https://www.facebook.com/102028981410935/

ضحى محمود _Doha Mahmoud, القاهرة, القاهرة (2026)

12/10/2022

اصبحنا واصبح الملك لله ❤

11/07/2021

يظل الاحتياج برئ الى ان تدخل الرغبه .
#سيكولوجي

06/06/2021

#الوقت ⏳
مرور الساعات والايام والسنين قادر انه يحل اكبر المشاكل
ويداوي اعمق الجروح
كمان هو الي فيه بنقدر نحصد نتاج جهدنا وصبرنا
من اعظم النعم الي كل البشر اتقاسمت فيها
كلنا عندنا ال 24 ساعه
ولكن استخدامنا ليهم مختلف
كل حاجه في حياتنا محتاجه تاخد من الوقت ده وكانه ثمن لازم ندفعه علشان ناخد نتيجه بنسعالها
زي اني اقضي وقت في المذاكره عشان انجح
او امر بشويه وقت عشان اداوي جرح في جسمي
كله بياخد وقت
وكمان العلاقات محتاجه وقت
علاقتك باهلك وبشريك حياتك واولادك محتاجه تدفع من وقتك ليها عشان تكبر وتتطور وتديج نتيجه مرضيه
وكل مادفعت اكتر كل ماكانت النتيجه مبهره
ولكن احنا مصابين بفيرس اسمه ( معنديش وقت )
كلمه بنرددها دايما قدام الحاجه الي شايفين انها متستاهلش الوقت ده برغم انها بتكون هي اكتر حاجه تستاهل .
عارفين بيستوقفني جدا في الافلام الاجنبيه مشاهد الوقت في الازمات
زي انه ممكن تكون الحريقه قايمه وتلاقي الاب بيخطف من الوقت ثواني يحضن ابنه ويطمنه ويقوله هنقدر نعدي من الازمه
* الارض تبقي بتنتهي وتلاقي شريكين بيخطفوا لحظات رومانسيه لبعض
واحنا في صوت واحد هو ده وقته احلقوا اجروووو👻👻😂
ولكن اكتشفت ان اللحظات الي بنخطفها في عز الازمات ونكون فيها مع بعض هي دي الي بتخلي العلاقه تكون صحيه ومستمره .
بناخد وقت نتكلم
وقت نتشارك وجعنا وحزننا
وقت بنطيب فيه خاطر بعض
وقت نحضن ولادنا
بناخد وقت لرصيد العلاقات عشان تكبر وتنموا بشكل صحي من غير فراغات نفسيه واحتياجات غير مشبعه .
احنا محتاجين ناخد وقت مع الي بنحبهم في حياتنا لانهم ولاننا محتاجين ده
الوقت ملكك مجاني ولكن في دفعه تحصد ملايمكن حصده بالمال ❤
#علاقات ❤

23/05/2021

.... 🙄
لو سمحتي متتجوزيش اي شخصيه اتعمل عليها ترند
وتبروزت في خيالك وعقلك الباطن
عشان في الغالب هي شخصيه غير سويه 👻👻
ليه بقي ؟؟!!
انا بحب الاسئله المهمه دي ❤
بصي اي حد عنده ميزه واحده متبروزه كده وظاهره اوي للناس وفيها مبالغه فهي ميزه مصطنعه وغير حقيقيه ووراها بلاوي كتير
اما تسليط الضوء علي ميزه او عيب ونكبره اوي اوي
فهنا عندي خلل عند الطرفين ؛ صاحب الميزه / العيب
او الشخص الي اظهرها .
لان في سمات الشخصيه عندي سلم متدرج للسمات الشخص
في الاصليه والثانويه وهكذا
فسمة الجدعنه مثلا تحتيها صفاااااااات كتيييييير جدا تقولي الشخص ده جدع وعشان كده اطلقنا عليه السمه دي
طب سمة الجبن فانا عندي صفاااات كتير جدا ومواقف متعدده تقولي الشخص ده جبان وبكده بحكم عليه بعدة مواقف وسلوكيات مختلفه تقولي مدي صلاح الشخص الي قدامك من طلاحه..
ففكره الترند وان بنات كتير جدا حطت ده مقياس للشريك حياتها
هما عندهم مشكله
اولها انهم مش عارفين ايه الي يريحهم لانهم ميعرفوش نفسهم بشكل كافي فاي حاجه من بره شكلها حلو فهنروح ناخدها
ثانيا معالجوش مواقف الخزلان الي طبيعي تحصل
لان البشر مش متفصلين علي مزاجنا
ثالثا بقي ان اي حد في الدنيا عنده عيوب وندبات نفسيه ممكن تاثر علي حياتنا وحياة الناس معانا
في الي ربنا كرمه وعرف يتعامل او استعان بمتخصص يساعده في ناس تانيه معندهاش الثقافه دي فمش هنروح نضربهم ونقولهم كده نوتي 🙄..
الشخص الي معندوش عيوب غير سوي نفسيا
والشخص الي معندوش مميزات غير سوي نفسيا
السواء هو ميزان بين الاتنين
انا جوايا الاتنين
الاعتراف بالعيوب من علامات السواء
وانتي بتختاري المميزات اختاريها اصليه في الشخص ده
لان ساعتها عيوبه هتكون ثانويه لانها مش هتوقف حياتك مش هتعطلها مش هتندمك مش هتخليكي تنامي معيطه
عيوب بتظهر في مواقف ضغط وبتروح لحالها
او بتظهر في مواقف واماكن معينه فهنحاول نتجنبها
وانتي بتختاري مميزات اسالي نفسك انتي قد مسؤليتها ولا لا 😍

04/05/2021

حازم ومؤنس 🙈
شخصيتين من مسلسل للعبة نيوتن
الاتنين اتجوزو نفس البنت وهي هنا ودي ليها بوست لوحدها عشان دي حكايتها حكايه 🙄
ولكن خلينا نركز هنا شويه مع شخصبتين منتشرين جدا بنا بنشوفهم ونتعامل معاهم وكتير بنكون ضحيتهم 💔
هنا هحلل شخصياتهم بناءه علي مواقف حصلت في المسلسل والي كل يوم بتزيد تاكيد علي الي هنقوله دلوقتي
#حازم زوج هنا الاول
كان بنهم قصه حب حلوه اوي كتير من البنات تتمني تعيشها
حازم شخص انفعالي عاطفي
وده معناه ان قراره مش من دماغه قرراته بتطلع علي حسب ترمومتر المشاعر الي عنده الي فجاءة بيضرب في المخ ويصدر تصرفات غير منطقيه واندفاعيه جدا مافيهاش تفكير نهائي
وده بينتج عنه الفاظ تجريح وقطع علاقات بشكل مؤقت
واكن لما بيهدي بيرجع طبيعي تاني
شخص ثقته مهزوزه انتقادي بيسقط الي جواه علي اضعف شخص جنبه
والي كانت هنا كان بيرمي ضعفه عليها وعدم تحمله للمسؤليه عليها ولما كان بيعمل كده هي كانت بتتمسك بيه اكتر وتشوفه حامي الحمي بتاعها وهنا بيحصل اشباع للحازم بيديله ثقته الي فاقدها
علاقه غير سويه ولكن احيانا بتنجح
في حاجه في علم النفس خاصة لرواد المدرسه السلوكيه
اسمها التنبوء بالسلوك في المستقبل
يعني نقدر نتبئ بسلوك حازم في المستقبل ؟؟
ايوه
ولكن بشروط
وهي لو غيرنا البيئه بتاعته وبعض الجلسات المعرفيه والسلوكيه شخصية حازم ممكن تتغير 180 درجه
وده لانه واضح
انفعالي عاطفي
لو اشتغلنا علي الحته دي نقدر نقلل الاندفاع ونخليه يفكر في حلول بديله
فهيحصل تغير كبير
كمان حازم مش لاقي نفسه مع اسرته
مش بيتقدر
لما بيتحط في مواقف صعبة مش بيعرف يتصرف بيجري علي اقرب حد ليه ينجده
وده لو اتغير حازم هيتغير
وده علي النقيد تماما في شخصية #مؤنس
مؤنس كان بيغير في احداث المسلسل بشكل كبير
شخص عارف كويس هو بيعمل ايه حافظ من الدين الي يخدم مصلحته
شخص هادي عقلاني رزين عنده توازن نفسي قوي جدا
ولكن كل ده وراه كتير
شخص ممكن يخبي حقايق لو متعارضه مع مصالحه
عندة مشاكل نفسيه مكبوته من طفولته بيتحكم فيها بشكل قوي جدا
لما بيصمم علي حاجه بيوصلها
بيتبع مبداء الغايه تبرر الوسيله
الي وراه اكتر كتير من الي واضح وظاهر لينا
وده من الشخصيات الصعب تتفهم او تطمنلها بسهوله
صعب تعرف هو بيفكر في ايه
ونيجي للحته بتاعة التنبؤ بالسلوك دي فمش هينفع معاه جلسات لانه معندوش مشكله
المشكله هتظهر في الناس الي معاهم هيكونو مش مستريحين ودايما عندهم قلق
مؤنس عارف كويس هو عايز ايه وبيعمل ايه فبتالي معندوش مشكله عشان يروح عشانها للمختص نفسي
الي محتاج ده حازم
وهنا الي هنتكلم عنها في بوست لوحدها ❤

😍

09/03/2021

فيدباك ورشة امس 😍😍

04/03/2021

عندي عرض حلو جدا 😍
انا هختار 3 اشخاص
اعملهم سيشن او استشاره غير مدفوع .
ولكن غير مدفوع فلوس
الاشخاص دي هتقدملي حاجه غير الفلوس بتاعه السيشن دي
خدمه مثلا ذات قيمه
منتج مثلا
او او او
عرض ميترفتضش 😍😍
يلا وروني ابداعات المقايضه ❤

25/02/2021

ونا مستنيه السيشن يبدا مع متدربين جداد 😍😍
اللهم استخدمنا ❤
#يسّر ❤

21/02/2021

خطوة لعلاقه ناجحه ❤❤

19/02/2021

سيناء
بئر العبد ❤

27/01/2021

🤓
أزاي
كلامنا في البوست ده ببيركز ع العلاقات الإنسانية والبين شخصيه
العلاقة بين والديك وبعدين صحابك
وبعدين زمايلاك وجيرانك واولادك وأخيرا زوجك
العلاقات الإنسانية هي من أرقى أنواع العلاقات ع وجه الأرض
يعلو عليها علاقة الفرد يخالفه سبحانه وتعالي
خلونا نبدأ بسقف التوقعات
والجمل المشهورة 😂😂
او ان
بس للحقيقه كل حاجه في الدنيا بتطلب
تعالو نشوف علاقه الأبوين ولادهم في البداية يحاول الاب والأم تلبيه الاحتياجات الأساسية للطفل أنه مش بعرف يطلب حاجه
طب أول مايتكلم ويتعلم يطلب
للاب وآلام بينفزو بشكل فطري ولا ارادي
طب علاقه الصداقة
بتشوف ان الناس بدأت تخبئ متطلابتها ومش بتقول هي محتاجه أيه بالضبط ع اعتبار ان الطرف الثاني عارف انا عائد ايه
بس للحقيقه هو ميعرفش انت عايز أيه
لأنه مدخلش جوه دماغك وعرف انت بتفكر في ايه
نفس الحال عند الزوجين أكثر المشاكل بتحصل برده من مستوى التوقعات العالي جدا
وكل طرف فاكر الثاني هو الفارس الذي يحقق الأحلام بدون طلبات
وهنا لازم تقف مع نفسنا شويه
انت اكيد متعرفش انا بفكر في ايه دلوقتي
ولا انا اعرف انت بتفكر في ايه وعشان كده مينفعش حد يتوقع في الثاني انه يلبي تفكيره في اللحظة دي
قبل ما نلوم طرف انه مش مهتم او مش بلبي طلبتي
جرب تطلبها الاول
وبعدين ابتدي احكم ع الطرف الثاني
دمتم سالمين

اخصائي الصحه النفسيه
والارشاد النفسي ❤

25/01/2021

الحب لبنه في بيت اساسه الموده والرحمه والتراحم بين الزوجين
كتير بنشوف زيجات بتم لمجرد ان الطرفين بينهم حب وبينسوا ان في جوانب تانيه لازم تكون موجوده عشان البيت يتبني صح
وبعد اول صدام عاطفي بيقايل الزوجين بيقررو الانفصال 💔
وعشان كده بنقول الحب لوحده ميبنيش بيت سعيد ومستقر
اتعلمنا ان الحياه الزوجيه بتقوم علي ثلاث اعمده اساسيه وهي
1_ الجانب المعرفي : وده فيه ثقافتنا ودراستنا وقد ايه احنا متفاهمين ولا لا
وهل اسلوب النقاش بنا مثمر ولا لاء
ياتري لما بنختلف بنتفاهم ازاي لما بتقابلنا مشكله هنقدر نحلها ولا لا مع بعض مش كل طرف لوحده
من الاخر دماغنا متظبطه مع بعض ولا لا
2_ الجانب الوجداني او العاطفي : وهو اكبر كتير جدا من كلمه الحب وشعور الحب
جانب فيه القبول والتقبل والتفهم والاحتواء والتراحم
جانب فيه مشاعرنا
"الحب سلوك وافعال " (ستيفن ار كوفي)
الحب مش حبه مشاعر متغيره بتزيد وتقل
لا الخب سلوكيات وافعال وازاي تقدر تفهم موقف الي قدامك حتي لو غلطان
الحب هو التغاطي والتغافل عن العيوب
جانب الموده والرحمه
3_ الجانب الفيسيولوجي : وده اامسؤل عن القبول في المظهر والشكل
يعني انت راضي عن شكل شريك حياتك سواء يقي اييض اسمر طويل قصير
انت بتحب شكله كده ومتقبله
بتستريح لطاقه جسمه وبتحس بامان وتتنفس وانت مطمن
وده باختصار شديد لاهميه ااجانب الفسيولجوي..
لو حطينا قدامنا الثلاث جوانب الي قولناهم دول وعرفنا احنا محتاجين ايه من الطرف الي معانا وهو محتاج ايه مننا
هنقدر نعدي اي خلاف بنا ونكمل مسيره حياتنا سعداء مطمئنين
مش هنلجاء اننا ننهي حياتنا الزوجيه
لازم نعرف من البدايا احنا محتاحين ايه والطرف التاني محتاج ايه
ونسال نفسنا هنقدر ع متطلبات الحياه دي ولا لا
دمتم سعداء
دمتم رحماء ببعضكم

ضحى محمود _Doha Mahmoud

12/10/2022

11/07/2021

06/06/2021

23/05/2021

04/05/2021

09/03/2021

04/03/2021

25/02/2021

21/02/2021

19/02/2021

27/01/2021

25/01/2021

Address

Telephone

Website

Alerts

Contact The Practice

Shortcuts

Share

Category