Life Saving Team-Resala Alex

تبرع بالدم ، تطوع ، زيارات ، رحلات ، اجتماعات ، اتصالات


Its about saving lives by blood donation to Resala organization incorporated with Shatby's hospital

يعني اية انيميا بحر متوسط؟؟؟؟؟؟

انيميا البحر المتوسط او كما تسمى "الثلاسيميا" مرض وراثي ينتشر في دول حوض البحر المتوسط و هو عبارة عن قصور في نخاع العظم عن انتاج الكميات اللازمة من كرات الدم الحمراء و حدوث تكسير لها (كرات الدم الحمراء مسئولة عن نقل الاكسجين و الغذاء لكافة خلايا و اجزاء الجسم) مما قد يتسبب في فشل في المخ و توقف القلب و يودي بحياة المريض في حالة عدم اعطاءه جرعات بديلة من الدم طوال عمره.
يقدر عدد المرضى في مصر ب 25 الف مريض يستهلكون 33% من اجمالى كميات الدم في مصر

اتبرع بدمك
مستنينك فى حملة رسالة الشهرية للتبرع بالدم فى كل الفروع
أول خميس و جمعة من اول كل شهر من الساعة 5 للساعة 9
مفيش أى مصدر للدم فى الدنيا ......... غير تبرعك انت
شاركنا .............وأنقذ حياة طفل محتاجلك

أنا اقدر أتبرع بالدم؟؟؟
لو سنك بين 18-55 سنة و وزنك أكثر من 55 كجم و معندكش اى مشاكل صحية مزمنة يبقى أكيد تقدر.الولد ينفع يتبرع كل 3 شهور و البنت كل 4 شهور.


أنا حاسس إن عندي أنيميا...
قبل ما تتبرع بنعملك كشف طبي و بنقيس نسبة الهيموجلوبين و الضغط و بنحدد لو ينفع تتبرع أو لأ

انا خايف من شكة الابرة.....
...
قال رسول الله(ص) "ما يصيب المسلم من نصب ولا وصب ولا هم ولا حزن ولا اذى ولاغم حتى الشوكة يشاكها الا كفر الله بها من خطاياه" فتخيل انك بشكة بسيطة هتنقذ حياة انسان.
كمان تخيل منظر ام طفلها بيموت امامها علشان انت خايف من شكة و تخيل منظر طفل قاعد مستني الشكة دي و بيتمناها لانها هي الحياة بالنسبة ليه مع إنو عارف إنو حيتألم لما يخدها بس هى املو الوحيد .


و انا هستفيد ايه لما اتبرع ؟؟

اولا: الثواب الكبير اللى حتاخدة من الله تعالى "و من احياها فكأنما احيا الناس جمعيا"
ثانيا: انت كل مرة هتتبرع بالدم هيتجدد دمك اسرع و يزيد نشاط خلايا النخاع الشوكي و يقلل نسبة الحديد المضر للقلب و الشرايين و كمان التبرع فرصة لاكتشاف اي امراض معدية, يعني يعتبر كشف طبي دوري


انا سمعت ان اكياس الدم بتتباع ؟؟

الدم بيتصرف مجانا لمرضى الدم المزمنين في المستشفيات الحكومية و لو دفع المريض فلوس "علشان مش تبع التأمين الصحي او نفقة الدولة" ده بيبقى جزء بسيط من ثمن التحاليل
الكيس. مش ثمن الدم و بتتحمل الدولة باقي التكلفة

في احتمال تتنقلي امراض؟؟

لكل متبرع كيس و ابرة معقمين و غير صالحين للاستخدام غير مرة واحدة بس و ممكن تتأكد قبل ما تتبرع.