28/05/2023
منقول للافادة وهام جدا جدا
الخربشة تنقل سعار
الناس اللي كانت متشككة رغم أننا قولنا مليون مرة
جالنا فى طوارئ مستشفى عين شمس التخصصي من فتره طالب بكلية الهندسة، عنده تشنجات و اضطراب فى درجة الوعي، عملنا كل الفحوصات الممكنة كلها ما وصلتش للسبب
أدينا كل العلاجات بشكل تحفظي، لغاية ما ظهر عليه رهاب الماء و ده عرض مميز جدا لمرض السعار، الناتج عن عضه الحيوان
سألنا اهله لو كان إتعض من كلب او قطة قالوا لأ، و بعدين والدته قالت لي من ٦ شهور قطة شارع خربشته فى رجله، و سألوا الناس أفتت لهم إن الخربشة مش بتنقل مرض، و طهروا الجرح ببيتادين، مش قادرة أنسى اللحظة دي، لحظة ما قلت لها إحتسبيه عند ربنا دي مسألة ساعات مش أكتر.. الله يرحمه و يسامح اللي أفتى فتوى قاتلة.
١- السعار ينتقل عن طريق الخربشة من حيوان مسعور مش العض بس...
٢- حتى لو الجرح ما جابش دم، فرصة انتقال المرض موجودة لأن الفيروس بيتنقل عن طريق النهايات العصبية فى الجلد مش الدم
٣- الحيوان المسعور ممكن يكون حامل للفيروس و لسة ما ظهرش عليه كل اعراض السعار، ما نقدرش نثبت او ننفي ان الحيوان مسعور من مظهره و سلوكه..
٤- لو العضة شديدة او ناحية الوجه و الرقبة لازم يتاخد المصل و كمان (اجسام مضادة) مع التطعيم..
٥- ممنوع خياطة الجروح نهائيا، و لو فى الوجه بنحقن الأجسام المضاده فى الجرح نفسه.
٦- فترة الحضانة احيانا بتاخد شهور حسب عمق الإصابة و مكانها، و كمية الفيروس .. فده مهم اوي نعرفه ان الحقن تتاخد حتى لو عدى ايام ع الاصابة.
٧- لو الحيوان عاش بعد العضة ما ماتش و عدى وقت يبقى الحيوان مش مسعور
مفيش هزار لو الحيوان مسعور و اللي اتعض ما خدش التطعيم هيموت بنسبة مية فى المية
التطعيم مجانا بمستشفيات الحميات وجميع مستشفيات و زاره الصحه علي مستوي الجمهوريه.
الجزء السابق #منقول
🧑⚕️🧑⚕️لكن الجزء ده .ارجوا انكم تشيروه وتحفظوه عندكم ضروري
👇
👈تعالو نتكلم علميا على الجرعات وامتى ناخد تيتانوس وامتى مناخدش والجرح يتعمل فيه ايه ؟؟
لان لعاب الحيوانات قد يحتوي علي ميكروبات معدية وأخطرهم هو ال Rabies virus فيروس السعار
لو حيوان كائنا من كان قطة ، كلب ، فار خربش او عض طفل هنعمل ايه؟
1️⃣التعامل مع الجرح:
👈غسل الجرح بمحلول ملح ٠.٩٪ أو ماء وصابون
👈ثم تطهيره ببتادين.
2️⃣قرار إعطاء مضادات التيتانوس(حقنة التيتانوس) و تطعيم السعار (حقنة الكلب) و المضادات الحيوية
👨🏼⚕️المضاد الحيوي:
👈في حالة جرح عميق او نزفي.
👈اما لو الجرح سطحي وبسيط .. لازم لو الحيوان مريض .. احنا لا نعلم هل الحيوان مريض ام لا فهندي في كل الاحوال .
👨🏼⚕️مصل داء الكلب:
👈حقن التحصين من داء الكلب Rabies
👈حقن التحصين عباره عن ٤ جرعات في الذراع
الجرعات:في يوم الاصابه Zero واليوم الثالث والسابع والرابع عشر ،والخامسة تعطي فقط للأطفال اللي عندها مشكله في المناعه في اليوم ٢٨ "يبقى كدة 0,3,7,14,28"
🔹حضرتك بتنزل استقبال مستشفى الصحة وتاخد اول جرعه ويسجلو اسمك وتروح ف الايام التالية عيادة مخصصة لمصل الكلب.
♦️خربشة او عضة كلب او قطة او قوارض ... بندي مصل الكلب .. في أقرب وقت ... حتى لو عدى ايام يا دكتور ؟ اه حتى لو عدى ايام .
♦️طب لحد امتى ؟
مفيش وقت معين لاول جرعه .. بس لازم تديها.
There is no time limit
مفيش حد لاول جرعة.
👨🏼⚕️👨🏼⚕️جرعه اجسام مضاده حول الجرح في يوم الاصابة خاصة في جروح الرأس و الرقبة.
👨🏼⚕️👨🏼⚕️مصل التيتانوس:
في حالة الجرح اللي حصل فيه نزيف الناتج عن عضة كلب او قطه .. لكن بيعتمد على سن الطفل وهل خد تطعيمات الصحة ولا لا ... لان تطعيم التيتانوس بيتاخد عند 2 ، 4 ، 6 شهور وسنه ونص.
🔹طفل مخدش تطعيم خالص .. لازم ياخده.
🔹طفل خد تطعيماته كلها وهو صغير .. هناك احتمالين :
👈🏽جرح نضيف ما فيهوش صديد ولا التهابات : ياخد اللي فوق سن 10 سنوات.
👈🏽جرح مش نضيف يعني ملتهب او فيه صديد: ياخد اللي فوق سن 5 سنوات.
