Aptek Natavan

27/04/2020

Meteorizm ( köp) - bağırsaqlarda normal halda yaranan qazların, artıq miqdarda əmələ gəlməsidir.
Səbəbi mexaniki və patoloji ola bilər.
Mexaniki səbəblər bunlardır:
– qaz əmələ gətirən və qıcqırmanı artıran qidaların qəbulu
– qida zamanı çoxlu miqdarda maye qəbulu
– qidalar arasında uzun müddətli fasilə və sonradan çoxlu miqdarda qida qəbulu
Patoloji səbəblər mədə bağırsaq sistemində hər hansı bir pozğunluq və ya xəstəlik ( disbakterioz,
mədə- bağırsaq xəstəlikləri, bağırsaq qurdları və parazitləri və s.) müşahidə olunduqda meydana
çıxır.
Bundan başqa mədə və bağırsaqlarda köpün yaranmasının səbəbi sinir sistemindəki problemlərlə
də əlaqəli ola bilər.
Meteorizm( köp) yenidoğulma dövründən başlayaraq müxtəlif yaş qruplarında rast gəlinir.
Köp zamanı diafraqma sıxıldığı üçün qan dövranı və tənəffüslə bağlı ciddi çətinliklər yarana bilər ki,
son zamanlar mövcud karantin dövrü ilə əlaqədar olaraq az hərəkətli izolyasiya şəraitində bu
qaçılmazdır. Müayinə və doğru toplanmış anamnezdən sonra, pasiyentlerə pəhriz və müalicə təyin
etmək məqsədə uyğundur. İstənilən halda köp əleyhinə qazqovucu preparatların qəbulu mütləqdir və
bu siradan olan preparatlardan MilSim tərkibindəki komponentlərin zeytun yağı əsaslı olmasına və
nəticədə preparatın qəbul qaydasının rahatlığına görə məqsədə uyğundur.

16/04/2020

TƏRKİBİ:

Pankreatin- 150 mq; (Lipaza – 6750 TV; Amilaza – 6300 TV; Proteaza – 450 TV)
Pepsin – 10 mq; (1:10000)
Tripsin- 5 mq; (Tripsin – 42.5 TV; Ximotripsin – 300 TV)
Bromelain – 100 mq
Papain – 100 mq

FARMAKOTERAPEVTİK QRUPU: Həzm prosesini yaxşılaşdıran,polienzimpreparat (Immuno-modulyator,fibrinolitik,antiaqreqant,iltihab əleyhinə,ödeməleyhinə,hipolipidemik,adoptogen təsirlər göstərən preparatdır).

FARMAKOLOJİ XÜSUSİYYƏTLƏRİ: SUVASTIN– Heyvan və bitki mənşəli fermentlərdən ibarət kombinə olunmuş preparatdır. Mədəaltı vəzin fermentlərinin çatışmazlığını aradan qaldırmaqla,proteolitik,amilolitik və lipolitik təsirlər göstərir.Tərkibindəki iribuynuzlu heyvanların mədəaltı vəzisindən alınmış pankreatik fermentlər həzmıvə MBT-ninişini yaxşılaşdırır.
Lipaza–Lipaza,qidada olan yağ molekullarını hidroliz edirək,triqliseridlərə – qliserinə və yağ turşularına parçalamaqla, yağların həzm prosesində vacib rol oynayır,energetic mübadilədə, yarım doymamış yağ turşularının və həmçinin yağda həll olan A, D, E, K vitaminlərinin mənimsənilməsində iştirak edir.
Amilaza–qidadakı mürəkkəb karbohidratları, nişastanı sadə karbohidratlara – oliqosaxaridlərə (dekstrinlərə və monosaxaridlərə) qədər parçalayan həzm fermentlərinə aiddir.
Proteaza– zülalların aminturşulara qədər parçalanmasını təmin edir.
Pepsin –zülalların aminturşulara çevrilməsində iştirak edən fermentdir. Pepsin hidrolizdən əvvəl zülalların dezaqreqasiyasını təmin edir və onu asanlaşdırır. Katalizator kimi proteaz və peptidaz təsirlərə malikdir.
Tripsin və Ximotripsin – zülalları və peptidləri parçalayır, həmçinin esteraz (mürəkkəb efirlərin hidrolizi) aktivliyə malikdir. Tripsin və ximotripsin iltihab əleyhinə və ödem əleyhinə təsirlərə malikdir, nekroza çevrilən toxumaları seçici parçalama xüsusiyyətinə malikdir. Yaraların, yanıqların, trombozların müalicəsində digər fermentlərlə və antibiotiklərlə birgəistifadə olunur.Tripsin mədəaltıvəzinin stimullaşdırılmış sekresiyasınıin hibə edərək, analgetik təsir göstərir.
Papain – bitkimənşəli proteolitik fermentdir, papayanın tam yetişməmiş meyvəsinin şirəsindən alınır. Zülalları parçalayır, papainin təsiri həzm prosesində insan orqanizmində sintez olunan pepsin fermentinin təsirinə oxşardır, buna görə onu “bitkimənşəli pepsin” adlandırırlar.Əsas fərqləndirici xüsusiyyəti odurki, zülalları pH-ın genişdiapazonundaparçalamaqxüsusiyyətinəmalikdir, yənipepsindənfərqliolaraq papain təkcə turş mühitdə aktiv deyil, həmçinin neytral və qələvi mühitdə də aktivdir (diapazon pH 3-12, optimum pH 5-8). Buna görə də papaini həm hipoasid, həm də hiperasid vəziyyətlərdə istifadə etmək olar.
Bromelain – bitki mənşəli proteolitik fermentdir, ananas meyvələrindən alınır. Təsiri pepsinə və tripsinə oxşardır,Bromelain əsas həzm fermenti kimi təsir göstərir, zülalları parcalayır və sorulmasına kömək edir, digər fermentlərin işini aktivləşdirir və həzm prosesini yaxşılaşdırır. Bağırsağın funksional aktivliyini artırır, mübadilə məhsullarını və toksiki maddələri orqanizmdən xaricedir. Bromelain həmdə çəkini azaltmaq üçün vasitədir, zülalvəkarbohidratmübadiləsiprosesləriningüclükatalizatorudur. Bromelain yağların tezparçalanmasını təmin edir və onları orqanizmdən xaric edir, yağların və dərialtı piy depolarının yığılmasının qarşısını alır.
SUVASTIN-nin tərkibinə daxil olan fermentlər nazik bağırsağın qələvi mühitində azad olur, çünki onlar mədə şirəsinin təsirindən qorunan kapsullarda qablaşdırılıb. Preparatın maksimal fermentative aktivliyi peroral qəbuldan sonra 30-45 dəq ərzində qeyd olunur.

GÖSTƏRİŞLƏRİ:

Mədəaltı və zinekzokrin funksiyasının çatışmazlığı zamanı yaranan xəstəliklərdə: xroniki pankreatit, mukovissidoz
Mədə və mədəaltı vəzidə aparılan cərrahi əməliyyatlardan sonra
Mədəaltı vəzin xərcəngində,pankreatik və yaxud ümumi öd axarının obstruksiyası (məs: şiş nəticəsində)
Qarın boşluğu orqanlarının rentgenoloji və ultrasəs müayinəsinə hazırlıq dövründə
Ürəyin xroniki işemik xəstəlikləri, arteriya və venaların immunopatoloji iltihabi xəstəlikləri,ətraf arteriyalarının aterosklerozu,arteriyalarınemboliyası,trombozu flebit,tromboflebit,postflebitik sindrom, limfa durğunluğu;
Yuxarı və aşagı tənəffüs yollarının müxtəlif mənşəli kəskin infeksiyaları ,xroniki bronxit, pnevmoniya, plevrit.
Dermatit, akne, iltihabi dəri xəstəlikləri.
Müxtəlif lokalizasiyalı sidik çıxarıcıyol infeksiyaları,kəskin və xroniki tubulointerstisialnefrit
Kişi cinsi orqanlarının infeksion xəstəlikləri,prostatit, orxit, epididimit.
Qadinlardaki çikçanaq orqanlarının müxtəlif mənşəli iltihabi xəstəlikləri: salpingit, ooforit, turboovarialabses.
Sidik-cinsiyyət orqanlarının iltihabi xəstəlikləri: sistit, uretrit, pielonefrit.
Diffuz kistoz mastopatiya;
Müxtəlif mənşəli travmalar
Onkoloji xəstəliklərdə kimya terapiyası zamanı.
Cərrahi praktikada spaykaların (bitişmələr) əridilməsi məqsədilə.
ƏKS GÖSTƏRİŞLƏRİ: Preparatınhərhansı birkomponentinə qarşıfərdihəssaslıq.

HAMİLƏLİK VƏ LAKTASİYA DÖVRÜNDƏ İSTİFADƏSİ: Hamiləlik və laktasiya dövründə Suvastinin istifadəsi mümkündür, lakin hamilə qadınlar həkim məsləhəti ilə preparat ıqəbul etməlidirlər və nəzarətdə olmalıdırlar.

İSTİFADƏ QAYDASI VƏ DOZALANMASI: Mədəaltı vəzin funksiyalarının çatışmazlığının dərəcəsindən asılı olaraq doza seçilir. SUVASTIN 1-4 kapsul (lipazanın 8000-32000 TV-ə uyğun) hər qida qəbulu zamanı yaxud yeməkdən dərhal sonra mayeilə çeynəmədən bütöv halda qəbul olunur. Müalicə kursu bir neçə gündən (səhvpəhriznəticəsində həzmprosesininpozulması zamanı) birneçəayaqədər (uzunmüddət əvəzləyici terapiya zəruriyyəti olduqda) davam edə bilər.

ƏLAVƏ TƏSİRLƏRİ Uzunmüddətli, yüksək dozalarda qəbulu zamanı heç bir əlavə təsir müşahidə edilməmişdir. Nadir hallarda nəcisin konsistensiyasında və iyində dəyişikliklər, dəridə xırda səpgilər baş verir.

XÜSUSİ GÖSTƏRİŞLƏRİ: Mukovissidozdan əziyyət çəkən yüksək dozada pankreatin preparatları qəbul edən pasiyentlərdə bağirsağı nileosekal hissəsində və yoğun bağırsaqda daralmalar (fibrozlaşmış kolonopatiya) müşahidə olunub. Qarınboşluğunda qeyri-adisimptomlar və ya dəyişikliklər qeydə alınarsa, fibrozlaşdırıcı kolonopatiyanı istisna etmək üçün tibbi baxışın keçirilməsi mütləqdir, xüsusən pasiyent 10000 lipaza vahidi/kq dozadan yüksək dozada preparat qəbul edərsə.

BURAXILIŞ FORMASI: SUVASTIN 30 kapsul. Kartonqutuda 10 kapsuldan ibarət 3 blister olmaqla qablaşdırılır.

SAXLANMA QAYDASI: Uşaqların əli çatmayan, quru, qaranlıq yerdə, 25 ºC-dən aşağı temperaturda saxlanılmalıdır.

MƏHSULUN VƏ ƏMTƏƏ NİŞANININ SAHİBİ: “Novator Pharma” LLP, Böyük Britaniya.

İSTEHSAL EDİLİR: “SC Laboratoarele Remedia” SRL, Rumıniya . “NOVATOR PHARMA” UK xüsusi sifarişi ilə.

15/04/2020

Hal-hazırda insanlar arasında qarışıq infeksiyalar tez-tez müşahidə olunur. Məhz bu səbəbdən geniş təsir spektrli antibiotik təyinatı hər bir həkimin əvəzolunmaz seçimidir.
✅Primafloks flüorxinolon qrupundan olan geniş təsir spektrli antibiotikdir
✅Kəskin sinusit;
✅ Xroniki bronxitin kəskinləşməsi;
✅Stasionardankənar pnevmoniya
✅Ginekoloji infeksiyalar
✅Sidikqovucu yolların ağırlaşmış və ağırlaşmamış infeksiyaları;
✅Xroniki bakterial prostatit;
✅Dəri və yumşaq toxumaların;
✅ Qarın boşluğu infeksiyaları;
✅Dozalanma: Preparat daxilə gündə 1 tablet qəbul olunur
Buraxılış Foması: № 7 tablet

13/04/2020

27/11/2016

Keyfiyyətli tibbi avadanlıqlar.

27/11/2016

AYSAFI
Həkimlər və pasiyentlər üçün instruksiya.
Tərkibi: (50 ml üçün )
Təsiredici maddə: Çöl ənginarının(Cynara scolymus ) quru yarpaqlarının sulu ekstraktı 50q
Köməkçi maddələr:
Fruktoza, turşuluq tənzimləyicisi (limon turşusu), konservantlardan (kalium sorbat, natrium benzoat).
Farmakoloji xüsusiyyətləri:
Ənginar ənənəvi həzm və qaraciyər sağlamlığı üçün istifadə bir bitkidir. Preparatın farmakoloji effektinin əsas səbəbi çöl ənginarının yarpaqlarının tərkibinə daxil olan kompleks bioloji aktiv maddələrdir. Sinarin və fenol turşularının birləşməsi nəticəsində ödqovucu, həmçinin hepatoprotektor təsirə malikdir. Askorbin turşusu, karotin, B1 və B2 vitaminləri, inulin mübadilə prosesləri normalizə edir. Həmçinin diuretik təsirə malikdir və sidik cövhərinin xaric edilməsini gücləndirir.
Göstərişlər:
Ödçıxarıcı yolların hipokinetik tipli diskineziyaların, xroniki qeyrikalkulez xolesistitlərin, xroniki hepatitlərin, qaraciyər sirrozun; xroniki nefritlərin, xroniki böyrək çatışmazlığında kompleks müalicəsində preparat istifadə olunur.
Əks göstərişlər:
Preparatın komponentlərinə qarşı yüksək həssaslıq, öddaşı xəstəliyi, öd yollarının keçilməzliyi, qaraciyərin, böyrəklərin, öd və sidikçıxarıcı yolların kəskin xəstəlikləri.
Hamiləlik və laktasiya dövründə istifadəsi:
Hamiləlik və laktasiya dövründə Aysafi istifadəsi ancaq həkim təyinatı ilə mümkündür.
Dozalanma rejimi:
3 yaşa qədər uşaqlara: 8 damla gündə 2 dəfə yeməkdən əvvəl
3-5 yaşlı uşaqlara: 8 damla gündə 3 dəfə, yeməkdən əvvəl
5-12 yaşlı uşaqlara: 10-12 damla gündə 3 dəfə, yeməkdən əvvəl
12 yaşdan böyük uşaqlara və böyüklərə 20-25 damcı gündə 3 dəfə, yeməkdən əvvəl.
Preparatı əvvəlcə az miqdarda suda və ya şirədə durulaşdırıb qəbul edilməsi məsləhət görülür.
Müalicə müddəti-2-3 həftə.
Əlavə təsirləri:
Nadir hallarda allergik reaksiyalar ola bilər, preparat uzun müddət yüksək dozada istifadə edilərsə ishal ola bilər.
Doza həddinin aşılması
Əlavə təsirlərin təzahürləri güclənə bilər.
Digər dərman vasitələri ilə qarşılıqlı təsiri
Təsvir edilməyib.
Buraxılış forması:
50 ml-lik flakon
Yararlılıq müddəti: 3 il
Saxlanma şəraiti: Qaranlıq, sərin və quru yerdə 25` S saxlanılmalıdır.
Uşaqların əli çatmayan yerdə saxlanmalıdır.
Aptekdən buraxılma şərti
Reseptsiz buraxılır.
İstehsalcı:
PLAMECA Avda. Prat de la Riba, s/n: 08780
Pallejà Barcelona* Spain; RSI 26.05726/CAT

26/11/2016

OTRIVIN
Ksilometazolin - Xylometazoline.

Tərkibi:
Təsiredici maddə: 1 ml məhlulun tərkibində 0,5 mq və ya 1 mq Ksilometazolin-hidroxlorid vardır.
Köməkçi maddələr: natrium-hidrofosfat, natrium-dihidrofosfat, natrium-xlorid, natrium EDTA, benzalkonium-xlorid, metilhidroksipropilsellüloza 4000 mPaS, 70%-li sorbitol, təmizlənmiş su.



Təsviri: iysiz, şəffaf, rəngsiz məhlul.



Farmakoterapevtik qrupu: Alfa-adrenomimetik.
ATC kodu: R01AA07.



Farmakoloji xüsusiyyətləri:
Ksilometazolin alfa-adrenomimetik təsirli yerli damar daraldıcı qrupa aid preparatdır.
- burunun selikli qişasındakı damarları daraldaraq, burun-udlaqda yaranmış ödemin və hiperemiyanın qarşısını alır;
- rinitlərdə burun tənəffüsünü yaxşılaşdırır;
- terapevtik dozada, selikli qişanı qıcıqlandırmır, hiperemiya törətmir.
Preparatın təsiri bir-neçə dəqiqədən sonra başlayaraq, bir-neçə saat davam edir.
Farmakokinetikası:
Yerli istifadə olunduqda praktik olaraq qana sorulmur, qana çox cüzi miqdarda daxil olur ki, hətta müasir analitik metodlarla onun qatılığını təyin etmək mümkün olmur.



İstifadəsinə göstərişlər:
- rinit əlamətləri ilə müşayiət olunan kəskin respirator xəstəliklər;
- kəskin allergik rinitlər;
- pollinoz;
- sinusit;
- yevstaxit;
- ortaotit;
- burun keçəcəklərində diaqnostik əməliyyatlardan əvvəl.

Əks göstərişlər:
Preparatın komponentlərinə qarşı hiperhəssaslıq, arterial hipertenziya, taxikardiya, atero-skleroz, qlaukoma, atrofik rinit, hipertrioz, beyin qişalarında aparılan cərrahi əməliyyatlar (anamnezdə). Şəkərli diabetdə ehtiyatla istifadə edilməlidir.



Digər dərman vasitələri ilə qarşılıqlı təsiri:
MAO inhibitorları və trisiklik antidepressantlarla birlikdə istifadə etmək olmaz.



Xüsusi göstərişlər:
Preparatı uzun müddət istifadə etmək olmaz, məsələn, xroniki rinitdə.



Hamiləlik və laktasiya dövründə istifadəsi:
Preparatın istifadəsindən əvvəl onun dölə olan potensial zərəri və anaya olan müsbət təsiri qiymətləndirilməlidir. Məsləhət görülən dozadan artıq istifadə etmək olmaz.



Nəqliyyat vasitələrini və potensial təhlükəli mexanizmləri idarəetmə qabiliyyətinə təsiri:
Ksilometazolin məsləhət görülən dozadan artıq istifadə etdikdə nəqliyyat vasitəsini və potensial təhlükəli mexanizmləri idarəetmə qabiliyyətinə təsir göstərə bilər.



İstifadə qaydası və dozası:
0.05% uşaqlar üçün burun damcısı:
körpə və 6 yaşa qədər uşaqlara: Hər burun keçəcəyinə 1-2 damcı, gündə 1-2 dəfə damızdırılır. Gündə 3 dəfədən artıq istifadə etmək olmaz.
6 yaşdan böyük uşaqlar: Hər burun keçəcəyinə gündə 3-4 dəfə 2-3 damcı.
0.1%-li damcı:
6 yaşdan böyük uşaqlar və böyüklər üçün: Hər burun keçəcəyinə gündə 3-4 dəfə 2-3 damcı damızdırılır.



Əlavə təsirləri:
Tez-tez yaxud uzun müddət istifadə etdikdə, burun-udlağın selikli qişasının qıcıqlanması və yaxud quruması, qıcıqlanma, iynə batma hissi, asqırma, hipersekresiya.
Bəzi hallarda - burunun selikli qişasının ödemi, taxikardiya, aritmiya, arterial təzyiqin artması, başağrısı, qusma, yuxusuzluq, görmənin pozulması, depressiya (uzun müddət, yüksək dozalarda qəbul etdikdə).



Doza həddinin aşılması:
Simptomları: əlavə təsirlərin güclənməsi. Müalicəsi simptomatikdir.



Buraxılış forması: 0,1%-li və 0,05%-li burun damcısı-10 ml plastik flakonlarda. 1 flakon içlik vərəqə ilə birlikdə karton qutuya qablaşdırılır.
Saxlanma şəraiti: 30 °C-dən yüksək olmayan temperaturda, uşaqların əli çatmayan yerdə saxlamaq lazımdır.
Yararlılıq müddəti: 3 il. Yararlılıq müddəti bitdikdən sonra istifadə etmək
olmaz.
Aptekdən buraxılma şərti: Reseptsiz buraxılır.



İstehsalçı: Novartis Consumer Health SA, İsveçrə AZ 905908 -144311 NOVARTIS

26/11/2016

Perekisin yaratdığı möcüzələr.
Perekis orqanizmə daxil olduqda suya və oksigen qazına parçalanır. Əgər düzgün və qaydasında qəbul edilərsə orqanizmə çox faydası dəyir.
Perekisi yeməkdən 2 saat əvvəl qəbul etmək lazımdır. Onu dərman bitkiləri ilə müalicə zamanı qəbul etmək olar. Ancaq kimyəvi dərman müalıcəsi apardıqda perekis içmək olmaz.
Bəs hansı dozada içilməlidir?
Əvvəlcə 50 ml suya 1 damcı tökmək şərti ilə gündə 3 dəfə acqarına, bir neçə gün sonra isə 50 ml suya 10 damcı tökmək şərti ilə qəbul edilir. 10 gün içilir, 3 gün fasilə edilir və sonra yenidən müalicə təkrarlanır. Bu üsulla perekisi bir ömür boyu içmək olar.
Perekislə bu cür müalicə orqanizmi artıq şlaklardan təmizləyir, qaraciyər, böyrəklər, qan və əzələlərin işini yüngülləşdirir.
Perekis daha hansı xəstəliklər zamanı faydalıdır?
1. 15 damcı perekis 1 xörək qaşığı suya qatılır və hər iki burun boşluğuna damızdırılır.
2. Ağrı hissini aradan qaldırmaq üçün pambıq əskini perekisə batırıb ağrıyan nahiyyəyə qoyduqda ağrı azalır. Bu prosedur osteoxondroz zamanı faydalıdır.
3. Angina zamanı az miqdarda perekislə boğazı qarqara etmək, ağız boşluğundakı mikrobları öldürür, xəstəliyin əlamətlərini yüngülləşdirir.
4. Qulaq ağrıları zamanı qulağa 3-5 damcı perekis damızdırmaq ağrıları azaldır.
5. Perekislə diş əti qanaxmalarının və diş saralmalarının qarşısını alır.
6. Soyuqdəymə zamanı hər 2 buruna 2-3 damcı damızdırıldıqda, xəstəliyin əlamətləri azalır.
7. 1 çay qaşığı sodaya bir-neçə damcı limon şirəsi və yarım çay qaşığı perekis əlavə edilib qarışdırılır. Bu qarışımla dişləri yuduqda dişlər ağarır.
8. Diş ağrıları zamanı perekis məhlulu ilə ağrıyan dişi vanna etdikdə ağrı azalır.

26/11/2016

LOROBEN (qarqara üçün məhlul 200 ml)
Tərkibi:
Təsiredici maddələr: 0,12% xlorheksidin qlükonat və 0,15 % benzidamin-hidroxlorid.
Köməkçi maddələr: sorbitol, etanot, mavi patent, hidroxinon, nano və limon essensiyaları.



Farmakoloji xüsusiyyətləri:
Benzidamin qeyri-steroid iltihab əleyhinə və ağrıkəsici maddədir, digər QSİƏP-lardan əsas olduğuna görə fərqlənir; lokal istifadə olunan konsentrasiyalarda yerli anesteziyaedici təsirə malikdir. Eksperimental modellərdə, benzidamin, qeyri-iltihab xarakterli ağrılardan fərqli olaraq, iltihab prosesi ilə əlaqədar olan ağrılarda daha yaxşı təsir göstərir.
Xlorheksidin-qlükonat geniş antimikrob təsirə malik olan bisbiquaniddir. Qarqara etdikdən sonra, xlorheksidin-qlükonat dişlərin səthinə, ağız boşluğunun setikli qişasına və ərpin üzərinə adsorbsiya olunaraq, xlorheksidinin konsentrasiyası ağız suyunda azaldığına görə, 24 saat ərzində azad olunur.
Farmakodinamikası:
Benzidaminin iltihab əleyhinə təsiri hipofiz-adrenal sistemin stimulyasiyası ilə əlaqədar deyil. Benzidamin digər qeyri-steroid iltihab əleyhinə preparatlar kimi, prostaqlandinlərin sintezini tormozlayır, amma təsir mexanizmi sona qədər aydınlaşdırılmamışdır.
Yerli istifadə olunaraq, xlorheksidin, dərhal bakterisid təsir, daha sonra isə uzunmüddətli bakteriostatik təsir göstərir. Xlorheksidin uzunmüddətli səthi təsir göstərir, mikrob hüceyrəsinin membranına absorbsiya olunur, bakteriyaların artmasını ləngidir və sonradan hüceyrə membranlarını zədələyərək məhv edir.
Farmakokinetikası:
Benzidamin iltihablı selikli qişaya absorbsiya olunaraq, iltihab əleyhinə və yerli anesteziya edici təsir göstərir. Qarqara etdikdən sonra, ağız boşluğunda 30% xlorheksidin saxlanılır və 24 saat ərzində yavaş-yavaş ağız suyuna azad olunur. Qarqara etdikdən sonra, xlorheksidin-qlükonat, qanda təyin oluna biləcək konsentrasiyada aşkar olunmur, çünki mədə-bağırsaq sistemindən p*s sorulur.



İstifadəsinə göstərişlər:
Ağız boşluğunda və boğazda olan ağrılı vəziyyəti müvəqqəti olaraq aradan götürür (məs., angina, faringit, tonzillit, aftoz stomatit, qlossit), ağız boşluğunda və boğazda aparılan əməliyyatlardan sonra. Kimyəvi terapiya, radioterapiya və başqa əməliyyatlar (məs., traxeyanın intubasiyası) nəticəsində ağız boşluğunda baş verən xəstəliklərin müalicəsində.
Ağızda selikli qişanın iltihabı zamanı, fəsadlarda, paradontun xəstəlikləri zamanı.
Gingivitin müalicə və profilaktikası.
Diş ərpinin azaldılması məqsədi ilə.
Ağız boşluğunun gigiyenası məqsədi ilə.



Əks göstərişlər:
Benzidaminə və onun törəmələrinə qarşı yüksək həssaslıq.



Xüsusi göstərişlər:

Yalnız xaricə istifadə üçün nəzərdə tutulmuşdur.
Yalnız ağız boşluğu üçün istifadə etmək lazımdır.
Udmaq olmaz.
Ağız boşluğunda, əsasən dişlərdə geriyə dönən ləkələr əmələ gətirə bilər.
Benzidamin və onun törəmələri sidiklə xaric olduğuna görə, ağır böyrək zədələnmələri ilə müşayiət olunan xəstələrdə, ümumi təsir ehtimalını nəzərə almaq lazımdır.
Benzidamin və onun törəmələri qaraciyərdə metabolizmə uğradığı üçün, ağır qaraciyər zədələnmələri ilə müşayiət olunan xəstələrdə ümumi təsir ehtimalını nəzərə almaq lazımdır.
Loroben oral sprey 6 yaşından aşağı uşaqlara, kliniki istifadə təcrübəsi az olduğuna görə tövsiyə olunmur.

Digər dərman vasitələri ilə qarşılıqlı təsiri:
Xlorheksidin duzları, sabun və anion birləşmələri ilə uyuşmazdır.
Xlorheksidin duzları, kation və ionlaşmamiş səthi substansiyalar ilə uyuşa bilər, halbuki yüksək konsentrasiyalarda, birgə istifadədə xlorheksidinin miseliylə bağlanmasına görə, aktivliyi azalır.
Setrimid və NX lissapol kimi, səthi aktiv maddələr preparatın həll olunmasını artıra bilər.
Anion polielektrolitləri ilə: natrium-alginat, natrium karboksil metil sellüloza, ərəbistan kitrəsi, nişasta İlə uyuşmazdır; eyni zamanda istifadəsi effektivliyi azaldır.
Brilyant yaşıl, xloramfenikol, natrium-flüoressin, formaldehid, gümüş-nitrat, sink-sulfat, mis-sulfatilə uyuşmazdır.
Cod suda həllolunma zamanı kalsium və maqnezium kationları ilə qarşılıqlı təsiri nəticəsində, həll olunmayan duzlar şəklində çöküntü əmələ gətirə bilər.
Əgər benzoatlarla, bikarbonatlarla, karbonatlarla, boratlarla, nitratlarla, fosfatlarla, sulfatlarta birləşməsi nəticəsində xlorheksidin duzlarının konsentrasiyası 0,05%-dən çox olarsa. zəif həll olan duzlar şəklində çöküntü əmələ gəlir. Setrimid belə duzların həll olmasını artırdığı üçün, çöküntülərin əmələ gəlməsinin qarşısını alır.
Xlorheksidin-qlükonatla setrimidin və benzalkonium-xloridin eyni zamanda istifadəsi bakterisid təsirin aktivliyini sinergik yolla artırmış olur. Setrimid xlorheksidinin cod suda çökməsini azaldır.
Xlorheksidin və onun duzları, xlorheksidin-qlükonatdan başqa, su ilə müqaisədə spirtdə daha yaxşı həll olunar. Xlorheksidin-qlükonat məhluluna spirt qatıldıqda çöküntü verir. 7% spirtin olması məhlulun qrammənfi mikroorqanizmlərə qarşı effektivliyini artırır, sellüloza filtrdən süzülə bildiyi üçün absorbsiya oluna bilər.
Benzidaminlə dərmanların qarşılıqlı təsiri barədə məlumat yoxdur.



Hamiləlik və laktasiya dövründə istifadəsi:
Hamiləlik (kateqoriya B)
Xlorheksidin-qlükonatın reproduktivliyə və hamiləliyə təsiri barədə tədqiqatlar aparılıb.
Siçovullar üzərində aparılmış tədqiqatlarda, xlorheksidin-qlükonatın mayalanma
qabiliyyətinə zərərli təsiri təsdiqlənməmişdir, həmçinin dovşanlar və siçovullar üzərində aparılmış tədqiqatlar onun dölə zərərli təsirini da təsdiqləməmişdir. Xlorheksidin-qlükonatın hamilə qadınlara təsiri barəsində nəzarət olunan müayinələr aparılmayıb, həmçinin hamilə qadınlara və heyvanlara benzidaminin təsiri barəsində de tədqiqatlar aparılmayıb.
Hamilə qadınlar üzərində xlorheksidinin təsiri barədə nəzarət olunan müayinələr
aparılmayıb və adekvat müayinələr heyvanlar üzərində də aparılmayıb.
Beləliklə, bu preparatların hamiləlik dövründə istifadəsi əks göstərişdir.
Laktasiya dövrü:
Laktasiya dövründə istifadəsi barədə adekvat tədqiqatlar aparılmayıb; ona görə də istifadəsi əks göstərişdir.



İstifadə qaydası və dozası:
Məhlulu udmaq olmaz. Istifadədən sonra məhlulu ağızdan xaric etmək lazımdır.
Böyüklər: 15 ml məhlulu 30 saniyədən az olmayaraq ağızda saxlamaq lazımdır. Proseduru hər 1,5-3 saatdan bir təkrar etmək lazımdır.
Lorobenin tərkibindəki xlorheksidin ağızda olan ərpin və gingivitin azalmasına səbəb olur.
Əgər Loroben məhlulu ağız boşluğunun gigiyenası üçün istifadə olunursa, onda 1 dəqiqədən az olmayaraq qarqara etmək lazımdır. Xlorheksidinin əmələ gətirdiyi
ləkələrin qarşısını almaq məqsədi ilə, preparatın istifadəsindən əvvəl dişləri fırçalamaq lazımdır.
Uşaqlar(6-12 yaş):
5-15 ml məhlul ilə hər 1,5-3 saatdan bir 30 saniyə ərzində qarqara etmək lazımdır.
7 gündən artıq istifadə etmək olmaz. Əgər göynəmə və sancma hissi əmələ gələrsə, məhlulu su ilə durulaşdırmaq lazımdır.
6 yaşdan aşağı uşaqlarda istifadə etmək məsləhət deyil.



Əlavə təsirləri:
Loroben qarqara üçün məhlul orqanizm tərəfindən yaxşı qəbul edilir və çox az əlavə təsirlərə malikdir.

Aşağıdakı əlavə təsirlər benzidaminin məhlul formasının istifadəsi nəticəsində baş verə bilər:

Yerli əlavə təsirlər:
Müalicə zamanı ən çox təsadüf olunan: ağız boşluğunda keyləşmə (2,6%), sancma və
göynəmə (1,4%).
Az təsadüf olunan: quruluq və susuzluq (0,2%), sancma (0,2%), ağız boşluğunda istilik hissi və dadın dəyişməsi(0,1%).

Ümumi əlavə təsirlər: onlar az təsadüf olunur və ciddi xarakter daştmır.
Bunlar əsasən, ürəkbulanma, qusma, mədə-bağırsaq pozulmaları (0,4%), başgicəllənmələr (0,1%), baş ağrıları və yuxuya meyllik (0,1%).

Xlorheksidin-qlükonatın törətdiyi əlavə təsirlər:
- Ağız boşluğu və dişlərdə zərərsiz ləkələr əmələ gətirə bilər, qarşısını almaq məqsədi ilə dişləri preparatın istifadəsindən əvvəl fırçalamaq məsləhət görülür.
- Diş daşlarının əmələ gəlməsinə səbəb ola bilər.
- Dadın dəyişməsinə səbəb ola bilər.
Klinik təcrübələr nəticəsində aparılan tədqiqatlarda preparatın istifadəsi zamanı ciddi xoşagəlməz effektlər aşkar olunmayıb.



Doza həddinin aşılması:
Benzidaminin spesifik antidotu yoxdur, artıq doza udularsa, simptomatik müalicə təyin olunur.



Buraxılış forması: Qarqara üçün 200 ml məhlul, şüşə flakonlarda. 1 flakon içlik vərəqə ilə birlikdə karton qutuya qablaşdırılır.
Saxlanma şərtləri: Otaq temperaturunda, qaranlıq və uşaqların əli çatmayan yerdə saxlanmalıdır.
Yararlılıq müddəti: Yararlılıq müddəti qablaşdırıldığı qutunun üzərində qeyd olunmuşdur. Yararlılıq müddəti bitdikdən sonra istifadə etmək olmaz.
Aptekdən buraxılma şərti: Reseptsiz buraxılır.



Istehsalçı: Droqsan İlaçları San. və Tic. A.Ş. 06760, Çubuk, Ankara. Türkiye.



AR SN Fərmakolojİ və Farmakopeya Ekspert Şurasında təsdiqlənmə tarixt: 23 iyul 2009-cu il

26/11/2016

Tərkibi:
Təsiredici maddə: hər kapsulda 150 mq Flukonazol vardır.
Köməkçi maddələr: titan 4-oksid, eritrosin.



Farmakoloji xüsusiyyətləri:
Farmakodinamikası:
Flukonazol bis-triazol propanolun derivatı olub, səthi və sistem göbələk infeksiyalarının müalicəsində istifadə olunan antifunqal preparatdır. Flukonazol göbələklərin hüceyrə membranındakı böyümə üçün vacıb olan erqosterolun sintezini tormozlayır. Candıda spp., Cryptococcus, Microsporum spp., Trichofiton spp., Blastomyces,Coccidıodes və Histoplazma tərəfindən törədilən göbələk infeksiyalarında effektlidir.
Farmakokinetikası:
Daxilə qəbul zamanı yaxşı sorulur, biomənimsənilməsi 90% -dan yuxarıdır. Sorulması qida qəbulundan asılı deyil. 0,5-1,5 saat ərzində plazmada ən yüksək konsentrasiyada toplanır və T 1/2 yarımparçalanma dövrü 30 saatdır.
Flukonazolun bədən mayelərinə nüfuz etməsi yüksəkdir. Zülallarla az miqdarda birləşir (12%). Orqanizmdən təqribən 80 %- i böyrək vasitəsi ilə dəyişilməmiş halda xariç olunur.



İstifadəsinə göstərişlər:
• Genıtal kandidoz
• Vaginal kandidoz (kəskin və ya residivləşən)
• Vaginal kandidozun residivlərinin baş vermə tezliyinin profilaktikası (ildə üç və daha çox rast gəlinən)
• Deri mikozları (ayaq, bədən mikozları daxil olmaqla), onixomikoz (tinea pedis, tinea corporis, tinea cruris, tinea unguium)
• Zəıfləmiş immun sistemi olan xəstələrdə göbelək infeksiyalarının profilaktikası
• Generalizə olunmuş kandidoz (kandidemiya, periton, göz, endokard, tənəffüs və sidik yollarının kandidozu daxil olmaqla)
• Selikli qişaların kandidozu, ağız boşluğunun, udlağın, qida borusunun kandidozu, kandiduriya, dəri-selikli qişa və xroniki oral atrofik kandidoz (diş protezlərindən istifadə zamanı)
• Bədxassəli şiş olan xəstələrdə sitotoksik kimya terapiya və şua terapiyasından sonra göbələk infeksiyalarının profilaktikası
• Kriptokokkoz (kriptokokk meningit,ağ ciyər kriptokokkozu, dəri kriptokokkozu)



Əks göstərişləri:
Preparata və oxşar azol törəmələri preparatlarına qarşı yüksək həssaslıq.



Xüsusi göstərişlər:
Flukonazolun hamilələrdə istifadəsi barədə az məlumat olduğu üçün, təhlükəsizlik dərəcəsi bu tıp xəstələrdə müəyyən edılməyib. Hamiləlik dövründə eks göstərişdir. Laktasıya dövründə preparatın istifadəsi məsləhət görülmür, belə ki, flukonazolun südlə sekresiya olunub olunmadığı təsdiqlənməyib.
Uşaqlar: 16 yaşından aşağı uşaqlarda ancaq zərurət olduqda təyin olunur. 1 yaşdan aşağı olan uşaqlara təyln olunmur.



Digər dərman vasitələri ilə qarşılıqlı təsiri:

Tədqiqatlar zamanı müəyyən olunub ki, flukonazol varfarin qəbul edən sağlam şəxslərdə protrombin zamanını artırmışdır. Kumarin antikoaqulyantları alan xəstələr flukonazol qəbul etdikdə protrombin vaxtını nəzarət altında saxlamaq məsləhətdir. Könüllü sağlam insanlarda flukonazol hipoqlikemik sulfönilkarbamid törəmələri (xlorpramid, qlıbenklamid, qlipizid, tolbutamid) olan preparatlarla eyni zaman islifadə etdikdə, bu preparatların yarımparçalanma dövrünü uzadır. Hipoqlikemik preparatlarla flukonazol eyni zamanda qəbul oluna bilər, lakin hipoqlikemiyanın əmələ gəlmə ehtimalı nəzarət altında olmalıdır. Kinetik tədqiqat zamanı flukonazol İlə birlikdə təkrarlayan dozalarda hidroxlortiazid qəbul edən sağlam könüllülərdə, flukonazolun plazma səviyyəsi 40% arasında artmışdır. Bu dərəcədə qarşılıqlı təsir birgə diuretik istifadə eden xəstələrda flukonazolun doza rejimində dəyişiklik edilməsi həkim ilə danışılmalıdır. Flukonazolun fenitoinlə birgə istifadesi, fenitoinin səviyyəsini artırır. Əgər bu iki preparatın birgə istifadəsi vacibdirsə, fenitoinin səviyyəsı nəzarət altında olmalıdır. Flukonazolla rifamp*sinin eyni zaman qəbulu flukonazolun yarımparçalanma vaxtını 20% və flukonazolun əyri altında (AUC) 25% azaldır. Rifamp*sin alan xəstələrdə flukonazol dozasının artımını nezərdə saxlamaq lazımdır. Flukonazol ile birgə rifabutin qəbul edildikdə rifabutinin plazma konsentrasiyasının artması və xəstələrdə uveit qeyd olunmuşdur. Flukonazol ilə rifabutin qəbul edən xəstələr diqqətlə nəzarət altında olmalıdırlar. Flukonazol və takrolimusun birgə qəbulu zamanı takrolimusun plazma konsentrasiyası artır. Xəstələrdə nefrotoksiklik qeyd olunmuşdur. Flukonazol ilə birgə zidovudinin istıfadəsi, zidovudinin əyri altında (AUC) dəyəri 74% artmışdır. Bu kombinasiyanı qəbul edən şəxslərdə, zidovudinlə əlaqəli əlavə təsirlərin baş vermə riski nəzərə alınmalıdır. Gündə 200mq flukonazol ilə birgə etinil estradiol və levonorgestrel əyri altında qalan (AUC) müvafik olaraq 40% və 24% artarkən; 50 mq flukonazol ilə hər iki hormonun səviyyələri dəyişməmişdir. Bu dozalarda, təkrarlayan dozalarla flukonazolun istifadəsi oral kontraseptıvlərin effektini dəyişmir. Böyrək transplantasiyası keçirilmiş xəstələrdə, aparılan kinetik tədqiqatda,200mq/gun dozada flukonazolun istifadəsı siklosporinin səviyyələrini artırdığı təsdiqlənmişdir. Bununla bərabər, digər tədqiqatda sümük iliyinin transplantasiyası keçirilmiş xəstələrdə 100mq/gün dozada flukonazolun istifadəsi siklosporinin səviyyələrini dəyişməmişdir. Flukonazol qəbul edən şəxslərdə siklosporinin plazma səviyyələri nəzarət altında olmalıdır. Başqa tədqiqatda da eynı vaxtda qida, simetidin, antasidlərin qəbulu flukonazolun yarımparçalanma vaxtının azalmasına səbəb olmadıqları göstərilmişdir. Plasebo ilə müqayisə edilən tədqiqatda flukonazolun 200mq 14 gün davamlı qəbul olunması teofilinin plazmadakı orta klirens sürətini 18% azaldır. Beləliklə, flukonazolun teofilin ilə eyni zamanda qəbul edilməsi nəzarət altında olmalıdır, artıq dozalanma baş verdikdə terapiyanı uyğun istiqamətdə dəyismək məşləhətdir.
QT intervalının uzadılması nəticəsində ortaya çıxan ciddi ürək aritmiyalar səbəbindən flukonazol 400mq və ya artıq dozada istifadəsi əks göstərişdir.Gündə 400mq-dan az dozada flukonazol ilə birgə terfenadin preparatlarını qəbul edən xəstələr nəzarət altında olmalıdır.



Istifadə qaydası və dozası:
• Vaginal kandidozda Flunol gündə bir dəfə 150mq dozada qəbul edilir. Vaginal kandidozun residivlərinin qarşısını almaq üçün preparat ayda 1 dəfə 150mq dozada istifadə olunur. Müalıcənin müddəti fərdi olaraq müəyyən olunur 4 aydan 12 aya qədər. Bəzi xəstələrdə daha uzun müddətli istifadə mümkündür.
• Kandida ilə törədilən balanitlərdə - bir dəfə 150 mq təyin olunur.
• Orofaringeal kandidoz: 7-14 gün ərzində gündə 1 dəfə 50 mq (1 ədəd 50 mq-lıq kapsul). Immun sistemin ciddi pozulmalarında müalicə kursu uzadıla bilər.
• Oral atrofik kandidozda (protezdən istifadə zamanı): yerli antiseptiklərin istifadəsi ilə eyni vaxtda Flunol 14 gun müddətində gündə bir dəfə 50 mq qəbul etmək lazımdır.
• Ezofagit, qeyri-invaziv bronx-ağciyər infeksiyaları, kandiduriya, dəri və selikli qişanın kandidozu zamanı: 50 mq sutkada 1 dəfə. 14-30 gün davamlı qəbul etmək məsləhətdir. Nadir hallarda dozanı 100mq-a qədər artırmaq olar.
• Tinea pedis, tinea corporis, tinea versicolor və digər dəri kandidoz infekşiyalarında: 50 mq sutkada bir dəfə, 2-4 həftə davamlı. Tinea pedis zamanı müalicə kursu 6 həftəyə qədər uzadıla bilər,amma 6 həftədən çox olmamalıdır.
• Onixomikozlarda məsləhət olunan doza həftədə 150 mq-dır. Müalicə sağlam dırnaq çıxana qədər davam etdirilməlidir. Təkrar olaraq əl və ayaq dırnaqların böyüməsi üçün 3-6 və 6-12 ay tələb olunur.
• Kandidemiya Generalizə olunmuş kandidoz və digər invaziv kandida infeksiyaları zamanı: müalicənin birinci sutkasında 400 mq qədər artırıla bilər. Müalicə müddəti kliniki effektdən asılıdır.
• Kriptokokkoz infeksiyalarda müalicənin birinci günləri 400mq, sonrakı günlər -200-400mq sutkada 1 dəfə təyin olunur. Müalıcənin müddəti alınan kliniki nəticədən asılıdır, meningit kriptokokkozun müalicəsi 6-8 həftədən az olmamalıdır.
• Bədxassəli şiş olan xəstələrdə sitotoksik kimyaterapiya və radioterapiya aldıqdan sonra göbələk infeksiyaların profilaktikası məqsədilə 50-400mq gündə 1 dəfə, Yüksək neytropeniya riski olan xəstələrdə gündəlik doza 400 mq təşkil edir.
• Antibakterial terapiyadan sonra və immunitetin zəifləməsi nəticəsində yaranan göbelək infeksiyaları zamanı profilaktik olaraq Flunol həftədə 1 dəfə təyin olunur.



Uşaqlarda istifadəsi:
1 yaşdan yuxarı olan uşaqlara, böyrək fünksiyası normal olduqda asağıdakı dozalanma tövsiyə olunur: Səthi kandidoz infeksiyalarda - 1-2 mq/kq və sistem kandidoz infeksiyalarda və hətta kriptokokkoz hallarında 3-6 mq/kq sutkada 1 dəfə. Uşaqlarda gündəlik doza 400 mq artıq olmamalıdır. Böyrək funksiyası pozulmuş uşaqlarda, pozulmanın dərəcəsindən asılı olaraq, sutkalıq dozanı azaltmaq məsləhətdir.
Böyrək funksiyasının pozulması zamanı dozalanma: flukonazol sidiklə dəyışilməmiş formada xaric olunur. Preparatın bir dəfəlik istifadəsi doza korreksiyası tələb etmir. Tekrar qəbul zamanı: müalicənin birinci günləri preparat adi dozada təyin olunur, sonrakı günlər kreatinin klirensindən asılı olaraq təyin olunmus dozanı azaltmaq lazımdır.
Kreatinin klirens ml/dəq Interval-sutkalıq doza
>4O 24saat(normal doza)
21-40 48 saat və yaxud dozanın yarısı
10-20 72 saat və yaxud gündəlik dozanın 1/3

Homodializda olan xəstələlər hissəsi hər seansdan sonra 1 doza.



Əlavə təsirləri:
Ürəkbulanma, qusma, abdominal diskomfort, diareya, meteorizm. Nadir hallarda dəri səpgiləri müşahidə olunur.



Doza həddinin aşılması:
Simptomatik müalicə (mədənin yuyulması və dəstəkləyici müalicə) aparılmalıdır. Flukonazol əsasən sidiklə xaric olur, sürətləndirilmiş diurez preparatın xaric olmasını sürətləndirir. 3 saat davam edən hemodializ seansı flukonazolun səviyyəsinin plazmada 50% azalmasına səbəb ola bilər.



Buraxılıs forması: Flunol 150 mq 1 və ya 2 kapsul, blisterda. 1 blister (1 və ya 2 kapsul) içlik vərəqə ilə birlikdə karton qutuya qablaşdırılır.
Digər buraxılış formaları: 50 mq-lıq 7 kapsul içlik vərəqə ilə birlikdə karton qutuda.

Saxlanma şəraiti: 25C aşağı olan temperaturda, orijinal qutuda, uşaqların əli çatmayan yerdə saxlanmalıdır.

Yararlılıq müddəti: 4 il. Yararlılıq müddəti bitdikdən sonra istifadə etmək olmaz.

Aptekdən buraxılış forması: Resept əsasında buraxılır.



Qeydiyyat sahibi: NOBEL İLAÇ SANAYİ VE TİCARET A.Ş. İstanbul Türkiye

İstehsalçı: NOBELFARMA İLAÇ SANAYİ VE TİCARET A.Ş. Düzcə Türkiye