Quelles sont les heures d'ouverture ?

Lundi 08:00 - 16:00 Mardi 08:00 - 13:00 Mercredi 08:00 - 16:00 Jeudi 08:00 - 16:00 Dimanche 08:00 - 16:00

Quel est le site Web ?

https://www.facebook.com/100418624766227/

Pédiatre, Dr Mouhoubi

Page d'Accueil
Algérie
Cherchell
Pédiatre, Dr Mouhoubi

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Pédiatre, Dr Mouhoubi, Pédiatre, Pédiatre Drive mouhoubi , طبيبة الأطفال موهوبي, Cherchell.

ابوني باش تلحقك المعلومة
لسنا الافضل و لكننا متميزون ، صفحة ممتازة
تهتم بصحة الطفل و توجه الامهات و الاباء و تصحح المفاهيم الخاطئة المنتشرة بكثرة
https://www.instagram.com/monpediatremouhoubi?igsh=MXc3MDQ2azE5Z3cwNg==

06/11/2025

ابدا يومك بحكمة صباح النور
ادباء المجموعه ما حكمة اليوم
🤔

05/11/2025

رد بالك كيبدا وليدك يسعل ضربة واحدة ممكن حاجة حصلتلو و في هذه الحالة ممكن تكون فاتت في الرئتين انتم تنساو الحكاية و لكن بعد مدة تبدا تخدم و تتسبب في تعفنات مع الحمى و طول الحكاية و ممكن يطول التشخيص

و في موضوع #السعال هناك عدة اسباب هذا واحد منهم

حكاية اليوم حكاية طفلة صغيرة اسمها بشرى .

بشري تسكن في الريف كبرت بين الاشجار عندها حوالي عامين في عمرها كانت تمرض كثير دخلت المستشفى ثلاث مرات على جال مكروب في الصدر في اخر مرة الطبيب حاب يعطيها البخاخة و لكن قبل ما تبداها الام قالت لازم نشوف الدكتورة ديالنا واش تقول (لانها كانت تعرفني من قبل ).
و فعلا جات لعندي

"يا طبيبة انت الي توجهيني و تشوري علي بنتي من الصيف ما حبتش تبرا راهي في اربعة اشهر كل شهر تدخل للمستشفى تبرا و تخرج المشكل المكروب يعاود يحكمها كل مرة في الرئة و تقريبا في نفس المكان"

الام تحكي و التشخيص يبان وحدو
مكان التعفن نبهني دايما في نفس المكان
و ايضا أنا نعرف مليح المنطقة و عادات الناس عندنا و هي قالت" منذ الصيف"

قلتلها كاش ما نفضتي شجر تع اللوز و انا نبتسم
قالتلي" وي ديجا المرة الأولى الي بداتها السعلة كانت معايا و انا كنت نفرز اللوز "
قلتلها" في مرة وحدة يعني شرقتلها وبعدين سعلت "
de pénétration

هذه الام ذكية قاتلي "واش قصدك انا لم اربط هذا بهذا بصح وقيلا عندك الحق انا بنتي من هذاك الوقت ما لقاتش روحها"

المهم التشخيص كان واضح الطفلة كلات لوزة و شرقتها راحت للرئة و قعدت ديريلها في المشاكل و فعلا بعثتها لمستشفى بولوغين باش تعمل المنضار و فعلا تم العلاج و خرجو القطعة تع اللوز الي كانت حاصلة.
عيطتيلي الام و قالتلي "يعطيك الصحة يا طبيبة راهي فرات "
و بعدين درتلها معاينة بعد ايام و كانت لباس عليها
العبرة واش هي في رايكم؟
الدكتورة موهوبي تحييكم و تتمنى لكم امسبة سعيدة
Pédiatre, Dr Mouhoubi
عيادة البسمة لطب الاطفال للدكتورة موهوبي رشيدة بشرشال
fans

05/11/2025

في حساسية حليب البقر حتى و يكونو ليزاناليز سلبيين ما شي معنتها ما كانش حساسية
التحليلات ليست دائما موجبة

05/11/2025

ابتساااااااااااامة عريبييييضة
اليوم
شويه طاقة ايجابية
خاصة الناس الي تخدم في الاستقبال هيا ضحكوا شوية 😄😄في وجهنا😄

04/11/2025

قبل بداية الاكل معدة ابنك صغيرة

بدل ملئها بالماء املئيها بالحليب

المفيد بعناصره لصحته و ايضا كثرة

الماء ينقص من شهية الطفل للحليب

و ايضا يثقل الكلية بالعمل للتخلص

من الماء الزائد خاصة و ان طفلك

ياخذ أصلا الماء في الحليب سواءا

طبيعي او اصطناعي

و ايضا الماء مافيهش سعرات حرارية

اذن لا يسمن

و انت الي تعرفي هذه المعلومة ماذابيك تخبري بها صحبتك الي راهي في بداياتها مع التربية و التغذية ☺️
#تغذية #معدة #ماء
Pédiatre, Dr Mouhoubi

04/11/2025

مسلخير
منشور للتوعية
قبل اعوام جاء الى العيادة طفل صغير اقصد رضيع مع والديه من اجل التقيؤ كاد ان يسبب له الجفاف و كان ناقص في الوزن كان اسمه محمد و بعد الفحص تبين أن اعضاؤه التناسلية توحي بانه بنت وليس ولد و كان لازم يتبدل الجنس و الاسم في الحالة المدنية بعد القيام بكثير من التحليلات للتأكد و درس المشكل و السبب
و في انتظار العملية التصحيحية كان لازم الطفلة تشرب ادوية لتخفيف حدة الذكورة في جسمها و ميولها الانثوية اكيد الأدوية كان يشتريها الآباء من الخارج .
المهم كمية الصبر لقضاء الله كانت كبيرة جدا عند الوالدين الذين تقبلا التشخيص بالنسبة لي كان صعب جدا اخبارهم به
فحص الاعضاء التناسلية مهم جدا عند الاطفال يوم الولادة و عدم التصريح بالجنس في البلدية اذا كان هناك شك الا بعد للتأكد .
اذا بعد ايام بعد الولادة الرضيع يتقيا كثيرا و يهبطلو السكر و ما يزيدش في الوزن لازم يتفحص مليح في اعضائه الجنسية و نطلب تحليل الصوديوم في الدم و اذا لقيناه هابط يزيد يبان التشخيص اكثر لان هذا الاطفال يضيعو الصوديوم في البول ثم نقوم بتحليل بعض الهرمونات بدون الخوض في التفاصيل .
هو تشخيص حالة الطفلة و الذي كان سببه نقص انزيم في الغدة الكضرية
hyperplasie congénitale des surrénales
الدكتورة موهوبي رشيدة من شرشال تحييكم

الي تعلم حاجة جديدة اليوم معايا يقولي كلمة تشجيعية ☺️☺️☺️
Pédiatre, Dr Mouhoubi
#جنس #ولد #بنت #فحص

04/11/2025

ربي سبحانه خلق عند طفلك واحد الحيز طري صغير في #الراس و الذي يسمى الملغيغة

على فكرة ابنك عندو زوج ملغيغات
Deux
واحدة امامية على شكل معين تعمل من 3الى 6سم و تنغلق بين 9 و 18شهر

و حدة خلفية مثلثية الشكل تعمل فقط 1سم حتى انك ممكن ما تفيقيش بها و تنغلق في شهرين

المهم واش من #فايدة عندها ؟
الملغيغة هي التي تسمح بخروج طفلك و تغير شكل الراس اثناء الخروج لو كانت غائبة ما كان الطفل يخرج بسهولة

فيما بعد تسمح لابنك بنمو دماغه خاصة في العام الاول و كما على بالك حجم المخ يضاعف في العام الاول.

نزيدك حاجة لانها طرية انت تخافي منها و لكن هو ممكن تلمسيها بيدك و لكن برفق .

و ايضا هي تنبض احيانا و تطلع و تهبط حسب صعود و خروج #الهواء عندما يبكي ابنك مثلا تتحرك .

و يقوم الطبيب دائما بفحصها :

🔸️اذا مغلقة يقوم بمراقبة محيط الراس و حتى اذا انغلقت بكري فما لازمش تتقلقي المهم محيط الراس يكبر و يحترم سرعة #النمو اللازمة .

🔸️اذا مفتوحة اكثر من اللازم يطلب ايكو للتاكد من عدم وجود #استسقاء يعني سائل في الرأس

🔸️في الحمى اذا منفخة يفكر في التهاب السحايا

🔸️في حالة #اسهال او تقيؤ اذا هابطة يفكر في الجفاف.

هذه معلومات طبية علمية نوصلهالكم باسلوبي انا أسلوب بسيط يفهمه الجميع اليس كذلك🤔🤔🤔

ان شاء الله تكوني فهمتي اذا عندك سؤال اخر تفضلي☺
الدكتورة #موهوبي رشيدة من شرشال تحييكم.
للاستفسار او طلب موعد في العيادة اتصلوا على ☎️
0552 84 83 68
0655 50 76 27
024 34 40 66
Pédiatre, Dr Mouhoubi
عيادة البسمة لطب الاطفال للدكتورة موهوبي رشيدة بشرشال
Rachida Mouhoubi

04/11/2025

ڨودمورنينغ
صباح النور❤️
معلومات قيمة تنتظركم اليوم 💯
تفاعلكم يشجعني على المواصلة👍

03/11/2025

كانت خصية نطاطة و مع الوقت صبحت خصية مهاجرة و تطلبت عملية جراحية لاعادتها الى مكانها
تنويه بضرورة المتابعة الطبية و المراقبة لكل خصية نطاطة

Le testicule ascenseur peut évoluer vers un testicule ectopique et nécessiter une intervention chirurgicale
d' où l intérêt des contrôles réguliers chez le médecin.

Pédiatre, Dr Mouhoubi

03/11/2025

يستخرج العضو المدفون عند الذكور بسبب الشحمة حوله بالفحص من طرف الطبيب و يقاس طوله اذا كان في النورمال فلا قلق يخرج بالوقت مع نقص وزن الطفل

اذا كان طول العضو قصير فهنا يستحق إبرة التستوستيرون يصفها طبيب الاطفال او الغدد بعد اجراء بعض التحاليل

مفهوم #معلومة
Pédiatre, Dr Mouhoubi

03/11/2025

اليوم نحكيلكم حكاية صرات معايا تقلقت منها و لكن فرحت في نفسي لانني وقفت في التشخيص

القصة عندها حوالي عام
جات عندي ام مع بنتها في عمرها حوالي خمس سنوات عندها مشاكل هضمية يعني تقيؤ و اسهال نضن المهم مشاكل هضمية
في الفحص تبين عندها كتلة في المعدة يابسة نوعا ما

بعد البحث و الرد مع الام و كما على بالكم طرح الاسئلة مهم جدا في الطب
شخصت الحالة على انها تريكوبيزوار
trichobezoar
وطلبت من الأم ايكو وراديو بالاشعة x
المهم الايكو ما بان فيه والو
و الطبيب الراديولوغ قال ماشي لازم الراديو بالاشعة أكس

الام بعثتلي الايكو في الفايبر
انا قلتلها لازم السكانر غدوة ارواحي نعطيك البرية
غدوة من ذاك ما رجعتش و رجعت لطبيب الاشعة على جال السكانر و لكنه قال الطفلة ما عندها والو ماشي لازم السكانر ثم قصدت طبيب اطفال آخر و قالتلو على تشخيصي ولكنه قاللها بلي البنت عندها فقط الامساك و بلي المرض الي قلت عليه مرض نادر لا يمكن ان يكون هو و طولت معاه لمدة مع علاج للامساك دون نتيجة من بعد زادت شافت طبيبة اخرى قالتلها ممكن يكون عندها سيلياك و طبيبة الاطفال الثالثة قالت لازم جراحة الاطفال و فعلا راحت لجراحة اطفال الي قالت ممكن يكون المرض الخبيث و هنا طلبت سكانر و هنا ظهر التشخيص الي يأكد تشخيصي الاول

الطفلة عندها تريكوبيزوار يعني كبة من الشعر كروية موجودة في المعدة
و تم استئصال كبة الشعر من المعدة جراحيا و قد تكونت لمدة طويلة

الجراح الذي قام بالعملية انب الام و قاللها طولتو عليها بزاف و هنا تفكرت تشخيصي و كان قد مر عام على الحكاية

و أكيد خضعت الطفلة للعلاج النفسي لمدة طويلة لأن هذا المشكل يكون بسبب اضطراب نفسي بحيث تقلع البنت شعرها و تاكله
تقول الام و انا كنت نتبع بنتي على مشكل الشعر و اكتشفت من بعد انها هي التي تاكل شعرها
و بما ان الطفلة كانت تاكل اشياء اخرى فهذا المرض يدخل في اطار متلازمة بيكا
كنت تكلمت عليها من قبل في الصفحة

الام قبل ايام حطت شهادتها في تعليق من التعليقات في الصفحة
و اليوم زارتني بمزيود جديد
و فكرتني بالحكاية
و انا ما نخبيش عليكم كما رجعتش الام عندي تقلقت قلت ربما تم تشخيص المرض و ذهبت مباشرة
للجراحة و بقات تبع مع الجراح
لاني كنت متأكدة من تشخيصي
ما كانش في بالي هذه الرحلة الطويلة بين الأطباء من أجل التشخيص
واش رايكم في هذه الحكاية
حتى الامراض النادرة لازم الطبيب يخمم فيها عندما يفحص المريض و انتم لازم ديروا ثقة في الطبيب الي يشوف الطفل لاول مرة في الغالب
هو الي يشخص الحالة .
انا نشرت هذا الموضوع للتحسيس فقط و ليس للتقليل من شأن زملائي الأطباء لأنه فعلا التشخيص صعب و المرض نادر و حبيت نبه الى ضرورة المتابعة مع الطبيب الاول و اعطائه فرصة لتشخيص المرض.
كتب بقلم طبيبة الاطفال موهوبي
رشيدة من مدينة شرشال
#فحص #حكاية Pédiatre, Dr Mouhoubi
عيادة البسمة لطب الاطفال للدكتورة موهوبي رشيدة بشرشال
الصور من ڨوڨل فقط للتوعية

Adresse

Pédiatre Drive Mouhoubi , طبيبة الأطفال موهوبي
Cherchell
42100

Heures d'ouverture

Lundi	08:00 - 16:00
Mardi	08:00 - 13:00
Mercredi	08:00 - 16:00
Jeudi	08:00 - 16:00
Dimanche	08:00 - 16:00

Téléphone

+213552848368

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Pédiatre, Dr Mouhoubi publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.