دكتورة جيهان خضير استشارى نسا وتوليد

21/01/2024

تعرفي ان ظهور قنوات فالوب في السونار بيدينا إشارة لوجود انتفاخ نتيجة انسداد في الأنابيب والتصاقات حواليها.
وده عادة بينتج لتأخر الإنجاب أو الإجهاض لكن بيتم علاجه بالمنظار بسهولة.

جراحة #عمليات #تشخيص #فحوصات

10/12/2023

لو اتقالك ان عندك أكياس شيكولاته علي المبيض اوعي تتخضي.. 😧
حلم الأمومة برضو هيتحقق بأمر الله.. 😍

أكياس الشيكولاته
هي عبارة عن بطانه رحم مهاجره بتستقر على سطح المبيض
ممكن تظهر في مبيض واحد أو فى المبيضين وتعرف باكياس الشيكولاته لأن لون الدم يكون بنياً داكناً مثل الشوكولاته

أعراض أكياس الشوكولاتة
تختلف أعراض أكياس الشوكولاتة من حالة لأخرى،
وقد لا تظهر أي أعراض على بعض النساء.
* ألم في الحوض
* ألم أثناء الجماع
* نزيف حاد أو غير منتظم
* صعوبة في الحمل
المتابعة مهمة جدا لتحديد طريقة العلاج المناسبة سواء كانت ب :-
* ١- مسكنات لمنع الألم
* ٢- العلاج الهرموني
* ٣- الجراحه لاستئصال بطانة الرحم المهاجره

لو بتشتكتي من الأعراض دي شرفينا في العيادة لوضع خطة العلاج المناسبة لحالتك

08/12/2023

"هي فحوصات ما قبل الزواج دي أصلاً مهمة!"
فيه آنسة جات ليا العيادة تعمل كشف ما قبل الزواج، قالتلي كده لما سألتها عن فحوصات ما قبل الزواج.

الحقيقة إن فحوصات ما قبل الزواج هي مش مجرد تحاليل بطلبها من الزوجين عشان أطمن عليهم، ولكننا بنطمن من خلالها هل لو فيه أمراض وراثية موجودة عند الزوج أو الزوجة ممكن تنتقل للأطفال، وهل عند حد فيهم - لا قدر الله - أمراض معدية ممكن تتنقل للطرف التاني من خلال العلاقة، وده مهم جدًا نتطمن عليه بحيث نضمن استقرار الزواج بجانب سلامة العلاقة والأطفال اللي هتنتج عنها.

عشان كده بطلب منكوا ماتستهونش بيها أبدًا، وتاخدوها بعين الاعتبار أكتر من كده لسلامتكم وسلامة أطفالكم في المستقبل.

27/11/2023

وسائل منع الحمل كتيره
لكن هل كل وسيلة مناسبة ليكي!! 🤰
أولا لازم تعرفي إن في تصنيف لوسائل منع الحمل وهي:
1- وسائل بتمنع وصول الحيوانات المنوية للبويضة
ودي بنقول عليها وسائل (فيزيائية)
زي (الواقي الذكري والواقي الأنثوي والحجاب الحاجز واللولب)

2- وسائل هرمونية: ودي بتمنع الحمل عن طريق تغيير في مستويات الهرمونات في الجسم
زي (حبوب منع الحمل والحقن واللصقات والحلقات المهبلية)

3- الوسائل الطبيعية: تعتمد على التوقيت لمنع الحمل
تشمل الوسائل الطبيعية طريقة الانسحاب

4- وسائل منع الحمل الطارئة: تمنع الحمل بعد الجماع غير الآمن.
تشمل (حبوب منع الحمل الطارئة و اللولب)

إزاي بقي نختار الوسيلة المناسبة لينا 🤔
❇️ في عوامل كتير بنعتمد عليها لاختيار وسيلة منع الحمل المناسبة واللي منها:
1️⃣ العمر: بعض وسائل منع الحمل غير آمنة للنساء في سن معين.
2️⃣ الصحة: بعض وسائل منع الحمل قد لا تكون آمنة للنساء المصابة بحالات صحية معينة.
3️⃣ الأسلوب: بعض وسائل منع الحمل أكثر ملاءمة للنساء من وسائل تانيه .
4️⃣ التكلفة: في إختلاف كبير في تكلفة وسائل منع الحمل من نوع للتاني .

👨‍⚕️الخلاصة ان كل وسيلة حمل ليها مزاياها وعيوبها والمناسب ليكي ممكن ميكونش مناسب لغيرك
وده اللي بيتم تحديده بعد إستشارة الطبيب المختص اللي بدوره بيرشحلك أفضل وسيلة مناسبه ليكي في المرحله الحالية
______________________________________

___________________________________________


#الأبوة #الأمومة #

25/11/2023

إيه هي الحالات اللي تحتاج #لحقن #مجهري؟

عندما يصاب #الزوج بأحد الأمراض الأتية:
⚠️قلة عدد .
⚠️ضعف حركة الحيوانات المنوية.
⚠️كمية كبيرة من الحيوانات المنوية غير الطبيعية.
⚠️القذف المنعكس.
⚠️قطع القناة الدافقة.
⚠️عوامل المناعة.
⚠️وجود حالة أخرى تمنع تلقيح البويضة.


عندما تصاب الزوجة بإحدى الأمراض الأتية:
⚠️تكيس المبايض
⚠️بطانة الرحم المهاجرة
⚠️انسداد قناة فالوب
⚠️وجود إرتشاح بقناة فالوب
⚠️ضعف #التبويض

#الفحوصات اللازمه قبل عملية الحقن المجهري
هناك العديد من الفحوصات و #التحاليل الطبيه الازمه قبل عملية الحقن المجهري
التحاليل الخاصه بالزوجة:
فحص حالة #الرحم و و #المبيضين من خلال #السونار أو المنظار الرحمي.

الفحص الهرمونى ويشمل تحاليل
FSH
LH
E2
TSH
AMH
PROLACTINE
PROGESTERONE

التحاليل الخاصه بالزوج:
تحليل سائل منوى.

25/11/2023

اتعرفي على أشهر 7 أسباب لتأخر الحمل
ولو عاوزة تعرفي سبب تأخر حملك❓

شرفينا في عياده دكتورة جيهان خضير استشارى نسا وتوليد
وهنحدد السبب باستخدام المنظار الرحمي التشخيصي

المنظار الرحمي التشخيصي بدون ألم ولا يحتاج إلى جراحة

#حمل

24/11/2023

انتي عارفه إن 20 لـ 50 % من السيدات بيعانوا من الأورام الليفية ‼️🤔

سيدات كتير بمجرد ما بتسمع الاسم خوفها بيزيد، بس نحب نطمنك إن معظم الأورام الليفية مش بتكون خطر وده لأنها حميدة ومش بتتطور لأورام سرطانية 👌😌

الورم الليفي هي أنسجة وتليُفات بتتكون في الرحم وبيختلف على حسب نوعه وحجمه ومكان نموه (سواء في عضلة الرحم أو أعلاها أو قريب منها أو حتى داخلي أو خارجي في تجويف الرحم) 👉

علشان كدا النهاردة هنتكلم عنه ونعرف ايه هي أعراضه وازاي بيتم علاجه مع ( استشاري أمراض النساء والتوليد والعقم )⬇️

📝 الأعراض بتختلف على حسب حجم الورم ومكانه وكمان نوعه وشدته، ونتيجة لده وفي حالة ظهور أعراض المرض لازم تستشيري الطبيب المختص فورًا.

📝 ظهور الورم بيبدأ من أول سن الـ 30 إلى الـ 40 سنة وكمان ممكن الإصابة بالورم تحصل لو كان للشخص المصاب صلة قرابة بشخص تاني مصاب من نفس العيلة.

23/11/2023

بما إن حالات الحمل الحرج هما أكثر حالات بيكونوا عُرضة للولادة المبكرة، فـ احنا دائمًا بنحاول نخليكي إنتي والبيبي في أمان.

علشان كده بمجرد وصولك للشهور الأخيرة من الحمل، هتلاقينا بنطلب منك رسم قلب للجنين، بالتالي هنقدر نحسب العلاقة بين حركة البيبي وعدد نبضات قلبه.
لكن دي مش الخطوة الوحيدة اللي بناخدها، لأن فيه خطوة تانية مهمة وهي حُقنة الرئة، علشان نتطمن على اكتمال رئة الجنين قبل الولادة.

من هنا حابب أفكر كل حامل عرفت إن حملها حرج بأهمية الخطوتين دول خصوصًا لو قربت توصل للشهور الأخيرة.

بتمنالكم السلامة، ولو عندكم أي استفسار تاني هكون معاكم وهجاوب عليه في أقرب وقت ممكن.

16/11/2023

لو مش شعر الجنين اللى عاملي حرقان؟! أومال ايه السبب؟

السبب إن جنينك مع نموه...بيضغط على المعدة بالإضافة إلى التغيرات الهرمونية، ودا بإختصار سبب الحموضة أو الحرقان اللى بتحسي بيه خلال الحمل وخصوصا بعد الإسبوع ال ٢٧.

ولتخفيف أثر الحموضة حاولي:
تقسمي الأكل لوجبات صغيرة- تقللي التوابل- ترفعي رأسك خلال النوم- تبعدي بين وقت الأكل ووقت النوم... إلخ.
لغاية ما ييوصل بالسلامة ووقتها الحموضة هتروح خالص.😍

لكن بنصحك بالمتابعة لو صاحب الحموضة نزول في الوزن أو ألم في المعدة.

04/11/2023

01/11/2023

حابين دكتوره چيهان تتكلم عن ايه ؟