30/03/2026
💢 كاين ناس تقول “خلعة البطن”،
بصح طبيا ما كاش مصطلح بهذا الاسم.
-----------------------------------------------------
🔺 اللي نعرفوه في الطب هو بلي التوتر والقلق عند الأطفال يبان بزاف في شكل وجع بطن ونقص شهية،
وهذا معروف ويسمّى: Functional Abdominal Pain
-----------------------------------------------------
🔺 هو وجع حقيقي في البطن، بصح ما كاش مرض عضوي واضح.
غالبا يكون مرتبط بالتوتر، الخوف، أو الضغط النفسي (مدرسة، تغييرات، مشاكل…).
-----------------------------------------------------
❌ لاننسى نقولها ونعاودها ماكاش مرض عضوي
⚠️ يعني لازم يشوفو طبيب اطفال للتأكد من عدم وجود مرض عضوي
-----------------------------------------------------
✅ اثبتت الدراسات ان المساج massage على البطن ينقص الالم
🎈العلاج
يرتكز على الراحة النفسية قبل الدواء
الطفل يحتاج أمان وطمأنينة أكثر من الأدوية
المتابعة الطبية ضرورية إذا ظهرت علامات او اعراض اخرى
🌹
