Eman Hafez

20/10/2025

20/10/2025

انا من عشاق صور الفوتوغرافيا 📸
صور حقيقيه بعيده كل البعد عن Ai
اللي بيحب التصوير بالكاميرا عارف إنه مش بيصور صوره وخلاص لا ده بيصور احساس 📸🤎
بينقل مشاعر تفاصيل كتير من اول التعب او الراحه 🧘
اللي بتبقي ظاهره علي الملامح
لنظرات العين اللي بتحافظ علي الاحساس جوه الصوره لسنين قدام وتحولها لذكري 👁️
زي الورده اللي بتنشف جوه كتاب بالسنين واول لما نطلعها تدب فيها الروح من تاني وترجعلنا الذكري بكل تفاصيلها 🍁
ممكن حد متعجبهوش صوره ليا ويقولي امسحيها شكلك حزين
هي بالنسبه ليك مجرد صوره تتحذف عادي ونتصور غيرها
بس بالنسبه ليا انا هي مش صوره عاديه انا احتفظت بكل احساس حسيته لاول مره وكل تجربه مؤلمه غيرت ملامحي
سعي واجتهاد وتعب ولحظات خوف ولحظات ضعف واشخاص
مش هتتكرر تاني في حياتي ولا هعرف اقابلهم تاني 🍂🍁🥀
الصور زي الجوابات تقدر بكل سهوله تقراها وتفهم معناها 📸✉️
ذكرياتي /ايمان حافظ 📸🤎🥀

19/10/2025

لحظه إدراك إن اول حاجه كتبتها وكانت بتوصف احساس جوايا كان عندي ٦سنين اول لما ابتديت اعرف اكتب 📝
فضلت اكتب علي الكتب والكراسات والتخت لحد سن ١٢ سنه
وبعدين وقفت كتابه ووقف عندي نمو الخط وشكله
بمعني اني احتفظت بالخط الطفولي لحد الان خطي متغيرش ✍️
وبدات أقرأ عمود اريد حلا للكاتبه حسن شاه في الجرنال
فضلت استناه كل اسبوع علشان اشتري الجرنال وأقرأ المقال
اللي هو كان عباره عن قصص ومشاكل تخص المرآة بدون حل
وبعد ٥ سنين ابتديت اسمع اسامه منير انا والنجوم وهواك
لاكثر من ٢٠ سنه بانتظام وهنا كان بيسمع المشاكل ويوجد الحل
وظل هذا المزيج سبب تكوين الشخصيه وما انا عليه الآن 🙏📚
عن حبي وعشقي وانتمائي لهذه المدارس اتكلم ✍️📝🎙️🙏🤎
رحم الله الكاتبه حسن شاه 🤲
اسامه منير اطال الله بعمرك 🌹
التلميذة والقارئه والمستمعه والمحبه /ايمان🥀🤎📚

18/10/2025

لما بشخص حاله او اكتب تقرير وابعته للطبيب المشرف علي الجلسات 📝🗒️
الدكتور يقولي ممتازه 👌
مش افرح واسكت لا 😂
اقوم بعتاله سؤال
ايه دليلك علي اني ممتازه ❓
جبت الثقه دي منين يا دكتور 😂
يضحك اوي 😂😂
ويقولي كل الحالات اللي بتحويلها عليا فعلا بتبقي محتاجه علاج دوائي 💊💊 ودي في حد ذاتها شطاره وحرفنه
اكتر حاجه بحبها فيكي انك بتعملي شغلك وبتنتظري التصحيح مني 📝 حتي لو متأكده وواثقه من التشخيص كويس جدا👌
وبشوف في عنيكي فرحه تلميذة صغيره لو ضفتلك حرف📝
وكأني رسمتلك نجمه في الكراسة ⭐
شكرا علي احساس الاستاذ والمعلم والقدوه مع اشطر تلميذة🧑‍🎓
وانا كمان شكرا من قلبي لاحلي دكاترة علي المساعده طول الوقت وعلي حبكم ليا🙏🥀🤎
ايمان📝🥀🤎

18/10/2025

احنا اصدقاء صح ❓صح
وبنتكلم بقالنا فتره ونحكي ❓! عندك حق
ليه بحس انك عندك اسرار كتير مقولتيهاش ❓فعلا عندي اسرار
طيب قوليلي اعمل ايه علشان تطمنيلي ❓.........
انتي مستنيه حاجه معينه تحصل علشان تتكلمي ❓ايوه
ايه هي ❓
اتحط في ظروف وحشه وتفضل جمبي 🫂
ومشاكل وتحلها معايا وتصدقني وتدافع عني ❤️🫂
واحتاج فلوس وتديني اللي انا عايزاه 💰
ونختلف ونتعارك سوا والاقيك بتكلمني عادي 📱
واقولك سيبني في حالي وامشي 🥹🥹
تقولي مش ماشي وهفضل غصب عنك ومش هسيبك
طيب وساعتها هتديني اسرارك!!!❓❓
هديلك قلبي ❤️
ايمان 🥀✨🤎

17/10/2025

هذه هي الحياة حروب بين البشر
لإثبات كلا من الاخر إنه بلا خطيئه
وانهم من احفاد الانبياء ولهم الاحقيه
وانت وحدك من نسل شياطين الانس والجن👹
وبعد ذلك يكرسون الحياة من اجل إطفائك 🕯️
ثم تقوم انت وترمم ما بداخلك 💔
وتجمع اشلائك وتعود من الانطفاء 🥹😥
وتضيئ مره ثانيه وكأنه العوض الجميل 🌹
لتعود تلك الاشخاص مره اخري يبتسمون ويضحكون لك
يهنئوك علي انك نجوت من افعالهم 👏
بل وايضا هم السبب في انك تضيئ مره اخري 💡
وانها كانت محاوله منهم لاصلاحك❤️‍🩹
بقلم /العائدة من الانطفاء
ايمان حافظ🥀