ډاکټر عزیز الرحمن مسلم معالجوي کلینیک

30/11/2025

په نومبر میاشت کې مو د خپلو ناروغانو درملنه په اخلاص، صداقت او مسلکي مسؤلیت ترسره کړه.

نومبر میاشت هم زموږ لپاره د خدمت ډکه میاشت وه.
لکه د تل په څېر، ګڼ شمېر عزیز مراجعین زموږ کلینیک ته د مختلفو داخله ناروغیو له امله راغلي وؤ.

په دې میاشت کې تر ټولو زیاتې لیدل شوې ناروغۍ دا وې:

✅ د تنفسي سیستم ناروغۍ.
✅ د شکر او لوړ فشار ناروغۍ.
✅ د ګردو او مثانۍ مختلفې ستونزې.

موږ په دې ویاړو چې د خپلو خلکو د باور وړ پاتې شوي یو، او هڅه کوؤ چې هر ناروغ ته تر ټولو غوره درملنه وړاندې کړو.

14/11/2025

💙 د شکر ناروغۍ نړيواله ورځ – د نومبر ۱۴مه 💙

د شکر ناروغۍ نړيواله ورځ هر کال د نومبر په ۱۴مه نمانځل کېږي. دا ورځ د انسولین د موندونکي، سر فریډریک بانتینګ د زوکړې په ویاړ ټاکل شوې ده.

د دې ورځې موخه د شکر ناروغۍ په اړه د عامه پوهاوي لوړول، د مخنیوي او درملنې اهمیت څرګندول، او د هغو خلکو ملاتړ کول دي چې له دې ناروغۍ سره ژوند کوي.

⚠️ نښې نښانې:
ډېره تنده، ډېر ادرار، وزن کمېدل، ستړیا، زخمونو ژر نه جوړېدل، او نظر خرابېدل.

ډاکټران وايي چې د متوازنو خوړو، منظم ورزش، او د وینې د شکر د کچې د څارنې له لارې د شکر د رامنځته کېدو خطر کمېدای شي.

د ۲۰۲۵ کال شعار: "پاملرنه د هر انسان حق دی" نو راځئ د خپل ځان او خپلو عزیزانو روغتیا ته پاملرنه وکړو.
د شکر کنټرول د ژوند د ښه والي ضمانت دی.

08/11/2025

29/09/2025

د زړه نړیواله ورځ هر کال د سپټمبر په 29 لمانځل کیږي، دا ورځ د زړه د ناروغیو په اړه د عامه پوهاوي لوړولو او د مخنیوي لپاره د سالم ژوند طرز او طریقو ته وده ورکولو لپاره وقف شوې ده. په دې ورځ په ټوله نړۍ کې بېلا بېل فعاليتونه تر سره کېږي چې خلکو ته د زړه د ناروغيو د نښو، د خطر عوامل او د زړه د ناروغیو د مخنيوي او کنټرول د لارو چارو په اړه پوهه ورکړي.
د امریکا د زړه ټولنې سپارښتنې دا دي چې:
1.یوازې لږ پروسس شوې خواړه وخورﺉ.
2.د کالوریو خوړل د بدني فعالیت سره متوازن کړﺉ.
3.د زیات کړل شوو خواږو کارونه لږه کړﺉ.
4.د میوو او سبزیجاتو بیلابیل ډولونه په خپلو خواړو کې شامل کړئ.
5.سګرټ او تنباکو استعمال څخه ډډه وکړﺉ.
6. د اضافي مالګې خوړلو څخه ډډه وکړئ.

31/08/2025

الحمدلله!
په اګست میاشت کې مو خپلو ګرانقدر مراجعینو ته د اخلاص، صداقت او مسلکي مسؤلیت پر بنسټ غوره روغتیايي خدمتونه وړاندې کړل.

تر ټولو ډېرې ناروغۍ چې مو بریالۍ درملنه کړې:

✅ د معدې او هاضمې ستونزې

✅ لوړ فشار او د شکر ناروغي

✅ د ګردو او مثانې ستونزې

موږ هڅه کوو چې تل خپلو مراجعینو ته د باور وړ، اغېزمن او معیاري خدمتونه وړاندې کړو

16/08/2025

که د پښتورګو، مثانې، شکر، لوړ فشار، معدې او نورو داخله ناروغیو څخه کړیږئ،
نو د ډاکټر عزیزالرحمن مسلم کلینیک ستاسو لپاره غوره او باوري پته ده.
اړیکه:0777905533

31/07/2025

الحمدلله
په جولای میاشت کې موږ وتوانېدو چې خپلو عزیزو ناروغانو ته د پوره اخلاص، صداقت او مسلکي مسؤلیت پر بنسټ درملنه او پاملرنه ترسره کړو.

دا میاشت هم زموږ کلینیک ته، لکه د تل په څېر، ګڼ شمېر مراجعین د مختلفو داخله ناروغیو له امله تشریف راوړی وو.

د مراجعه کوونکو تر ټولو عامې ناروغۍ دا وې:

✅ د معدې دردونه، تیزابیت او سوء هاضمه
✅ د شکر (ډایبېتس) ناروغي
✅ لوړ فشار (بلډ پرېشر)
✅ د ګردو مختلفې ستونزې
✅ د مثانې التهاب، سوزش او انتانات
✅ جنسي ستونزې
✅ او ګڼې نورې داخلي ستونزې

🩺 موږ ویاړو چې ستاسو د باور وړ پاتې شوي یو.

17/05/2025

هر کال د مې ۱۷مه نېټه د نړۍ په ګوټ ګوټ کې د لوړ فشار نړیوالې ورځې په نوم نمانځل کېږي. دا ورځ مونږ ته یادونه کوي چې لوړ فشار (هایپرټنشن) یوه خاموشه، خو خطرناکه ناروغي ده که چیرې ورته پاملرنه ونشي نو د زړه حملې، مغزي سکتې او پښتورګو ستونزو لامل ګرځي.

مخنیوی:
۱: د مالګې کم استعمال.
۲: منظم ورزش.
۳: تازه مېوې او سبزيجات.
۴: د سګرټو پرېښودل.
۵: د ذهني فشار کنټرول.
۶: منظم طبي معاینه.

درملنه: د ژوند د طرز بدلون او د اړتیا په صورت کې د ډاکټر د هدایت مطابق درمل استفاده کړل شي .

07/04/2025

د روغتیا نړیواله ورځ، چې هر کال د اپریل په ۷مه نېټه نمانځل کیږي، یو ځل بیا موږ ته د روغتیا د اهمیت یادونه کوي. زموږ هدف باید دا وي چې د خپلې روغتیا په اړه پام وکړوؤ.
راځئ چې د روغتیا نړیواله ورځ د خپل صحت لپاره یو نوی پیل وګڼو. خپل صحت، ژوند او خوشحالی ته پام وکړوؤ.
ستاسو روغتیا پالنه، زمونږ لومړیتوب دی