Rowida saad El shahawy pharmacy

15/02/2026

كل عام وانتم بخير

دار الإفتاء: فَرِح النبي صلى الله عليه وآله وسلم بقدوم شهر رمضان المبارك، وأظهر الترحيب به، وقال مهنئًا أصحابه ومبشِّرًا أمَّته في آخر أيام شعبان: «أَتَاكُمْ رَمَضَانُ شَهْرٌ مُبَارَكٌ».

15/02/2026

نصائح رمضانيه طبية

يستعرض الكونسلتو في التقرير التالي أبرز النصائح الطبية لصيام الطفل | الكونسلتو

10/02/2026

يارب يجي رمضان ويكون كل بيت مستور وفرحان، ومفيش فيه حد بيتألم ولا حد محروم ولا مريض ولا نفسيته تعبانه ♥️🤲

10/02/2026

خاص بمرضى السكر

Best diabetes doctors in UAE: one-stop, state-of-the-art, out-patient facility specialising in diabetes treatment, research, training & public health awareness.

10/02/2026

كل عام وأنتم بخير

نصائح صحية في رمضانشهر رمضان شهر رمضان، شهر الخير والبركة والمحبة، يُعتبر من أهم الأشهر في التقويم الإسلامي. يتميز هذا الشهر بأجواءه الروح

17/12/2025

08/12/2025

🚨 قرار جديد من هيئة الدواء المصريه عن أدوية الكحه اللي فيها Pipazethate…
القرار دا مهم جدا ومُتوقَّع بصراحة...

مادة الـ Pipazethate من سنين وهي موجودة في السوق كـ non-opioid antitussive والناس كانت بتتعامل معاها على إنها safe ومفيهاش مشاكل…
بس الحقيقة إن الـ data الجديدة والـ pharmacovigilance reports worldwide بقت بتقول حاجة تانية خالص

الهيئات الدولية ومن ضمنها الــ FDA في 2024 شددت جامد على فكرة إن أغلب أدوية السعال والبرد في الـ young kids غالبا ما بتكون risky جدا
minimal benefit + high harm potential
وده شمل فئة الـ centrally acting antitussives اللي الـ Pipazethate واحد منهم

فاللي حصل الفترة اللي فاتت عندنا إن لجنة الفارماكولوجي + لجنة اليقظة الدوائية في مصر راجعوا كل ال safety evidence من السنين الأخيره…

خصوصا ال overdosing scenarios اللي بتحصل بسبب إن المادة ليها narrow safety margin ومع الأطفال تحديدا بتحصل مشاكل شبه:
CNS depression
agitation أو seizures في الجرعات الزيادة
cardiac rate abnormalities
respiratory suppression في حالات نادرة

وده فوق اضطراب الامتصاص في النقط اللي بيخلي dosing unpredictable أصلا

عشان كده الهيئة نزلت قرارات قوية جدا…
مفيش تسجيل جديد للمادة نهائي مستقبلا
إلغاء كل أشكال اللبوس والنقط لإنها high-risk في الأطفال و difficult to dose
تحديث النشرات الداخلية للأقراص مع إضافة clear overdose warnings

والمهم… التحذير الإجباري:
❗️لا يُستخدم للأطفال أقل من 4 سنوات

وده Trend عالمي مش قرار لحظي… وعدد من الدول وقف المادة فعلا من سنين لأنها not clinically superior ومفيش evidence قوي إنها بتحسن cough outcomes عند الأطفال…
وحالات التسمم اللي اتسجلت في الـ case reports كفاية تخلي أي جهة منظمة تبقى conservative جدا

ولو واخدين بالكم… دي مش أول مادة من أدوية السعال القديمة اللي بتتشال… العالم كله ماشي ناحية evidence-based pediatric cough management اللي بيقول
Most antitussives in kids = low benefit, higher harm, avoid unless extremely indicated

فاللي حصل ده أنا شايف انه خطوة conservative ومحسوبة وبتقلل الـ misuse
وأنا شخصيا شايف إن الأطفال الصغار خاصة تحت سنتين أصلا المفروض مياخدوش أي antitussives إلا في حالات استثنائية جدا وتحت متابعة.
فالأفضل يكون في shift ناحية الـ non-pharmacological management + علاج السبب الحقيقي مش مجرد cough suppression

بس كده ♥️

09/10/2025

27/09/2025

البهاق غير معدى

لا حول ولا قوة إلا بالله.!!!

24/08/2025

🚨 بعد حالات الغرق الكتير اللي تقهر اللي حصلت اليوم...
خدوا بقى الناهيه في الموضوع دا علشان بجد تعبنا..محتاجين شير البوست ده يمكن يكون سبب في إنقاذ روح… يمكن كلمة توصّل لحد وتنقذ حياته 🚨

أنا د. محمد حسنين، وبكلمكم النهارده بقلب موجوع بعد الكارثة اللي حصلت في شاطئ أبو تلات وغرق ٦ فتيات في لحظة 💔
وخلوني أقولها بصراحة: البحر مش لعب!

ناس كتير بتفتكر إن الغرق بيحصل للي مش بيعرف يعوم… الحقيقة لأ! الغرق ممكن يحصل لأمهر سبّاح، وبيكون في ثواني معدودة ودا بيكون بسبب:

🌊 تيارات سحب تشد الجسم للداخل.

🌊 أمواج عالية تخلي حتى المتمكن يتلخبط

🌊 دوامات بحرية تدور بيك فجأة وتفقدك السيطرة.

😰 الذعر… اللي بيخلي جسمك يستسلم أسرع من البحر نفسه.
وكمان النزول في مجموعات بتزود حالات الغرق ياجماعه...

---

💡 طب أعمل إيه لو لقيت نفسي بتسحب لجوه؟

1. متعافرش ضد التيار… هتتعب وتنهج.

2. افرد جسمك واطفو على ضهرك عشان تلتقط نفسك.

3. اتحرك بالعرض (يمين أو شمال) لحد ما تخرج من التيار.

4. إرفع إيدك واطلب مساعدة.

5. الأهم: خليك هادي… الرعب هو اللي بيغرقك.

---

💡 ولو وقعت في دوامة (دوامة بحرية)؟

1. متحاولش تطلع ضدها.

2. خليك طافي على ضهرك أو عامل "كور" (تضم رجلك على بطنك).

3. استنى قوتها تقل، وبعدها اتحرك بالعرض لحد ما تخرج من الدايرة.
👉 اعرف إن الدوامة مش مصيدة موت زي الأفلام… السر إنك تفضل هادي.

---

💡 بعد الإنقاذ.. إيه الصح يتعمل؟

شيل هدومه المبلولة وغطّيه بحاجة دافية فورًا.

لو واعي: سيبه يرتاح على جنبه وممكن مشروب دافئ.

لو فاقد وعي أو مش بيتنفس: لازم CPR (ضغطات صدر + نفسين إنقاذ).

اطلب الإسعاف حتى لو شكله كويس، لأن في حالة اسمها الغرق الجاف ممكن تحصل بعد ساعات وتعمل أزمة تنفسية خطيرة.

ضروري يروح المستشفى ويتابع يوم كامل.

---

⚠️ الخلاصة:

راية حمراء = ممنوع نزول.

متسيبش ولادك في البحر لوحدهم.

ماتنزلش في شواطئ غير مخصصة أو من غير منقذين.

الوقاية أمان وحماية… مش "قضاء وقدر" بس، ده مسؤولية ووعي.

---

🛑 شير البوست ده يمكن تكون سبب إن حد يعرف يتصرف وينقذ نفسه أو حد غيره… يمكن كلمة توصل تنقذ حياة 🙏

ً

09/08/2025

تعديلات هامة من وزارة الصحة المصرية خاصة بـ لقاح السعار.

بداية من شهر أغسطس أصدرت وزارة الصحه المصريه بيان خاص بتعديل جرعات لقاح السعار للأشخاص الذين تم عقرهم من اي حيوان ث*ي ( كلب ، قطة،بقرة، حمار ، إلخ..) لتصبح:-

- أصبح التطعيم ٤ جرعات فقط لو الشخص اتعض من حيوان ضال ( مش معانا اي تاريخ مرضي عنه) تبدأ من يوم العض أو حتي لو تم خدشه من الحيوان بالأظافر.

- في حالة الأشخاص اللي بيعانوا من أمراض مزمنه تؤثر علي المناعه بيتم زيادة جرعه خامسه

- أصبح التطعيم ٣ جرعات فقط لو الشخص اتعض او أتخدش من حيوان أليف (يتم تربيته داخل المنزل )-بشرط ميكونش بيخرج بره البيت او بيتعامل مع اي حيوانات اخري -، ولوظهر اي عرض غريب ًعلي الحيوان الأليف خلال ١٠ أيام تزداد الجرعات لتصبح ٤ جرعات بدلًا من ٣ جرعات

- لو عدي ١٠ ايام او أكثر من تاريخ العضه من حيوان منزلي لا يتم التطعيم - في حالة مراقبة الحيوان طول المده دي وعدم ظهور اي اعراض غريبه عليه -

- في حالة ان حيوان بيت او ضال عقر او خدش شخص في الوجه او الرقبه او مناطق حساسه او جروح عميقه او متهتكه المستشفى بتحولنا لاماكن فيها مصل
وخدوا بالكم ان دلوقتي التسجيل بيتم علي كمبيوتر بتاخدوا كود
ولازم قبل ماتتحول لمستشفيات المصل يكون معاك الكود ده.
ولما بتروح المستشفي بيُعاد تقيمك محتاج مصل ولا لا
وديه حاجه تاني.. لان مش كل الحالات بتاخد مصل لكن حسب التقييم

- لو اتعضيت او اتخربشت( قبل )مرور ٣ أشهر علي تاريخ اخر جرعة من التطعيم فأنت مش محتاج تطعيم تاني ولا محتاج جرعات تنشيطيه.في حالة لو اتطعمت اول مرة ٤ جرعات
انما لو تلقيت اول مرة ٣ جرعات بس في الحالة دي هتحتاج تاخد جرعه واحده فقط تنشيطيه.

- اما لو اتعضيت او اتخربشت( بعد) مرور ٣ أشهر او اكثر فهتحتاج لجرعتين تنشيطيتن في اليوم صفر واليوم الثالث.

#سعار