ŻåÝęÐ Clinic

27/02/2025

كل عام وانتم بخير

رمضان كريم

24/09/2024

📢📣📣📣📣👇🏻👇🏻👇🏻👇🏻👇🏻👇🏻
تطعيم الانفلونزا الموسمية للأطفال متوفر حاليا في العيادة بالحجز مسبقا
⛔⛔⛔⛔⛔⛔⛔⛔⛔⛔⛔⛔⛔
بما اننا داخلين على فصل الشتا 🌧️❄️ هنتكلم النهاردة عن الإنفلونزا و دور البرد و الفرق ما بينهم و فايدة تطعيم الإنفلونزا

⬅️ هل فيه فرق بين أعراض الإنفلونزا ونزلات البرد ولا لا؟
البعض بيتلخبط بين مرض الإنفلونزا ونزلات البرد الخفيفة (الزكام) عشان كده احنا بنستهون بمرض الإنفلونزا، و ده كلام مش صحيح ؛ عشان الإنفلونزا على عكس نزلات البرد ممكن تسبب مضاعفات خطيرة وقد تصل في بعض الأحيان إلى الوفاة😱 لا قدر الله .

⬅️شوية معلومات عن فيروس الإنفلونزا 👇🏻👇🏻👇🏻
تراوح فترة حضانة( إللي هي الفترة بين حدوث العدوى و ضهور الأعراض) فيروس الإنفلونزا بين 1-4 أيام. تبدأ الأعراض عادة في الظهور في اليوم الثاني من العدوى. يتميز مرض الإنفلونزا بحمى مفاجئة، التهاب في الحلق، صداع شديد، ألم عضلي، رعشة، وتعب شديد. بعض هذه الأعراض يمكن أن تميز الإنفلونزا من نزلات البرد العادية إللي أعراضها بتبقى أخف شوية 🤧🤧

⬅️طيب ممكن يحمي تطعيم الإنفلونزا من نزلات البرد؟
اه ممكن يحمي بشكل غير مباشر من الإصابة بنزلات البرد؛ ودا عشان الإصابة بالإنفلونزا تضعف جهاز المناعة بتاع الطفل مؤقتًا عشان كده الطفل بيبقى عرضة للعدوى بالميكروبات والفيروسات التانية التي بتصيب الجهاز التنفسي، كنزلات البرد وغيرهم

⬅️إزاي نحمي طفلنا من التعرض للانفلونزا على كلام مركز مكافحة الأمراض و الوقاية منها ( CDC) هي
👈🏻 الحفاظ على نظافة اليدين بانتظام
👈🏻ومحاولة تجنّب لمس العينين أو الأنف برا البيت . 👈🏻العطس أو الكحة في المنديل🤧🤧 .
👈🏻 منستخدمش أدوات حد تاني الشخصية .
👈🏻 نبعد عن إللي عندهم إنفلونزا منعا لانتقال الفيروس و العدوى 🏃‍♂️🏃‍♂️.
👈🏻الحرص على أخذ لقاح تطعيم الإنفلونزا الموسمية👆🏻👆🏻👆🏻

⬅️مين المفروض ياخد تطعيم الانفلونزا 🤔🤔؟
المفروض كل الناس بكل الفئات العمرية تاخده ولكن فيه اشخاص بيبقوا عرضة اكتر للعدوي منهم
الاطفال( من ٦ شهور لحد ١٨ سنة) و الحوامل والناس إللي عندهم أمراض مزمنة هم الأكثر خطورة ، وتشمل هذه الأمراض أمراض الرئة المزمنة كالربو وأمراض القلب والسكري، والمرضى الذين يعانون ضعف المناعة الوراثية والمكتسبة، وأمراض الجهاز العصبي، وكذلك الأطفال اللي عايشين في بيوت اهاليهم بيشتغلوا في النظام الصحي زي الأطباء و التمريض و غيرهم

⬅️امتى طفلي لازم ياخد التطعيم؟ (في أي وقت من السنة)؟
عادة بيكون متوفرًا في شهر أكتوبر، يبقي الاحسن ناخده أول ما ينزل عشان التطعيم بياخد وقت عشان يشتغل و الجسم يكون الاجسام المضادة فترة حوالي اسبوعين و الأطفال اللي اول مرة تاخده بتاخده على مرحلتين بينهم ٤ أسابيع عشان كده لازم ناخده بدري عشان نكون مستعدين 💪🏻💪🏻 لموسم الشتا و الإنفلونزا بس دا ميمنعش اننا ناخده في أي وقت طول الشتا حتى في يناير مادام الفيروس منتشر

⬅️طيب جرعته إيه و من عمر كام ينفع أديه ؟
تطعيم الانفلونزا ممكن يتاخد لطفل عمره ٦ شهور فما فوق 👶👶
👈🏻 اذا كان طفلك اقل من ٩ سنين او دي اول مرة ياخد فيها التطعيم أو أخد جرعه عدى عليها آكتر من سنة يبقى ياخد جرعتين بينهم اربع أسابيع
👈🏻 اذا كان طفلك ٩ سنوات أو أكبر اوا اخد جرعتين او اكتر قبل كده يبقى ياخد جرعة واحدة بس
👈🏻لو طفلك (من 6 شهور ل 3 سنين ) ياخد نص الجرعة ولو أكبر من كده ياخد جرعه كاملة
نخلي بالنا 👇🏻👇🏻👇🏻✋🏻✋🏻
التطعيم بيتاخد عن طريق الحقن العضلي في أعلى الذراع.
و في الأطفال الصغار أقل من عمر السنة يعطى في الفخذ

⬅️طيب هو انا اديته لطفلي السنة إللي فاتت لازم ياخده السنة دي ؟
اه لازم لأن الفيروس بيتحور و يغير من نفسه كل سنة

⬅️طيب أنا طفلي أخد التطعيم و جاله انفلونزا 🙄😥
ممكن يكون بسبب 👇🏻👇🏻👇🏻
👈🏻التطعيم مبيديش مناعه بنسبة ١٠٠٪ و هناك نسبة إصابة بعض الأطفال المطعمّين، ولكنها نسبة أقل من الأطفال اللي مش مطعمين. ودا بيعتمد على عدة عوامل، منها: عمر الشخص المطعم وحالته الصحية، ومدى التطابق بين السلالات الموجودة في تركيبة اللقاح وبين السلالات السارية في المنطقة (يحمي بنسبة قد تصل إلى 90%).
⬅️موانع أخذ التطعيم؟ ✋🏻✋🏻✋🏻🚫🚫⛔
فيه موانع دائمة
👈🏻الأطفال اللي عندهم حساسية شديدة من البيض.
👈🏻الاطفال اللي عندهم حساسية شديدة ضد تطعيم الإنفلونزا في جرعه قبل كده
👈🏻إللي ظهرت عليهم متلازمة غيلان باري (Guillain Barre Syndrome) في جرعه قبل كده
👈🏻الأطفال اللي أقل من 6 شهور
موانع مؤقتة زي
الأطفال اللي عندهم ارتفاع شديد أو متوسط في درجة الحرارة (ممكن ياخدوا التطعيم بعد حالتهم ما تستقر ).
عشان كده يفضل أخذ التطعيم بعد استشارة الطبيب.

⬅️الأعراض الجانبية المصاحبة لتطعيم الإنفلونزا؟
تطعيم الإنفلونزا آمن ، ولكن من الممكن أن تصاحبه بعض الأعراض الموضعية المؤقتة، وعادة ما تختفي في غضون 48 ساعة بعد الحقن دون الحاجة للعلاج.
من الآثار الجانبية الأكثر شيوعًا:
احمرار أو تورم بسيط في موضع الحقن.
ارتفاع طفيف في درجة الحرارة.
آلام طفيفة في الجسم.
احتقان في الحلق

للحجز مسبقا

.01210537076☎️
01008049094📞☎️

11/07/2024

تعتذر عن العمل اليوم بعيادة مدينة الحمام محافظة مطروح لظروف طارئة علي أن يتم الانتظام بالعمل من يوم الاحد القادم الموافق ١٤ يوليو

28/05/2024

قواعد الزحف الأربعون🙈😂
١. البيبى هيزحف لورا الأول...هنقعد كتير نقنعه يطلع لقدام😅
و ده طبيعى على فكرة😊

٢. اول ما البيبى يزحف...بنشيل ايه علشان الأمان؟...
بنشيل البيت كله 🙈 و اولهم طرابيزة الliving 😅
و بنحط سجاجيد كتييير....سجاجيد إيفرى وييير

٣. اول مرحلة فى الزحف....كلنا بنفتكر مشهد واحد بس.....عبود ع الحدود....و هو بيقول ساعقااااااااه😂

٤. قبل ما يزحف...المجتمع كله بيسألك هو مازحفش ليه
و اول ما يزحف.....و تبعتيلهم الصور تطمنيهم...لأ تسكتيهم😁....هيسألوكى مامشيش ليه🙈

لازم الطفل المعجزة يخلص كل مراحل النمو فى شهر واحد...و يقعد السنتين الجايين ع القهوة فاضى مابيعملش حاجه😅

لازم بوفتيك....علشان الناس ما تاكلش وشنا😄

٥. الزحف تحت الطرابيزات هو تانى أكتر حاجه بيحبوها بعد فيش الكهرباء و سلة الزبالة🙈😁

٦. مفيش حاجه إسمها إتأخر على الزحف.....فيه اطفال مش بتزحف أصلا...بتقف على طول...

اهم حاجه يقعد قبل التاسع و يشد نفسه و يقف مستود ع السنه....مش لازم على فكره كمان يمشى عند السنه...ده معاه للسنه و نص....بس الناس اللى بتزن علينا بدون فهم

٧. بعد الزحف....الطفل الكيوت اللى بيخرج معانا و يقعد بإحترامه فى السترولر...و اقصى طموحه انك تشيليه....
بيقلب الدنيا علشان يزحف فى النوادى و المولات و فوق الطرابيزات و ع الرصيف لو أمكن 😅

٨. الزحف مش محتاج دواء كالسيوم...الطفل عايش ع اللبن و غرقان كالسيوم....إحنا الأمهات اللى محتاجين كالسيوم🙈😅

الطفل محتاج يتساب ع الارض فترة اطول...ينام على بطنه...ياخد فيتامين د....و ياكل اكلات غنية بالكالسيوم لو ربنا فتح عليه و وافق ياكل 🙈

٩. طالما زحف و هو صاحى...يبقى هيزحف و هو نايم...معروفه 😅 هيعملهالك مفاجأه...فخدى بالك و أمنى السرير

١٠. الزحف صحيح بيتعبنا و مرحلة عاوزه تركيز مننا...بس الميزه انه قرب خلاص يقف....و هترتاحى م الشيل شوية....و بعدها هيطلع السلم....خطوة خطوة....هتخف الشيله....

16/05/2024

"إبنى مش عايز ياكل، و عايش على الرضاعه بس" 😥 أعمل ايه؟ ٨ خطوات بسيطه 👇
1️⃣ صلحى سقف توقعاتك 🤷‍♀️
✅لو إبنك لسه فى أول الأكل، طبيعى يقعد اول اسبوعين مستغرب الاكل و مش متشجع يفتح الفم....

✅ إبنك مش مطلوب منه غير انه يدوق بس فى اول ايام...لو اكل معلقة صغيره او اتنين يبقى هايل جدا 👏

✅ ما تقارنيهوش بحد! 🤦‍♀️

✅ و إفتكرى دايما ان الرضاعه هى الأساس اول سنه، مش العكس🏆

🎯 انا عاوزه الطفل على التاسع يوصل لثلاث وجبات كامله ، و ابدأ بعدها اديله سناك او اتنين يوميا....
🎯الوجبه الكامله يعنى ٤ معالق كبار 👌

2️⃣ عالجى الانيميا
✅ نص الاطفال المصريين عندهم انيميا حسب الاحصائيات
✅ لو الام كان عندها انيميا شديدة اثناء الحمل، او الطفل ما اخدش الحديد من الشهر السادس.....ممكن تكون الانيميا سبب فقدان الشهية

✅ اعراض الانيميا الواضحه مش بتظهر غير لما يكون مخزون الحديد خلص خالص....فممكن يكون الطفل عنده انيميا و العرض الوحيد اللى ظاهر لك هو فقدان الشهية و شوية كسل بس...😥

🎯 الطفل بياخد حديد من الرابع للسادس
🎯 الام لازم تصلح الانيميا بعد الولاده....كمان علشان صحتك و شعرك و نشاطك ♥️
🎯 الاكل الغنى بالحديد فى السنه الاولى هو اللحمه الحمراء و البنجر و التمر
🎯 الطفل بيعمل تحليل انيميا بعد السنه الاولى، و التوصيات الجديده بتقول فى التاسع....علشان نصلح الانيميا قبل ما تؤثر على النمو 🤷‍♀️

3️⃣ ثبتى مواعيد للأكل
✅ عارفين ليه الولاد بيحبوا ياكلوا فى الحضانه؟، علشان اللمه...و علشان فيه مواعيد ثابته للاكل بتخليهم يجوعوا مع الوقت....لان المعدة اتعودت تاكل فى الوقت ده

🎯 وقت الوجبه اعرضى ع الطفل كمية بسيطه.. اكَل خير و بركه....رفض....ما تضغطيش عليه ......و استنى الميعاد اللى بعده...حيكون جاع

🎯 لو فى النص جاع، اديله تصبيره لغايه الميعاد اللى جاى
✅ خلى المواعيد قريبه اوى من بعض...
✅ و عوضى قلة الاكل فى الاول كويس بالرضعات

🎯 هو اسبوع و حتلاقى بيجوع ع ااساعه 👌

4️⃣ سيبيه يجرب بنفسه
✅ افرشى حاجه و لبسيه بافته، و اديله حاجه يشوفها...يشمها...يلمسها...و يستكشفها من غير ضغط المعلقة و نرفزة ماما....

✅

5️⃣ خليه ياكل اكل الكبار
✅ الاطفال بتزهق من الأكل المهروس، ممكن تدى الطفل لقمه عيش يمسكها من السابع...حيدوبها فى الفم و ياكلها قدام عينيك

🎯
🎯 من التاسع ممكن ياكل اكل شبه اكل البيت، بس بملح قليل و مش مسبك...ارز و ملوخيه و فراخ...اكلتهم المفضلة على الإطلاق ♥️ بس الملوخيه من غير توم 😅

6️⃣ البدايات الصحيحة
⛔ما تبدايش بالكوسه....بتسد نفسهم ...خبيها بعدين فى البطاطا مثلا ...التوصيات الجديدة لغت موضوع الترتيب ده خالص ..

⛔ ما تبدايش بالسريلاك، مليان سكر و كراميل و زيت نخيل و لبن بودرة و مكسبات طعم.....و الطفل اللى بيتعود عليه مش بيقبل طبعا طعم الخضار بتاعنا

⛔ ما تضغطيش على الطفل ياكل و لا تفتحى الفم بالعافيه....ده اول طريق العِند و رفض الأكل

⛔ الطفل اللى بيطلع لسانه باستمرا و يطرد الاكل ممكن يكون لسه مش متسعد...خصوصا لو اقل من ٦ شهور....راجعى علامات الاستعداد و استنى عليه اسبوع او اتنين و ارجعة جربى تانى ....

⛔ اقل سن للاكل ١٧ اسبوع خدى بالك...يعنى ٤ شهور و ربع

✅ خشنى الاكل من الاول....علشان الفك بتدرب على المضغ و الطفل ما يكسلش يمضع بعدين...

🎯 الخضار اهرسيه بالشوكه او بقاعدة كوبايه، و اى فاكهه طريه ابشريها ناعم جدا بمبشرة الليمون...

⛔ دايما الطفل يبقى تحت عينك وقت الاكل 🙏

7️⃣ خلى حد غيرك يعرض الأكل
✅ بابا، تيته، خالتو.....الاولاد بيتوقعوا مننا احنا كامهات اارضاعه...بيبقى صعب يتخلوا عنها و ياكلوا طول ما احنا قدام عينيهم
✅ خليه ياكل معاكوا فى اللمه...حيحس انه زيكم و حيتشجع مهما كان عمره....

8️⃣ هل دى فترة مؤقتة ؟
✅ يمكن بيسنن....يمكن تعبان....يمكن دى طفرة نمو...يمكن فيه قرح فى الفم او الحلق او فيه فطريات!
✅ لو فيه خنفره عالجيها، و نظفى الانف
✅ خدى بالك المعلقة ساعات بتخبط الفك....و ده مؤلم جدا للطفل اللى بيسنن.

12/04/2024

06/04/2024

كل عام وانتم بخير وتقبل الله منا ومنكم صالح الأعمال
عيدكم مبارك و فرحة 🎉🎉

آخر يوم عمل بعيادة الحمام غداا الاحد الموافق ٧/ ٤ من الساعة ١ ظهرا ل ٤ عصرا...... علي ان تكون العودة للعمل ابتداء من يوم الاحد الموافق ١٣ / ٤ من الساعة ٤ عصرا ل ٨ مساءا إن شاء الله
🎊🎊🎊

آخر يوم عمل بعيادة الإسكندرية شارع ٤٥ يوم الاتنين القادم بإذن الله الموافق ٨ / ٤ من الساعة ٣ ل ٥ عصرا علي ان تكون العودة للعمل ابتداء من يوم السبت الموافق ١٢ / ٤ من الساعة ٥ ل ٨ مساءا

كل سنة و انتم طيبين 🎉🎊🎉🎊

08/03/2024

06/03/2024

تتشرف عيادات ŻåÝęÐ Clinic بمتابعاتكم وتوفير أفضل مستوى من الرعاية والعلاج لطفلك تسعدنا زياراتكم

اترك استفسارك هنا وسيقوم دكتور محمد بالرد عليك فى اقرب وقت
سارعوا بحجز موعد لطفلكم في عيادتنا للحصول على أفضل الخدمات والرعاية الصحية

العنوان العصافرة شرق ش 17 من ش 45 فوق صيدلية ماريوت بجوار عيادة د/ وليد زايد

المواعيد

السبت ٤م : ٨ م
الاتنين ٤م : ٨م
الأربعاء ٤م : ٨م

للحجز عيادة العصافرة
01148821681 📞

للطوارئ فقط
01008049094 ☎