16/09/2025
📱❌ “خدي منه الموبايل.. وخليه يزهق!”
لو أخدتي الموبايل من طفلك وابتدى يزهق…
• طب ما هو دا المطلوب! 😃
الطفل الزهقان أحسن مليون مرة من الطفل السرحان اللي مخه بيقف وهو ماسك الموبايل ساعات طويلة!
💡 الطفل لما يزهق بيبدأ يدور على بدائل…
لو حواليه أدوات بسيطة أو ألعاب حتى لو قديمة، هتلاقيه فجأة بيخترع لعبة جديدة أو بيبتكر فكرة غريبة بخياله.
⏳ الزهق = بداية الإبداع
الإنسان بطبيعته لما يضطر يدور على حاجة تسليه… بيبدأ يستخدم عقله، يفكر، ويجرب.
🎯 النتيجة؟
• زيادة تركيزه
• طول مدة انتباهه
• اكتشاف مواهب جديدة
• تفاعل أكتر مع اللي حواليه
فالمرة الجاية لما طفلك يزهق… ما تجريش تحلّيله المشكلة بالموبايل أو التلفزيون، سيبيه يكتشف العالم بطريقته.
هتتفاجئي قد إيه مخه بيشتغل
✨ افتكري دايمًا: الطفل الزهقان… هو طفل بيكبر بعقله، مش بس بسنه
