Dr. Asrar Elseraty

Home
Egypt
Alexandria
Dr. Asrar Elseraty

MD, psychiatrist, Psychotherapist, ACC, Clinical Genetics Researcher, Artistic Creative Soul
(1)

I am a medical doctor passionate about psychiatry & psychotherapy, a psychotherapist, an ICF-credentialed coach, a clinical genetics researcher and a growth catalyst for people, systems and organisations, with 6+ years of experience in psychotherapy and coaching, an artist, a creative soul, a photographer, and nature lover. As a medical psychotherapist, I have extensive training (around 950+ hours taught training courses) and experience (3000+ psychotherapy working hours) in the following psychotherapy approaches: cognitive-behavioural therapy, Schema therapy, integrative trauma therapy, art psychotherapy, systemic family therapy, integrative couple therapy, sexual psychotherapy, and compassion-based therapy. I work in a person-centred integrative manner that combines different therapeutic schools and approaches to design a customized treatment plan for each client according to their therapeutic goals and what suits them and their needs because I believe that each person is unique and there is no treatment method or therapy approach or pharmacological drug that suits everyone. As an ICF-credentialed coach (6 years’ experience of 1000 coaching working hours), I work as a coaching supervisor, executive and leadership coach, team building coach, career coach, relationship, parenting & life coach. Passionate about guiding others in their personal and professional growth journey to become the best version of themselves, achieve their goals, increase their performance and feel satisfied in their lives. As a researcher, I’m interested in the research field of psychiatry, psychotherapy, genetics and epigenetics of psychiatric disorders and coaching research. Extremely passionate about developing precision medicine (targeted treatment approaches) for different psychiatric and neurodevelopmental diseases.

02/11/2025

في إحساس نادر جدًا…
لما ستّ تلاقي نفسها، من غير ما تفكّر ولا تِحلّل،
جسمها، أعصابها، نفسها… كل حاجة فيها تهدى و تحس بأمان عميق وهي جنبه.
مش بالكلام، ولا بالأفعال الكبيرة،
لكن بهدوء وجوده… حضوره اللي بيطمن الروح قبل القلب.

يااه… ❤️
ده نوع نادر جدًا من الأمان…
ده اللي بيتولد لما روحك تلاقي روح تشعر أنها تعرفها من سنين.

هي كانت دايمًا في حالة تأهّب،
عينها واخدة بالها من كل تفصيلة،
قلبها متعلّم يحرس نفسه حتى وهي بتحب،
وجسمها فاكر دايمًا إحساس الخطر .
بس معاه… كل ده اختفى.
كل الحواجز دابت بهدوء زي الشمع وهو بيدفى.

أول ما بيكون قريب منها،
بتتنفس نفس مختلف…
النَفَس اللي بيخرج من صدرها على شكل “آااه” كأنها أول مرة تطمن بجد.

النوع ده من الأمان يخليها تنام على صدره
والدنيا كلها تسكت جوّاها،
الصوت اللي جواها دايمًا بيقول “خلي بالك”
يبقى ساكت… ساكت خالص

هي بتحس الأمان فيه من قبل ما تفهم ليه،
من أول مرة حطّت راسها على كتفه ونامت كأنها طفلة مطمّنة بعد دوشة طويلة و خوف،
من أول مرة حطّت راسها على صدره،
وسمعت دقّات قلبه كأنها نغمة بتقولها: “انتي بأمان.”

في حضوره، جسمها ما بقاش في حالة استعداد،
ولا عقلها بيحسب احتمالات،
ولا قلبها بيخاف من الخسارة…
في حضوره، هي بتعيش حالة نادرة من السكون.
النوع اللي بيخلّيها تتنفّس ببطء،
وتحس إن روحها راجعة مكانها الطبيعي.

وده… مش أمان عادي.
ده أمان عميق،
أمان بتمنّى كل راجل في الدنيا يعرف قيمته لما ستّ توصله.

أعظم هدية ممكن راجل ياخدها في حياته،
هي إن ستّ تسلّمه قلبها وجسمها وروحها وهي حاسة إنها بأمان كامل.
إنها تنام على صدره مطمنة إن حياتها في إيدين بتحميها مش بتأذيها.
إنها تسيب نفسها تهدى، وتنام، وتتنفّس، وتضحك من قلبها.

الستّ اللي بتحس الأمان بالشكل ده،
مش محتاجة وعود ولا كلمات كبيرة،
هي محتاجة راجل واعي يعرف إن دي نعمة ما تتكررش.
لما ستّ تلاقي الأمان فيك…
اعرف إنك بجد بقيت “مكان”،
مكان للراحة، والسكينة، والسلام الخاص بيها Her Home.

Home is a person not a place ❤️.

وده… هو معنى الحماية الحقيقي.
مش الحماية اللي فيها سيطرة،
لكن الحماية اللي فيها حب ناضج…
حب بيحضن من غير ما يقيّد،
وبيطمن من غير ما يملك.

فلو في حياتك ستّ بتنام مرتاحة على صدرك زي الطفلة…
ما تفرّطش في النعمة دي أبدًا.
دي مش بس بتحبك…
دي بتثق فيك بعمق ما بيتوصفش.
واللي يحس النعمة دي…
لازم يعرف إنه محظوظ جدًا. ❤️

Trust like that is a rare gift…
and it only grows when both hearts feel free and safe.

Trusting him fully with all her
heart and soul

Wow❤️ that’s priceless feeling for both real men and women.

Essence of healthy feminine and masculine being together awakened in a peaceful moment.

Two souls two hearts two bodies in deep peace ❤️ السكن.

💭 للرجالة:
تحس بإيه لما حبيبتك تحس الأمان ده كله في وجودك؟
لما جسمها يهدا، وروحها تطمن، وتنام وهي واثقة إنك مش هتؤذيها أبدًا؟

🌸 وللستّات:
عمرك حسيتي الإحساس ده قبل كده؟
الإحساس إنك في حضن روح رجل حقيقي أصيل بتحميك، حتي من نفسه؟

د.أسرار السريتي
علاقة آمنة

#علاقةآمنة

01/11/2025

في أول حلقات بودكاست علاقة آمنة، بناخدكم في رحلة عميقة لجذر العلاقة الإنسانية اللي ربنا رسمها:
سكن… مودة… ورحمة.

ليه القرآن ما قالش “لتحبوها”؟
وهل الحب لوحده يكفي؟
وإزاي نفرّق بين علاقة بتدفينا… وعلاقة بتخلينا غُربة وإحنا جوّاها؟

في الحلقة دي هنعرف:
• المعنى الروحي والنفسي لـ “لتسكنوا إليها”
• ليه السكن أهم وأعمق من مجرد حب
• إزاي الجسد والأعصاب بتعرف الأمان قبل العقل
• قيمة الود والرحمة في بناء علاقة ناضجة
• ليه العلاقات الصح تبني… مش تستهلك

دي حلقة عن الطمأنينة… عن البيت اللي بنلاقيه في إنسان…
مش في جدران.

استعدّوا لجرعة دفء، ووعي، ولمسة شفا.

الحلقة الأولى: لتسكنوا إليها

د.أسرار السريتي
علاقة آمنة

#علاقةآمنة

31/10/2025

🌿 إزاي تبني أمانك الداخلي قبل الحب

الأمان مش بيبدأ لما تلاقي اللي يطمنك،
الأمان بيبدأ لما تبطّلي تخافي من نفسك.

الناس فاكرة إن الحب هو اللي بيعلّمنا الأمان،
لكن الحقيقة إن اللي جوه كل علاقة…
هو انعكاس للأمان اللي جوانا من الأساس.

لو جواكي خوف،
هتدوري على حد يطمنك كل شوية،
ولو جواكي فراغ،
هتتعلّقي بأي اهتمام صغير وتسميه حب.
لكن لما يكون جواكي أمان،
هتعرفي تختاري من مكان رايق،
مش من وجع محتاج يتسدّ.

🩵 1️⃣ اعرفي إن الأمان مش “هدوء مؤقت”
الأمان مش إنك تبقي كويسة طول الوقت،
ولا إنك ما تتعصبيش أو ما تخافيش.
الأمان هو إنك تبقي عارفة إن حتى لو اتلخبطتي…
هتعرفي ترجعي لنفسك تاني.
إنك تبقي مطمّنة إنك مش هتسيبي نفسك بعد النهارده.

🌸 2️⃣ سامحي نفسك على ضعفك القديم
اللي بيخلينا نفقد أماننا إننا بنجلد نفسنا على كل مرة اتوجعنا فيها.
بس الحقيقة إنك كنتي بتعملي اللي تقدري عليه بالوعي اللي عندك ساعتها.
سامحي البنت اللي كانت بتتعلق،
واللي كانت بتصدق الكلمة الحلوة بسرعة،
واللي كانت بتخاف تبقى لوحدها.
كلهم كانوا مراحل في طريقك للأمان الحقيقي.

💫 3️⃣ اتعلمي تكوني “الحضن” لنفسك
لما تتضايقي، ما تجرّيش على حد يسمعك الأول…
أ جرّي على نفسك.
اقعدي، تنفّسي، اسمعي وجعك كأنه وجع صديقة بتحبيها.
الكلمة اللي كنتي نفسك تسمعيها من حد،
قوليها لنفسك بصوت هادي:
“أنا هنا… ومش هسيبك.”

🌙 4️⃣ حافظي على حدودك
الحدود مش قسوة،
الحدود هي الطريقة اللي بتقولي بيها لنفسك:
“أنا أستحق أتعامل باحترام.”
كل مرة بتوقفي عند حد،
بتبني طوبة جديدة في جدار أمانك الداخلي.

🌻 5️⃣ ما تخافيش من الوحدة
لأن الوحدة اللي فيها وعي مش فراغ…
دي مساحة سلام.
لما تبقي مبسوطة بوجودك مع نفسك،
مش هتخافي تخسري حد،
وهتعرفي تختاري الحب من حرية، مش من خوف.

🕊️
الأمان الداخلي مش حالة بتوصليها،
ده طريق بتعيشيه كل يوم.
كل مرة بتختاري نفسك بدل التنازل،
كل مرة بتطمني نفسك بدل ما تستني الطمأنينة من غيرك،
كل مرة بتقفي على رجلك بعد ما تنهاري،
انتي بتبني لبنة جديدة في بيت أمانك الداخلي.

💖
وساعتها بس،
هييجي الحب مش علشان “ينقذك”،
لكن علشان “يتناغم” مع السلام اللي جواكي.

قوليلي بصراحة…
تحسي إنك دلوقتي بتبني أمانك؟
ولا لسه بتتعلمي ترجعي تثقي في نفسك بعد وجع طويل؟ ❤️

د.أسرار السريتي
علاقة آمنة

#علاقةآمنة

30/10/2025

🌿 علامات إنك مستعدة تقابلي الحامي بتاعك

الحامي مش فارس أحلام…
ولا حد هيجي ينقذك من وحدتك.
هو مش نهاية الحكاية…
هو بداية فصل جديد منها،
بس علشان تفتحي الباب للفصل ده، لازم تكوني جاهزة من جواك.

الاستعداد للحب الحقيقي مش بيبدأ لما تقابلي الشخص،
لكن لما ترجعي تقابلي نفسك.

1️⃣ لما تبطلي تدوري على اللي “يملالك الفراغ”
ساعتها تعرفي إنك قربتي.
لأنك خلاص عرفتِ إن الفراغ ده مش مكان حد تاني،
ده مساحة محتاجة منك حب واهتمام مش من برّه، من جواك.
الحامي ما بيملأش الفراغ…
هو بيمشي جنبك وانتي بتملّيه بنفسك.

2️⃣ لما تبقي قادرة تقولي “لأ” من غير خوف
زمان كنتي بتخافي ترفضي، علشان متخسريش الناس،
دلوقتي بقى عندك وعي إن اللي بيحبك بجد مش هيهرب من حدودك.
الست اللي بتعرف تقول لأ،
هي الست اللي عارفة قيمتها.
وساعتها بس، تقدر تجذب راجل بيحترمها، مش يستهلكها.

3️⃣ لما ما تعوديش تتأثري بالكلمة الحلوة
لأنك اتعلمتِ إن الأفعال هي اللي بتتكلم.
مبقاش يهمك مين قالك “أنا بحبك”،
بقى يهمك مين فعلاً بيخاف على قلبك.
دي علامة نضج،
علامة إنك بقيتِ شايفة الحب بعين الروح مش بعين الاحتياج.

4️⃣ لما تبتدي تحبي نفسك من غير “بس”
تحبيها وهي لسه بتتعلم،
تحبيها حتى لو لسه بتتلخبط،
تحبيها لأنها بتحاول.
ساعتها هتعرفي إنك مستعدة تستقبلي حد يحبك بنفس الطريقة.

5️⃣ لما توقفي مطاردة فكرة “اللي جاي ينقذك”
لما تفهمي إن الحامي مش بيشيلك من وجعك،
هو بيمشي معاكي فيه.
مش بيقولك “ما تعيطيش”،
لكن بيطبطب ويقولك “أنا هنا”.
مش بيكمّلك…
هو بيحضنك وانتي كاملة.

6️⃣ لما تبقي مرتاحة في سكوتك
لما تبقي قادرة تسكتي من غير ما تحسين بالوحدة،
وتتكلمي من غير ما تحسي بالخوف،
وتختاري تبقي لوحدك من غير وجع…
دي اللحظة اللي الكون بيبدأ يجهّز فيها مقابلة الحامي.

🕊️
العلامات دي مش عن الكمال،
لكن عن الهدوء اللي بييجي بعد العاصفة،
عن طاقة تقولي بيها:
“أنا مش بدوّر على حد يكملني… أنا مستنية اللي نكمل بيه الرحلة سوا.”

وساعتها،
لما يقابلك الحامي بتاعك،
مش هيحس إنه جاي ينقذك…
لكن هيعرف إنه أخيرًا لقى الست اللي مستعدة تتسند، مش تتعلّق.

لأن “الحامي” مش مجرد راجل يدخل حياتك،
ده طاقة، وأمان، ومكان بيرجعلك إحساسك بنفسك بعد ما تكوني فقدتيه سنين.

💬
قوليلي بقى بصدق…
تحسي إنك وصلتي للمرحلة دي؟
ولا لسه بتتعلّمي تكوني الأمان لنفسك قبل ما تقابليه؟ ❤️

د.أسرار السريتي
علاقة آمنة

#علاقةآمنة

29/10/2025

لما الراجل الواعي يقابل ست ناعمة وقوية

بيبقى اللقاء ده مش شبه أي لقاء تاني.
مش بيتعامل معاها كـ “تحدّي”،
ولا بيحس إنها “خطر على رجولته”،
لكن بيشوفها زي نسمة بعد عاصفة،
زي طمأنينة كان بيدوّر عليها جواه من غير ما يعرف.

هي مش بتتكلم كتير،
بس كل حركة فيها فيها رقة وثقة.
صوتها هادي، بس كلمتها ليها وزن.
مش بتجري وراه،
بس حضورها يخليه هو اللي يفضل قريب،
من غير ما يحس إنه مضغوط أو مقيود.

الراجل الواعي بيشوفها بنظرة مختلفة.
بيفهم إن القوة اللي فيها مش غِلظة،
ولا النعومة اللي فيها ضعف.
بيشوف إن كل حاجة فيها متوازنة:
قلبها مليان إحساس، وعقلها صاحي ومستنير.
مش بتقلل من نفسها علشان ترضيه،
ولا بتعلّي عليه علشان تثبت له إنها مش أقل.

هو بيحترم المسافة اللي بتحافظ بيها على كرامتها،
وبيقدّر إن عندها حدود مش بتكسرها علشان أي حب.
ولما تضحك من قلبها،
يحس إن الدنيا كلها بتِهدا شوية.

الراجل الواعي لما يشوفها،
بيحس إنها مش محتاجة “منقذ”،
هي محتاجة “شريك”.
وهو عارف إنه مش داخل علشان يكمّلها،
لكن علشان يقف جنبها،
ويعيش معاها حب ناضج فيه احتواء مش سيطرة.

الست دي بتخليه يفكر مرتين قبل ما يتكلم،
مش خوف منها،
لكن احترامًا لعمقها.
بتخليه عايز يكون أفضل،
مش علشان تنبهر بيه،
لكن علشان يكون قدّ المكان اللي قلبها ممكن تديهوله.

الراجل الواعي لما يقابل ست ناعمة قوية،
مش بيحاول “يفتحها” ولا “يكسبها” ولا “يمتلكها”،
هو بيختار يعرفها، يفهمها، يتطمن معاها.
بيشوف فيها بيته الداخلي،
مش ساحة صراع ولا إثبات.

ولما يحس إنها آمنة جنبه،
بيعتبر ده أكبر نجاح في حياته.
مش لأنّه كسبها،
لكن لأنها اختارته،
وهي الست اللي ما بتختارش بسهولة.

💬
في اللحظة دي،
هو بيبصّ لها وهو عارف إن ربنا بعت له هدية مش شبه أي حاجة،
مش عشان تعلّمه “إزاي يحبها”،
لكن علشان تفتّح فيه الحتة اللي كان ناسيها من نفسه.

🕊️
هي النعومة اللي رجّعته لإنسانيته،
وهو الوعي اللي رجّع لها الأمان.

طب قوليلي بصراحة…
تحسوا الراجل الواعي يعرف يقدّر الست بالشكل ده فعلًا؟
ولا لسه في رجالة بتخاف من الست القوية الناعمة؟ ❤️

د.أسرار السريتي
علاقة آمنة

#علاقةآمنة

28/10/2025

الأحمر يليق بي… مش بس عشان لون الشغف،
لكن عشان أنا نار ودفا، حب وحدود، قوة ووعي في نفس الوقت. ❤️‍🔥

دي محبة نضجت لدرجة إنها ما تسمحش لحد يوجّعها تاني باسم الحب. ❤️

الأحمر يليق بي… ❤️🔥

لإنّي النار والدفا في وقت واحد…
أنا الشغف اللي بيحيي، بس كمان الوعي اللي بيحمي.
أنا أنوثة ناعمة ومليانة طاقة، بس ليّا حدود مقدسة محدش يقرب منها.
حدودي خط أحمر، ومبادئي مش مجال للنقاش.

اللي ما يحترمنيش، ما يعرفنيش.
واللي وجوده في حياتي بيكسر قيمي أو يوجّع روحي، بيخرج منها أسرع من لمح البصر.
مش قسوة، دي كرامة.
مش غرور، دي محبة حقيقية للنفس.

عمري ما هسمح لنفسي أختار بين شخص بحبه ومبادئي،
لإن دايماً اختياري هيكون مبادئي دون تفكير …
اختياري هيكون احترامي لنفسي، وقلبي اللي تعب عشان يوصل للوعي دا.

أنا مش محتاجة أبرّر ليه بحط حدود،
اللي يحبني بصدق، عمره ما هيخلّيني أختار.
هيفهم، وهيحترم، وهيطمنّي مش هيهدّد أماني.

أنا طاقة أنثوية قوية…
فيها نُعومة الميّة، وحرارة النار،
جاذبة، ساحرة، فيها نور بيشع من جوّا مش من برّا.

الناس ممكن تفتكر إن القوة بس في الصوت العالي أو المواقف الحادة،
بس أنا عارفة إن أعظم قوة هي إنك تكوني واضحة،
وتختاري نفسك من غير خوف و تكوني ذاتك الحقيقية.

اللي جوايا مزيج نادر…
أنوثة ناعمة، وشغف مشتعل، وكرامة راسخة.
وكل مرة ببص في المراية،
بشوف ست حقيقية، حبت نفسها كفاية إنها تحميها.

❤️ للأحمر اللي بيلمع في عينيّ،
وللنار اللي بتدفّي قلبي،
ولكل ست لسه بتتعلم تقول “لأ” من غير ما تحس بالذنب…
انتي برضه جميلة، قوية، ومليانة نور.

حبي نفسك كفاية و خلي حدودك حدود مقدسة.

لكل ست لسه بتتعلم تقول “لأ” من غير ما تحس بالذنب…
البوست ده ليكي ❤️

د.أسرار السريتي
علاقة آمنة

علاقة آمنة مع نفسك و الآخر و الأشياء

علاقة آمنة تبدأ من علاقتك بنفسك

#علاقةآمنة

27/10/2025

لما ست قوية وناعمة في نفس الوقت، وعارفة قيمتها… تقابل راجل حامي وجدع بجد

بيبقى اللقاء بينهم مختلف جدًا.
مش بيحصل دوشة ولا دراما، مافيش شد وجذب، ولا لعب أدوار مين أقوى ومين يثبت نفسه أكتر.
بيبقى في هدوء غريب كأن أرواحهم كانت مستنية اللحظة دي من بدري.

الست دي…
عدّت بطريق طويل علشان توصل للنقطة دي.
اتوجعت، واتكسرت، وشافت أشكال من العلاقات خلتها تشك في نفسها أوقات، بس قامت.
قامت وهي فاهمة إنها تستحق حب ما يستهلكهاش، ما يقللهاش، ما يخوفهاش من نفسها.
اتعلمت تكون قوية من غير ما تبقى قاسية،
ورقيقة من غير ما تبقى ضعيفة.
وعارفة إنها مش محتاجة تتنافس مع راجل علشان تحس إنها موجودة.

ولما الراجل الحامي يظهر…
مش الحامي المتحكم،
ولا اللي بيخاف منها علشان قوتها.
لكن الحامي اللي أمانه يطمنها مش يسجنها.
اللي لما تشوف عينيه، تحس إن قلبها أخيرًا يقدر يرتاح.
اللي لما يقولها “أنا معاكي”، ما تبقاش كلمة، تبقى فعل.

هو كمان مش جاى من فراغ،
عدّى بوجع، واتعلم يعني إيه راجل يبقى مسؤول وموجود.
ما بيخافش من مشاعرها،
ما بيهربش لما تضعف،
ما بيستهونش بدمعتها،
وما بيكسرش حيلها علشان يثبت رجولته.
هو عارف إن الرجولة مش في السيطرة،
لكن في الاحتواء.

اللحظة اللي يقابلوا فيها بعض…
بتحصل حاجة زي “توازن مقدّس”.
هي بتعلمه الهدوء اللي جواه،
وهو بيرجع لها إحساس الأمان اللي كانت فاكرته اختفى.
هي بتخليه يلين من غير ما يضعف،
وهو بيخليها تطمّن إنها مش لوحدها في المعركة.

العلاقة بينهم مش صراع قوى،
دي رقصة بين الطمأنينة والاحتواء،
بين قلبين عارفين هما مين…
وعارفين إن الحب الحقيقي مش بيكملك،
هو بس بيحضنك وانت كامل.

💬
في الآخر، لما ست قوية ناعمة تقابل راجل حامي بوعي،
ما بيحصلش “اتنين نصين” بيكملوا بعض،
لكن اتنين كاملين… بيختاروا يعيشوا الحب بسلام،
من غير خوف، من غير جري، من غير وجع.

🕊️
ولحد ما اللحظة دي تيجي…
قلبي بهدوء و سعادة،
ومتطمن إن الطريق ماشي بيا ناحيته.

Looking forward to meeting my protector.

طب قوليلي بصراحة…
إنتي شايفة نفسك أكتر فين دلوقتي؟
في مرحلة إنك بتتعلمي تكوني قوية وناعمة؟
ولا مستنية راجل حامي يقدّر ده فيك؟ ❤️

د.أسرار السريتي
علاقة آمنة

#علاقةآمنة

26/10/2025

“لتسكنوا إليها… مش لتحبوها”

كنت دايمًا بسأل نفسي، ليه ربنا في كتابه الكريم لما اتكلم عن العلاقة بين الزوجين، قال: “لتسكنوا إليها”، وقال كمان “وجعل بينكم مودة ورحمة”…
ليه مفيش ذكر مباشر لكلمة “الحب”؟
لكن لما كبرت وشوفت الحياة بعيوني، وفهمت قصص الناس حواليّا، عرفت إن ربنا دايمًا بيختار الكلمة اللي توصل لأعماق القلوب.

السكن… مش مجرد وجود، ولا عشرة، ولا حضن.
السكن هو إن روحك تطمئن… وجسمك يرتاح…
السكن هو لما كل خلية في جسمك تهدى، وجهازك العصبي يفك توتره، وتتنفس بعمق وأمان، لأن الشخص ده حواليك.
هو الراحة بعد الزحمة، هو الهدوء بعد العاصفة، هو لما تكون وسط الدنيا كلها… وتبقى مرتاح بس علشانه.

زي ما البيوت مش كلها مريحة، كمان القلوب مش كلها سكن…
في قلب تحس فيه إنك متشاف، مسموع، مفهوم من غير ما تتكلم…
وفي قلوب مهما قعدت فيها، تحس إنك غريب.

عارف يعني إيه سكن؟
يعني لما ترجع من برّه الدنيا، من دوشة الشغل وزحمة التفكير، تلاقي حضن تقول فيه “أنا وصلت”…
تلاقي وش لما تبصله، تحس إنك بخير، حتى لو اليوم كان مكركب…
السكن مش مجرد وجود، السكن طمأنينة…
مكان جوا حد ترتاح فيه، وتخلع فيه كل الأقنعة، وتتنفس بعمق، من غير خوف، من غير تصنع، من غير حسابات.

ربنا ما قالش “لتحبوها”… لأن الحب ساعات بيجي، وساعات بيروح.
لكن السكن؟ لو لقيته… صعب جدًا يتنسي.
السكن هو الأمان، هو العمق، هو “أنا عارف إنك موجود عشاني، وأنا كمان ليك”.

السكن مش كلام حلو، ولا ورد في مناسبات…
السكن هو اللي يفك ضيقتك من نظرة، هو اللي يسمع سكوتك، ويفهمه،
هو اللي يشيل معاك الحمل، من غير ما تطلب.

وساعات، السكن بيبقى في أفعال بسيطة…
فنجان قهوة من غير ما تطلبه، لحظة صمت متشارَكة، كلمة “أنا جنبك”، لما تبقى واقع.
الحب حلو، لكن لما يبقى الحب من غير سكن، يبقى زي بيت جميل من برّه، بس ساكنينه بردانين جوا.

المودة…
أجمل من الحب أحيانًا، لأنها حب بيحافظ على شكله وقيمته…
الود هو إنك تخاف على مشاعر شريكك حتى لو زعلان، وتحافظ على الصلة حتى لو في خلاف، وتحاول تبني مش تهد.

والمودة…
ياااه على جمال الود… الود هو الحب اللي كبر، ونضج، وبقى مسؤول.
الود هو اللي بيخلي الاتنين يتحملوا بعض وقت التعب، ويختاروا بعض كل يوم من جديد، حتى في عز الخلاف.
الود مش كلام معسول… الود فعل، وحرص، واهتمام متواصل.

الرحمة…
اللي من غيرها كل حاجة بتبقى تقيلة…
الرحمة هي اللي تخليك تلتمس الأعذار، وتغفر، وتفتكر المعروف، وتعرف تحب حتى في أسوأ الأيام.

الرحمة هي الغطاء اللي بيدفي العلاقة…
هي اللي بتخلي الطرفين يعذروا بعض، ويغفروا لبعض، ويفتكروا المعروف قبل الزعل.
من غير رحمة، كل حاجة بتبقى قاسية… حتى لو كان فيها حب، هتكون مؤلمة.
الرحمة معناها إنك تبقى إنسان في حبك، رقيق في خصامك، نضيف في مشاعرك.

ربنا قال: “لتسكنوا إليها”…

ربنا قال:
﴿ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ ﴾
ما أعظمك يا رب!
خلقت لنا مش مجرد شريك حياة، لكن شريك روح… حد نتسكن ليه، ونرجع له بعد كل تعب، ونكمل بيه ومنه.

لأن السكن أعمق من الحب،
السكن بيطمن القلب، والجسد، والروح،
وبيخليك تقول “أنا هنا، وده مكاني”.

ادعوا دايمًا إنكم تلاقوا اللي قلوبكم تسكن له…
مش اللي يخطف قلوبكم مؤقت، لكن اللي يطبطب عليها على طول و يهتم بيها من كل قلبه علي طول لأنه متواجد عاطفياً مهما كانت الظروف أو زحمة الحياة.

اللي تضحكوا معاه، وتعيطوا قدامه، وتبقوا على طبيعتكم وهو يفضل يشوفكم حلوين.
دا هو الحب الحقيقي… لما يبقى فيه سكن، ومودة، ورحمة.

اللهم اجعل في بيوتنا سكن، وفي قلوبنا ود، وفي تعاملاتنا رحمة…
وارزق كل قلب شريك يكون له وطن، مش محطة مؤقتة.

ادعوا دايمًا إنكم تلاقوا اللي قلوبكم تسكن له،
اللي وجوده يداوي، ونبرته تهدي، وحضنه يطمن.
اللي تحس معاه إنك مش بس بتحبه… لكن بتعيش وبتتعافى وهو حواليك.

اللهم ارزقنا السكن فيمن نحب، وامنحنا قلوب تبقى لينا وطن وراحة.

د.أسرار السريتي
علاقة آمنة

#علاقةآمنة

25/10/2025

💌 رحلتي للرجوع لنفسي ❤️ والرجوع لبيتي الحقيقي نفسي

الرسالة دي…
لكل روح نسيت طريقها لنفسها.

لكل قلب إدّى زيادة،
ولكل واحدة حبت لدرجة إنها نسيت نفسها.
لكل اللي افتكروا إن البقاء على قيد الحياة هو القوة…
مع إن القوة الحقيقية هي إنك ترجعي لنفسك تاني.

الشفا مش إننا نبقى حد جديد،
الشفا هو إننا نفتكر إحنا مين من البداية.

الرجوع الي بيتك و ذاتك الأصلية.
و احتضان نفسك بكل أجزاءها الظلال و النور. ❤️
الأجزاء المكسورة الهشة و الأجزاء الناضجة الثابتة القوية. كلهم أنت. كلهم يستحق الحب.

اقريها بهدوء…
خلي كل كلمة تطبطب على روحِك،
وتفكّرك بطريقك للرجوع لنورك.

خليها تبقى المراية اللي تقولك:
“إنتِ الحُب. إنتِ كاملة. إنتِ في بيتك الآمن .”

النهارده،
قررت أرجع بيتي…
أرجع لنفسي.

أرجع للأجزاء التعبانة،
للأجزاء المكسورة الهشة اللي خبّيتها علشان أكمّل.
للأصوات اللي جوايا اللي كانت محتاجة حد يقولها:
“أنا شايفاكي، ومشية معاكي، و يحضنها و يحتويها و يحسسها بالأمان .”

بتعلّم أمسك إيدي بنفسي،
وأتنفّس مع الوجع بدل ما أهرب منه.
أبصّ له بعين الطيبة و الحنية وأطبطب عليه إلي ان يخف.
و اسمع مخاوفي و أطمن نفسي و قولها
“إنت بأمان دلوقتي.”

معدتش بجري ورا الحُب برايا.
أنا بقت الحُب نفسه.

أصل الحُب مش حاجة بندوّر عليها،
الحُب حالة… بنفتكر إننا كناها من البداية.

بسامح نفسي
على كل مرة رضيت بالقليل،
على كل لحظة نسيت فيها نوري،
على البنت الصغيرة اللي كانت فاكرة إن الحُب لازم يكون وجع علشان يبقى حقيقي.

وبسامح الطفلة اللي جوايا
اللي كانت مصدّقة إن الحُب يعني تضحية مالهاش آخر.

دلوقتي بتعلّم طريق أهدى —
طريق فيه السلام مش معناه السكوت،
والحُب مش معناه إني أضيع نفسي.

بتعلّم أرتاح.
أستقبل.
وأكون وردة جميلة مزدهرة… حتى بعد الكسرة.

أنا الحُب.
أنا برجع أكمل نفسي من تاني.
بهدوء. بشجاعة. بجمال.

أنا النور.
وأنا البداية الجديدة.
أنا الحُب اللي كنت بدوّر عليه طول الوقت. ❤️

وإنت كمان.
أيوه… إنت كمان.

إنت الحُب اللي كنت بتدوّر عليه.
بُص جواك.
دَوّر جواك.
ما تديش طاقتك للبرا وتسيب اللي جواك عطشان.

خليكي قوية في حضورك.
استمتعي بنفسك.
احمي نورك.

ما تديش قيمتك ولا طاقتك لناس مش قدّها.
عيشِي حياتك بحُب،
اعملي اللي بينوّر قلبِك،
واللي ماشي مع قيمك ورسالتك وروحك.

إنتِ كاملة.
إنتِ ملكة —
بتبني إمبراطوريتك،
وعايشة بحُب ومعنى وفرحة.

ما تستنيش حد يكملك،
إنتِ أصلًا كاملة.

ولما تقفي في قوتك وتنوّري من جوا،
اللي هيقابلك هناك
هيبقى ملك حقيقي —
واقف على أرضه،
واعي، وباني إمبراطوريته هو كمان.

ساعتها هتبقوا روحين مليانين،
كل واحد فيكوا بيشارك الحُب من فائض،
مش من نقص.

بس لحد اليوم ده…
إنتِ مش بتدوّري على الحُب تاني.
لإنك إنتِ الحُب. ❤️

إنتِ رجعتي بيتِك. ❤️
رجعتي لنفسِك.

وافخورة بيكي قوي،
وممتنة لكل خطوة مشيتيها في طريق شفاكي وروحِك الجميلة. ❤️❤️💪

بكل حنية،
أسرار حبيبتك الجميلة 🥰

د.أسرار السريتي
علاقة آمنة

علاقة آمنة مع نفسك و الآخر و الأشياء

#علاقةآمنة

25/10/2025

This is a love letter
to every soul that forgot how to come home to itself.

To the ones who gave too much,
who loved until they lost their own reflection,
who mistook survival for strength.

It’s a reminder that healing isn’t about becoming someone new —
it’s about remembering who you’ve always been.

A return.
A homecoming.
A gentle reclaiming of your own heart. ❤️

Read this slowly.

Let every word touch your soul and inspire you to your way home.

Let it be a mirror that whispers
You are love. You are whole. You are home.

My journey back to myself ❤️ returning home

Today,
I choose to come home —
to myself.

To the tired parts.
To the soft vulnerable ones I hid to survive.
To the voices and parts inside me that just needed someone to say,
“I see you.” I see you and I hold safe space for them and care for them with compassion.

I’m learning to hold my own hand,
to breathe with my pain instead of running from it,
to whisper to my fears —
“you’re safe now.”

I’m not chasing love outside of me anymore.
I’m becoming it.

أصل الحُب مش حاجة بندوّر عليها،
الحُب حالة بنرجع نفكر نفسنا إننا كناها من البداية.

I forgive myself
for every time I begged for crumbs,
for every version of me that forgot her light,
for the girl who thought love had to hurt to be real.

وبسامح الطفلة اللي جوايا
اللي كانت بتصدق إن الحُب لازم يكون وجع و تضحية و عطاء غير متناهي.

Now, I’m learning a softer way —
a way where peace doesn’t mean silence,
and love doesn’t mean losing myself.

I’m learning to rest.
To receive.
To bloom — even after breaking.

I am love.
I am becoming whole again.
Gently. Bravely. Beautifully.

أنا النور،
وأنا البداية الجديدة.
أنا الحُب اللي كنت بدوّر عليه طول الوقت. ❤️❤️

And you are too.
Yes — you too.

You are the love you’ve been searching for.
Just look inside.
Search inside.
Stop giving your power away by chasing what’s already within you.

Be powerful in your own presence.
Enjoy it.
Protect it.

ما تديش طاقتك ولا قيمتك لناس مش قدّها.
انبسطي بحياتك،
اعملي اللي بينوّر قلبك،
واللي متصل مع قيمك و رسالتك وروحك.

You are whole.
You are a queen —
building your own empire,
anchored in love, purpose, and joy.

You don’t need anyone to complete you.
You are already complete.

And when you rise in your own power,
when you glow from within —
the only one who’ll meet you there
will be a whole king.
Grounded. Conscious. Building his own empire too.

Then, and only then,
you’ll meet as two souls overflowing —
two empires sharing love,
not searching for it.

But until that day…
you’re not searching anymore.
Because you are love❤️❤️.

You are finally home ❤️❤️.

Always know I am very proud of you and grateful for how much you’ve reached in your soulful healing journey ❤️💪🤗.

Your beautiful sweetheart,

Asrar

د.أسرار السريتي
علاقة آمنة

علاقة آمنة مع نفسك و الآخر و الأشياء

علاقة آمنة بتبدأ من علاقتك بنفسك

#علاقةآمنة

24/10/2025

Dear Me ❤️,

You are Love.
You are the embodiment of tenderness, safety, and truth.

أنتِ الحُب والأمان والحنية والأصالة.
أنتِ رزق جميل، وهدية ربنا لعباده.
وجودك نعمة، وحُبك أكبر رزق.

أنتِ روح عميقة، حساسة، نقية،
يملؤها النور والحكمة والفن والجمال.

وقلب صادق، شجاع، رحيم.

وعقل جميل، متألق بالذكاء والوعي.

أنوثة نادرة، مكتملة الجمال —
full of compassion, wisdom, passion, love, kindness, and fire.
A real queen.

Dare to be your authentic self,
my lovely, beautiful, strong and soft lotus flower 🪷—

أسرار، حبيبتي الجميلة.

أنا ممتنة لرحمتك، ولوجودك في هذه الحياة،
لنورك، وإنسانيتك، وللحُب اللي بتوزعيه على الدنيا.
بحبك يا حبيبتي ❤️❤️❤️

To the Love I’ve Always Been Looking For — Me ❤️🫂🫂.

Dear All please remember…
Every one of us is a gift.
كل واحد فينا وجوده نعمة.

Your presence is a blessing — a light to this world.
So if you were to write a love letter to yourself,
what would you say?

I invite you to sit gently with your heart,
to connect deeply with every part of yourself —
the strong, the soft, the wounded, the healing —
and offer them love.

Because you, too, are love.
Always have been. Always will be. ❤️❤️

و خليك فاكر دايمًا…
إن كل واحد فينا وجوده نعمة و هدية.
وجودك في الدنيا مش صدفة…

كل نفس فيك، كل لحظة، كل وجع
وعدّى، كل ضحكة طلعت منك —
كل ده دليل إنك نور ما بيتطفيش.

فـلو جرّبت تكتب لنفسك جواب حُب
اقعد مع روحِك قعدة ونس جميل فيها تواصل جميل مع نفسك ، بص جواك كده بالراحة…
واسأل نفسك:
“لو كنت هكتب لنفسي جواب حُب، كنت هقول إيه؟”

اقعد مع كل جزء فيك — الجزء اللي بيتوجّع، واللي بيحاول، واللي بيتعافى —
وادّيهم حبّ.
احضنهم.

علشان في الآخر…
إنتِ الحُب.

Love you all❤️❤️😍.

د.أسرار السريتي
علاقة آمنة

#علاقةآمنة

23/10/2025

إحنا ساعات بنفتكر إن الحب هو الكلام الحلو، الصور، الضحك، واللحظات الخفيفة اللي بتدي طاقة حلوة وبتخلينا نطير من الفرح.
بس الحقيقة إن دي مجرد لغة المزاج الحلو، اللي أي حد يقدر يعملها من غير ما يكون بيحب بجد.

الحب الحقيقي مش بيمتحن نفسه في السهل.. الحب بيتعرف في الصعب.
في المسئولية اللي شكلها ممل، بس جواها أمان.
في إنك تلاقي حد مشي جنبك وإنت تايه ومش عارف تكمل.
في إنك تسمع كلمة تشجيع في وقت كنت فاكر إنك مش نافع في أي حاجة.
في إنك تحس إنك مش لوحدك، حتى وإنت في عز الوحدة.

الحب مش محتاج ظروف مثالية عشان يبان، بالعكس.. هو بيظهر أكتر لما الدنيا تظلم.
لما تمر بليالي سودا وتلاقي اللي معاك مش بيهرب، بل بالعكس، بينوّرلك الطريق بحضوره.
الحب الحقيقي هو اللي يثبتلك إنك تستاهل تتشاف، حتى وإنت متكسر، حتى وإنت مش في أجمل حالاتك.

اللي بيحبك بجد مش بس يفرح بيك وإنت ناجح..
لكن يفرح بيك وإنت بتحاول، ويشوف فيك جمال حتى وإنت واقع.
هو ده اللي يخلي الحب مش رفاهية ولا نزوة.. لكن رحلة صعبة محتاجة قلب قوي وعين بتشوف نور جوه الضلمة.

فما تفرحش بالسهل اللي أي حد ممكن يقدمه..
افرح بالصعب اللي ما يعرفش يقدمه غير اللي بيحب بجد.
لأن الحب الحقيقي مش بيتقاس بالضحكة،
الحب الحقيقي بيتقاس بالدمعة اللي حد مسحها لك، وبالضلمة اللي حد فضل فيها جنبك لحد ما النور رجع.

في ناس فاكرة إن الحب يعني تبقى دايمًا قريب بالجسد..
لكن الحقيقة إن القُرب مش دايمًا مكاني، القُرب ساعات بيكون روحي أكتر من أي وجود مادي.

ممكن تبقى بعيد عن اللي بتحبه، بس روحك لسه حضناه،
لسه بتطبطب عليه من بعيد،
لسه بتدعي له وهو مش حاسس،
لسه بتحبه حتى وهو مش قادر يحب نفسه.

في وقت الضلمة، في اللحظات اللي بيبعد فيها،
إنت لسه هناك، سايبله نور صغير جوا قلبك عشان يرجع له يوم ما يقدر.
إنت مش بتحاول تقتحم وجعه،
إنت بس واقف بعيد في سلام، ماسك له مكان آمن جواك.

لأن الحب مش دايمًا إنك تفضل جنبه بإيدك،
أوقات الحب الحقيقي هو إنك تفضل ماسك بإيده بروحك،
حتى لو هو سابها للحظة.

الحب مش بيموت وقت البُعد،
الحب الحقيقي هو اللي يفضل نابض جوه الروح،
يحضن من بعيد،
ويحب في صمت،
ويفضل مؤمن إن النور هيرجع، حتى لو الضلمة طولت شوية.

الحب بيبان وقت الضلمة..
وبيثبت إنه حب بجد، لما يفضل يحب حتى وإنت مش قادر تحب نفسك و يساعدك ترجع لنفسك و تحبها.

د.أسرار السريتي
علاقة آمنة

#علاقةآمنة

Address

Alexandria

Telephone

+201113370053

Website

https://secretshive.com/about/

Alerts

Be the first to know and let us send you an email when Dr. Asrar Elseraty posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Asrar Elseraty:

Shortcuts

Want your practice to be the top-listed Clinic in Alexandria?

Dr. Asrar Elseraty

02/11/2025

01/11/2025

31/10/2025

30/10/2025

29/10/2025

28/10/2025

27/10/2025

26/10/2025

25/10/2025

25/10/2025

24/10/2025

23/10/2025

Address

Telephone

Website

Alerts

Contact The Practice

Shortcuts

Share

Category