https://www.facebook.com/104407078987442/

Be Balanced- Amira Eldeeb, Alexandria (2026)

05/02/2026

جلسة Reset من أقرب الجلسات لقلبي♥️✨
لأنها مش راحة سريعة…
هي مواجهة صادقة مع النفس.

جلسة ترتيب داخلي
وإعادة ضبط حقيقية
من غير هروب ولا تجميل

نفهم اللي حاصل بوضوح
ونشوف فين الخلل
وفين الاتجاه الصح.

والأهم؟
إن بعد إعادة التقييم بنشوف فعلا تأثيرها الحقيقي
مش إحساس مؤقّت
لكن تغيير حقيقي ملموس

04/02/2026

ليه حاسس إني تعبت أكتر؟

ناس كتير بعد الجلسات العلاجية الأولى
بتحس بتعب أكتر…
وده طبيعي.

مش لأن الجلسة غلط
لكن لأن المشاعر اللي كانت مكتومة
طلعت على السطح.

العلاج النفسي مش تخدير
هو وعي.
والوعي في بدايته بيبقى تقيل
والوجع ده هو بداية العلاج

01/02/2026

امتى القلق يبقي طبيعي وامتى يبقي مرض؟

القلق شعور إنساني طبيعي.
بيظهر لما نكون قدّام خطر، ضغط، أو قرار مهم.
وبيختفي لما الموقف يعدّي.

ده القلق الطبيعي.
بيحميك
بينبّهك
وبيخليك مستعد اكتر

امتى المشكلة بتبدأ؟
لما القلق مايمشيش…

لما يفضل موجود حتى من غير سبب واضح
لما عقلك يشتغل طول الوقت على سيناريوهات سودا
لما جسمك يعيش في حالة توتر دائم
كأن فيه خطر… وهو مش موجود.

هنا بيبدأ يتحول لاضطراب محتاج تدخل

ازاي بقي نفرق بين القلق الطبيعي واضطراب القلق

القلق الطبيعي:
• مرتبط بموقف محدد
• شدته متناسبة مع الحدث
• بيقل أو يختفي مع الوقت
• مايعطّلكش حياتك

يعنى باختصار بيكون مؤقّت، متناسب مع الموقف، وبيهدأ لما الإحساس بالخطر يزول.

القلق المرضي:
• مستمر أغلب الوقت
• مبالغ فيه مقارنة بالواقع
• بيظهر من غير سبب واضح
• بيعطّل النوم، الشغل، العلاقات
• وبيسيطر على التفكير والجسم

كأن الخطر موجود طول الوقت.
فيه خلل في:
• تقييم الخطر
• تنظيم المشاعر
• واستجابة الجهاز العصبي

ضربات قلب سريعة
ضيق نفس
أرق
توتر عضلي
تفكير زائد
وإحساس دائم إن حاجة وحشة هتحصل.

مش لأنك ضعيف
ولا لأنك “بتفكر كتير”
لكن لأن جهازك العصبي
اتعود يعيش في وضع الطوارئ.

فيبقى العقل عالق في:
توقّع الأسوأ
التحليل الزائد
والبحث المستمر عن الطمأنينة

⸻
طيب… نعمل إيه مع القلق المرضي؟

أول حاجة:
التهوين او التجاهل أو جلد النفس مش حل.

القلق مايتعالجش
بـ “اهدأ”
ولا “متفكرش”
ولا “كبر دماغك”.

اللي بيفرق فعلًا:
• فهم القلق وآليته
• التمييز بين الخطر الحقيقي والمتخيَّل
• التعامل مع الأفكار بدل ما تسيطر عليك
• تهدئة الجهاز العصبي مش كبته
• وبناء إحساس أمان داخلي حقيقي
في العلاج النفسي مش بيكون هدفنا اننا نلغي القلق لكن هدفنا هو "اعادة تنظيمه" عشان يرجع لوظيفته الطبيعية من غير مايتحكم فيك
لو حاسس إن القلق مسيطر على تفكيرك أو مأثر على حياتك الدعم النفسي هيكون انسب قرار
- اميرة الديب
للحجز والاستفسار عن الجلسات
عن طريق رسائل الصفحة 📩

27/01/2026

Just a reminder | 27-2026 ✨
لو فاكر إن التقبّل معناه موافقة…محتاج تقرأ ده

التقبّل لا يعني الموافقة.

إنك تتقبّل اللي حصل
مش معناه إنك شايفه صح
ولا إنك راضي عنه
ولا إنك هتكرره تاني.

التقبّل معناه إنك بطّلت تحارب الحقيقة
وبتتعامل مع الواقع زي ما هو
مش زي ما كان نفسك يكون.

التقبّل مش استسلام.
الاستسلام إنك تكمّل في حاجة بتوجعك وانت ساكت.

التقبّل قوة
لأنه أول لحظة تقدر بعدها تختار:
تكمّل… تغيّر… أو تمشي.

مش كل حاجة نتقبّلها نوافق عليها
بس كل حاجة نرفضها جوانا
بتفضل مسيطرة علينا.
- اميرة الديب

26/01/2026

‏26-2026 | Just a reminder ✨

لوم النفس… إمتى بيكون صحي؟

لوم النفس بيكون صحي
لما يتحوّل لفهم وتعلّم.
لكن لما يتحوّل لجلد ذات، بيبقى سجن… مش وعي.

لما تفهم إن ده كان وعيك وقتها
وإن دي كانت الأدوات المتاحة ليك ساعتها.

وتسأل نفسك بهدوء:
لو الموقف ده حصل دلوقتي، بالوعي اللي عندي دلوقتي
كنت هتصرف إزاي؟
وإيه أحسن اختيار ممكن أعمله؟

لكن بيكون مؤذي
لما تفضل تجلد نفسك على اللي فات
وتوصّف نفسك بالفشل
وتغرق في الحزن واللوم.

التعلّم بيحرّكك لقدّام.
جلد الذات بيحبسك ورا
- اميرة الديب

24/01/2026

الأنانية ≠ حب الذات
وظلم النفس ≠ طيبة
الفيديو ده هيفهمك الفرق اللي بيغيّر علاقاتك كلها
-اميرة الديب

24/01/2026

الحمدلله دائما وابدا🤍🙏🏻

21/01/2026

٢١-٢٠٢٦✨
الحوار والتعبير عن الأفكار والمشاعر
أوقات بتختصر طريق طويل من الصراع الداخلي.
قول اللي حاسس بيه، وقول الفكرة اللي أثّرت على مشاعرك
واسمح للطرف التاني يعبّر عن نفسه وعن أسبابه… من غير افتراضات واحكام
ولا هجوم و دفاع
- اميرة الديب

20/01/2026

الحزن اللي بيتحوّل مع الوقت لاكتئاب، بيكون في الغالب نابع من سبب واحد أساسي: الرفض.

رفض الماضي
أو رفض الحاضر

إنك تكون رافض اللي مريت بيه،
أو رافض الواقع اللي إنت فيه دلوقتي.

بس خلّينا نسأل السؤال الأهم:
الرفض ده بيودّي لفين؟

بيودّي لمشاعر تقيلة مش قادر تكمل بيها،
ومع الوقت بدل ما تخف… بتزيد.

وده معناه إن الرفض خسارة حتمية،
والخسارة دي واقعة عليك إنت وبس.

الدنيا حواليك بتتحرك،
الناس مكملة،
الحياة مستمرة،
وإنت واقف مكانك… أو بتغرق أكتر في مشاعرك وحزنك ومقاومتك للي حصل.

ومع الوقت، الحركة بتقل،
والطاقة بتضعف،
لحد ما تبقى عايش بس مش حاضر.

عشان كده، لو عايز تغيّر مشاعرك،
لازم تغيّر الحالة اللي إنت فيها.

وعكس الرفض هو التقبّل.

والتقبّل هنا مش معناه إنك موافق على اللي حصل،
ولا إنك مستسلم،
ولا إنك شايف اللي وجعك كان عادي.

التقبّل معناه:
أنا قابل الحقيقة…
من غير ما أهرب،
ومن غير ما أقاومها لحد ما تكسّرني.

أنا قابل إن الأشخاص دول هم كده،
وقابل إن ده اللي حصل فعلًا،
وقابل إن ده واقع مؤلم…
بس بطّلت أعيش في حرب معاه.

التقبّل مش ضعف،
التقبّل أول خطوة قوة.

لأنه اللحظة اللي بتقرر فيها تواجه الواقع زي ما هو، بتبدأ تستعيد قدرتك على الحركة، وتحوّل الوجع من سجن… لخبرة.
لو حاسس إن الحزن مسيطر عليك، جرّب الخطوات دي بهدوء:
1. سمّي اللي رافضه بوضوح
مش “أنا زعلان وخلاص”،
اسأل نفسك:
أنا رافض إيه بالظبط؟
موقف؟ شخص؟ قرار؟ مرحلة؟
2. فرّق بين التقبّل والموافقة
قول لنفسك:
“أنا قابل إن ده حصل… بس ده مش معناه إنه كان صح، ولا إني استاهل الوجع.”
3. ابطل مقاومة الشعور
مش مطلوب منك تبقى كويس دلوقتي، مطلوب بس ما تحاربش إحساسك.
الشعور اللي بتسمعه بيهدى أسرع من اللي بتكتمه.
4. اسأل السؤال الصح
بدل: ليه ده حصل لي؟
جرّب:
ده بيعلمنى ايه ومحتاج منى ايه؟
5. خطوة صغيرة في الواقع
حتى لو مش قادر
مكالمة، مشي، كتابة، ترتيب حاجة بسيطة.
الحركة البسيطة بتكسر حالة الجمود.

التقبّل مش نهاية الرحلة
التقبّل هو أول نقطة ترجع فيها لنفسك،
وتبطل تخسر طاقتك في حرب مع اللي حصل…
وتبدأ تستخدمها عشان تعيش.

التقبّل مش ضعف…
التقبّل شجاعة إنك تواجه الحقيقة من غير ما تهرب منها.
ولو حاسس إنك تايه ومش عارف تبدأ منين،
الجلسات النفسية مساحة آمنة تساعدك تفهم، تهدى، وتتحرك خطوة حقيقية لقدّام.
للاستفسار وحجز الجلسات أونلاين أو بالعيادة من خلال رسائل الصفحة
- اميرة الديب

19/01/2026

جلسات العلاج النفسي
هي مساحة الأمان
اللي كل شخص بيكون محتاجها✨

18/01/2026

18-2026 | Just a reminder ✨
﴿ وَأَنْ لَيْسَ لِلْإِنسَانِ إِلَّا مَا سَعَىٰ ﴾

17/01/2026

يوم ١٧-٢٠٢٦ | درس اليوم✨
اللي آذاك مش مسؤول عن تعافيك.

بس إنت المسؤول عن استمرار الوجع ….وعلاجه
- اميرة الديب

Be Balanced- Amira Eldeeb

05/02/2026

04/02/2026

01/02/2026

27/01/2026

26/01/2026

24/01/2026

24/01/2026

21/01/2026

20/01/2026

19/01/2026

18/01/2026

17/01/2026

Address

Website

Alerts

Shortcuts

Share

Category