مركز صفاء الشورى للتخاطب و الارشاد الاسري

28/10/2025

مجموعة ينتمي / لا ينتمي من الأنشطة المهمة جدًا في تنمية مهارات اللغة والتفكير عند الأطفال 👏
من خلالها بيتعلم الطفل:
✅ التمييز بين الأشياء وتصنيفها حسب الفئة.
✅ زيادة الحصيلة اللغوية من خلال ذكر أسماء الأشياء.
✅ تنمية الانتباه والتركيز البصري والسمعي.
✅ فهم العلاقات بين الأشياء

27/10/2025

26/10/2025

المقارنات واحدة من المهارات المهمة جدًا في تنمية اللغة عند الأطفال
من خلالها الطفل بيتعلم يلاحظ الفروق بين الأشياء، وده بيقوّي الإدراك البصري واللغوي في نفس الوقت 👀✨

25/10/2025

💔 ليه العصبية بتوجّع الطفل… حتى لو بعدها حضن؟

في لحظة… بتنفجر.
مش قادرة تتحملي صوت الزعيق، العناد، التكرار.
صوتك بيعلى فجأة:
“كفاية بقى! أنا قلت لاااا!”

يسكت.
عيونه تتملي خوف.
وانتي… قلبك يوجعك قبل حتى ما يهدأ البيت.
بتروحي له، تحضنيه، وتهمسي:
“ماما آسفة يا حبيبي.”
هو يهدأ، يلمّ وشه في صدرك، وإنتي تتنفسّي راحة قصيرة…
لكن في جوّه، حاجة اتكسرت.
مش لأنك زعقتي… لكن لأن جسمه حس بالخطر منك — مش فيك.

🎯 ليه الوجع ده بيفضل؟

الطفل وقت الصوت العالي، دماغه ما بيميزش بين “تهديد حقيقي” و“ماما متوترة”.
في لحظة الزعيق، بتشتغل اللوزة الدماغية (Amygdala) — الجزء اللي مسؤول عن الخوف —
فتبعث إشارة إن في خطر،
ويضخ الجسم أدرينالين وكورتيزول زي وقت المطاردة.

النتيجة؟
ضربات قلبه تزيد، نفسه يتقطع، ونظرته ليكي تتبدّل للحظة.
مش كره، لأ…
بس “صدمة صغيرة” بتقول:

“الأمان اللي كنت حاسه… راح.”

🌿 بس أنا حضنته بعدين، مش المفروض يتعالج كده؟

الحضن حقيقي بيهدّي.
بيفرز الأوكسيتوسين — هرمون الارتباط — وبيطمنه إنك مش خطر.
لكن الجسم مش بيلحق ينسى بسرعة.
المخّ بيسجل “الزعيق” كإشارة خطر… وبيحتاج وقت علشان يربط بين صوتك بعد كده والأمان تاني.

زي ما تكوني قلتي له من غير قصد:

“أمانك في إيدي، بس ساعات بتوجعك.”

💬 مشهد متكرر في كل بيت

أم راجعة من يوم طويل… تعب، دوخة، دوشة.
طفل بيطلب لعبة، وهي خلاص وصلت آخر طاقتها.
تصرخ:
“مش وقته خالص!”
هو يعيط،
وهي بعد دقيقة تبكي كمان:
“ليه كل مرة أوصل للنقطة دي؟ أنا بحبه، بس مش بعرف أتحكم.”

اللي حصل مش ضعف فيك،
ده جهاز عصبي مرهق بيحاول يحميك،
وبيفتكر — من غير وعي — أصوات قديمة: تهديد، خوف، قسوة.
العصبية مش ضد الأمومة… العصبية نداء استغاثة من أم لسه بتتعلم الأمان.

🧠 من منظور علم الأعصاب
• المخ في لحظة التوتر بيقفل على وضع “النجاة”، مش “التربية”.
• العقل الواعي (القشرة الجبهية) بيطفي مؤقتًا.
• العقل العاطفي (اللوزة الدماغية) بياخد القيادة.
• يعني بتتصرفي بغريزة، مش بإدراك.
عشان كده بعد الهدوء، الندم بييجي،
لأن الجزء الواعي رجع، وشاف اللي حصل كأنه فيلم صعب يعاد في دماغك.

💔 تأثير اللحظة على الطفل

مش الزعيق نفسه اللي بيؤذي،
لكن الارتباك بين “ماما اللي بتحبني” و“ماما اللي بتصرخ”.
الطفل مش بيفهم إنك متوترة… هو بيفهم إنك خطر.
وده بيخليه:
• يبقى حذر زيادة.
• أو ينسحب عشان ما يضايقكيش.
• أو يقلّد صوتك لما يغضب.

الوجع مش فوري… لكنه بيبني “ذاكرة خوف” صغيرة،
تتصلح لما يلاقي منك تواصل صادق بعد الموقف، مش مجرد حضن.

🌸 طيب نعمل إيه بعد الزعيق؟
1. خدي نفس بجد.
جسمك محتاج يرجع للوضع الآمن قبل أي كلام.
2. اقربي منه بهدوء.
ما تبرريش فورًا، بس احكي له ببساطة:
“ماما كانت متوترة وزعقت، بس ده مش علشانك. أنا بحبك.”
3. اسمحي له يعبّر:
“كنت خايف؟ كنت زعلان؟”
كل مرة يسمع إن مشاعره مسموحة، بيتطمن أكتر.
4. سامحي نفسك.
بدل ما تقولي “أنا أم فاشلة”، قولي:
“أنا أم بتتعلم تهدي بدل ما تنفجر.”

💛 الحقيقة الأعمق

الطفل اللي بيتوجع من صوتك…
ما بيحتاجش أم مثالية،
بيحتاج أم بتعترف، وبتصلّح، وبتتغيّر.

كل مرة تختاري الهدوء بدل الانفجار،
انتي مش بس بتحميه…
انتي كمان بتربي جوّاه صوت جديد للأمان.
صوتك، لما يهدأ، بيبقى هو المصلح بعد كل وجع

24/10/2025

24/10/2025

الطفل القماص
اللي بيزعل علي أتفه الأسباب..
لو ملقاش سبب يزعل عشانه يخلق سبب عشان يزعل ويغضب 🤦‍♀️
حاسس انه ضحيه طول الوقت 🫣
مبيعرفش يستمر ف لعبه جماعيه .. اي تعامل مع أطفال كل شويه واخد جنب وزعلان

نحاول نفرق بين الطفل القماص والحساس.. في فرق

طب نتعامل ازاي مع الطفل القماص 🤔
ببساطه .. نتجاهله🤷🏻‍♀️
بيلعب مع أطفال وزعل فجأه وجه قعد معانا وانتي شايفه الموقف أنه ميزعلش فعلا
ولا كأنك شيفاه...
مره علي مره هيحس انه مش لافت انتباهكم وهيبطل يزعل علي كل حاجه
لو متابعه الموقف ولقيتيه زعلان بدون وجه حق
متسأليهوش مالك .. اتكلمي في أي موضوع تاني .. حسسيه ان الموضوع مش لافت انتباهك
تجاهل تام..

طب لو اهتمينا ودللنا وجرينا عليه في كل مره وواسينا
ده هيبقي سيدنا القماص بجد 😄
الموضوع هيلازمه لحد ميكبر
وهتتعبي معاه جدا
الشخصيه القماصه نلحقها بدري بدري
طريقتك في التعامل معاه من سن ٤ سنين مثلا هتفرق كل ميكبر اما الموضوع هيقل او هيزيد علي حسب رد فعلك ..

كله مرحله بتتبني علي اللي قبلها ناخد بالنا

22/10/2025

البلوغ والمراهقة لدى الأفراد من ذوي اضطراب طيف التوحد

مرحلة البلوغ :

التغييرات الجسدية التي تحدث بالجسم والتي تجعل الشخص قادرا على التكاثر جنسيًا.

مرحلة المراهقة :

فترة الانتقال العاطفي والاجتماعي بين الطفولة والبلوغ.

يمر ذوي اضطراب طيف التوحد عادةً بتأخر المهارات الاجتماعية والعاطفية. وقد لا يحققون الانتقال إلى مرحلة المراهقة حتى سن المراهقة المتأخرة أو بداية العشرينات. ومع ذلك، ستحدث التغيرات الجسدية للبلوغ، والتي يمكن أن تكون ما بين 10 سنوات إلى 11سنة، وقد يواجه العديد منهم أحاسيس جسم ناضج جسديًا دون النضج الاجتماعي والعاطفي والنفسي لفهم هذه الأحاسيس.
أهم التغيرات التي تطرأ على ذوي اضطراب طيف التوحد في مرحلة البلوغ:

- البحث عن الاستقلالية.
- زيادة الإدراك.
- الانفعالات الشديدة.
- النمو سريعًا.
- العزوف عن إيجاد علاقات اجتماعية للنمو الاجتماعي.
- الانهماك على ذواتهم.

إرشادات و اعتبارات :

* ابدأ مبكرًا في تعليمه عن التغيرات المتوقعة.
* ابدأ مبكرًا في تعليمه الخصوصية، مع الأخوة والأخوات والمعالجين.
* تعليم و نمذجة سلوك النظافة أمامه.
* استخدام اللغة الصحيحة لوصف أجزاء الجسم ووظائفه، و تعليم المصطلحات المناسبة.
* التركيز على نقطة الاعتماد على النفس.
* الحرص على تعويد الطفل على أن بعض أجزاء جسمه محرمة على الآخرين.
* وضع روتين لتعلم المهارات.

دور الأخصائي المهني في فترة البلوغ :

- المساعدة في تطوير مهارات العناية الشخصية لتعزيز الاستقلال.
- تعديل المهام لتسهيل الاستقلال.
- إنشاء دعم مرئي تشجيع الاستقلالية في الاستحمام وارتداء الملابس والنظافة الشخصية.
- التعاون مع أولياء الأمور لرفع توقعات العناية الشخصية في المنزل كلما تحسنت المهارات.
- وضع إستراتيجيات تنظيمية للمسؤوليات اليومية والتخطيط المزيد من المسؤوليات العرضية مثل أمور العناية النسائية وقص الشعر.
- تعليم قواعد التفاعل الاجتماعي.
- توفير فرص لممارسة التفاعلات الاجتماعية •
- زيادة فهم السياقات الاجتماعية و الاستجابات المناسبة لها.

سلوك الفرار لدى ذوي اضطراب طيف التوحد في فترة المراهقة :

- قد يزيد سلوك الفرار، وهو الهروب من العائلة أو المكان الآمن، من حيث معدل التكرار، والمخاطر. بحثًا عن شيء مثير للاهتمام أو ممتع، أو بحثًا عن بيئة مختلفة مثل، حمام السباحة. أو كاستجابة للتوتر أو القلق.

ما الذي يمكن فعله لدعم سلامته؟

- تأمين الأبواب والنوافذ من الداخل أو تثبيت نظام إنذار عند فتح الباب.
- ممارسته إخبار شخص بأنه يحتاج لمساعدة، وفي حال كان غير ناطق ارتداء بطاقة تعريفية.
- استخدام الجوال لتحديد مكانه عند الطوارئ.
- الاستعداد والحماية، بزيارة إدارات الشرطة القريبة لتعريفها باحتياجاته وسلوكياته.

الانتكاسية لدى المراهقين من ذوي اضطراب طيف التوحد :

- مثل نوبات الغضب، والانفعال، والعنف، والعزلة الاجتماعية، ورفض الكلام؛ بسبب التغيرات العاطفية و الهرمونية، وتأثيرها على السلوكيات محاولةً منه بالتعامل مع الوضع المحير، لذلك ينصح بالتحلي بالصبر والشرح له باستمرار عن التغيرات التي تطرأ على جسده.

التغيرات التي قد تطرأ على المراهق من ذوي اضطراب طيف التوحد :

1- التغيرات العاطفية :

* والتي تؤدي إلى السلوكيات العدوانية ونوبات الانفعال المفاجئة وسلوك إيذاء الذات والصراخ أو تؤدي إلى الانهيار العاطفي، وينصح بأخذه لمكان آمن حتى يهدأ ويعود إلى حالته الطبيعية.

2- التواصل :

* فقدان مهارات اللغة والكلام بالتالي تأثيرها على المهارات الاجتماعية، وقد يلجأ للتواصل بالإيماءات وإصدار الأصوات، لذلك شجعه على التحدث من خلال التفاعل المستمر و إشراكه في المحادثات، مع جلسات علاج النطق والتخاطب لمنع الفقدان التام لمهارات التواصل.

من المهم أن ندرك :

- من غير الجائز أن نتصور أن الأفراد ذوي اضطراب طيف التوحد بالعموم ليس لديهم حاجات جنسية و اجتماعية لإقامة أسرة عادية.
- من الخطأ التصور أيضًا أن صور السلوك الجنسي غير الملائم الذي يصدر عن الأفراد ذوي اضطراب طيف التوحد نتيجة حتمية القصور في القدرات العقلية و لا نملك حياله القدرة لمنعه أو تعديله.

21/10/2025

هل طفلك بيعاني من صعوبة في التركيز أو التمييز بين الأشكال والألوان؟
يمكن يكون السبب ضعف في الإدراك البصري!

الإدراك البصري هو الأساس في تعلم القراءة، الكتابة، والتمييز بين الحروف والأرقام ✏️
ومن خلال جلساتنا بنساعد الطفل يطور مهاراته البصرية خطوة بخطوة بطريقة ممتعة ومليانة أنشطة وألعاب ✨