Quel est le site Web ?

https://www.facebook.com/673285322530372/

Axis health, Algiers (2026)

14/01/2026

🧑🏻‍🔬 : 14 جانفي . في مثل هذا اليوم توفي المناضل محمد بلوزداد بعد صراع مع مرض السل ...

02/01/2026

🔴 النساء تعيش أطول ؟

▪️ أكيد كل إنسان رح يعيش كيما كاتبلو ربي سبحانو سواء كان راجل أو مرأة . بصح من جهة الإحصائيات ، متوسط عمر المرأة في كامل دول العالم أعلى من متوسط عمر الرجل

👈🏻 بصح علاه ؟ زعما هذا يتعلق بظروف الإجتماعية . او بسبب ان الرجال يخدمو أكثر ولا يدخنو أكثر ؟ ولا السر يكون في جسم الإنسان من الداخل 👑✨️

🔵 خلونا نحكو على الأستروجين . الأستروجين هو هرمون جنسي أنثوي يُفرَز أساسًا من المبايض، وله دور مهم في تطور الصفات الأنثوية وتنظيم الدورة الشهرية

⚪️ تأثير الأستروجين :

● بزاف دراسات تقول أنو هرمون الاستروجين عندو دور في تنشيط العديد من الجينات لي تساهم في حماية الجسم

● هذي الجينات تحمي الخلايا من الإجهاد التأكسدي و تعمل على إصلاح الحمض النووي . يعني تساهم في إبطاء الشيخوخة

● يدعم هرمون الاستروجين صحة القلب من خلال تحسين مستويات الكوليسترول و زيادة تدفق الدم و تقليل الجذور الحرة

● حتى وفق الاحصائيات . الرجال هم أكثر عرضة لأمراض القلب و السكتات الدماغية

🦅

28/12/2025

🔸️ الكورتيزول . الهرمون الذي يفرز بواسطة قشرة الغدة الكظرية و المعروف بهرمون التوتر . عندو بزاف أدوار مهمة في الجسم

▪️ بصح كيفاه يأثر على المناعة ؟

👈🏻 الكورتيزول يكبح و يقلل من نشاط جهاز المناعة عن طريق تقليل إفراز السيتوكينات و تقليل تكاثر الخلايا المناعية

👈🏻 بصح نسبة الكورتيزول تتغير بدلالة اوقات اليوم و مش رح تبقا ثابتة .

👈🏻 يجي ليل و تنقص مستويات الكورتيزول و ينقص التأثير تاعو على المناعة . فجهاز المناعة رح ينشط اكثر

👈🏻 و هذا من بين الأسباب لي تخلي أعراض المرض تولي حادة أكثر ليلا

🦅

26/12/2025

👩🏻‍🔬 : كامل علابالنا بلي مؤخرا راهم يديرو الفاكسا تاع شلل الاطفال للاولاد الصغار بصح بزاف ناس معلابالهمش واش هذا المرض ...

25/12/2025

علاش أنفك يسيّل فالبرد؟ ❄️🤧

بزاف منا يحسبو بلي سيلان الأنف فالشتا معناه زكام، بصح الحقيقة سببُه فيزيولوجي وطبيعي

الأنف هو أول محطة يمرّ منها الهواء، ولازم يكون الهواء دافئ ورطب باه ما يضرش الرئة والجهاز التنفسي.
كيما تتعرض للبرد، الأوعية الدموية في الأنف تتوسع ويزيد تدفق الدم ليها، باه يدفي الهواء.
كي تتوسع الأوعية الغدد المخاطية تخدم أكثر ويخرج سائل شفاف وهذا السيلان ماشي مرض ولا عدوى غير رد فعل طبيعي من الجسم.

🌷

24/12/2025

👩🏼‍⚕️: نسمعو بزاف بنوبات الهلع و منعرفوهاش . وش هيا و كيفاه نتعاملو معاها ؟

23/12/2025

🔴 تخليق فيتامين D :

فيتامين D يجي من الشمس ؟ 🙄☀️

👈🏻خلي ندو نظرة خفيفة على كيفاه يتصنع فيتامين D

▪️ الحكاية تبدا عند تعرض الجلد لأشعة الشمس فوق البنفسجية . هنا كاين مادة اسمها
7 Dehydrocholesterol
هذي المادة بعد تعرضها للأشعة الشمس ثم بفعل الحرارة تتحول لفيتامين D3

▪️ ينتقل فيتامين D3 عبر الدم بواسطة بروتين DBP يوصل للكبد باه يتم التنشيط الأول . هنا رح يزيدوه OH في الكربون رقم 25 و يولي إسمو الكالسيديول

▪️ الكالسيديول هو الشكل لي يقاس في تحاليل فيتامين D

▪️ بعدها يروح للكلية باه يتنشط للمرة الثانية و الأخيرة . في الكلية رح نزيدوه OH ثانية في الكربون رقم 1

▪️ و هنا اخيرا نتحصلو على الشكل النشط الهرموني من فيتامين D لي هو الكالسيتريول ✨️

▪️ و اذا راك حاسب انو فيتامين D ( الكالسيتريول ) مجرد فيتامين ينظم مستويات الكالسيوم . فا نحب نقلك انو عندو تأثير على أكثر من 2500 جين

🦅

23/12/2025

🔴 فيتامين D3 :

▪️ كي نهدرو على فيتامين D رح نلقاو بزاف اسماء ليه . و هذا راجع لمسار التخليق تاعو . فيتامين D يفوت بعدة مراحل كيميائية باه نوصلو لشكل النشط منو . و أكيد في كل مرحلة رح يتبدل التركيب الكيميائي تاعو و يتبدل الاسم ايضا

👈🏻 خلينا نحكو على D3 . الإسم العلمي لفيتامين D3 هو cholecalciferol و نقدرو ندوه من زوج مصادر

▪️ المصدر الأساسي ليه هو الشمس . بعد تعرض الجلد لأشعة الشمس كاين مادة اسمها 7-ديهدروكوليسترول رح تتحول لفيتامين D3

▪️ ايضا نقدرو نتحصلو على فيتامين D3 من الاطعمة ( مصادر حيوانية = الاسماك الدهنية بكثرة )

🦅

22/12/2025

🔴 الدهون غير المشبعة :

👈🏻 علاه قلبك يبغي الدهون غير المشبعة ؟ 🥑🫒

▪️ اولا نهدرو على الفرق ...الدهون المشبعة مافيهاش اي روابط مزدوجة . فهي مشبعة بذرات الهيدروجين في حين الدهون غير المشبعة تلقى فيها رابطة مزدوجة او اكثر

▪️ جمعية القلب الأمريكية قد أوصت بعدم تناول كميات كبيرة من الاطعمة التي تحتوي على دهون مشبعة ( لا تتجاوز 6% من السعرات الحرارية يوميا ). وذلك لأن استهلاك كميات عالية من الدهون المشبعة من المحتمل أن يؤدي إلى التسبب والإصابة بالعديد من الأمراض والحالات الصحية الخطيرة مثل؛ تصلب الشرايين، وزيادة خطر الإصابة بأمراض القلب، وغيرها.

▪️ في حين ان الدهون غير المشبعة صحية اكثر . يتعامل معها الجسم بطريقة افضل و تحسن مستويات الكوليسترول

🦅

22/12/2025

🔴 الكبد :

👈🏻 وظائف الكبد 🙂💔

▪️ يصفي السموم
▪️يخزن الفيتامينات
▪️ يصنع الصفراء لي تساعد على الهضم
▪️الوظائف الأيضية ( الميتابوليزم )
🔴 انتاج البروتينات 🙂
▪️ عوامل التخثر
▪️ بروتينات مناعية
▪️ ألبومين 🎖
▪️ بلازمين
▪️ و بزاف بروتينات
🔵 يخزن السكر 🙂

👈🏻 الخلايا تاعو عندها قدرة كبيرة على التجديد . حتى و تنحي جزء كبير منو يعاود ينمو 🙂

🦅

22/12/2025

يتشابهو بزاف 😳☠️

👈🏻 لبارح كتبت على الكلوروفيل . قلنا هو ركيزة الحياة عند النبات و هو المسؤول عن لون الاخضر . و يسموه دم النباتات لأنو عندو نفس الأهمية تع الدم عند الإنسان

▪️ بصح الكلوروفيل حتى في التركيب تاعو يشبه الدم 😳🔴

👈🏻 الكلوروفيل يشبه جزيئة الهيم ( لي تكون في الهيموغلوبين = الدم ) و جزيئة الهيم هي المسؤولة عن لون الاحمر في الدم ايضا

🦅

21/12/2025

🔴 الكلوروفيل :

👈🏻 كي تشوف اللون الاخضر خمم في الكلوروفيل 🥦

▪️ الكلوروفيل او اليخضور ، هي المادة المسؤولة عن اللون الأخضر الذي يميز النباتات . هذه المادة تعتبر ركيزة الحياة عند النباتات لأنها تمتص الطاقة الضوئية و تحولها لطاقة كيميائية يستعملها النبات

▪️من أشهر فوائد الكلوروفيل هي دعم صحة الأمعاء. فهو يساعد على تقوية جدار الأمعاء عبر تحسين الوصلات المحكمة بين الخلايا، ويدعم الخلايا المعوية المسؤولة عن الامتصاص، كما يساهم في تقليل الالتهاب والتليّف. إضافة إلى ذلك، يساعد الكلوروفيل على دعم البكتيريا النافعة والطبقة المخاطية للأمعاء، مما يحسّن وظيفة الجهاز الهضمي بشكل عام.

🦅

Axis health

14/01/2026

02/01/2026

28/12/2025

26/12/2025

25/12/2025

24/12/2025

23/12/2025

23/12/2025

22/12/2025

22/12/2025

22/12/2025

21/12/2025

Adresse

Site Web

Notifications

Raccourcis

Partager

Type