Dr. Hala ElKelany د.هالة الكيلانى

07/10/2025

✨ سألنا المشاركين في كورس Cbt practical النسخة الأولى والتانية عن رأيهم في الكورس،

ودي كانت إجاباتهم: 👇👇

متنسوش إن الحجز لسه متاح عشان تنضم لينا في النسخة التالتة من كورس العلاج المعرفي السلوكي بشكل عملي💪

وتبدأ تاخد خطوة عملية في مجال العلاج النفسي😊❤️

📌الكورس لمدة ٦ شهور أونلاين

تواصل معانا عن طريق رسائل الصفحة 💌

وللحجز او تفاصيل اكتر برجاء التواصل من خلال
اللينك 👇🏻
https://wa.me/201050531223

07/10/2025

اوعى تحكم بين اتنين غير لما تسمع كويس الطرفين

فإن أحدكم ألحن بالقول من الآخر .

06/10/2025

❗هام للمتخصصين ❗

🔴 نفسك تتأسس في العلاج النفسي؟
🔴 عايز تاخد خطوة عملية في المجال ومش عارف تبدأ منين؟
🔴 محتار بين الكورسات الكتير ومش عارف تختار كورس يكون ثقة بينهم؟
🔴 نفسك تحضر كورس متكامل وفيه جانب عملي؟

🧠✨ يبقى أنت محتاج تنضم لينا في كورس CBT Practical – العلاج العلاج المعرفي السلوكي بشكل عملي ✨🧠

جهز نفسك معانا في برنامج تدريبي
ممتد على مدار 6 شهور – 6 Modules متكاملة.

📅 المواعيد: الاثنين أسبوعيًا - 3 مرات شهريًا

🕙 الساعة 10 صباحًا

📌 متاح كمان موعد مسائي على قائمة الانتظار (waiting list).

📍 Online

رحلة هتضيفلك خبرة عملية حقيقية وتفتحلك آفاق جديدة ✨🌱

تواصل معانا عن طريق رسائل الصفحة 💌

وللحجز او تفاصيل اكتر برجاء التواصل مع مؤسسة سند من خلال
اللينك 👇🏻
https://wa.me/201050531223

د.انعام منصور Reham Said Ibrahim



#سند

02/10/2025

مهم

01/10/2025

" قلبي مقبوض وحاسس بالخوف، يبقى أكيد في حاجة وحشة هتحصل"

"أنا مش مستريح للشخص ده، أكيد هو مش كويس"

"أنا مش مرتاح للناس دول، أكيد مش بيحبوني"

"أنا حاسس بالإحباط، يبقى أنا شخص فاشل"

نوعية الأفكار دي تعتبر خطأ تفكير اسمه: التفكير العاطفي❌

✍️وهو خلط بين إحساسنا وتوقعاتنا وبين الحقيقة.

✍️ في الخطأ ده بنعتبر مشاعرنا دليل كافي، ونعتمدها في الواقع.

✍️بمعنى آخر: بنحط أحكام على الواقع بناءا على مشاعرنا.

✍️ مهم إننا ننتبه لمشاعرنا، لكن الأهم نراجع الحقايق ونعرف إنها مش انعكاس للواقع، بل هي انعكاس لدواخلنا.

🧠طيب ازاي نتعامل مع خطأ التفكير ده؟

1. نراجع الحقائق والوقائع من غير ما نخلطها بأفكارنا ومشاعرنا.

2. نختبر الفكرة دي، ونشوف ايه الأدلة اللي بتأيد الفكرة وايه الأدلة المعارضة.

3. نتعلم أكتر عن مشاعرنا ونفهمها، بس المهم إننا نعرف إن المشاعر زي الموجة، أوقات بتعلى وأوقات بتهدى ومش مستمرة، بالتالي مش بتعبر عن حقايق كبيرة مستمرة.

💥 للحجز من خلال مركز حياة بالسيوف 👇
0 10 11423100
او عيادة د. هبة بغاغو بالشاطبي 01030418713

27/09/2025

"أخطر الأصوات في حياة الإنسان هو الصوت الذي يكرر له أنه لا يستحق النور".
_كارل يونج

تغيير شكل حياة الإنسان بيبدأ من الداخل،
من الطريقة اللي بيعامل نفسه ويكلمها بيها.🥀

❗الصوت الناقد ما هو إلا صوت مخادع، بيقولك إنه عايز مصلحتك، وإنه بيعرفك قدرك، لكن في الحقيقة هو بيهدمك ويعطلك عن التحسن وعن الحياة اللي تليق بيك.

افتكر إن في إيدك تختار الصوت اللي بتكلم بيه نفسك: هتختار الناقد ولا المتعاطف؟🌿

26/09/2025

للمتخصصين

🧠✨ كورس CBT عملي – العلاج المعرفي السلوكي ✨🧠

لو نفسك تبدأ تتعلم CBT بشكل عملي وتطبيقي، جهز نفسك معانا من الاثنين 6 أكتوبر في برنامج تدريبي ممتد على مدار 6 شهور – 6 Modules متكاملة.

📅 المواعيد: الاثنين أسبوعيًا - 3 مرات شهريًا

🕙 الساعة 10 صباحًا

📌 متاح كمان موعد مسائي على قائمة الانتظار (waiting list).

📍 Online

رحلة هتضيفلك خبرة عملية حقيقية وتفتحلك آفاق جديدة ✨🌱

تواصل معانا عن طريق رسائل الصفحة 💌

وللحجز او تفاصيل اكتر برجاء التواصل من خلال
اللينك 👇🏻
https://wa.me/201050531223

#سند

23/09/2025

ضع نفسك مكان الطرف الآخر ولو للحظة !

22/09/2025

❗"كيف أقرأ احتياجاتي الأساسية"؟

اتكلمنا في بوستات قبل كده عن الاحتياجات النفسية وأهمية تلبيتها.

وانهاردة هنعرف ازاي نحدد احتياجتنا بشكل عملي 😊

✍️1. تدوين يومي:
ابدأ بالكتابة يوميًا
واسأل نفسك ايه الشيء اللي محتاجه حاليًا؟ "حب، أمان، تقدير..."
طب ممكن تلبي الحاجة دي ازاي عشان تحس بالرضا؟

✍️2. الانتباه للمشاعر:
مشاعرك العالية أحيانًا بتديك إشارة إن في احتياج مش متلبي.
اسأل نفسك لما تحس بحزن مثلا أو غضب أو أي مشاعر تانية: أنا محتاج ايه دلوقتي؟

✍️3. الذكريات:
افتكر في الأوقات اللي كنت سعيد ومرتاح فيها، ايه الشيء اللي كنت مرتاح بسبب وجوده وقتها؟

الفكرة الأساسية هي التدوين📖
وتقدر بكذا طريقة تتعرف على احتياجاتك وازاي تلبيها

والأهم إنك تقرأ عنها أكتر وتزود وعيك💡

وتعترف لنفسك من غير خجل باحتياجك، وبعدها تقدر تدور على الطريقة اللي تساعدك توصل ليها 💪

22/09/2025

‏إذا استحسنتني فجُزيت خيرا
وإن ساءت ظنونكَ لا أُبالي
أنا طينٌ، جُبلتُ على الخطايا
ولستُ البدرَ كي ترجو اكتمالي
( زكي العلي )

👆كلام في الجول ؟

18/09/2025

كان النبي ﷺ:
"طويل الصمت، كثير الذِكر، قليل الضحك، دائم التَبسُّم."

16/09/2025

زي ما بنحتاج الأكل والشرب والمأوى،
بيكون عندنا احتياجات نفسية أساسية مهمة زي الاحتياجات التانية ❗

وعدم تلبيتها أو الاهتمام بيها بينعكس على حياتنا في صور مختلفة، زي:

❌مشاعر غير مريحة زي الغضب والحزن والإحباط
❌اضطرابات نفسية زي القلق والاكتئاب
❌مشاكل العلاقات

طب ايه هي أهم الاحتياجات؟ 🤔

🌿1. الحاجة إلى الأمان: وهو إن الشخص يعيش في بيئة مستقرة من غير تهديد أو خوف، وده يشمل الأمان الجسدي والعاطفي.

🌿2. الحاجة للحب والانتماء: إن الإنسان يحس أنه مقبول وله مكانة عند اللي حواليه، ومنتمي لمجتمع معين.

🌿3. الحاجة للتقدير: إن الإنسان يحس بإن جهوده متقدرة، داخليًا وخارجيًا.

🌿4. الحاجة للحرية والاختيار: إن الشخص يحس بالسيطرة على حياته واختياراته.

🌿5. الحاجة للنمو وتحقيق الذات: إن الإنسان يقدر يحقق أهداف تتماشى مع قيمه، ويقدر يطور نفسه ويستخدم إمكانياته.

مهم جدًا نتعلم أكتر عن الاحتياجات النفسية وازاي نلبيها عشان نوصل لحياة متوازنة وصحية والوصول الرضا والسلام. 🤍

طب ازاي نقدر نتواصل مع نفسنا داخليًا ونفهم احتياجاتها؟
تابعوا البوست الجاي للإجابة عن السؤال✨