Quel est le site Web ?

https://www.facebook.com/1003859879480611/

Sirius med space

Page d'Accueil
Algérie
Annaba
Sirius med space

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Sirius med space, Santé, El Taref, Annaba.

مرحبا بكم في عالمنا 💫🩺Sirius med space
حيث تجد
معلومات طبية مبسطة وموثوقة 📚+نصائح🕯️+تحفيز🔋+خواطر 📜
👨‍⚕️🩺 نهدف لرفع الوعي الصحي و إثراء رصيدك المعرفي مع لمسات متعة 🩷🌷
إنظموا لعائلتنا 💫🫶🏻

06/03/2026

🌙 السلام عليكم ،مازالكم سهرانين ..🤔 و إلا راكم توجدو للسحور من درك 🤭
🌙 سحورك هو الصح: كيفاش تجوز نهارك آلاز بلا عطش ولا فشلة؟
👈🏻يا جماعة الخير، كاين بزاف اللي يغلطوا ويقولك "أنا نشرب كاس ماء ونرقد" ولا "ناكل حاجة حلوة بزاف باش تعطيني لينرجي...
و هل هاد المعتقدات لي راها دور بيناتنا صحيحة ،و إذا لا إمالا كيفاه يكون سحورنا صحي و يخلينا مرتاحين فصيامنا❕
👈🏻" الحقيقة هي أن السحور بركة وصحة، بصح لازم نعرفوا واش نستهلكو فيه
✅أممممممممم أهبطو أهبطو للتعليقات شوي و نرجعلكم 👇🏻
🩷

06/03/2026

🔥 90٪ من الناس كي تطلع لهم حبة في الوجه يديرو نفس الغلطة…
وما يعرفوش أن هاد الحركة الصغيرة ممكن تخلي أثر يبقى أشهر أو حتى سنوات! 😳
اهبط لتحت نفهمك
👇🏻
👇🏻
👇🏻

05/03/2026

👩🏼‍⚕️يامات لي كنت نسطاجي فيهم ف
Service du traumathologie 🩻 🦴
و أنا نشوف فالعباد لي بترولهم أطرافهم🦾🦿 (قصولهم أرجلهم أو أيديهم و...و....)
لفتت إنتباهي معلومة❕
✅و هي إنو هاد لعباد بعد القيام بعملية البتر ،في الأوقات الأولى رح يحس بالطرف المبتور هاداك كأنو مازال حي و مازال لاصق فيه (مثلا يشعر بحكة فهاداك الجزء مع أنو غير موجود🥺 )
✅ و التفسير هو :
👈🏻إنو حتى بعد فقدان الطرف جسدياً، تظل المساحة المخصصة له في القشرة الحسية للدماغ نشطة وموجودة 👈🏻الدماغ ما يستوعبش فوراً أن العضو هاداك قد اختفى
👈🏻فيستمر في إرسال واستقبال الإشارات من تلك المنطقة "الخالية"
فيتوهم الشخص بأن طرفه المبتور راه مازال موجود و يقدر يحس بيه
👩🏼‍⚕️حنا ما نقوموش بعملنا كعمل عادي...حنا نعيشو مع لمريض و نعيشو مع إحساسو و نفهموه و لي هو أصلا مش فاهمو 🥺🫶🏼
🩷

05/03/2026

✅قاعدة الـ 30 دقيقة
👈🏻هل كان علابالكم بلي كي تمشي بسرعة لمدة 30 دقيقة يومياً...هادي مش غير تقويلك قلبك برك رح تزيد من كثافة عظامك و تحميها من الهشاشة
🩷

05/03/2026

راك حاسب أي وجع في المعدة سبابو ليسطوما؟
مالا ارواحوا نقولكم🤭
عند مريض السكري يقدر يكون هذاك السطر سبابو القلب لي راه يصرخ بصمت🙌
مريض السكري أحيانا يقدر يجيه ألم جلطة القلب بشكل مختلف ....
⬅️ يعني بدل ألم في الصدر ، يقدر يحس ب:
👈وجع في ليسطوما(فم المعدة)
👈غثيان ولا قئ
👈تعرق بارد
👈تعب شديد
👈ضيق التنفس
👈ألم قوي أو ألم يجي فجأة

السبب؟
مرض السكري يقدر يغير الإحساس بالألم بسبب تأثيره على الأعصاب
درك حبيت نقوكم:
إذا عندك سكري و جاك وجع في ليسطوما فجأة و ماراحش بمضاد الحيوية أو كان معاه تعرق و ضيق تنفس....
🚑 روح فورا للاستعجالات .
دقيقة تأخر=عضلة قلب تموت

04/03/2026

⚪السلام عليكم و رحمة الله 🩷

فهاد المنشور رح نعرفكم على ليزادمين تع صفحتنا 🤗
👈🏻نبداو بصاحبة الصفحة 😌 لي هي أنا (و العياذ بالله من كلمة أنا)
🩷
هادي مولات الدار ✅ طالبة طب، تحب تكون غامضة 🤫، و هي كاتبة هاوية، عالمها الآخر هو عالم النجوم و الفلك ★ لذلك ختارت تسمي صفحتها ب Sirius لي هي ألمع نجمة فالكون و مذكورة في القرآن الكريم باسم "الشِّعْرَى" لقوله تعالى: {وَأَنَّهُ هُوَ رَبُّ الشِّعْرَىٰ} "-سورة النجم الآية 49-
👈🏻و هاذي طالبة طب كذلك
🎀
تحب طيب بزااااف 🥹 شطورة شطورة
👈🏻 معانا تاني

و هادي كيف كيف طالبة طب هادئة بزاف مام كي تعيط ما تقدرش تسمعها 😊 فحلة و كيوتة
👈🏻 و هادي لالة تاني طالبة طب

مولات لعمايل ما تقدرش تقعد معاها و ما تضحكش قلبها شباب 🫣
⚪ و إن شاء الله رح ينضمولنا ديزادمين خلاف و نزيدو نعرفوكم بيهم 🫶🏻

04/03/2026

و ‏آتيت موسى سؤالاً كانَ يطلبهُ
آتِ الفُؤاد إلٰهي ما تمنَّاهُ....

صباح الخير🤍

03/03/2026

🍴صحا فطوركووووم
⬅️منشور ليلة هو طلب من أحد المتابعين و هو موضوع تساؤل شائع بيناتنا خاصة في رمضان
⬅️موضوع ليلة رح يكون على القولون العصبي و كيفية التعامل معه في تناول الطعام خاصة مع الطبق الشهير للمائدة الجزائرية ولي هو شربة الفريك أو الشربة بصيفة عامة (لسان طير ولا دويدة ولا كيفما تحبو ديروها نتم.....)
⬅️يعتبر شهر رمضان تحدياً حقيقياً للمصابين بمتلازمة القولون العصبي (IBS)، خاصة مع طبيعة المائدة الجزائرية الغنية بالتوابل، المقليات، وبالطبع "سيد الطاولة" طبق شربة الفريك
❗ تأثير الصيام على القولون العصبي
👈🏻الصيام في حد ذاته قد يكون مريحاً للجهاز الهضمي لأنه يعطيه فترة راحة طويلة، لكن المشكلة تكمن في "صدمة الإفطار".
➖الانتفاخ السريع: تناول كميات كبيرة من الطعام والماء دفعة واحدة يؤدي لتمدد مفاجئ للمعدة.
➖المنعكس المعدي القولوني: تناول وجبة دسمة يحفز القولون على التقلص فوراً، لي رح يسببلك آلام و يخليك تحس برغبة ملحة لدخول الحمام
❗شربة الفريك والقولون: أسكو راه صديق و إلا عدو 🤔
شربة الفريك هي جوهر الرمضان الجزائري، لكن تأثيرها يعتمد على طريقة تحضيرها
لماذا قد تتعبك؟
•الألياف القاسية
•التوابل
•الدسم
•حموضة الطماطم: طماطم المصبرة
👈🏻و هادو كاااع يأثرو سلبا على القولون و لي رح يقلقوك كتر

✅كيف تجعلها "صديقة" للقولون🤔
التقليل من الطماطم المصبرة واستبدالها بطماطم الحب الطازجة.
تجنب "الحار" (الفلفل الحار أو الهريسة) قدر الإمكان.
تصفية الشربة من الشوائب الزائدة أو عدم الإكثار من كمية الفريك في الصحن
✅يعني ماراحش تحرم نفسك من الشربة فريك كيف نقولولها و لكن خليها تكون صحية ليك
🩷يا مدام حافضي على صحتك و صحة ولادك و زوجك و إلا أي فرد مالعايلة راه ياكل من يدياتك علابالنا طيابك بنين 🤭 مي مش لازم تحرحريها و تبليها و طمطميها 🙂 خليها خفيفة و بنينة برك يا مولات كل صبع بصنعة 🎀🩷
⬅️لكل واحد عندو موضوع يحبنا نشاركوه معاكم و يستفادو كاع ناس يتفضل 🤍
🩷

03/03/2026

أهليييين ، أهلا بييكم :
معاكم الحكيمة : 🎀
اليوم جيت نحكيلكم على حاجة منتشرة و بكثرة خاصة في مجتمعنا 🩺
فترة النفاس: المرأة لي تولد و تبقى في الفراش 40 يوم و ماتتحركش تبقى غير راقدة 🦋
يا مدام في بالك لقيتي راحتك و تتمتعي لالا بالاكي راكي تهلكي في روحك ، مبرووك عليك لبيبي يتربا في عزك إن شاء الله ❤️
بصح حبيت نحكي معاك شوي:
بعد الولادة الحسم تاعك تصرالوا شوية تغيرات باش الدم يتجلط بسرعة و هذا الشئ عادي بالعكس باه يحميك من النزيف
بصح في نفس الوقت نتي كي تبقاي راقدة بزاف و تنقصي الحركة هادي الدم يقدر يتجمع في الساقين و يدير جلطة!!!!
صحا واش هي الجلطة؟
هي كتلة صغيرة تاع داخل تتشكل داخل الوريد ، في الحالة هادي غالبا ما تكون في الساق
ارواحي نفهمك العلامات لي لازم تردي بالك عليهم:
إذا حسيتي ب : _ ألم في ساق وحدة
_تورم في ساق وحدة
_سخانة و لا احمرار في الساق
_ضيق التنفس فجأة
لاااااااازم تروحي للإستعجالات🙌
_كيفاش تتفادي الخطر🫣
_حاولي تتحركي و تمشي كل يوم
_ما تبقيش راقدة بزاااااااااااف
_اشربي الماء مليح
__و اذا عطينالك حقن للوقاية لازم تديهم بانتظام

إن شاء الله تكونوا استفدتوا من المعلومة هادي باه نتفاداو لخطر

03/03/2026

😊 أرواحو أرواحو نخبركم
🫣هل كان في بالكم بلي ابتسامتك خلال يومك عندها دور كبير في صحتك النفسية 😍
🌸قوة الابتسامة حتى لو كانت "مزيفة" في البداية، فإن عملية تحريك عضلات الوجه للابتسام تحفز الدماغ على إفراز هرمونات السعادة (الإندورفين والسيروتونين)
✅يعني يا أحبائي ابتسمو مهما كانت أحوالكم و ابتسمو لكل الظروف خلوها عادة في حياتكم
⬅️و كما جاء في الحديث النبوي لنبينا محمد-صلى الله عليه و سلم- رواه الترمذي: «تَبَسُّمُكَ فِي وَجْهِ أَخِيكَ لَكَ صَدَقَةٌ»..... بالإضافة إلى أن ابتسامتك تحسن نفسيتك فهي صدقة، هيا مدولي عذر يخليكم ما تتبسموش بعد هاد المنشور 🥹🥹🫶🏻
🩷

03/03/2026

⚫️ اليوم خلال تربصي في الاستعجالات… جا عندنا شخص قالو بلي شرب l’acide 😱

👈 كي درنالو l'interrogatoire، عرفنا بلي حاول يتقيأ بعد الحادثة ، ظنًا منه أنو رح يخفف الضرر… ،ولكن مثل هذه التصرفات الخاطئة راح تزيد الوضع خطورة!

👈 وش يلزم نتجنبو إذا صادفنا موقف مشابه:
❌ عدم محاولة التقيؤ؛ لأنو السائل قادر يحرق المريء مرة أخرى أثناء التقيؤ.
❌ عدم إعطاء الماء أو حليب أي مشروب؛ لأنو راح يفاقم الأمر و يتسبب في مضاعفات أخرى.

💬هل سبق و صادفتو مثل هذه الحالة و كيفاه تصرفتو؟!

02/03/2026

كيفاه نفطر بطريقة صحية في رمضان؟
أول حاجة مع الأذان ⏰
▪️كأس ماء + تمرات 🍃
✔️ يعوض السوائل
✔️ يرفع السكر بطريقة تدريجية
✔️ يجهّز المعدة بلا ما يصدّمها
نصلّيو المغرب 🤲
نعطيو فرصة للجهاز الهضمي يخدم بهدوء.
بعد الصلاة 👇
▪️ نبداو بشوربة خفيفة 🥣ترطب المعدة وتسهّل الهضم
▪️ من بعدها السلطة 🥬ألياف وفيتامينات تساعد على تنظيم الامتصاص
▪️وفي الأخير الطبق الرئيسي 🍴بروتين + نشويات معقولة + دهون صحية
(توازن أهم من الكمية 😉)
▪️ الفكرة ماشي ناكلو بزاف…
الفكرة ناكلو بذكاء.

Adresse

El Taref
Annaba

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Sirius med space publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.