https://www.facebook.com/111659981443793/

خواطر دكتورة تغذية د/ هند حسين, Alexandria (2025)

05/11/2025

🌿 الزيوت النباتية مش دايمًا صحيّة!
يعني إيه؟ 😅
يعني الزيت اللي مكتوب عليه “نباتي” مش دايمًا جاي من عصر البذور!
ده للاسف احيانا بييجي من مصنع كيميائي محترم جدًا… بيستخدم مذيب اسمه الهكسان (مشتق من البترول) 🛢️
وبعدها يسخنوه ويكررّوه ويغيروا لونه وريحه لحد ما يوصل لمطبخك شكله بريء… بس جوّاه حاجات تانية تمامًا ⚗️
👩‍⚕️ المشكلة مش في كونه نباتي،
المشكلة في الحرارة والمعالجة اللي بتخلي الدهون تتأكسد وتكوّن مركّبات تهيّج الخلايا
وتزود الالتهابات الخلوية والإجهاد التأكسدي — يعني ببساطة جسمك بيحاول يدافع عن نفسه طول الوقت! و عشان كده استخدام الزيوت دي بشكل مستمر للاسف بيكون طريق نهايته :
👈التهابات مزمنه و دي أساس الاصابه بامراض القلب و السكر
👈زياده الوزن و السمنه نتيجه اضطراب معدلات الحرق
💡 الحل؟ بسيط جدًا:
رجّعي الطبخ للأصل 👇
✅ زيت زيتون بكر ممتاز
✅ زيت جوز الهند بكر
✅ زبدة أو سمن بلدي (باعتدال)
مش كل ما هو “نباتي” يبقى صحي…

دمتم بصحة وسعادة
#د.هند_حسين

🔖

🏡مركز ADC الاسكندرية لعلاج امراض السكر و السمنه و امراض الغدد الصماء: الإسكندرية -٨ ش كلية الطب فوق صيدلية اوكسفورد الجديدة- الدور الثالث.

☎️📞للحجز و الاستعلام بالمركز:
34866637
34802018
01010636505

📲للحجز و الاستعلام عن المتابعة Online: 01551365364

ًا_صحيه

03/11/2025

سؤال مهم تعرف إجابته.👌🏻

وصلنا سؤال مهم عن مدى مناسبة الويجوفي لمرضى السكر من النوع الأول؟

فخلوني أشرحلكم ونعرف سوا إيه الصح.⬇

وما تنسوش تسيبوا أسئلتكم في التعليقات عشان نرد عليها.

30/10/2025

لو لسه بتشرب عصير مع الأكل يبقا لازم تسمع الفيديو ده للآخر ⚠
وتابعوني عشان نعرف إزاي ناكل صح ونبني صحتنا صح👌🏻

العنوان: مركز ADC الاسكندرية لعلاج امراض السكر و السمنه و امراض الغدد الصماء، الإسكندرية ٨ ش كلية الطب فوق صيدلية اوكسفورد الجديدة.

☎📞للحجز و الاستعلام :

34866637
34802018
01010636505
☘متاح المتابعة Online

27/10/2025

صحتك بتبدأ من طبقك.🍛

مش كل العلاج بيبقى في الأدوية، أوقات كتير بيبقى في نوع الأكل ونظام التغذية اللي بتمشي عليه.

ومش أي نظام غذائي ينفع مع أي حالة لا كل حالة ليها نظام وتركات معينة لو اتبعتها صحتها هتتحسن للأفضل.🤩

وعشان تحسنوا صحتكم وتعرفوا إزاي تتعاملوا مع حالة جسمكم، هستناكم تشرفوني في مركز ADC عشان نعرف إزاي ناكل صح ونبني صحتنا صح.👌🏻

العنوان: مركز ADC الاسكندرية لعلاج امراض السكر و السمنه و امراض الغدد الصماء، الإسكندرية ٨ ش كلية الطب فوق صيدلية اوكسفورد الجديدة.

☎️📞للحجز و الاستعلام :

34866637
34802018
01010636505
☘️متاح المتابعة Online

23/10/2025

🌿✨ الكركم ده مش بهار عادي 😎بحس كده انه صيدليه في نفسه 😂و العِلم فعلا بيقول إن الكركم فيه مركبات لها خصائص طبيه ، و اهمها الكركيومين (Curcumin)👩‍⚕️و ده نقدر نقول إنه البطل في فوايد الكركم اللي حنعرفها دلوقتي 👇👇

🔥 حقولكم علي خمس فوايد تخليكم تحطوه على كل أكله تقريبًا:

1️⃣ بيقلّل الالتهاب والوجع في حاله التهاب المفاصل ، و في دراسه قالت ان تأثيره مشابه للادويه المضاده للالتهابات المعروفة ب NSAIDs، يعني مضاد التهاب و مسكن طبيعي بدون أضرار 💪

2️⃣ بيحفز نمو خلايا المخ 🧠 و بيساعد في علاج الالزايمر و الإكتئاب : وجد ان خلايا المخ في مناطق معينه منه ، لها القدره علي انها تتجدد و تكون خلايا جديدة ، و من اهم المواد المطلوبه للتجديد ده بروتين اسمهBDNF – Brain-Derived Neurotrophic Factor، و اللي له دور مهم في الذاكره و التعلم😉 و دراسات كتير اثبتت ان الكركيومين بيرفع مستوي البروتين ده ، و اللي لما بيقل بينتج عنه أشهر اضطرابات المخ: الالزايمر و الاكتئاب، و عشان كده بيحمي من الاصابة بيهم و بيساعد في علاجهم .

3️⃣ بيقلل احتمال الإصابة بأمراض القلب ، اللي هي رقم واحد للوفيات في العالم ❤️ لانه مضاد للأكسدة يعني بيحارب الشوارد الحره اللي بتضر بصحة القلب .

4️⃣ بيحسن الحاله المزاجيه 😍 و دي وظيفه احنا محتاجينها جدا اليومين دول 😍لإنه بينشط السيروتونين و الدوبامين فيخلينا مبسوطين😄

💡 نستخدمه إزاي؟؟
ممكن نضيفه لأي صنف اكل ، بس مهم نضيف معاه رشة فلفل أسود (لأن البيبرين Piperine اللي في الفلفل بيزوّد امتصاص الكركمين ٢٠ ضعف) .
☀️ والأفضل يتاخد مع دهون صحية زي زيت الزيتون مثلا ، لإن الكركيومين مركب بيدوب و بيتكسر مع الدهون .
✨ بس ناخد بالنا 👀
الكمية اللي في الأكل لوحدها مش كفاية علشان توصل للجرعة العلاجية اللي الدراسات استخدمتها.
👩‍⚕️ فالحل ؟
نضيفه للأكل وكمان ناخده في صورة مكمّل غذائي standardized Curcumin supplement 😉 و الافضل طبعا تحت اشراف طبي
و ربنا يديم عليكم الصحة والعافية 🤲

🏠مركز ADC الاسكندرية لعلاج امراض السكر و السمنه و امراض الغدد الصماء .

العنوان : الإسكندرية ٨ ش كلية الطب فوق صيدلية اوكسفورد الجديدة.

☎️📞للحجز و الاستعلام :

34866637
34802018
01010636505
☘️متاح المتابعة Online

🌿💛

13/10/2025

سؤال سريع كده قبل بدايه اليوم و شغله و زحمته ⁉️ هي صور الأكل ممكن تكون بتتخنّا؟! 😳
لو بتحس إنك جعان أول ما تشوف صورة بيتزا أو شوكولاتة سايحة... فالبوست ده معمول ليك 👇
📚 في دراسة علمية اتنشرت في مجلة PLoS ONE سنة 2020، الباحثين حبّوا يعرفوا:
🧪 "هل مجرد إننا نشوف صور أكل ممكن يأثر علي جسمنا؟ وعلى هرمونات الجوع و تخزين الدهون ؟"
والنتايج كانت صادمة!
🔍 أهم اللي اثيتته الدراسة:
1️⃣👀 مجرد النظر لصور الأكل بيحفّز الجسم على إفراز هورمونات الجوع، خصوصًا هورمون الچريلين، وده بيخليك تحس إنك جعان حتى لو فعليًا مش محتاج تاكل.
2️⃣🧠 مش بس كده ، ده الجسم بيتصرف كأنه داخل على وجبة، وبيبدأ يجهّز نفسه لتخزين الدهون والمغذيات... وكأن الأكل دخل فعلًا!
3️⃣💡 الجديد كمان؟ إن الصور أثرت على الإنكرتينز (Incretins)! ودي هرمونات بتُفرز من الجهاز الهضمي بعد الأكل،
ودورها إنها تساعد الجسم على إفراز الإنسولين وتنظيم السكر في الدم.

👈يعني الدراسه اثبتت فعلا ان مجرد مشاهدة صور الأكل خلّت الجسم يبدأ يتصرف كأن في أكل حقيقي جاي،
فبيبدأ يفرز إنسولين ويتجهّز للهضم والتخزين...من غير ما يكون في أكل أصلاً! 😳و طبعا لو باستمرار بتشوف صور اكل علي السوشيال ميديا …. يبأه ضروري تكون متأكد انك بتساعد بإيديك في زياده وزنك 🫣🫣

💡 عشان كده بوصيك:لو بتحاول تتحكم في أكلك أو وزنك،
خلي بالك مش بس من اللي في طبقك...
خلي بالك كمان من اللي على شاشتك! 👁️📱عايز تخس كويس ابعد عن صور الأكل 😍
صباح الرزق و التساهيل و يومنا جميل ان شاء الله ☘️☘️و دايما ميعادنا

🏠مركز ADC الاسكندرية لعلاج امراض السكر و السمنه و امراض الغدد الصماء .

العنوان : الإسكندرية ٨ ش كلية الطب فوق صيدلية اوكسفورد الجديدة.

☎️📞للحجز و الاستعلام :

+20 3 486 6637
+20 3 480 2018
+20 101 0636505
☘️متاح المتابعة Online

11/10/2025

وانا في المركز دخل العياده واحد مستغرب جدا و سؤاله واضح ( ليه وزني مش بينزل رغم إني عامل نظام صيام متقطع بصوم فيه ٢٢ ساعة في اليوم! 😳)
و الحقيقه كان ردي عليه بردو واضح 😍(وزن حضرتك ما بينزلش نتيجة اللي بتعمله في نفسك 🫣)

يا جماعه الصيام أكتر من 20 ساعة مش بيخسس اسرع ، بالعكس ده بيخلي الجسم يدخل في "حالة طوارئ" بسبب المجاعة اللي انت حطيته فيها ، و ده بيعلي هورمون الكورتيزول (Cortisol) اللي هو هرمون التوتر 🔥😰و الكورتيزول العالي ده بيخلي الجسم يحتفظ بالدهون بدل ما يحرقها، مش بس كده ده بيأثر على النوم 🛌، المزاج 😔، التركيز 🧠، وبيزود القلق والتوتر 😓
و للأسف اذا استمر الصيام ده لفترة طويلة، ممكن يسبب اضطرابات في اهم ٣ هرمونات بتتحكم في الجوع والحرق:
👈الليبتن Leptin :هورمون الشبع اللي بيقول لجسمك "كفاية أكل" 🍽️
👈و الجريلين Ghrelin : هرمون الجوع اللي بيزود الشهية وبيقول لجسمك "عايز أكل" 🍕
👈هورمونات الثيروكسين Thyroxin و دي مفتاح الحرق في الجسم .

🫣ده غير ان فتره اكل ٤ ساعات غالبا مش كفايه إنك تاخد فيهم إحتياجات من البروتين و الفيتامينات و المعادن من مصادر الأكل الطبيعيه 😰😰فبتكون النتيجة ضعف المناعه و الكتلة العضلية و معدلات الحرق ، و عشان كده لو الصيام الطويل خسسك في الاول بسرعة ، بعد كده وزنك بيثبت و بعد كده ممكن ترجع تزيد تاني 😱

👩‍⚕️ التغذية الصح مش حرمان، دي فهم جسمك واحتياجاته، وتوازن بيدي نتايج صحية تدوم علي المدي البعيد ان شاء الله 💚

🏠مركز ADC الاسكندرية لعلاج امراض السكر و السمنه و امراض الغدد الصماء .

العنوان : الإسكندرية ٨ ش كلية الطب فوق صيدلية اوكسفورد الجديدة.

☎️📞للحجز و الاستعلام :

+20 3 486 6637
+20 3 480 2018
+20 101 0636505

01/10/2025

☕🧠عارفين ليه شرب القهوة بجد بيبسطنا ؟

لما بنشرب كافيين، بيمنع ارتباط مادة اسمها الادينوزين Adenosine بمستقبلاتها في المخ، و دي المسؤولة عن الشعور بالإجهاد والتقل.
و كمان بيزود بشكل غير مباشر إفراز الدوبامين Dopamine – وده الناقل العصبي المشهور اللي كلنا عارفينه 😍والمرتبط بمسارات الـ متعة والتحفيز (Pleasure & Motivation pathways) 🧬
النتيجة؟ حالتنا المزاجية بتتحسن ، و تركيزنا بيزيد ✅

فلما نقول ان القهوه بتبسطنا😄ده كلام علم مش هزار 😄
تصبحوا علي خير و انبساط 💚🧡

24/09/2025

صباح الخير والبركة ... مع حبة البركة 🧡💚

حبه البركة مش مجرد "حبة" وخلاص، الحقيقه هي سلاح ضد أمراض كتير!
و صدق رسولنا الكريم ﷺ في حديثه الشريف:
"في الحبة السوداء شفاء من كل داء إلا السام" (يعني الموت)

تعالوا نشوف سوا أهم ٥ فوايد لحبة البركه 👇👇

1️⃣ ممتازه للمناعة عشان فيها مادة اسمها ثيموكينون (Thymoquinone) — و دي مركب نشط قوي جدًا بيشتغل كمضاد أكسدة ومضاد التهاب،
يعني بيقلل ما يعرف بالإجهاد التأكسدي (Oxidative Stress) اللي بيدمّر الخلايا وبيضعف المناعة، وبيقلل من المؤشرات الالتهابية زي CRP وIL-6.

💥 و عشان كده حبه البركة بتدينا :
مناعة أقوي
و مقاومة أعلى لنزلات البرد والفيروسات
و كمان حماية من الأمراض المزمنة 👏

2️⃣💨 زيت حبة البركة مفيد جدًا في حالات الأزمات التنفسية والتهاب الشعب الهوائية.
، لأنه بيوسّع الشعب الهوائية وبيقلل إفراز الهيستامين (اللي بيخلي الواحد يعطس ويكح ويتخنق) 💨
الدراسات قالت إن استنشاق زيت حبة البركة أو تناوله عن طريق الفم بيقلل من أعراض السعال، البلغم، وضيق النفس.
✅ عشان كده ممكن يفيدنا جدا في:
👈نزلات البرد
👈حساسية الأنف
👈الأزمات التنفسية الخفيفة والمتوسطة(كمكمل)

3️⃣💢 في بعض الدراسات اثبتت ان مادة الثيموكينون ليها قدرة على وقف نمو الخلايا السرطانية (Anti-proliferative effect) وكمان بتساعد في تنشيط "الموت المبرمج" للخلايا السرطانية و المعروف علميا ب اسم(Apoptosis) 👊
الدراسات بتقول إنها ممكن تبطّأ نمو أنواع معينة زي:
👈سرطان الثدي
👈البروستاتا
👈القولون
👈البنكرياس
لكن طبعًا استخدامها بيكون كمكمل غذائي داعم، مش بديل عن أي علاج طبي رسمي.

4️⃣ و كمان حبة البركة بتقلل مقاومة الإنسولين (Insulin Resistance)، وده بيخلي الخلايا تمتص الجلوكوز بشكل أفضل.
يعني لو عندك سكر من النوع التاني أو في مرحلة ما قبل السكر، حبة البركة ممكن تكون سلاحك الطبيعي 💉
لكن طبعًا مع المتابعة الطبية.

5️⃣🫀 حبة البركة فيها نوع من الدهون اسمه الأحماض الدهنية الغير مشبعة (خصوصًا Omega-6 و Omega-9) ودي بتساعد على:
👈خفض الكوليسترول منخفض الكثافة ( المعروف بالنوع الضار LDL)
👈رفع الكوليسترول مرتفع الكثافه ( المعروف بالنوع الجيد او HDL)
👈تقليل الدهون الثلاثية Triglycerides

و كمان بتساعد على تقليل ضغط الدم عن طريق توسيع الأوعية الدموية .

🥄 نستخدمها إزاي؟
👈حناخدها على الريق: نص معلقة مطحونة + معلقة عسل نحل 🍯
👈 او في الأكل: رشة صغيرة على السلطة، الزبادي
👈 و ممكن نشربها : حبه البركة مع عسل ومية دافية.

👈 اما زيت حبة البركة: من نقطتين لـ ٥ نقط يوميًا في كباية مية (تحت إشراف طبي)
⚠️ مهم:
ممنوعة بكميات كبيرة للحامل 🧷
لو بتاخد أدوية سيولة أو ضغط أو عندك أمراض مزمنة، اسأل دكتورك الأول.
🧪 معلومة إضافية على الماشي:
اسمها العلمي: Nigella Sativa
فيها أكتر من ١٠٠ مركب كيميائي نشط
منهم:
👈الثيموكينون

مش كل حاجة صحية لازم تكون غالية علينا ومعقدة! حبه البركة مفيده و رخيصه وبنت حلال 😍
صباح الرزق و التساهيل و يومنا جميل ان شاء الله🧡💚 و دايما ميعادنا

#

22/09/2025

يا أمهات يا طيبات 👩‍👧‍👦، بمناسبة موسم "يلا نذاكر " 📚😅، خليني أقولكم كام كلمة كده من القلب ❤️ ومن العِلم 🧠:
الصريخ والزعيق في المذاكرة عمرهم ما بيخلوا المعلومة تثبّت في مخ ولادنا 🤯
لإنهم للأسف… بيعلوا هورمون الكورتيزول في دمهم! 😬
يعني إيه؟
يعني الطفل أول ما يحس بخطر أو ضغط (زي صوت عالي أو تهديد و وعيد ) 🔊⚡، الجسم بيدخل في حالة اسمها "Stress Response" 😵‍💫
ودي حالة دفاعية بيحصل فيها إفراز عالي لهرمون التوتر اللي هو الكورتيزول ⛔
والمشكلة إنه لما بيعلي بيأثر على كذا حاجة مهمة جدًا، خاصةً في الأطفال:
🥲بيقلل التركيز والانتباه 🎯
🥲بيعطّل الذاكرة قصيرة المدى 🧏‍♂️💭 (يعني الطفل ميعرفش يحتفظ بالمعلومة اللي لسه سمعها أو يربط بين خطوتين في مسألة أو جملة، وده بالضبط المطلوب في المذاكرة)
🥲وبيأثر علي الشهية وبيبوّظ علاقتهم بالأكل 🍔❌ف تلاقوا الولاد بعد المذاكرة دخلوا التلاجة قلبوها؟ 🧃🍪
أو بالعكس، فقدوا شهيتهم خالص؟ 😐🥄ده مش مزاج… دي استجابة بيولوجية لهرمون التوتر.
و للأسف ده اذا كان بيتكرر ، مع الوقت، ممكن يعمل مشاكل زي:
😞اضطرابات الأكل، فتلاقي الطفل ياكل وهو مش جعان عشان متوتر 🍫😖، أو يمتنع عن الأكل تمامًا في وقت المفروض ياكل فيه 🚫🥗
😞مقاومة الإنسولين، ودي ببساطة معناها إن الجسم بيبطل يستجيب للإنسولين اللي بينظّم السكر في الدم 🍬📈، فمستوى السكر يفضل عالي والجسم يخزّن دهون أكتر 🧁➡️🛢️، وده بيزود خطر السمنة بمضاعفاتها.

😞 و غالبا بيكون تخزين الدهون في منطقة البطن 🧍‍♂️➡️📦ودهون الكورتيزول دي مش هزار، مرتبطة بمخاطر على المدى البعيد ⚠️ من ارتفاع كوليسترول لدهون علي الكبد و غيرهم .

يعني المذاكرة بالصوت العالي مش بس بتعكنن علي البيت باللي فيه 😩دي كمان ممكن بتبوظ الوزن⚖️، و النفسية و الشهية و الصحة 😔
المذاكرة محتاجة هدوء 🕊️، تنظيم 🗓️، ومراعاة لنفسيات ولادنا 💗

ربنا يعين كل أم في موسم المذاكره الواجبات❤️
وخلينا نحاول نبدأ السنة دي بمذاكرة أهدى 📚… وأكل أظرف 🍎… وحياة أطيب 🌷

و دايما ميعادنا كل يوم إثنين مع كلام مخصوص للبنات و السيدات 👩‍🦰👱‍♀️في

خواطر دكتورة تغذية د/ هند حسين

05/11/2025

03/11/2025

30/10/2025

27/10/2025

23/10/2025

13/10/2025

11/10/2025

01/10/2025

24/09/2025

22/09/2025

Address

Telephone

Website

Alerts

Shortcuts

Share

Category