25/09/2025
أم داخلة الصيدلية بعد الولادة بتقول:
جارتي قالتلي أجيب توبراديكس قطرة للبيبي عشان هو أحسن بس أنا قلت لأ .. لازم أسألكم الأول عشان بثق فيكم وعشان أكون مطمّنة
قلتلها:
كويس جداً إنك سألتي قبل ما تستخدمي 👏
بصي الشركة دي بتنزل نوعين قطرات قريبين من بعض والفرق:
توبريكس (Tobrex):
مضاد حيوي للعين، آمن جداً لحديثي الولادة ✅
توبراديكس (Tobradex):
مضاد حيوي + كورتيزون، وده ممنوع للأطفال الرضع 🚫 لأنه ممكن يسبب مشاكل خطيرة لعينيه.
💡 كمان فيه بديل اسمه توبرين بنفس المادة الفعّالة بتاعة توبريكس، ينفع عادي.
الأم:
الحمد لله إني جيتلكم وسألت الأول، كده عرفت الصح
🔹 الخلاصة:
بعد الولادة: استخدم توبريكس أو توبرين 👶💖
❌ إوعى تستعملي توبراديكس للرضع حديثي الولادة.
