د.نجلاء موسى دكتوراه و استشاري طب اطفال و حديثي الولادة

04/07/2025

26/06/2025

ندوه تثقيفية عن التغذية السليمة للطفل فى اول سنتين من عمر الطفل بالاشتراك مع مستشفى اكتوبر كلينيك ونقابة المهندسين شكرا على الدعوه الكريمة وكل القائمين على هذا العمل الخدمى للمجتمع 🌺🌺

03/06/2025

👍🏼👍🏼

03/06/2025

16/05/2025

إنسداد الأنف المتكرر في المواليد
(خنفره الانف)

✍️ الخنفرة طبيعية أول 6 شهور بسبب ضيق مجرى التنفس الانفى بحكم صغر الحجم و الوزن , في الأغلب بتبتدي تقل من الشهر الثالث او الرابع و تختفي عند الشهر السادس.

✍️الرُضّع لا يملكون القدرة علي تنظيف أنفهم والتخلص من المخاط بأنفسهم

👌 عند إصابة الطفل بالبرد 🗣🗣🗣 واحتقان الأنف طبعاً انسداد الأنف هيزيد والرضاعة هتبقي صعبة شوية.

✍️ أحياناً تيجي الأم تشتكي من صوت خروشة وإفرازات بصدر الطفل وعلي ضهره وهيا حاطّة ايديها عليه ، ولما نسمع صدر الطفل وضهره بالسماعة بنكتشف إني الصوت ده بسبذ انسداد الأنف وليس من صدره، مجرد تسميع فقط

✍️ الأطفال حديثي الولادة يعتمدون بشكل كبير في التنفس عالأنف ولا يستطيعون التنفس عن طريق الفم ، ومن هنا ممكن تحصل المشكلة، وبالتالي فان انسداد الانف الكامل قد يتعارض مع الرضاعة

🗼 إمتي تقلقي وتخافي وتروحي للدكتور 🚑🚑

1- الطفل مش عارف يرضع !! يعني بيمسك ويسيب ويقطّع فالرضاعة.

2- الطفل بيشرق ويكح مع الرضاعة.

3- الخنفرة مأثّرة علي نومه يعنى مش عارف ينام.

4- لو فيه كحة او تزييق بالصدر او نهجان او حرارة.

5- لو الافرازات بتاعت الأنف أصبحت ملونه.

6- لو معاها زرقان فالشفايف إجري علي أقرب مستشفي🚑.

🗼إزاي هنتعامل مع الرضيع اللي عنده خنفره واحتقان بالأنف???

1- حاولي تخلّي الطفل بوضع عامودي قدر الإمكان طول اليوم خاصة فالنوم والرضاعة ، استخدمي مخدّات فايبر طبعا عشان متتعبيش ضهره.

2- تنظيف الانف بمحلول الملح او نقط ملح( اوتريفين بيبى سالين او لايس او سالينكس) أو ماء بحر ( سوفيمير ، بوليمير ) هو العلاج الأمثل والأصلح بدون اي أضرار ان شاء الله.

3- شيلي الإفرازات او المخاط الظاهر فقط من الأنف بالراحة ومتحاوليش تستخدمي سلاّكة الودان ممكن تعوريه غصب عنك.

4- شفاط الأنف من الطرق الفعالة لعلاج انسداد الأنف (له صور تحت).
~لازم قبل ما تستخدميه تكوني شوفتي الطبيب وهو بيعمله الأول عشان تستخدميه صح.

🗼 طريقه استخدام النقط والبخاخات

بنستخدم النقط او البخاخ قبل الرضاعة وقبل النوم لانه مش حيعرف يرضع الا لما تحطيله في مناخيره

بنحط بوذ القطار او البخاخه نفسها جوة الأنف ونضغط ضغطتين ( يعني منقطّرش من بره) وده بكل أنف قبل الرضاعة بخمس دقايق.
وربنا يبارك فى كل اطفالنا الحلويين 😍😍
د نجلاء موسى دكتوراه واستشارى طب الاطفال و حديثي الولادة ومديره قسم الاطفال فى مستشفى جلوبال كير فى مدينة الشيخ زايد ومستشفى الوادى ومستشفى اكتوبر كلينيك بمدينه ٦ اكتوبر
عنوان العياده ٦اكتوبر:
كازان بلازا امام مول ألعرب بوابه ٢١
للحجز:- 01094332525

02/05/2025

ازاي نفتح شهية اطفالنا للاكل يا دكتور ؟ 🤔
🚨 اكتر سؤال بنتساله في العيادة …

1️⃣ لازم نعالج أي سبب مرضي الاول :
زي الانيميا خاصة نقص الحديد 🩸ونقص الزنك وسوء التغذية وامراض الجهاز الهضمي والامراض المزمنه اللي بتعمل Anorexia فقدان للشهية.

2️⃣ الأكل مع العائلة :
لازم الطفل يبقى روتين يومه فيه 3 وجبات رئيسية يتعود عليهم من صغره .. ونصيحتي دائما للامهات وهي بتدخل اكل للاطفال الرضع خلو الوجبة معادها ف نفس معاد وجباتك.

3️⃣ الحركة وممارسة الرياضة 🏃‍♂️:
هتحرق سعرات هتجوع وهتاكل .. طفلك لازم يتحرك ويلعب عشان يجي جعان وياكل تاني.

4️⃣ طريقة تقديم الطعام :
حافظي دائما على تقديم الطعام في شكل يحبه الطفل وابتكري كل جديد ويمكنك عمل اطعمة على هيئة اشكال كثير .. امال انت ماسكة الموبايل ليه خشي دوري وجربي.

5️⃣ بلاش الاكلات والمشروبات اللي بتسد الشهية:
البيض 🥚 و اللبن 🥛 بلاش الاسراف فيهم
اللبن كوب صبح وليل ، اكتر من كدة بيقلل شهية الطفل.
البيض : بعد 8 شهور للرضيع 3 ف الاسبوع .. فوق سنتين مفيش مشكلة ممكن بيضة يوميا.

6️⃣ مقبلات الطعام :
يمكن وضع كم بسيط من الملح و المخللات و الزيتون قبل الوجبة.

7️⃣ الحد من ال snacks :
الكاراتيه و الشيبسي و المشروبات الغازية 🥤 و ال fast foods .. خلينا مرة ف الاسبوع لانها بتققل شهية الاطفال ده غير انها مش صحية.

8️⃣ إعطاء فيتامينات :
تحتوي على الزنك و فيتامين ب 1 و فيتامين ج واوميجا 3 ..لها دور في زيادة شهية الاطفال .

9️⃣ تجنب العاب الفيديو 🎮 و الموبايل 📱 و التلفزيون 📺 أثناء وقت الوجبات.

🔟 النوم :
مالا يقل عن 8 ل 10 ساعات ⏰ يوميا : حيث أن قلة النوم تعمل اضطرابات هرمونية قد تزيد الشهية او تقللها ... وتؤدي لزيادة الوزن.
دمتم سالمين 🥰🥰
د نجلاء موسى دكتوراه واستشاري اول طب الاطفال وحديثى الولاده
للحجز
01094332525
عنوان العياده
كازان بلازا امام مول ألعرب بوابه ٢١
فى مدينة ٦اكتوبر

30/04/2025

لو ابنك شرق وازرق وانتي بترضعيه أو بتأكليه

✅ لازم تنفذي زي الصورة وتخبطي ع الظهر عشان نحاول نطلع اللي دخل للجهاز التنفسي للخارج

✅ حتي لو معندناش اطفال رضع لسه لازم تكوني عارفة عشان ممكن نساعد وننقذ حياة طفل امه مش عارفه تتعامل صح او فاقدة التركيز خوفا على طفلها

👈 أي طفل يشرق نقلبه كما في الصورة مائل للاسفل ووجهه للأرض وتضرب ع الظهر برفق حتي يفوق باذن الله
دمتم سالمين ❤️❤️
د نجلاء موسى دكتوراه واستشاري اول طب الاطفال وحديثى الولاده
عنوان العياده
كازان بلازا امام مول ألعرب بوابه ٢١ مدينه ٦ اكتوبر
للحجز
01094332525

29/04/2025

اطمن على طفلك مع د نجلاء موسى
للحجز 01094332525

29/04/2025

فى حاجة اسمها التربية الجنسية للاطفال .. دي قواعد عامة لو الأم اتبعتها بتفرق جدااااا مع الطفل....
لازم تأهلوا أولادكم إزي يتعملوا مع العالم الخارجي.....
١- الطفل من وهو بيبي الأم بس اللي تغيرله....
٢- التغيير في باب مقفول حتي لو مافيش حد....
٣- ممنوع تغير قدام حد او مكان مفتوح ..
٤- لو الأم مش موجودة الجدة اللي تغير اكبر حد سن فالأصغر والأصغر .. وبردك مكان مقفول ..
٥- من سن سنة ونص الطفل يبداء يشطف نفسة الام تعلمة يشطف نفسة وينظف منطقة العورة ازي ..وتقلل وضع يديها علي منطقة العورة في تنظيف الطفل ..
٦- مرحلة البوتي ترينج لازم باب التوالت يبقي مقفول او مردود عليهم مش تحط البوتي في الرسبشن والاوض غلط جداا
٧- تبداء تقول عيب لما يجي الطفل يرفع هدومة او يغير او يستحمي ولازم يتعود يرد الباب عليه ...
٨- ممنوع التقبيل من الفم منعا باتا الام والاب من الخد فقط او وباقي الافراد من اليد او الجبهه فقط ..
٩- مافيش حاجة اسمها طفل يقعد علي رجل حد ..ولو لازم يقعد يبقي يقعد بالجنب ظهرة للهواء مينفعش يقعد ظهرة في وش اللي قاعد غلي رجله ..
١٠- اول ما الطفل يبداء يتكلم ويدرك هنعيد عليه يوميا من السرة للركبة دي منطقة خاصة بيك انت بس مينفعش حد يشوفها ولا حتي ماما وبابا ..الدكتور بس اللي يشوفها لو انت عيان وماما وبابا يكونوا معاك ..ومينفعش خالص نشوفها عند حد نغمض عنينا عيب نشوف اي حد من السرة للركبة ...
١١- نربي عند الطفل ان لو حد بيرفع هدومة او عاوز يلمس المنطقة دي يقوله لاء عيب بصوت عالي جدا ..ولو مسمعش الكلام نصرخ ونقول عيب لاء لاااااء ونزعق جدا .ونقول بسرعة لأي حد كبير موجود ماما بابا المدرسة الدادا ..
١٣- لو الطفل في حضانة دادة وحدة بس المسؤلة عن دخوله التوالت او تغيرله مش كل يوم دادة شكل ..
١٤- يتنبه غلي الحضانة او المدرسة تأكد عليه من السرة للركبة منطقة خاصة بيا مينفعش حد يشوفها او يلمسها مينفعش حد من اصحابي يدخل معايا التوالت مينفعش الاطفال يعملوا قدام بعض او يلبسوا قدام بعض حتي لو نفس النوع ...
١٥- ممنوع منعا باتا الاخوات يستحموا مع بعض من غير مايوه حتي لو نفس النوع...
١٦-مينفعش اسبهم في البانيو من غير مايوه لو الاب والام هيفضلوا داخلين خارجين علي الطفل ..
١٧- مافيش حاجة اسمها اجبر ابني او بنتي يبوس فلان عشان ضيف اواغصبة ان حد يبوسة قدامي .. السلام اساسا بالايد مافيش حاجة اسمها بوس وبالعافية ...
١٨- طبعا التفريق في المضاجع لازم يبقي للطفل سرير من وهو صغير مينمش مع الاب والام... وطبعا مينفعش اخوات يناموا جنب بعض ..ايان كان عمرهم حتي لو نفس النوع ..ولو كان ضيق الحال ولازم يناموا علي نفس السرير يبقي لكل واحد الغطا الخاص به ...
١٩- اهم نقطة اللي هي الاساس اي ام واب بيجبروا اولادهم علي الطاعة العمياء.. ويجبرهم علي انهم يسمعوا الكلام من غير مايفهموا الاسباب او يضربوهم ويجبروهم علي سماع الكلام ولو اعترض الطفل واتكلم بيزودوا الضرب او العقاب ..مع الاسف انتوا كدا بتسلموا ابنكوا او بنتكوا لاي متحرش بتسلبة كرامته وحريته فبيبقي مباح اي حد يتعدي عليه ومش هيقدر يقاوم ولا حتي يشتكي لانه لو اشتكي هيتعاقب زيادة زي ما عودتوه ..دا غير انه اصلا فاقد الثقة فيكم وفاقد الامان منكم فمش هيجي يحكلكم اتعمل فيه ايه ..ادو مساحة ليهم عشان يعترضوا ويدفعوا عن حقهم ادوا مساحة ليهم امان يشتكوا وتنصفوهم .
تعود الطفل من الصغر بيربي حياء وبيعرف الطفل حقوقة وانه مش مباح لاي حد غريب او قريب او حتي الاب والام وانه كيان ليه حرية الاعتراض ..
ابحثوا عن التربية الجنسية للاطفال هتلاقوا معلومات كتيرة مفيدة بسيطة جدا بس بتفرق جداا في التربية ...
يا رب تكون الرسالة وصلت ...

د نجلاء موسى دكتوراه واستشاري اول طب الاطفال وحديثى الولاده
عنوان العياده
كازان بلازا امام مول ألعرب بوابه ٢١
للحجز
01094332525

28/04/2025