Ağciyər Xəstəlikləri Mərkəzi

30/09/2025

Ağciyər Xəstəlikləri Mərkəzində işə qəbul prosesi keçirilib.

Ağciyər Xəstəlikləri Mərkəzinin Abşeron və Zaqatala regional xəstəxanalarında həkim və orta tibb işçisi vəzifələri üzrə vakant yerlərə işə qəbul prosesilə bağlı müsahibə keçirilib.

Müsahibə prosesi Nazirlər Kabinetinin 18 iyul 2024-cü il tarixli,
344 nömrəli qərarına uyğun şəkildə həyata keçirilib.

Müsahibə Ağciyər Xəstəlikləri Mərkəzinin direktorunun müalicə işləri üzrə müavini İftixar Qurbanov, İnsan resursları şöbəsinin müdiri Ruslan Zamanov, şöbənin aparıcı mütəxəssisi Vəfa İsmayılova, Abşeron Regional Xəstəxanasının baş həkimi Aygün Xəlilova və Zaqatala Regional Xəstəxanasının baş həkimi Sərxan Musayevin iştirakı ilə baş tutub.

27/09/2025

27 Sentyabr - Anım Günü xalqımızın yaddaşında qəhrəmanlıq, vətənpərvərlik və qürur günü kimi əbədi qalacaq.

Vətən uğrunda canından keçən qəhrəman şəhidlərimizi dərin ehtiramla yad edirik.



Şəhidlər Ölməz!
Vətən Var Olsun!
Qəhrəmanlar unudulmur!
Sənə can qurban, Azərbaycan!
Şəhidlərimizi ehtiramla anırıq!

27/09/2025

27/09/2025

25/09/2025

25 Sentyabr Dünya Ağciyər Günü
TƏBİB-in tabeliyində fəaliyyət göstərən Ağciyər Xəstəlikləri Mərkəzi ölkəmizdə vərəm və digər ağciyər xəstəliklərinin qarşısının alınması, cəmiyyətin sağlamlıq keyfiyyətini yüksəldilməsi və maarifləndirmə işlərinin gücləndirilməsinə xüsusi diqqət ayırır.

Mərkəzin fəaliyyətinin əsas məqsədi tibbi xidmətlərin keyfiyyətinin artırılması, xəstəliklərin erkən aşkarlanması və müasir metodlarla effektiv müalicənin təmin edilməsidir.

24/09/2025

Yevlax Regional Xəstəxanasında “Dərmanların düzgün paylanılması və nəzarəti” mövzusunda təlim keçirilib

Ağciyər Xəstəlikləri Mərkəzinin Yevlax Regional Xəstəxanasının tibb bacıları təlimə cəlb olunub.

Tibb müəssisəsinin 24 nəfər tibb bacısının iştirak etdiyi təlim xəstəxanasının baş həkimi Mirrəhim Nəbiyevin iştirakı,Qobustan Regional Xəstəxanasının baş tibb qardaşı Əzəl Abdulovun moderatorluğunda baş tutub.

Ə.Abdulov vərəm xəstəliyinin əsas xüsusiyyətləri, mövcud müalicə protokolları, dərmanların çəkiyə uyğun dozalanması və digər vacib məqamlar barədə ətraflı məlumat verib.

Təlimin sonunda iştirakçıların sualları cavablandırılıb.

23/09/2025

Suraxanı Rayon İcra Hakimiyyətinin başçısı Adil Əliyev və müavinləri müasir tələblərə uyğun yenidən təşkil edilərək istifadəyə verilən TƏBİB-in tabeliyində fəaliyyət göstərən Ağciyər Xəstəlikləri Mərkəzinin nəzdindəki Doğum Evinin fəaliyyəti ilə tanış olublar.

Rayon İcra Hakimiyyətinin başçısına Doğum Evinin fəaliyyəti haqqında məlumat verən Ağciyər Xəstəlikləri Mərkəzinin direktoru Nəhmət Rəhmanov bildirib ki, tibb müəssisəsi keyfiyyətli və ixtisaslı tibbi xidmətlərin göstərilməsi üçün bütün lazımi tibbi avadanlıqlarla tam təchiz edilib, həmçinin Doğum Evi tənəffüs orqanları xəstəliklərindən əziyyət çəkən hamilələrin diaqnostikası, müalicəsi və doğuşu üçün bütün zəruri şəraitlə təmin olunub.

22/09/2025

Pnevmoniya ağciyər toxumasının iltihabi xəstəliyidir. Pnevmoniya bakterial, virus və göbələk mənşəli infeksiyalardan, həmçinin müxtəlif kimyəvi maddələrin təsirindən yarana bilər.

İmmun sistemi zəif olan şəxslərdə, məsələn, onkoloji xəstələrdə, şəkərli diabet, ağır böyrək çatışmazlığı, QİÇS, bronxial astma xəstələrində və yaşlı insanlarda pnevmoniyanın gedişi daha ağır olur.

İnfeksion mənşəli pnevmoniya hava-damcı yolu ilə, həmçinin xəstənin təmas etdiyi əşyalar vasitəsilə yayılır. Əlamətlərinə öskürək, bədən hərarətinin yüksəlməsi, titrətmə, təngnəfəslik, döş qəfəsində ağrı və ümumi halsızlıq daxildir.

Pnevmoniya hər yaşda rast gəlinə bilər, lakin 2 yaşdan kiçik uşaqlarda və 65 yaşdan yuxarı şəxslərdə xüsusilə təhlükəlidir. Uşaqlarda yüksək hərarət və kəskin tənəffüs çatışmazlığı onun ağır fəsadlarından hesab olunur.

Xəstəliyin diaqnostikasında döş qəfəsinin rentgenoloji müayinəsi əsas yer tutur. Müalicə prosesi xəstəliyin ağırlıq dərəcəsinə uyğun olaraq ev və ya xəstəxana şəraitində həyata keçirilməlidir. Sağalma müddəti pnevmoniyanın ağırlığından asılı olaraq bir neçə həftədən bir neçə aya qədər davam edə bilər.

Sağlam həyat tərzi, düzgün qidalanma, müntəzəm fiziki fəallıq və təmiz havada gəzinti də xəstəliyin profilaktikasında mühüm rol oynayır.

17/09/2025

16/09/2025

“Ağciyər Xəstəlikləri Mərkəzi” PHŞ tərəfindən işə qəbul müsahibəsi keçirilib.

“Ağciyər Xəstəlikləri Mərkəzi” PHŞ tərəfindən Quba regional xəstəxanasında və Şəmkir regional xəstəxanasında həkim və orta tibb işçisi vəzifələri üzrə vakant yerlərə işə qəbul məqsədilə müsahibə təşkil olunub.

Müsahibə prosesi Nazirlər Kabinetinin 18 iyul 2024-cü il tarixli, 344 nömrəli qərarına uyğun şəkildə həyata keçirilib.

Müsahibədə “Ağciyər Xəstəlikləri Mərkəzi” PHŞ-nin müalicə işləri üzrə direktor müavini İftixar Qurbanov, İnsan resursları şöbəsinin aparıcı mütəxəssisi Vəfa İsmayılova, Quba regional xəstəxanasının baş həkimi İlhamə Həsənova və Şəmkir regional xəstəxanasının baş həkim vəzifəsini müvəqqəti icra edən, ambulator şöbənin müdiri Samirə Kazımova iştirak edib.

Kollektivimizə yeni qoşulan bütün tibb işçilərinə fəaliyyətlərində uğurlar arzulayırıq!

15/09/2025

Yeni tədris ilində hər kəsə uğurlar arzulayırıq.

Bilik Gününüz mübarək!