Dr Mariam John paediatrics clinic

25/04/2022

عيد قيامة مجيد كل سنة و حضراتكم طيبيين

07/01/2022

كل سنة و حضراتكم بخير
عيد ميلاد مجيد

14/11/2021

ازاي احمي ابني من العدوي بالكورونا؟

📚📚التعليم عن بعد صعب
و كل الأمهات جربته السنتين اللي فاتوا
الحمدلله السنة دي الاطفال قدرت تنزل المدرسة و في اطفال بتزل و بردوا عندها دروس اونلاين

ازاي احمي ابني من العدوي بالكورونا

١- اول حاجة لازم نهتم بأكل الطفل لازم يكون صحي متوازن مليء بالفيتامينات اللي في الخضار و الفاكهة🥗🥗
و نعلّم اطفالنا تشرب مية كتير💦💦💦💧💧

٢- لازم اتكلم مع ابني في اهمية ارتداء الكمامة
و امرّنه في البيت ازاي يلبسها كويس و يقلعها كويس
لازم نأكد عليهم ان لبس الماسك بيكون في المدرسة او في الاوتوبيس او في العربية اللي بيبقي فيها كذا طفل مع بعضcarpool
طبعا كل اب و أم لازم يكونوا قدوة ، يعني مش هفكركوا انتوا كمان لازم تابسوا الكمامة و مش بس قدام اطفالكم، دي حماية ليكم و لولادكم😷😷😷

٣- لازم نفهم اطفالنا ازاي احافظ علي التباعد الاجتماعي و اسيب مسافة اد ايه بيني و بين زمايلي↔️↔️↔️

٤- غسيل الايدي مهم جدا
لازم نتمرن علي الخطوات بتاعته و مننساش مش أقل من ٣٠ ثانية كل مرة
لازم نعمل اطفالنا يغسلوا ايديهم، مش بس قبل الأكل و بعده ….. في كل وقت👌👌👌👌

٥- يا ريت كل طفل يبقي له ادواته الدراسية الخاصة به في المدرسة. و نقلل المشاركة بين الاطفال في الادوات المدرسية ✏️✏️📏no sharing

٦- تحضير الشنطة مهم جدا مش بس كتب و مقلمة و كراريس
لازم يبقي في كمامات زيادة و چل للايدي و زجاجة مية خاصة
😷😷😷💦💦💦🧴🧴

٧- الكورونا في الأطفال شكلها مختلف ممكن تبقي سخونية ، وجع في العضلات، كحة ، زكام ، صداع، انف مسدودة، وجع في المعدة او اسهال
عند حدوث اي من الأعراض السابقة لابد من الذهاب للدكتور فورا
🤧🤧🤕🤢🤮🤒🥴

٨- لو فعلا لا قدر الله اي طفل اصيب او اي حد في البيت اثبت انه عنده كورونا لابد من ابلاغ المدرسة فورا لاتخاذ الاجراءات اللازمة
📣📣📣📣📣

٩- كل هذه القواعد و التغيرات صعبة علي الاب و الام و صعبة كمان علي الطفل …. ده ممكن يأثر في نفسيتهم … فلابد من احتواء الأطفال علشان كلنا نعدي الفترة دي علي
خير
🤗🤗🤗👨‍👩‍👧‍👦👨‍👩‍👧‍👦

14/11/2021

📣📣📣📣📣📣Getting vaccinated doesn’t mean we are free again
We have to abide by the rules put, to stop the spread of this virus and end this pandemic

1️⃣Social distancing
2️⃣Wear your mask
3️⃣Cough and sneeze in your elbow
4️⃣Wash your hands
5️⃣Keep rooms well ventilated

لابد من اتباع التعليمات السابقة و عدم التخلي عنها حتي بعد تلقي التطعيم للقضاء علي انتشار هذا الفايروس
١-التباعد الاجتماعي
٢-ارتداء الكمامة
٣-الكحة و العطس داخل الكوع و ليس باليد
٤-غسيل الايدي
٥-التهوية الجيدة

Stay safe😊😊

Vaccines can protect you from serious illness and death from COVID-19. But DYK that after being vaccinated, continuing to
😷 Wear a mask
↔️ Keep a safe distance
🪟 Open windows
🤧 Cough/sneeze into your elbow
👐 Keep hands clean
can have extra benefits for you and those around you? Here’s why

11/11/2021

The 17th of november is World Prematurity Day
"تحيا الي كل طفل مبتسر و باباه و مامته"

06/11/2021

صباح الخير☀️☀️☀️
📣📣📣الي كل ام حامل
التطعيم ب tetanus toxoid هام جدا لحماية الطفل المولود من عدوي التيتانوس التي قد تحدث اثناء عملية الولادة

التطعيم بتوكسيد التيتانوس خلال فترة الحمل هيحميكي ويحمي جنينك من خطر الإصابة بالتيتانوس الوليدي اللي بيؤدي إلى الوفاة..
في مبادرة رئيس الجمهورية للعناية بصحة الأم والجنين، هتكشفي على الأمراض المنتقلة من الأم للجنين (التهاب الكبد B - بكتيريا الزهري - فيروس نقص المناعة البشري) وتتعالجي بالمجان..
مواعيد الوحدات: يوميًا من ٨ صباحًا حتى ٢ ظهرًا

01/11/2021

الاسبوع الأول1️⃣

👈👈👈اهم ٣ نقط في المرحلة دي
١- بدء و توثيق الرضاعة و الغذاء المطلوب للطفل
٢- تكوين علاقة مع الاب و الام
٣- عند وجود اي تساؤلات او استفسارات يجب التوجه لطبيب الأطفال علي طول

الطفل في اول اسبوع بيتأقلم. علي العالم الخارجي ….. الطفل كان جوة بطن مامته الجميلة متدفي متطمن كل حاجة متظبطاله الحرارة ثابتة الغذا متوصل علي طول الصوت خافت خالص و مافيش نور💤💤💤👼👼👼
العالم الخارجي مختلف جداً نور و برد و حر و هوا و صوت عالي واصوات ناس ميعرفهاش

ازاي اساعد ابني في الوقت ده؟

اهم حاجة احسسه بالامان و ابتدي اكوّن الرابطة مع طفلي ….بالحضن الدافي و الابتسمات ده بيدي الطفل احساس بالحب و الأمان❤️❤️🤗🤗🤗

السؤال اللي بيدور في عقل كل أم ….شكل الطفل بيبقي زي اللي بنشوفهم في التليفزيون؟!!!

اه طبعا
بس في حبة حاجات لازم ناخد بالنا منها

١- ممكن الراس من ورا يبقي عندها ورم بسيط …..ده بيقي ناتج من عملية الولادة و اسمها caput succedaneum و ده بيختفي في اول اسبوع
🚨🚨لازم ناخد بالنا ان لو متجمع فوق حتة معينة في الراس او مش بيقل لازم نروح للدكتور علي طول

٢- الطفل بيبقي مولود بجزء من الحبل السري يجب تعقيمه بالكحول حتي يجف و يقع و ده بيحصل في خلال الاسبوع الاول
🚨🚨لو طالت المدة او في اي افرازات او احمرا لازم نروح للدكتور علي طول

٣- الطفل في الاسبوع الأول بيبقي نايم معظم الوقت بيصحي كل ساعتين تلاتة ياكل و ينام تاني.. و ده بيحصل علي مدار اليوم….. بالصبح و بالليل
🚨🚨لو مش راضي يصحي أو مدروخ او مش بيرضع كويس لازم نروح لدكتور الاطفال

٤- النمو العقلي بيبدء من اليوم الأول …..و الطفل بينمي عقله عن طريق التعارف علي البيئة اللي حوله من انوار و اصوات
لو حطيت صباعك في ايده هيقفل عليه حاجة اسمها grasp reflex و لو سمع صوت عالي بيتخض و يحرك ايده و رجله حاجة اسمها moro reflex.
🚨🚨لو الطفل مش بيعمل الحركتين دول لازم نروح للدكتور علي طول

٥- الطفل ممكن يفقد ١٠٪؜ من وزنه في خلال الاسبوع الاول و ده طبيعي جدا وهيرجع يزيدهم في الاسبوع اللي وراه
🚨🚨لو الطفل فقد اكتر من النسبة دي او مرجعش زادهم تاني لازم نروح للدكتور

٦- ممكن يجي للطفل حبة افرازات في العين. و علشان كده بنحط قطرة للعين من اول يوم
🚨🚨لو الافرازات زادت او في احمرار في العين لازم نروح للدكتور

٧- في ساعات بيظهر علي الطفل طفح جلدي ….. بعض الاسباب بتبقي غير مقلقة و طبيعية و البعض الاخر لأ
و الموضوع ده يطول شرحه
🚨🚨 و الافضل ناخد رأي دكتور الأطفال

٨- الطفل ممكن يغير الحفاضة من ٦-٨ مرات في اليوم مليان urine و من ٣-٤ مرات stool في اليوم
🚨🚨لو أقل من كده او كمية البول او البراز قلوا لازم نروح للدكتور

٩-الطفل المولود بيبقي لونه احمر و جميل و شفايفه pink
ممكن الطفل يبقي في نسبة صفرا بسيطة
🚨🚨لو الطفل بهتان او مصفر بنسبة زيادة او مزرق لازم نروح للدكتور علي طول

١٠- آخر حاجة علشان طولت عليكم
ابني - و بكل بساطة- بيعيط ؟ !! 😭😭😭😭😭
ممكن ايه يكون السبب؟
في٤ اسباب مهمين
جعان…….
عايز يغير الحفاضة…..
بردان او حران …..
او بكل بساطة محتاج حضن💕💕💕💕💕
🚨🚨لو بيعيط بصفة مستمرة او العياط فيه صوت غريب او عياطه ضعيف مش مطلع صوت اوي لازم نروح للدكتور

28/10/2021

مبرووووووك!!!!!!
بعد طول انتظار و تعب ٩ شهور شرف النونو الصغير علشان يملا الدنيا فرح و سرور
🥰🥰🥰🥰🥰😃😃😃😃😃😃

كل الدنيا فرحانة ……
لكن فجأة🤨🤨🤨🤔🤔🤔🤔
فين الكتالوج ! اعمل ايه ! اتصرف ازاي! اتوقع ايه!
اسئلة كتيرة بتيجي علي بال كل أم

تعالوا ناخد الموضوع خطوة خطوة

بعد الولادة دكتور الأطفال بيستلم البيبي و يكشف عليه هيديه لمامته في حضنها

لان اول حضن اهم حضن
زي ما الام تعبت في عملية الولادة كمان النونو الصغير كان مشاركها كل ده …. و فجأة لقي نفسه في حتة غريبة ميعرفش فيها حد
لكن حضن مامته هيطمنه هيسمع دقات قلبها اللي عارفها و حافظها و هيتطمن
و تبتدي معاه اول المشوار
و تبتدي الأم الرضاعة
اول لبن اهم لبن للبيبي لانه فيه الغذا اللي محتاجه في اللحظة دي و كمان اجسام مناعية تساعده لمواكبة هذا العالم

الف مبروووووووك تمت اول خطوة

16/09/2021

And here are our beautiful fruits full of vitamins
زي ما الخضروات مليانة فيتامينات ….كمان الفاكهة .. و طعمها حلو 😃😃😃

فاكهة تحتوي على نسبة كبيرة من الماء وغنية بالفيتامينات التي تقوي مناعة طفلك 🙏