Dr Sahar Elmorshdy د. سحر المرشدى

Dr Sahar Elmorshdy د. سحر المرشدى عيادة الخصوبة وعلاج تأخر الانجاب والحقن المجهرى والمناظير النسائية لعلاج تاخر الانجاب والاورام الليفية

الحمدلله❤️" حامل بمتابعة اونلاين" حالة النهاردة جت لنا تأخر انجاب ٣ سنين والزوج هيسافر وكان عندها لحمية وعملنا منظار ...
05/11/2025

الحمدلله❤️" حامل بمتابعة اونلاين" حالة النهاردة جت لنا تأخر انجاب ٣ سنين والزوج هيسافر

وكان عندها لحمية وعملنا منظار بطن ورحم وبدأت بعدها متابعه تبويض ..بس فى الفترة دى كنت معتذرة ومش موجودة فى المكان اللى هى بتتابع فيه ف كان الحل هو
المتابعة اونلاين عشان الزوج هيسافر ومفيش وقت. نضيعه..

والحمد لله رب العالمين طلعت حامل ❤️








#سهلناها

معظم الحوامل بتبقى اول متابعة ليهم فى الشهر التانى لان الشهر الاول معظمه بيبقى فى الوقت اللى قبل تأخير البريود وقبل ما ...
05/11/2025

معظم الحوامل بتبقى اول متابعة ليهم فى الشهر التانى لان الشهر الاول معظمه بيبقى فى الوقت اللى قبل تأخير البريود وقبل ما تعرفى انك حامل

فى اول الشهر التانى
بتشوفى كيس الحمل

فى نص الشهر التانى بتشوفى نبض قلب البيبى

فى اخر الشهر التانى بتبدأ اول مراحل تكوين جسم البيبى تبان

اشهر اعراض الشهر التانى
هى بداية القئ او الغممان( الاحساس بالقئ)
و ده تقدرى تاخدى له ادوية عشان متفضليش متضايقة

وممكن كمان بتنظيم الوجبات يتحسن شوية


حكاية النهاردة الحمدلله ..حكاية اتنين فى واحد.. قصة حالتين بيعانوا من اكياس شوكلاتة..الاولى. جت لنا قبل الجواز. عندها...
04/11/2025

حكاية النهاردة الحمدلله ..حكاية اتنين فى واحد.. قصة حالتين بيعانوا من اكياس شوكلاتة..
الاولى. جت لنا قبل الجواز. عندها كيس شوكلاتة و حيرة اختيار المنظار او انها تاخد علاج يقلل مشاط بطانة الرحم المهاجرة لحد ما تتجوز. واختارت العلاج. والحمد لله حصل حمل بعد الجواز بشهرين الحمد لله ❤️.

والحالة التانية جت لنا بعد الجواز .. متجوزة من ست شهور وجوزها هيسافر قريب ف عايزة حمل فى اقرب وقت .. بالسونار لاقيت كيس شوكلاتة على المبيض. ،. بالنسبة لى كانت فكرة المنظار اساسي عشان كمان ضيق الوقت قبل سفر الزوج.. وقبل ما نعمل المنظار طلعت حامل الحمد لله❤️

اللى عايزة اقوله انه مش شرط لازم الحمل يتأخر لو فيه اكياس شوكلاتة
فيه حالات بيحصل حمل. على طول. وفيه حالات بتحتاج منظار









"رب لاتذرنى فردا وأنت خير الوارثين" ❤️متنسيش الدعاء
31/10/2025

"رب لاتذرنى فردا وأنت خير الوارثين"
❤️متنسيش الدعاء

الحمدلله❤️حالة النهاردة حمل بعد سنين لان الزوج بيسافر وينزل اجازة صغيرة.. جت قبل اجازة الزوج وكانت محتاجة منظار وعملنا...
30/10/2025

الحمدلله❤️حالة النهاردة حمل بعد سنين لان الزوج بيسافر وينزل اجازة صغيرة.. جت قبل اجازة الزوج وكانت محتاجة منظار وعملناه والحمد لله الحمدلله دلوقت حامل❤️..

لو الزوج هيسافر بعد الفرح الافضل يبقى فيه استشارة ماقبل الزواج عشان متضييعيش وقت بعد الجواز فى تظبيط تحاليل وكمان عشان تبدئى الفيتامينات الضرورية

ولو الزوج بيسافر ويجى اجازة صغيرة الافضل تكشفى وتظبطى تحاليلك وتبدئى فوليك اسيد قبل ماينزل اجازته بشهرين او تلاتة.






بناءا على طلب حالاتنا❤️الحمد لله دلوقت تقدرى تعملى العمليات والمناظير. تبع التعاقدات #سهلناها عليكى للاستفساراتواتساب01...
28/10/2025

بناءا على طلب حالاتنا❤️الحمد لله دلوقت تقدرى تعملى العمليات والمناظير. تبع التعاقدات

#سهلناها عليكى



للاستفسارات
واتساب
01010432487
ده لينك الواتساب👇

الحمدلله❤️حكاية النهاردة فرحت بعد ١٤ سنة تأخر انجاب بأحلى بنوتة ربنا يحفظها ويبارك لها فيها يارب🌷نجاح الحقن المجهرى اكيد...
26/10/2025

الحمدلله❤️حكاية النهاردة فرحت بعد ١٤ سنة تأخر انجاب بأحلى بنوتة ربنا يحفظها ويبارك لها فيها يارب🌷
نجاح الحقن المجهرى اكيد ليه فرحة بس المشتاق من زمان فرحته اكبر بكتير وفرحتنا بيه اكتر واكتر الحمد لله.. الحمد لله على تمام الفضل والمنة❤️ اليوم اللى بنسلم فيه البيبى لمامته وباباه هو يوم فرحتنا بجد،.





الحمدلله ❤️ النهاردة كان فيه ورشة عمل عن جهاز جديد نقدر نستخدمه للحالات اللى بتعانى من نزيف نتيجة تليف فى الرحم او اور...
24/10/2025

الحمدلله ❤️ النهاردة كان فيه ورشة عمل عن جهاز جديد نقدر نستخدمه للحالات اللى بتعانى من نزيف نتيجة تليف فى الرحم او اورام ليفية متعددة مع المحافظة على الرحم ومن غير فتح او جروح الحمدلله .. الجهاز مش هيشيل التليف لكن هيوقف نشاطه ف يبدأ ينقص فى الحجم فيوقف النزيف والالم..

مش كل الحالات يناسبها التقنية دى
لكن لو انتى من الحالات اللى يناسبها التقنية دى هتبقى وفرتى على نفسك لف وادوية كل شوية..

مكلف شوية بس فيه حالات كتير كانت بتدور على حل لمعاناتها ومش حابة تعمل استئصال وتشيل الرحم وكمان مش عايزة جرح ووقت تعافى..

هيفضل فيه حالات. مش هيناسبها غير المنظار
وهيبقى هو الحل
وفيه حالات هيناسبها الحل ده





"رب لاتذرنى فردا وأنت خير الوارثين" ❤️ متنسيش الدعاء
24/10/2025

"رب لاتذرنى فردا وأنت خير الوارثين"
❤️ متنسيش الدعاء

23/10/2025

حكاية النهاردة بقت بتتكرر وتيجى على انها حالة تأخر انجاب ونلاقى قصة تانية فى الكواليس #الحامل #الحمل

الحمد لله❤️.. واحدة من حالاتى اللى بحبها فعلا.. حبيبتى ❤️ وصاحبة حكاية النهاردة .. لما البيبى طلع و باوريهولها بتقولى"ده...
21/10/2025

الحمد لله❤️.. واحدة من حالاتى اللى بحبها فعلا.. حبيبتى ❤️ وصاحبة حكاية النهاردة .. لما البيبى طلع و باوريهولها بتقولى"ده احنا تعبنا فيه اوى"❤️ وحقيقى احنا تعبنا فيه فعلا وهى صبرت وعدت بحاجات كتير من تأخر انجاب سنين. لحمل وبعده اجهاض.. وبعدين احتاجت تدخل عملية كحت بعد الاجهاض بشهرين. وبعدين منظار رحمى وبعديه اشعة بالصبغة عشان تكون دى اخر مرحلة اللى ربنا اراد بعدها ان الاختبار ينتهى.
ونوصل لتحليل حمل ايجابى الحمد لله وبيبى استنيناه تسع شهور
الحمد لله على سلامتهم وربنا يفرحها بيه❤️




#الحامل

#الحمل

الحمد لله ❤️حكاية النهاردة لحالة حصل حمل ٣ مرات .. اول مرة ولدت وعندها طفل الحمد لله.. تانى مرة حصل لها اجهاض فى الش...
20/10/2025

الحمد لله ❤️حكاية النهاردة لحالة
حصل حمل ٣ مرات .. اول مرة ولدت وعندها طفل الحمد لله..
تانى مرة حصل لها اجهاض فى الشهر التالت

وتالت مرة حصل حمل وكملت للشهر التاسع والبيبى نبضه وقف داخل الرحم ..

وكمان الحمل اتاخر سنة ونص بعدها..
الحمد لله اخيرا حصل حمل ..
الحالة دى مش بس قصتها ان الحمل متاخر.. لا ..
دى محتاجة تبقى متحضرة للحمل وكل التحاليل تكون مترجعة ومتظبطة

اكتر فترات بتبقى خايفة فيها هى الفترات اللى حصل فيها مشكلة للبيبى قبل كده .. بتبقى مش مطمنة غير لما تولد بالسلامة وتشوف البيبى بعنيها❤️
ربنا يتم فرحتها بخير
ويجى طفل سليم معافى 🌷🙏





#الحامل

#الحمل

Address

أول شارع الجواهر أمام كوبري الإبراهيمية خلف بنزينة موبيل - سموحة - الإسكندرية
Alexandria
21500

Opening Hours

Tuesday 2pm - 7pm
Wednesday 2pm - 7pm
Thursday 2pm - 5pm
Saturday 2pm - 7pm
Sunday 2pm - 5pm

Telephone

+201010432487

Website

Alerts

Be the first to know and let us send you an email when Dr Sahar Elmorshdy د. سحر المرشدى posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Sahar Elmorshdy د. سحر المرشدى:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category