د. محمود بشير - عضو الكلية الملكية لطب الأطفال بلندن.

03/12/2025

أما يجيلى طفل وأسأل بيأكل حاجة حراقة ويستغربوا!!!
نظره على السناكس اللى بيأكلها الأولاد.

02/12/2025

اتطمني على طفلك من عمر يوم مع دكتور/ محمود بشير
▪️ استشاري طب الأطفال وحديثي الولادة
▪️عضو الكلية الملكية بالمملكة المتحدة لطب الأطفال
اللي هايكون موجود في عيادات بيبي هاب
- فرع الشيخ زايد
- فرع حدائق اكتوبر
📞للحجز والاستفسار "بيبي هاب الشيخ زايد" : 01000137144
العنوان : زايد بلازا مول - شارع الشباب - الشيخ زايد
📞للحجز والاستفسار "بيبي هاب حدائق اكتوبر" : 01000554146
العنوان : استوريا مول - طريق الحي الإيطالي - الدور الثاني - حدائق اكتوبر

01/12/2025

ليه الأطفال بيحصلهم قئ مع التمرين؟
هل ممكن الرياضة تأخر البلوغ؟
ممكن رياضة تبقى مؤذية لشخص ورياضة تانية مفيدة ليه؟

كل ده فى اللقاء على قناة وزارة التعليم واللينك فى التعليقات.

01/12/2025

30/11/2025

النهاردة كنت بأصور مع برنامج على قناة وزارة التربية والتعليم عن المشاكل اللى بيقابلها الأطفال فى الرياضة.
قريباً هنشيره .

26/11/2025

نظراً للوضع الحالى: لو حضرتك زيارة حديث الولادة، طفل سليم (المتابعة الروتينية) أو التطعيمات، من فضلك فكر فى عيادة زايد لأن المواعيد الضهر ألطف لنظام نومهم وبعيد عن الزحمة أو على الأقل نسق مع عيادة أكتوبر قبلها بيوم وبلغهم أن حديث ولادة أو طفل سليم عشان تأخد أول موعد ووقت الانتظار يقل.

للحجز فى عيادة بيبى هب حدايق أكتوبر:
0100 0554146

للحجز فى فرع الشيخ زايد:
0100 0137144

25/11/2025

كلنا حتى الأطباء بنبص للتطور كمحطات ثابتة وده غلط لأن مش بيحصل فعلا بالشكل ده وهأديك مثال مشهور، الطفل قبل ما يبتدى يقعد بيفرك فرك رهيب ويحاول يتحرك وأنت مش فاهم ماله وممكن تحاول تمنعه!! بس عارف الحركات اللى عملها دى كانت مقدمة جهزت عضلاته أن فى يوم يقعد مسنود وبعدين ثوانى لوحده وبعدين يستقل.

من عمر ٩ شهور كده بيجيلى شكاوى كتير جداً عن العصبية والفرك الكتير.

الطفل فى المرحلة دى بيبقى مش عارف يعبر عن نفسه أولاً ومرحلة استكشاف مهمة ثانياً وده ممكن يخليه عصبى وأحنا ممكن مندركش نتعامل معاه أزاى فنعصبه أكتر.

بيتعصبوا ليه؟
أسباب كتير أهمهم الرغبة فى الاستقلال ( سيبنى بس كده أنا عارف بأعمل أيه).
الأحباط من حاجة: أنا بأحاول أبلع المكعب ده ومش عارف وأنتى يا ست أنتى مش عايزة تناولينى شوية ميه أبلع بيه المكعب!! منك لله!
الدوشة حواليه ممكن تخليه سهل العصبية.
الاحتياجات الأساسية زى النوم والجوع والتسنين: الطفل لو وصل لمرحلة الأرهاق هيزن لحد يتعبنا لذلك لازم تعرف لغة جسده قبل النوم عشان تلحقه عند النقطة دى قبل ما يبتدى يتعب ويصرخ وكذلك الجوع بيديك أشارة لو مفهمتهاش هيدخل فى مرحلة الزن.
الخوف من الغرباء.
نتعامل أزاى؟
نتفهم أن الطفل فى مرحلة الاستكشاف مهمتنا نحميهم ونديهم مساحة(ده مرهق جداً فى وقتنا ده).
الروتين بيسهل حياتهم كتير مع تقليل الضوضاء عامة.
استبق علامات الاجهاد والجوع أو بداية الغضب ممكن الحضن فقط يحل الموضوع.
حافظ على الهدوء ومتتعصبش وأتكلم بصوت متعاطف ولو طفل كبير وبيفهمك وضح له .
مش لازم نكسب كل المعارك يعنى أحياناً ممكن تديله حاجة عايزها لو مش مؤذية وممكن تطرح بديل للحاجة اللى عايز يعملها.
حاول تقلل كلمة لأ واستخدم بديل مناسب للموقف.

طبعاً الموقف وحدته وسن الطفل بيفرق فى اختيار
الطريقة.

أمتى نلجأ لطبيب نفسى:
لو نوبات غضب ممكن تسبب أذى بدنى للطفل أو المحيطين به.
نوبات غضب طويلة بدون سبب واضح.
سلوك عدوانى.
تأخر فى التطور عامة.
لو مش عارفين نتعامل مع الطفل .

الشير مرحب به تماماً، لكن طمس الأسم ونقل المقال مش من الأمانة من فضلكم .
د محمود بشير
استشارى طب الأطفال
الكلية الملكية لأطباء الأطفال بالمملكة المتحدة.

25/11/2025

24/11/2025

🤷🏻‍♂️💔