11/12/2025
نرس د ناروغ کوټې ته د هغه تر عملياتو يؤ ساعت مخکې ورغلو: ټول لوازم يې منظم کړل،
پۀ دې جريان کې يې يؤ دم لۀ ناروغ څخه وپوښتل،
ښاغلیه!
کوم ډاکټر دې عمليات درته کوي؟
ناروغ جواب ورکړ
ډاکټر زرمتی
د ډاکټر د نام پۀ اورېدلو سره نرس پۀ داسې حال کې چې د حیرانتیا نښې يې پر څېره ښکاریدې، کار يې پرېښود او د ناروغ طرف ته يې را منډه کړه.
لۀ ناروغ څخه يې وپوښتل،
رښتيا ښاغلیه!؟
آيا ډاکټر زرمتی رښتيا هم ستا عمليات منلي دي؟
ناروغ وويل،
هؤ، ډاکټر زرمتی مې عمليات راته کوي!
نرس وويل،
څومره جالبه! هېڅ باور مې نۀ کېږي.
ناروغ پۀ شکمن انداز ورڅخه وپوښتل،
ولې پۀ دې کې د حیرانتيا څۀ خبره ده؟
نرس وويل،
دغې ډاکټر تر اوسه څۀ باندې زر عملياتونه ترسره کړي دي او د ټولو عملياتو د کاميابۍ چانس يې هم ۱۰۰ سلنه ؤ.
لۀ دې کبله ددۀ مهالوېش تل ډک وي او ډېره سخته ده چې د کوم بل څۀ لپاره دې وخت ترې واخيستل شي.
زۀ هم لۀ دې امله حیران شوم چې دۀ څنګه ستا د عملياتو د تر سره کولو لپاره وخت پیدا کړی دی.
ناروغ وويل،
ممکن دا زما د ښۀ بخت لۀ کبله وي چې ډاکټر زرمتی مې عمليات راته ترسره کوي!
نرس د يوې لويې موسکا پۀ کؤلو سره وويل،
باور وکه زۀ تر اوسه هم حیران پاتې يم چې تر ټولو غوره ډاکټر ستا عمليات کوي!
تر دې مکالمې وروسته نؤ وخت را ورسیده چې ناروغ عمليات خونې ته يؤوړل شي. عمليات خونې ته پر لاره ناروغ ډېر د راحتۍ احساس کاوه.
عمليات پۀ برياليتوب سره پای ته ورسیدل.
ناروغ لۀ ډېرې خوښۍ خاندي او خپل ژوند ته ادامه ورکوي.
هغه نرس اصلاً کوم معمولي نرس نۀ ؤ؛ بلکې د هماغه روغتون د عقلي او عصبي ناروغيو متخصص ډاکټر ؤ.
د هغې وظيفه دا وه چې ناروغ پۀ ذهني او روحي ډول د عملياتو لپاره اماده کړي او ټول هغه تشویشونه يې ور رفع کړي چې لۀ عملياتو څخه مخکې يې لري.
دې حالت ته Placebo effect وايي.
پۀ کوم کې چې يؤ ناروغ فکر کوي چې د دۀ پۀ يؤه نوي او مؤثره طريقه درملنه کيږي. ځکه يې نؤ د روغیدو امکان یې د هغه چا پۀ پرتله ډېر زيات دی چې فکر کوي درملنه يې پۀ کومه نوي او خاصه طريقه نۀ ترسره کېږي.
مثبته رويه ممکن د کوم چا د ناروغۍ درملنه ونۀ کړي؛ لکن د فشار پۀ راکمولو او پرځان د باور پۀ پیدا کولو کې يې ختمي مرسته کوي.
¢
نوت #.د داکتر دنوم تغییر می خپل نوم ته د خپل زان تشویق پخاطر وکی چی دی ته self encouragement وایی
الله ج دی موژ هم دلایقه او با احساسه داکترانو له جملی دخلگو د واقعی خدمت مصدر وگرزوی آمین 🤲🏻
