مرکزي دفتر په استازولۍ د ډاکټر عبدالشکور عظیمي په شمول له ټول پرسونل مننه او قدردانی وکړ.
له هغه وروسته د یادې ادارې ولایتي رئیس ډاکټر احسان الله شینواري مننه وکړه چې په ډیرو کمو امکاناتو یې (Health Net TPO) موسسې سره دنده ترسره کړي.
نوموړي سپارښتنه وکړه چې نوې تطبیق کوونکې موسسې سره هم د زړه له اخلاصه دنده اجرا کړي.
له هغه وروسته د ننګرهار سیمه ایز روغتون رئیس ډاکټر عبدالشکور عظیمي په روغتون کې ترسره کړی ماموریت ویاړ وګاڼه.
هغه زیاته کړه د خپل کامیاب ماموریت راز یې د (Health Net TPO) مرکزي او ولایتي دفتر ملاتړ او د اداري کارکوونکو اخلاص یاد کړ.
نوموړي له ټولو کارکوونکو د زړه له اخلاصه مننه وکړه او په راتلونکي وخت کې یې د دوی د بریا هیله څرګنده کړه.
د پروګرام په وروستیو کې د سیمه ایز روغتون ټول اداري پرسونل په ستاینلیکونو ونازول شول.
د یادونې ده چې په ننګرهار کې د (Health Net TPO) تطبیق کوونکي روغتیايي خدمات نن ورځ رسمأ پای ته ورسیده.

31/01/2023

د ننګرهار سیمه ایز تخصصي روغتون تطبیق کوونکي خدمات له (Health Net TPO) څخه رسمأ (JACK) موسسې ته وسپارل شول.
د ننګرهار سیمه ایز تخصصي روغتون تطبیق کوونکي روغتیايي خدمات چې له کالونو راهیسې (Health Net TPO) نړیوالې روغتیایي شبکې په غاړه و نن ورځ رسمأ د ټاکل شوي هئیت په شتون کې (JACK) موسسې ته وسپارل شول او د تسلیمۍ پروسه په شفاف ډول پای ته ورسیده.

29/01/2023

د ننګرهار سیمه ییز تخصصي روغتون د سترګې (Eye) او غوږ، پزې او ستونې (ENT) برخې د بیارغونې وروسته سره جلا شوې.
د ننګرهار سیمه ییز تخصصي روغتون د سترګو، غوږ، پزې او ستونې برخې د بیارغونې وروسته سره جلا او نن د عامې روغتیا رئیس ډاکټر محمد رحیم قلندري چې د سیمه ییز روغتون رئیس ډاکټر عبدالشکور عظیمي ، افغانستان کې د (Health Net TPO) اداري او مالي رئیس الحاج عبدالواحد یوسفزي او نورو استازو شتون درلود رسماً افتتاح شوې.
د عامې روغتیا رئیس ښاغلي قلندري د یادو څانګو په بیارغونه او جلا والي خوښي څرګنده کړه او هیله یې وښوده چې په دې سره به په خدماتو کې د پام وړ ښه والی راشي.
دغه راز په یادو مراسمو کې د میډیکل ریکارډ برخه چې تازه تر ترمیم ورورسته معیاري شوی ورڅخه لیدنه ترسره شوه.

23/01/2023

د (Health Net TPO) ولایتي ادارې له لورې د ننګرهار ټولو روغتیايي مرکزونو ته دوهمه جوپه درمل هم ولېږل شول.

19/01/2023

د لعلپورې ولسوالۍ اړوند چکنور روغتیايي مرکز(BHC) کې د رغونې چارې جریان لري.
په یاد روغتیايي مرکز کې د یو معیاري (Incinerator) او دوه تشنابونو د جوړولو کار جریان لري چې په نږدې راتلونکي کې به کټې اخیستنې ته وسپارل شي.

18/01/2023

د (Health NET TPO) ولایتي ادارې لخوا ۷۰ کیلو واټه جنراتور پچیراګام روغتون ته ورکړل شو.
د یاد جنراتور د ورکړې په مراسمو کې د پچیرآګام ولسوالۍ مرستیال مولوی عبدالقیوم د (Health NET TPO) ولایتي ادارې د همیشنۍ همکارۍ مننه وکړه. او زیاته یې کړه چې د جنراتور فعالیدو سره به دغه روغتون کې د برق ستونزه نوي سلنه حل شي.
بلخوا د پچیراګام روغتون آمر ډاکټر نیازولي او ټولو روغتیايي کارکوونکو د ( Health Net TPO) ولایتي ادراې له مشرتابه مننه وکړه چې د دوی په غوښتنه یې پچیراګام روغتون ته ۷۰ کیلو واټه جنراتور په واک کې ورکړ.
ډاکټر نیازولي وویل چې پخوا په یاد روغتون کې ۲۵ کیلو واټه جنراتور موجود و چې د روغتون ټولو برخو ته یې برق نه شو رسولی.
هغه وویل د ۷۰ کیلو واټه جنراتور په فعالیدو سره به د روغتون ټولو برخو ته په کاپي اندازه برق ورسیږي چې ورسره به یې شته ستونزو ته د پای ټکی کېښودل شي.
د یادونې ده چې تېره اوونۍ د یادې روغتیايي شبکې له لورې غني خېلو روغتون ته هم ۱۲۰ کیلو واټه جنراتور ورکړل شو.

18/01/2023

د(HealthNet TPO) ولایتي ادارې له لورې د ننګرهار ټولو روغتیايي مرکزونو ته د خوارځواکه ماشومانو لپاره د (RUTF) مواد ولیږل شول.

16/01/2023

د (Health Net TPO) ولایتي ادارې د مرکزي سټاک څخه د ننګرهار ټولو روغتیايي مرکزونو ته، لابراتوري مواد او درمل ولېږل شول.
دغه درمل او لابراتواري مواد د میاشتني پلان په اساس روغتیايي مرکزونو ته ولیږل شول.

15/01/2023

غني خېلو ولسوالۍ روغتون ته ۱۲۰ کیلو واټه نوی جنراتور ورکړل شو.

15/01/2023

غني خېلو روغتون کې د ماشومانو درملنې په موخه (۲۰) بسترونه اضافه شول.
دا چې د غني خېلو روغتون ته د سینه بغل ماشومانو ورتګ زیات شوی نو په همدې موخه تېره ورځ د( Health NeT TPO) ولایتي ادارې د سپارښتنې په اساس (۲۰) بستره په درې جلا خونو کې د موقت وخت لپاره اضافه شول.
ددغه شل بسترو د زیاتوالي لپاره د درملو، ډاکټرانو او ښځینه نرسانو لیست ترتیب او د ماشومانو د درملنې لپاره توظیف شول.
د یادونې ده چې تېره پنج شنبه د غني خېلو روغتون کې ۱۳۰ تنه ناروغان بستر وو چې له جملې ۱۲۰ ماشومان وو.

11/01/2023

په ننګرهار کې ۱۵ روغتیایي مرکزونه د حفظ الصحې مراعتولو او پاکوالي له امله پاک اعلان شول.
د ننګرهار عامې روغتیا ریاست د روغتیا د لوړونې ډيپارتمنټ له لورې په تیر یوه کال کې ۱۵ روغتیایي مرکزونه (کرونا روغتون، هجرت کلی، کابل کیمپ، ګردي غوث، زرین اباد، صافي اباد، کان، ګلدره، لاغرجي، سید احمد خیل، قلای میرجي، شډل، چهاردي، ماماخېل او جوی هفت روغتیایي مرکزونه پاک اعلان او رسماً تصدیقونه ورکړل شول.
په همدې موخه د ننګرهار عامې روغتیا ریاست د مجلسونو په تالار کې ځانګړي مراسم چمتو شوي و چې پکې د عامې روغتیا وزارت د CLTS/WASH برنامې ملي مسؤل خواجه عبدالله صدیقي، په کلینیکونو کې د حفظ الصحې مسؤل ډاکټر محمد حنیف هاشمي، د عامې روغتیا ریاست د روغتیا لوړونې مسؤل ډاکټر شریف الله لودین، د PU-AMI مؤسسې مسؤل ډاکټر فریدالله بختاني، د (HealthNetTPO) تطبیق کوونکې مؤسسې تخنیکي مرستیال ډاکټر توریالي شینواري، د کرونا روغتون رئیس ، د همکارو مؤسسو استازو او د روغتیایي مرکزونو امرینو ګډون درلود.
د(Health Net TPO) ولایتي ادارې تخنیکی مرستیال ډاکتر توریالي شینواري په تېرو یولس میاشتو کې د (WASH) په برخه کې د یادې موسسې فعالیتونه، لاسته راوړنې، ننګونې او ترسره شوې همغږۍ په اړه معلومات وړاندې کړل.
په یادو مراسمو کې د روغتیایي آمرینو ته د ترلاسه شو معیارونو د ساتلو اومتداوم رعايتولو سپارښتنو تر څنګ تصدیقونه ورکړل شول.

11/01/2023

په ننګرهار کې د ولسوالیو روغتونو ته ژمني توکي، خوراکي مواد او طبي او غیر طبي وسایل ولیږل شول.
د یادو توکو د لېږد په مراسمو کې د ننګرهار عامې روغتیا ریاست استازي قاري غلام حبیب جواد د (Health Net TPO) ولایتي ادارې رئیس ډاکټر احسان الله شینواري، د یادې ادارې مسئولینو او د روغتونونو ادارې مدیرانو ګډون درلود.
ډاکټراحسان الله شینواري وویل چې د تېر ۲۰۲۲ م کال له فبروري میاشتې راپدې خوا ننګرهار ولایت کې (Health Net TPO) د یونیسف په مالي ملاتړ روغتیايي خدمات پرمخ وړي چې په دې موده کې یې (۹۰) روغتیايي مرکزونو کې د بیا رغونې او ترمیم چارې ترسره کړې،طبي او غیر طبي وسایل تر خریدارۍ وروسته لیږل شوي، هره میاشت په کاپي اندازه درمل لیږل شوي، د کارکوونکو معاشونه په وخت اجرا شوي، د ظرفیت لوړونې پروګرامونه ترسره شوي، روغتیایي مرکزونو ته د ضرورت په اساس لسګونه کارکوونکي مقرر شوي ولسوالیو کې د ساري ناروغیو د خپریدو مخنیوي په موخه د عامه پوهاوي پروګرامونه ترسره شوي او زیاتره امبولانسونه او موټرې ترمیم شوي.
نوموړي وویل چې له دې وړاندې هم په ننګرهار ولایت کې د(Health Net TPO) نړیوالې روغتیايي شبکې د خوږیاڼو ولسوالۍ په روغتون کې ساختماني چارې ترسره کړي ،د کامې او غني خیلو ولسوالۍ روغتونونو جوړولو تر څنګ یې په شینوارو ولسوالۍ کې د قابله ګانو روزنیز پروګرام ایجادول یاد کړل.
له هغه وروسته د روغتونونو ادارې مدیرانو د (Health Net TPO) ولایتي ادارې مننه وکړه چې د یو کال په موده کې یې د روغتیايي مرکزونو ستونزو ته رسیدګي کړې او د خدماتو د ښه والي په برخه کې یې نه سټړي کیدونکي هلې ځلې ترسره کړي.
نوموړو د دې ادارې له تخنیکي سوپروایزرانو هم مننه وکړه چې وخت ناوخت یې د روغتیايي خدماتو د ښه والي په موخه لیدنې او څارنې ترسره کړي او د دوی ستونزې یې تر مشرانو رسولي او ولایتي ادارې د حل په برخه کې هر راز همکاري ترسره کړې.

Address

Angeza Shinwari Street Jalalabad Nangarhar
Jalalabad

Opening Hours

Monday

08:00 - 16:30

Website

facebook.com

Alerts

Be the first to know and let us send you an email when HealthNet TPO Nangarhar posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to HealthNet TPO Nangarhar:

Shortcuts

Want your practice to be the top-listed Clinic in Jalalabad?

HealthNet TPO Nangarhar

31/01/2023

31/01/2023

29/01/2023

23/01/2023

19/01/2023

18/01/2023

18/01/2023

16/01/2023

15/01/2023

15/01/2023

11/01/2023

11/01/2023

Address

Opening Hours

Website

Alerts

Contact The Practice

Shortcuts

Share

Category