03/03/2026
حاجات مهمة في الصلاة خد بالك منها:
- ابدأ بدعاء الاستفتاح
ما تدخلش في الفاتحة على طول بعد التكبير، من السنة تقول دعاء الاستفتاح زي:
“سبحانك اللهم وبحمدك، وتبارك اسمك، وتعالى جدُّك، ولا إله غيرك.”
- الفاتحة ركن في كل ركعة
كل ركعة لازم فيها سورة الفاتحة، أما السورة اللي بعدها فبتكون في أول ركعتين بس، والباقي فاتحة فقط.
- تبص فين وإنت بتصلي؟
وأنت واقف: عينك على مكان السجود.
وأنت راكع: بص قدامك.
وأنت في التشهد: بص على صباعك.
- لو ست بتصلي إمام لستات
تقف في النص بينهم، مش قدامهم زي إمامة الرجالة.
- بعد “سمع الله لمن حمده” تقول إيه؟
أفضل صيغة:
“ربنا ولك الحمد حمدًا كثيرًا طيبًا مباركًا فيه.”
- ما تقومش تجري بعد السلام
اقعد شوية واذكر ربنا، الملائكة بتدعي لك طول ما أنت قاعد.
اقرأ آية الكرسي والأذكار.
- بين السجدتين قول إيه؟
ممكن تقول: “رب اغفر لي” ثلاث مرات،
أو: “رب اغفر لي وارحمني واهدني وارزقني.”
- سجود السهو بيتعمل إزاي؟
لو شاكك إنك نقصت حاجة: اسجد قبل السلام.
لو شاكك إنك زودت حاجة: سلّم، وبعدها اسجد، وبعدين سلّم تاني.
- رفع الإيدين له 4 مواضع:
مع تكبيرة الإحرام.
قبل الركوع.
وأنت طالع من الركوع مع “سمع الله لمن حمده”.
بعد التشهد الأوسط وأنت داخل على الركعة الثالثة
خليه على صفحتك يمكن حد يستفيد بسببك فيكتب لك مثل أجره💚
