17/09/2024
لما تيجي تتكلم عن قوامة الرجل 🌹
الستات تزعل وتقول القوامة تكليف مش تشريف
طب ما هي فعلا تكليف بس تعالى اشرحلك
مهما اتكلموا عن القوامة مش هيعرفوا يوصفوا الموضوع بالدقة دي
القوامة عند الرجل مرتبطة عنده باحساسه ان الست اللي معاه ضعيفة
اللفظ صادم صح
مش ضعف الوهن لأ
ربنا فطر الرجل على حبه يكون سبب للحماية ذي ما فطر الانثى على حبها للتقدير من الراجل
وقوامة الراجل مش للمادة بس😘
اه فعلا ربنا يقصد بالاية اللي بتقول الرجال قوامون على النساء
قوامة مالية مسئول عنها ماديا
بس مش كده بس استنى😌
القوامة هنا حتى وهو بيتكلم معاكي محتاج يحس انه بيضيفلك
حتى لو انتي دكتورة في الذرة غصب عنه هينفر لو حس انك بتستعرضي معلوماتك عليه
انك مستغنيه عنه
انك مش محتاجاه
يكون بيتكلم معاكي عن سعر حاجة تقوليله خلاص مش مهم هجيبها من فلوس شغلي
او لو غلط تقوليله مش قولتلك برضة نفذت اللي في دماغك اتحمل بقى غلطاتك
الانثى الحقيقة هي القوية بس برة البيت وسط الاهل والاقارب والناس اللي في الشارع
مع زوجها هي بتظهر نقاط ضعفها وان وجوده عامل فرق
وجوده سند وعزوة
عشان كده مابتخسرش الا الست العنيدة
لان العند عكس الانوثة
سلاح الانوثة الذكاء مش المناطحة
لو واقعة في العند دوري على دورات عن الذكاء الاجتماعي والكلامي
الست الذكية دايما من مصطلحاتها انا شايفة كذا واللي انت تشوفه اعمله انا واثقة فيك
حتى لو جوزها بيتصرف غلط وعايزة تلفت انتباه
بتاخد بالها جدا من الكلمة
الانثى اللي طول الوقت مش محتاجة للراجل لا ماديا ولا فكريا ولا نفسيا
هيحس بقوامته معاها امتى وازاي وفين ؟
دي فطرة ربنا فيه
لو سمحتي طبلي من وقت للتاني لجوزك 🧐
طبليله بإتزان ⚖️ (طالما يستاهل)
