عيادة الدكتور محمد مجدي شكري

14/07/2025

بعتذر عن عدم ردي علي الموبايل لاني خارج مصر
اي حد محتاجني يبعت واتس وانا تحت أمره 🌻🥀🌻

ماحدش يقلق من الالتهاب السحائي بس لازم ناخد احتياطتنا منه
قل لن يصيبنا الا ما كتب الله لنا ❤️❤️
لازم نؤمن بده
المرض ده له علاج بس لو تم اكتشافه او تشخيصه بدري
الأهم نكشف على عيالنا لو تعبوا من غير ذعر
التطعيم الحكومي ممتاز بيطعم ضد أشهر نوعين A, C
بيتاخد جرعة في أولى حضانة وأولى ابتدائي ورابعة ابتدائي وأولى اعدادي وأولى ثانوي واخيرا لما نخش الجيش 😂 او لو عملنا عمرة او حج ياا رب
التطعيم الخاص ✅✅ ميزته بيطعم ضد أشهر ٤ انواع (رباعي مقترن) A, C, W135, Y
ونوع منه ممكن بيتاخد من بدري بنبتدي من عمر شهرين والجرعة التانية في سنة

الحماية كدة بدأت بدري واقوى وجرعات اقل بس برضه مافيش حاجة ببلاش 😂 وده كلامي للأبهات ها 😂
السؤال بقي ممكن نطعم الرباعي واحنا اصلا متطعمين الثنائي؟!

ايوة عادي جدا 👍👍✅✅

13/07/2025

هام جدا

الاعراض التحذيرية من الالتهاب السحائي ⭕⭕
حاولت قدر الامكان اجمعها في صورة واحدة
طبعا بلاش❌❌ زعر غير مبرر في حين ان طفلك رجع او سخن او جاله صداع خلاص حنترعب وجاله المرض لا طبعا
لازم لازم ✔️✔️ معظم ان لم يكن كل الاعراض مع بعض وبالاضافة لتحاليل احنا بنطلبها منك عشان نتأكد من الاصابة ونتخذ اللازم
الفترة دي صعبة بلاش اشاعات كتر وبيتعالج والله بيتعالج وطبعا الاكتشاف المبكر بيكون افضل والمضاعفات اقل
لازم يكون عندنا وعي وثقافة صحية


تابعونا علي موقعنا
Www.childclinik.com

03/06/2025

مش عارف لسة حد فاكرني اساسا 👀 بس حبيت اقول لكل الناس
كل سنة والكل بخير 🌹🌹❤️❤️
صدقا واحشتوني جدا جدا 💐💐
والله الذي لا إله إلا هو
مصر وأهلها حاجة كدة مختلفة تماما
عارف ان فيها ضغوطات كتير وتحديات اكتر
بس فيها خير و بركة لا تقارن بمكان تاني😊
ربنا يحفظها ويحفظ أهلها ❤️
اعذروني على التقصير لان فعلا الواتس المصري وقف فترة ورجع تاني الحمد لله
يا رب يرزقنا الوقوف بعرفة جميعا

29/03/2025

بكرة العيد بالكويت طبعا 😂
كل سنة والناس كلها بخير ❤️❤️
ربنا يتقبل منا ومنكم ويرزقنا رمضان مرارا وتكرارا 🌹🥀
عيد فطر سعيد بس ما تنسوش بكرة صيام عادي في مصر 😂
لخبطة ما بعدها لخبطة 😂😅

28/02/2025

كل سنة والكل بخير ❤️❤️
رمضان كريم 🌹🌻🥰
الغريب بقي ان رمضان وبهجته مختلفة شويتين تلاتة في مصر 🥺
رمضان يبقي رمضان في كل وقت واي مكان طبعا ❤️
بس في سعادة كدة مختلفة في وجود الاهل والأحبة والجيرة بمصر في سعادة غير جوة مصر 🥰

09/02/2025

يا رب ما اكونش اتنسيت 🙈🙈
ويارب تعذروني في التأخير عن الرد عالواتس
والله بيبقي غصب عني حرفيا 🥺🥺
الغربة صعبة جدا بس ناسي واهلي وحبايبي فوق راسي 🫶🫶
اللي محتاجني انا تحت أمره يبعت عالواتس استأذنكم ببعت اي وقت ببقي متاح فيه ساعات برد الفجر 😂

25/11/2024

مراحل الغربة
الانبهار بكل حاجة والسيستم ثم الاحساس بالعزلة والانطواء
اعذروني اني بعدت شوي عنكم
فعلا موضوع السفر ده مش سهل خالص
حبقي معاكم ان شاء الله الاسبوع كله عدا الخميس والجمعة ابعتولي اي وقت يناسبكم واستأذنكم ارد في اوقات معينة باليوم حسب ظروف جدولي
اهم حاجة العمر والوزن والشكوي بالتفصيل

06/10/2024

بعتذر عن تواجدي علي الفيس لمدة يومين لظروف
ربنا ييسر الحال للجميع 🌻🌻

05/10/2024

الحمد لله علي نعمة السعي
معاكم بعد عشر دقائق ان شاء الله لمدة نص ساعة فقط لظروف عندي
يلا نكتب استشارتنا
وربنا المستعان 😊

03/10/2024

السلام عليكم
معاكم لمدة نص ساعة للرد علي الاستشارات
يلا بينا نسمي الله
واتس وفيس
الصورة دي ايام كورونا الله لا يعودها تعبنا وهلكنا كتير فيها الحمد لله علي فضله ونعمه

02/10/2024

النهاردة بعتذر عن وجودي عالفيس والرد علي الاستشارات
ان شاء الله بكرة ورايا امتحان
دعواتكم بالتيسير

01/10/2024

كتير بيسألني اتابع عند مين
اختيار من اتنين 🤔2️⃣
مش بيستخدموا مضادات عالفاضي ولا بيزودوا علاجات
د.احمد عبدالجواد و د.محمد جمال
اثق فيهم جدا اجدع صحاب واشطر مني
وطبعا كتير دكاترة تانين اخواتي وحبايبي واشطر مني
بس ده مجرد ترشيح مش اكتر 🌻😊
معاكم لمدة نص ساعة فقط للرد علي الاستشارات
بعتذرلكم عشان ورايا مذاكرة 😂😂
اه وربنا في السن ده بذاكر عادي جدا جدا 😂
يلا بينا
دكتور احمد عبدالجواد
+201289739639
امام مدارس ابويوسف الخاصة اعلي توكيل وي
د.محمد جمال غانم
01273478987
اعلي فتح الله الهانوفيل