Relationship Coaching with Mariam Adly

19/03/2026

الطفل لما يتعرض لعقاب فيه عنف (ضرب، إهانة، تخويف)، اللي بيحصل مش إنه “يتعلم الصح”، لكن:

1. المخ بيدخل في وضع تهديد مش تعلم
في اللحظة دي الجهاز العصبي بيشتغل على النجاة (Fight / Flight)، فـ:
•التفكير المنطقي بيقف
•الاستيعاب بيضعف جدًا
•مش بيقدر يربط بين “أنا عملت إيه” و“العقاب ده ليه”

2. اللي بيثبت في الذاكرة هو الألم مش السلوك
الطفل غالبًا بيفتكر:
•الإحساس بالخوف
•الإهانة
•رد فعل الأب/الأم

لكن مش بيفتكر القاعدة أو الغلط نفسه.

3. بيتكوّن جواه معاني خطيرة عن نفسه والعالم
زي:
.“أنا وحش” بدل “أنا عملت حاجة غلط”
•“اللي بيحبني ممكن يأذيني”
•“القوة = سيطرة وعنف”

4. الأثر بيكمل معاه وهو كبير
وده ممكن يظهر في:
•حساسية مفرطة أو دفاعية
•صعوبة في الثقة
•غضب مكبوت أو عدوانية
•أو خضوع زائد وخوف من المواجهة

5. العقاب العنيف بيعلّم السلوك الغلط بشكل غير مباشر
الطفل بيتعلم إن:

الضرب وسيلة لحل المشاكل
مش إن السلوك ده غلط.
#الضرب #العقاب⁩⁩⁩

19/03/2026

03/09/2025

حاجات متتكلموش فيها قدام اولادكم! انتم المصدر للراحه من اي صغوط🥰🙏🏼

24/03/2025

**مش كل متح*رش مريض نفسي!
في فرق بين المرض النفسي وقلة الأدب وانعدام الضمير.
فيه متحر*شين ممكن يكون عندهم اضطرابات زي:
•اضطراب الشخصية النرجسية (اللي بيحس إنه أحق من غيره بكل حاجة).
•اضطراب الشخصية المعادية للمجتمع (اللي ما بيهتمش بحقوق غيره وممكن يأذي أي حد).
•أو اضطرابات جنسية زي اضطراب التحرش المعروف بـ Frotteuristic Disorder.
لكن كتير منهم مش مرضى نفسيين، دول ناس تربيتهم فاسدة وأخلاقهم منعدمة.
المرض النفسي مش شماعة نبرر بيها قذارة السلوك!

دلوقتي، بعد ما مسلسل “لام شمسية” وغيره فضحوا وجع ناس كتير بسبب التح*رش، وبقينا نسمع قصص بتوجع القلب، الرعب الحقيقي بقى عند كل أم وأب.
كلنا عارفين انه لازم نعلم ولادنا إن جسمهم ملكهم، وإن لأ دي كلمة عادي يقولها، لكن اللي أهم من التربية هو الرقابة، وبكل وضوح:

1. مفيش باب يتقفل على أطفال لوحدهم، حتى لو إخوات أو قرايب.
2. مفيش باب يتقفل على ابنك مع أي حد مهما كان.
3. مفيش طفل يتساب عند جيران أو حتى ناس واثق فيهم 100%.
4. متسيبش ابنك مع مدرس في أوضة مقفولة، لازم المتابعة تكون مستمرة.
5. راقب ولادك ومين بيشوفوا على الشاشات، الأفلام اللي فيها مشاهد مش كويسة بتأثر أكتر مما تتخيل.
6. متابعة الموبايلات والألعاب اللي بيلعبوها، فيه حاجات مسمومة وسط الألعاب.
7. اقعد مع ابنك كل يوم 10 دقايق قبل النوم واتكلم معاه واسمعه.
8. خليك دايمًا مصدر أمان ليه، ما تخوفهوش من رد فعلك.
9. صدّق ابنك مهما قالك، واديله حب وحنان واهتمام.
10. مفيش حد اسمه “ثقة مطلقة” حتى لو دكتور أو رجل دين( مع كامل احترامي ليهم)، ابنك دايمًا قصاد عينيك.

للأسف، التحر*ش بقى جاي من دايرة الأمان… من اللي حوالينا. خليك واعي وحافظ على ولادك!*
#لام _شمسيه
#خلي _عينيك علي ابنك

18/11/2024

للأسف بقينا عايشين في زمن السوشيال ميديا اللي بدل ما تكون وسيلة تواصل ودعم، بقت ساحة للتنمر والقسوة، وكأن الناس نسيت يعني إيه إنسانية.

*الشخص اللي بيكتب مشكلته أو بيحاول يفضفض على جروب أو بوست مش معناه إنه ضعيف، ده ممكن يكون في لحظة انهيار ومش لاقي حد يحكي له أو ياخد رأيه، فبيحاول يدور على أمل أو كلمة تريحه. وللأسف بدل ما يلاقي دعم أو حتى كلمة طيبة، بيتصدم بتعليقات جارحة وكلام يوجعه أكتر.

إحنا محتاجين نفوق ونتعلم تاني:

1. الرحمة مش عيب: مش لازم تبقى متفق مع كل حاجة حد بيقولها، لكن كفاية ما تأذيش بكلامك.

2. لو مش هتقول حاجة مفيدة، بلاش أحسن: الصمت أحيانًا أنبل كتير من إنك تقول كلام يجرح حد.

3. الكلمة الطيبة مفعولها سحر: ممكن تعليق صغير منك يغير يوم حد أو يخفف عنه، زي ما كلمة وحشة ممكن تهده تمامًا.

-السوشيال ميديا مش هي المشكلة في حد ذاتها، إحنا اللي بنستخدمها غلط. لو كل واحد ركز إنه يبقى إنسان فعلاً ويتعامل بإنسانية، هنلاقي تأثير مختلف خالص حوالينا.

خلونا نفتكر دايمًا إن ورا الشاشة دي بني آدمين زينا، قلوبهم مليانة هموم وأوجاع، محتاجين حد يسمعهم أو يشجعهم، مش حد يحاكمهم أو يزود عليهم.

17/11/2024

Der wirklich glückliche Mensch
hat keine Zeit, andere zu provozieren oder ihnen zu beweisen, dass er glücklicher ist.

Der wirklich kluge Mensch
ist nicht damit beschäftigt, anderen zu zeigen, dass er klüger ist.

Wer in einer wirklich schönen Beziehung ist,
hat keine Zeit, anderen zu zeigen, wie glücklich er in der Beziehung ist.

Wer sich in seiner Umgebung wirklich wohlfühlt,
hat keine Zeit, anderen zu beweisen, wie sehr er sich wohlfühlt.

Derjenige, der beschäftigt ist, ist innerlich leer.
Er fühlt nichts in sich und versucht, andere zu überzeugen, um sich selbst zu überzeugen.

• المبسوط بجد: اللي فعلاً راضي وسعيد مش بيضيع وقته في إثبات سعادته لحد، لأن السعادة الحقيقية مش محتاجة استعراض.

• الشاطر بجد: مش شغلته يقارن نفسه بحد، لأن نجاحه واضح لنفسه ومش محتاج يثبته لغيره.

• اللي في علاقة حلوة بجد: مش بيحاول يبين قد إيه هو مبسوط، لأن الحب الحقيقي بيبان من غير كلام كتير.

• اللي متونس بناسه بجد: مش شاغل باله يوري الناس هو متونس قد إيه، لأنه مش محتاج تصديق من حد.

الفاضي هو اللي جواه فراغ بيحاول يملاه بإثبات حاجات للناس، عشان يقنع نفسه قبلهم.

الجمال الحقيقي بيبان في الهدوء والرضا اللي مش محتاجين كلام أو إثبات.

17/11/2024

*تربية الأطفال مسؤولية كبيرة، ونحن كأهل نتحمل جزءًا كبيرًا من
تكوين شخصياتهم وسلوكياتهم:

• لو عايز ابنك يكون قنوع، متجبلهوش كل اللي يطلبه.

• لو عايزه ميقارنش نفسه بحد ويبص علي الحاجه اللي في ايد غيره، متشتريش له كل حاجة يشوفها مع صحابه.

• لو عايزه يكون مسئول، سيبه يتحمل نتيجة قراراته، متعملش كل حاجة بداله.

• لو عايزه يلتزم بكلمته، لازم أنت الأول تلتزم بكلمتك معاه.

• لو مش عايزه يزعل من أي حاجة صغيرة، متعلقش على كل موقف بسيط يحصل بينه وبين الأطفال التانيين، وخليك بسيط في ردود أفعالك.

• لو عايزه ميبقاش شكاي، علمه يتصرف في مشاكله بنفسه بدل ما تتدخل في كل مرة.

• لو عايزه ميخصمش أصحابه بسهولة، متخاصمهش انت.

إحنا كأهل بنكبر الحاجات أو نصغرها في عين ولادنا. الطريقة اللي بنربيهم بيها هي اللي بتحدد شخصيتهم لما يكبروا