02/02/2026
له ولادت وروسته لومړۍ طلایي دقیقه (Golden One Minute) د ماشوم د حیات لپاره تر ټولو مهمه دقیقه ده. که ماشوم په لومړۍ دقیقه کې ونه ژاړي او نفس وانخلي مغزو ته یې اکسیجن نه رسېږي او د کوچني په مغزو کې دایمي زیانونه رامنځته کیږي چې ممکن کوچنی د ټول عمر لپاره معیوب کړي. همدارنګه که ماشوم تر ۳ دقیقو پورې ژړا او ساه وانخلي آن د مړینې خطر یې هم شته.
له نیکه مرغه په روغتیایي مرکزونو کې روزل شوی روغتیایي کارکوونکي او ضروري وسایل شته چې د نوموړې خطرناکې ستونزې مخه ونیسي او د ماشوم ژوند وژغوري.
له همدې امله هېڅکله امیندواره مور ته په کور کې ولادت مه ورکوئ او روغتیایي مرکز ته یې یوسئ.
