21/04/2025
🚨🚨 الفسيخ والرنجة طقس أساسي في شم النسيم، بس للأسف ممكن يبقوا خطر كبير على صحتك لو ما اخدتش بالك 🤔.
📌الفسيخ كارثة لو مش من مصدر موثوق!
ليه؟ لأنه بيتصنّع بالتخمير، يعني من غير طبخ ولا تعقيم، وده ممكن يخلي فيه بكتيريا اسمها Clostridium botulinum
البكتيريا دي بتفرز سم اسمه "botulinum toxin"، وده من أخطر السموم اللي ممكن تسبب:
📍تسمم حاد😱
📍مشاكل في التنفس😱
📍ضعف عضلي😓
📍شلل😱
🚨🚨وفي حالات نادرة جدًا ممكن توصل للوفاة😱
والرنجة؟
فيها نسبة صوديوم (ملح) عالية جدًا، وده خطر خصوصًا لمرضى:
📌الضغط
📌القلب🫀
📌الكلى
📌الكبد
🌟🌟طيب نعمل إيه ونستمتع بالأكل برضو؟
✨اشتري الفسيخ والرنجة من مكان مضمون.
✨شم ريحة الفسيخ، لو فيها ريحة زفرة أو لونه غامق بزيادة، إوعى تاكله
✨نقع الرنجة في خل ولمون يقلل البكتيريا ويهدي نسبة الملح
✨اشرب مياه كتير بعدها
✨كل معاهم خضار طازة زي الجرجير والخس غنيه بالالياف والمياه
🚨معلومة مهمة جدًا:
الأطفال، الحوامل، وكبار السن، والأمراض المناعية: ممنوع عليهم الفسيخ نهائيًا!
ومتنسوش شعارنا
Be Active🏃🏻Be Healthy🥑Be Happy 😊
