Gawad Clinic د. أحمد عبد الجواد

29/12/2025

لما تلاقى علبة دوا ابنك مكتوب عليها لا يسبب النعاس

29/12/2025

- عمرك سمعتي عن واحد في كلية هندسة بيروح بالبامبرز؟
- عمرك سمعتي عن واحده في ألسن مثلا لسه بتخضع لما يسمي بال potty training ؟
- طيب عمر عدا عليكي محاسب لسه لغاية دلوقتي بيرمي نفسه على الأرض في الريسبشن الصبح ويقعد يصرخ وبيجيله نوبات غضب؟
- شفتي صاحب شركة محترم طالع من بيته الصبح بال (تاتينا)؟
_ طيب بلاش.. عمرك شوفتي طالب ثانوي مبيعرفش يعد من 1-20 in English ؟ أو مثلا مش عارف ان احمر يعني Red ؟
- طيب شفتي واحده عدت ال 10 سنين مبتعرفش تقول yes papa لما حد يقولها J***y J***y؟
*الإجابه : لا. امال واجعين دماغنا ليه عمالين تعلو على بعض في اللي عيالكم بيعرفوه وعيال غيركم لأ؟ ما تستهدوا بالله كده كلهم في الاخر بيتساووا والله.. بشويش على نفسكم وصحتكم بالدنيا والله 😃

ابني_اتكلم_من_عمر_سنه
ابني_بعتلي_فويس_نوت_وهو_في_بطني

28/12/2025

تنويه هام 🔴🔴

نود أن نعلم حضراتكم بأنه تم تغيير مكان عيادة دكتور أحمد عبد الجواد أخصائى الأطفال وحديثى الولادة والمبتسرين

👇👇

عنوان العيادة الجديد :- الكيلو ١٨ طريق اسكندرية مطروح أمام مدرسة أبو يوسف الخاصة اعلى سوبر ماركت بيم
الدور الأول (مدخل العمارة من الشارع الجانبى)

يرجى الحجز والتنسيق مسبقا على رقم العيادة 01061582061
من الساعة 12 ظهرا يوميا عدا الاحد والجمعة اجازة والحجز متاح حتى اكتمال العدد فقط

موقعنا :-

Find local businesses, view maps and get driving directions in Google Maps.

27/12/2025

لو عندك أطفال أو جايلك في السكة أو لسه ربنا مأذنش في ٥ قواعد لازم تعرفهم عشان تبقى أب مثالي

مبدئياً كدة سرير الأطفال ملوش لزمة .. ومفيش طفل بينام في سريره غير في الأفلام و سرير البيبي في الآخر بيبقى عباره عن سبت غسيل بتحط فيه هدوم البيبي و باكيت البامبرز و كل حاجة ملهاش مكان 😂

ثانياً البامبرز أول ما هيعرف إن مش معاك فلوس هيخلص .. فحاول تعمل جمعية بقى .. تسرق بنك .. تبيع كليتك .. ولما تحس إنك عايز تعيط .. عيط 😂 .. كلنا لها

ثالثاً الأطفال بتنام وتصحي في الليلة الواحدة ١٥٠٠ مرة .. فمتطلبش من مراتك أي حاجة الصبح ..ولا الظهر ولا العصر ولا بالليل ..ولا اي وقت متطلبش منها حاجة أصلاً 😂

رابعاً إنسى وجبة الفطار دي تماماً .. عايز تفطر إفطر في الشغل .. هما سندوتشين فول يقعدوا معاك لحد العشا .. توفير ودايت و الحمد لله على نعمة الستر

خامساً .. متجبش سيرة الخلفة و العيال قدام مراتك لمدة ٣ سنين علي الأقل عشان هي شوية و هتصوت منكم و كلمة كمان أقسم بالله هتنزل و ما هتعرفولها طريق 😂

وأخيرا العيال بتربيك قبل ما تربيهم
محتاجين صبر ومجهود خرافي .. فشكراً لكل ست بتربي و كل أب طالع عينه عشان يجيب هدوم صيفي وشتوي وبامبرز ولبن و فيدروب 😂😂

27/12/2025

مصطفي حسني في أم سألته وزعلانه ..
قالت قبل الزواج كنت بعرف أحفظ قرأن وأعمل اعمال خيريه ،
ومن ساعة ماخلفت وأنا مش شايفه قدامي من العيال وبقي كل الاهتمام بيهم ومفيش وقت احفظ او اعمل حاجه تانيه ..

قالها: الف مبروك ❤️
قبل متخلفي كنتي بتجري ورا الجنه ،، دلوقتي بعد ماخلفتي الجنه تحت رجليكي .. مطرح ماتروحي الجنه بتيجي وراكي ..
انتي في أشرف جهاد ايتها الام ..
جهاد تربية النفوس وبناء الارواح
ومش قادر اوصف مقام الامهات اللي بيصرفوا ع ولادهم سواء بسبب انفصال الاب وعدم اهتمامه بأولاده، ، او وفاته
هتخشي الجنه جنب رسول الله صلي الله عليه وسلم ❤️

يارب جازي امهاتنا عنا خير الجزاء
واجعلنا بهن بارين ياارحم الراحمين ❤️

25/12/2025

- البيبى كويس يامدام . مافهوش اى حاجه

= لا كويس ازاى . ماهوش كويس طبعا يادكتور !

- لا والله كويس . اطمنى .

= لا طبعا مش مطمنه . .

- . ياستى انا الدكتور وكشفت عليه وبقولك ابنك مافهوش حاجه

= وانا امه وادرى بيه برضه يادكتور

-طب هو ماله يعنى . بيعمل ايه !

= بيعيط كتير يادكتور. كتير جدا

- ماهو ده العادي يامدام

= لا بيعيط اكتر من الطبيعي

- وانتى عرفتى العياط الطبيعي منين ؟ . ! ده اول بيبى ليكى !

= طب بليز طمنى . بالله عليك .

- يامدام وربنا ابنك كويس . مافهوش اى حاجه . انا هخدعك ليه

= طب معلش ممكن تكشف عليه تانى . ؟

- مانا كشفت

= لا اكشف تانى . عشان ماشوفتاكش وانت بتكشف . اكشف تانى بس ببطء شوية

- هو انا حكم فيديو . هيعيدلك الكشف بالحركة البطيئة . ! .

= يادكتور عشان اطمن

- اطمنى

= طب هى ودانه بتوجعه؟

-لا

= عنده مغص صح . عنده مغص

- ماعندوش

= امال بيعيط ليه طيب

- لا على فكرة حضرتك فاهمه غلط .. دور طبيب الاطفال انه يعالج الطفل لو عيان . مش انه يسكته لما يعيط

= بس ده بيعيط ليل ونهار يادكتور مابيسكتش خالص

- ماهو ساكت اهو

= لا دا قدامك انت بس . .

- قدامى انا بس !

= قدامك انت وحماتي

-

25/12/2025

لو عندك طفل عمره من سنة لحد سنه ونص .. فأنا بقولك قلبي معاكي 😂✋ مرحلة الطفل الروش 😆

ترضعيه ... فجأه يقوم يسقف ويرجع يرضع تاني 👏
تأكليه .. يدهن الحيطان والكنب بكل الاكل رايح جاي 😂
تشطفيه .. يلقط علبة المعجون او الشاور تنزل فوق راسك بدون سابق انذار🤣 وميحلاش الرقص غير تحت الحنفيه

تنيميه .. طول الليل بيَّسمع اي كلمه لقطها .. هوبا تيجي الحاله يقوم يسقف وينام تاني 😂😂

حرفيا هيجننك 😂😂

22/12/2025

العيال الصغيرة بتصدقنا، فطرتهم سليمة ويعتبروا ورقة بيضا بنرسم عليها ونلون ونشكل براحتنا..

يقوم يجي أب أو أم يسمعهم كلام سلبي عن نفسهم وينتقدهم ويُظْهر ويركز مع اخفاقاتهم وهفواتهم.. فالعيل يصدق انه معيوب ومفيش منه أمل.. وحقيقي آباء بيفرحوا جدا، ولما يكبر الولد وميحققش شيء، يقوم يقول له شفت مش أنا قلت لك إن مفيش منك أمل!؟

وييجي مربي آخر يعاملهم كبارا، ويسلط الضوء على انجازاتهم المتواضعة جدا وكلامه كله صداقه وايجابية دايما يحدثهم إنهم هيكون في مكانة كبيرة في المستقبل وانه واثق من ده، برغم أي شيء.. بيفهمهم ان الهفوات البسيطة لازم يتعلموا منها وانها جزء من الرحلة.. فالعيال تنام كل يوم مصدقة وواثقة إنهم هيكونوا كبار في المستقبل لأن أبوهم وأمهم أكدوا لهم ده ..

حقيقي أولادنا مرآة لتفكيرنا وانعكاس لرؤيتنا فيهم، فلنحسن ما نقول، كلمة بترفع وكلمة بتخسف سابع أرض.. كلمة بتفرح وتساعد وتدعم وكلمة بتحزن وتأذي وتهدم.

20/12/2025

لما تسهري مع بنتك للفجر وتلاقيها بتبص للسقف وبتضحك

18/12/2025

عايز اقولك حاجه يمكن تطمنك
ربنا مش ناسي وقفتك مع الناس وانت اصلا محتاج للي يسندك ولا ناسي ضحكتك في وشوش الناس وانت اصلا حزين ومطفي ولا ناسي صبرك على ظروفك وكل مشاكلك و كل اللي بيحصلك مع إن الشيلة تقيلة عليك اوي
ربنا مش ناسي جريك ورا حلمك ولا معافرتك و عارف أمنياتك و احلامك وهيعوضك عوض كبير اوي من عنده
اتطمن

16/12/2025

مكنسه 5000 وات .. بؤه عباره عن محل خردوات
الزحف وسنينه 😂😂

13/12/2025

نفس نظرة ابنك وهو بيراقبك وانتي بتأكلي بيتزا وهو بيأكل خضار مسلوق مضروب في الخلاط