Quelles sont les heures d'ouverture ?

Lundi 08:00 - 13:00 16:00 - 18:00 Mardi 08:00 - 15:00 Mercredi 08:00 - 13:00 13:00 - 18:00 Jeudi 08:00 - 13:00 Samedi 08:00 - 13:00 16:00 - 18:00 Dimanche 08:00 - 13:00 16:00 - 18:00

Quel est le site Web ?

https://www.facebook.com/102195379072959/

طبيبة أطفال/ ربو و حساسية الدكتورة رقاد جميلة

Page d'Accueil
Algérie
El Khroub
طبيبة أطفال/ ربو و حساسية الدكتورة رقاد جميلة

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de طبيبة أطفال/ ربو و حساسية الدكتورة رقاد جميلة, Santé, El khroub constantine en allant vers l'hôpital en face des bâtiments turques, El Khroub.
(2)

14/04/2026

بعد تعليقاتكم الجميلة على منشور البارح ❤️ تحمست و رحت درتلكم أجمل معجون فراولة و بذور الشيا بدون سكر :

طريقة التحضير :

جبت نصف كيلو تقريبا فراولة
حطيت معاها ربع كأس ماء
زوج مغارف صغار بذور الشيا لي تعطيك القوام الثقيل بدون سكر
خليتها تغلي 10 دقائق و معستها بالفرشيطة
و بعدها زت خليتها تغلي ربع ساعة حتى ثقالت
طفيت عليها و زدتها مغرفة عشاء رب التمر و لي حبها حلوة أكثر يزيد أكثر
خليتها تبرد و النتيجة رائعة ❤️

بصحتكم و شكرا على تشجيعاتكم الجميلة

الدكتورة رقاد جميلة 🩺🇩🇿

13/04/2026

أحيانا نتحمس للنشر و أحيانا نطول باه نحط منشور ،
المهم اذا طولت عليكم اتفكروني بدعوة من قلوب صادقة ❤️

09/04/2026

كاين الأكل الصحي 100%
و كاين هذا 1000%
الف مبروك لصاحبة المشروع و أم طبوزتي السكرية الجميلة ❣️ آية ❣️
أن تحول معاناتك مع المرض إلى أسلوب حياة صحي أمر يستحق التشجيع
وأنا عن نفسي أولى الزبائن
شكرا Aya healthy sweets على الهدية❤️

هذا رابط صفحتها على انستغرام
https://www.instagram.com/ayahealth_25?igsh=cXQwM2ZiZHpreDdm

تستحق كل الدعم و التشجيع ❤️

05/04/2026

هاذ الأفكار 10 حسب رأيي الخاص نشوفها لازم تتجسد في العام المقبل لانقاذ التعليم و أطفال الجزائر قبل فوات الأوان و إلحاقهم بالركب و مجاراة العصر و العمل على التربية و التعليم معا :

1️⃣أولا العام الدراسي يجب أن يكون فيه سداسيين فقط بدل 3 فصول للتركيز على التحصيل العلمي و ليس على الامتحانات فقط و لقصر الفصل الثالث

2️⃣ثانيا الامتحانات يجب أن تصبح بصيغة الاجوبة المختارة qcm أو qcs بدل الحفظ بدون فهم

3️⃣ثالثا التركيز على المعلومات الأساسية في الدروس و التقليل من الدروس التي لاتفيد التلميذ و لا يتذكر منها شيئا اي التركيز على النوع و ليس الكم و ذلك بإدخال مختصين في اختيار البرامج

4️⃣رابعا التركيز على المواد الأساسية و اعطائها حجم ساعي أكثر مثل الرياضيات و اللغة العربية و اللغة الانجليزية وباقي المواد حسب السنة الدراسية

5️⃣خامسا إشراك الأولياء في المراقبة الدورية لابنائهم من خلال إعادة التفعيل الإجباري لجمعية أولياء التلاميذ و عقد اجتماعات مبرمجة مع الأساتذة و الإدارة و تفعيل نشاطات تجمع الأولياء و التلاميذ معا في المراكز الثقافية

6️⃣سادسا : تخصيص مادة للأخلاق و القيم في جميع الأطوار مع تقييم و تنقيط نظري و تطبيقي

7️⃣سابعا : الإدراج الإجباري للبرمجة و علوم الحاسوب لمواكبة العصر

8️⃣ثامنا : الاعتماد على الدوام الواحد من 08 صباحا الى 14 زولا و ذلك من خلال بناء مدارس جديدة لكي يتسنى للأطفال ممارسة هواياتهم

9️⃣تاسعا : العمل على توحيد اللباس المدرسي لتمكين الأطفال من التركيز على التحصيل العلمي و ليس على الشكل الخارجي و تجنب الفروقات الاجتماعية

🔟عاشرا : تخصيص نوادي رياضية و نوادي مطالعة و مسرح و فنون رسم لامتصاص وقت الفراغ و اكتشاف مواهب الأطفال و تنميتها

هذا رائي و اذا عندكم افكار أخرى حطوها في التعليقات
أما إذا عجبوكم الأفكار وحابينهم يتجسدوا على أرض الواقع و ننهض باطفالنا وبلدنا اعملوا على نشرها على أوسع نطاق لتصل لمن له السلطة لعلنا نجد آذانا صاغية

ربي يوفق الجميع
الدكتورة رقاد جميلة 🩺🇩🇿

04/04/2026

غدا يعودون إلى المدارس إن شاء الله
و يبدأ اقصر فصل دراسي عرفه التاريخ
المهم ربي ينجحهم 🤲
أما هاذي تاع الامهات ميتين بالفرحة ماشكيتش ولا واش رايكم 🤭🤭🤭

الدكتورة رقاد جميلة 🩺🇩🇿

04/04/2026

فرحتي لا توصف كي نشوف طبابيز كانوا قصار و بعد بدأ العلاج لقاو رحهم طوالوا حتى هما يدخلوا عليا ميتين بالفرحة 😍
حالتين من العيادة و العلاج مازال مستمر أن شاء الله حتى يوصلو للطول المثالي 👍

الدكتورة رقاد جميلة 🩺🇩🇿

04/04/2026

دللي نفسك في الصباح بفطور صحي ❤️
نوضي ساعة قبل أولادك
وجدي فطورك و قلشي روحك 😉

وإذا درتي 15 دقيقة حركات رياضية بسيطة تكوني بديتي يوم رائع

الأم هي مصدر الطاقة لكافة أفراد العائلة وإذا شمعتها بدأت تطفا رايحة تظلم البيت كامل لهذا لازم تعتني بنفسك و ماتسنايش يعتانيو بيك 👍

الدكتورة رقاد جميلة 🩺🇩🇿

02/04/2026

من بين مصادر الاستروجين النباتي المفيد جدا خصوصا للمرأة بذور الكتان و السمسم

يساعد في إنقاص تساقط الشعر ، تقليل حبوب الوجه ، و يساعد في علاج تكيس المبايض 👍

الوصفة :
الياؤورت الطبيعي لي صنعته في المنزل و سبق و حطينا الوصفة
ملعقتين بذور الكتان المطحون
و ملعقتان طحينية السمسم
خليها مدة ساعتين على الأقل و صحة على قلبك و هرموناتك 🌺

لمن سألني عن الصفحة لي نكوموندي من عندها زبدة الفول السوداني و طحينية السمسم الطبيعيان بدون اي إضافات هي صفحة زاد القوة

الدكتورة رقاد جميلة 🩺🇩🇿

30/03/2026

الدرس الثاني في المناعة

الجهاز الهضمي: هو حجر الأساس في المناعة

الجهاز الهضمي راهو من أهم الحوايج اللي يخدمو على المناعة، حيث فيه تقريبًا 70٪ من خلايا المناعة تاع الجسم كامل .

وزيد يخدم كأول خط دفاع بفضل البكتيريا النافعة اللي تعيش في الأمعاء، واللي تعاون الجسم يحارب الميكروبات.

العلاقة بين صحة الأمعاء والمناعة:

1️⃣البكتيريا النافعة:

كاينين بزاف بكتيريا مليحة في الأمعاء يحافظو على التوازن.
كي يصرالهم خلل (بسبب الماكلة الغالطة ولا كثرة المضادات الحيوية)، تضعف المناعة وتكثر الالتهابات.

هل تعلم أن عدد البكتيريا النافعة في جسم الإنسان أكبر من عدد خلايا الجسم 🤔

2️⃣جدار الأمعاء:

يخدم كيما حاجز يمنع الوسخ والميكروبات الضارة باش ما يدخلوش للدم. إذا ضعف، يولي يسمح بمرورهم ويوقع التهاب في الجسم.

3️⃣الأمراض المناعية:

ركزوا في هاذ الجملة مليح ⛔️⛔️⛔️⛔️⛔️⛔️

تساعد بكتيريا المعدة و الأمعاء في تنظيم استجابة جهازك المناعي و منع ردود فعل مناعية مبالغ فيها بما في ذلك أمراض المناعة الذاتية أو الالتهابات الذاتية

وين المناعة تغلط وتهاجم الاعضاء تاع الجسم مثل الأمعاء كيما داء كرون والتهاب القولون التقرحي.

🍎 كيفاش نقوّيو المناعة عن طريق الأمعاء؟

↩️ناكلو الماكلة اللي فيها البكتيريا النافعة كيما الياغورت والحوايج المخمّرة

↩️ناكلو الألياف (خضرة، فواكه، حبوب كاملة)

↩️ننقصو من السكر والدهون

↩️نبعدو على القلق على قد ما نقدروا

↩️ما نستعملوش المضادات الحيوية غير كي تكون ضرورة

⚠️ علامات تدل بلي كاين مشكل
⬅️نفخة وغازات دايرين حالة
⬅️إسهال ولا إمساك يتعاود بزاف
⬅️اعياء وتعب مزمن

الخلاصة:
إذا حبيت تقوّي المناعة تاعك، لازم تهتم بصحة الجهاز الهضمي، وهذا يبدأ بالماكلة الصحية ونمط حياة مليح 👍

الدكتورة رقاد جميلة 🩺🇩🇿

29/03/2026

لما فيه من فائدة للجهاز الهضمي و للمناعة و سنتكلم عن دوره في المناعة في دروس المناعة القادمة الموجودة في الصفحة

ياؤورت طبيعي غني بالخمائر و البكتيريا النافعة صنع منزلي :

2 لتر حليب بقر مغلى ثم يبرد لصبح دافيء قليلا
2 ياؤورت طبيعي نوع لي تحبوا
تخلطوا مليح و تقفلوا عليه و تحطوه في مكان مظلم و دافيء بحرارة الغرفة لمدة 24 ساعة
بعدها يصبح جاهز و يوضع في الثلاجة

بصحتكم 😋
الدكتورة رقاد جميلة 🩺🇩🇿

29/03/2026

اول درس في المناعة 👍

تنقسم المناعة في جسم الإنسان لزوج أنواع كبار:

1️⃣ كاين المناعة الفطرية (الطبيعية Immunité Innée) لي تكون من نهار يتزاد الإنسان، وتخدم كأول خط دفاع بشكل عام.

2️⃣ كاين المناعة المكتسبة (التكيفية Immunité Acquise) لي تتطوّر مع الوقت كي يتعرض الواحد للأمراض ولا يدير تلقيح، وتمتاز بلي عندها ذاكرة مناعية طويلة.

أنواع المناعة بالتفصيل:

1️⃣المناعة الفطرية:
هي مناعة عامة وماشي متخصصة، تهاجم أي جسم غريب يدخل للجسم مباشرة

تتكوّن من:
حواجز خارجية (الجلد، الأغشية المخاطية)، ومواد كيميائية (كيما حمض المعدة).
وخلايا دم بيضاء (كيما البلاعم les macrophages).
الميزة تاعها بلي تخدم بسرعة (في دقائق ولا ساعات) وماعندهاش ذاكرة مناعية.

2️⃣ المناعة المكتسبة:
هي مناعة متخصصة بزاف، تتكوّن ضد أمراض معينة بعد ما يتعرض لها الجسم ولا يدير لقاح.

فيها الخلايا الليمفاوية (الخلايا التائية والبائية les lymphocytesTet B) والأجسام المضادة.

الميزة تاعها بلي الاستجابة تاعها شوية بطيئة (أيام) بصح تدوم مدة طويلة على خاطر الذاكرة المناعية.

🔹 أنواع المناعة المكتسبة:
▪️ المناعة النشطة: الجسم هو لي يصنع الأجسام المضادة تاعو بعد مرض ولا تلقيح، وتدوم بزاف.

▪️ المناعة السلبية: الجسم يتحصل على أجسام مضادة جاهزة من مصدر آخر (كيما حليب الأم ولا الحقن)، بصح مؤقتة.

🔹 المناعة الذاتية:
هي حالة وين الجهاز المناعي يغلط ويولي يهاجم خلايا الجسم تاعو.
تنقسم لنوع يمس عضو واحد (كيما السكري النوع الأول)، ولا نوع منتشر في الجسم كامل (كيما الذئبة الحمراء).

اقراو الدرس هذا مليح باه نمروا للدروس القادمة

مع فرض فجائي 🧐

الدكتورة رقاد جميلة 🩺🇩🇿

Adresse

El Khroub Constantine En Allant Vers L'hôpital En Face Des Bâtiments Turques
El Khroub
25100

Heures d'ouverture

Lundi	08:00 - 13:00
	16:00 - 18:00
Mardi	08:00 - 15:00
Mercredi	08:00 - 13:00
	13:00 - 18:00
Jeudi	08:00 - 13:00
Samedi	08:00 - 13:00
	16:00 - 18:00
Dimanche	08:00 - 13:00
	16:00 - 18:00

Téléphone

+213669347393

Site Web

facebook.com

Notifications

Soyez le premier à savoir et laissez-nous vous envoyer un courriel lorsque طبيبة أطفال/ ربو و حساسية الدكتورة رقاد جميلة publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.