30/03/2026
اليوم العالمي لاضطراب ثنائي القطب
مش مجرد تاريخ بنفتكره، لكنه فرصة نفهم بعمق إزاي المخ ممكن يمر بتقلبات حادة بين نوبات الهوس ونوبات الاكتئاب، وإزاي الشخص مش “مزاجي” ولا “متقلب بطبعه” زي ما الناس فاكرة، لكن بيعاني من اضطراب حقيقي في كيمياء المخ وتنظيم المشاعر، في فترات الهوس ممكن يحس بطاقة مفرطة، قلة في النوم، اندفاع في القرارات زي الصرف أو الكلام أو العلاقات، وفي المقابل تيجي نوبات الاكتئاب اللي بيكون فيها فقدان طاقة، حزن شديد، إحساس بالذنب أو انعدام القيمة، وأحيانًا صعوبة حتى في القيام بأبسط المهام اليومية
المهم نعرف إن التشخيص الدقيق بيتم عن طريق مختص، والعلاج مش رفاهية لكنه ضرورة، وبيكون مزيج من أدوية بتنظم كيمياء المخ مع علاج نفسي بيساعد الشخص يفهم نفسه ويتعامل مع النوبات بشكل صحي، والدعم من المحيطين بيه بيفرق بشكل كبير جدًا
فاليوم ده حابين نقولكو ان اضطراب ثنائي القطب قابل للإدارة، وإن الشخص يقدر يعيش حياة مستقرة وناجحة لما يلاقي الفهم والعلاج المناسب، والأهم إننا نبطل نحكم ونبدأ نفهم. # #ثنائي القطب
