Mina Faiz Aziz Pharmacies - صيدليات د. مينا فايز عزيز

22/10/2025

🎯 لكل صاحب بشرة دهنية وقابلـة لتكوين الحبوب
متابِع معانا سلسلة العناية بالبشرة الدهنية؟ 👀
يبقى البوست ده ليك 💚

النهارده هنكلمك عن الخطوة السحرية في الروتين… السيروم!

💧 السيروم بيكون خفيف على البشرة وسريع الامتصاص
لكن لازم نختار المكونات الصح 👇

🔹 الريتينول (Retinol)
ينظّم إفراز الدهون – يقلل الحبوب – ويجدد خلايا البشرة

🔹 فيتامين B3 (النياسيناميد)
يقلل اللمعان – يفتح المسام – ويوازن الزيوت

🔹 الهيالورونيك أسيد (Hyaluronic Acid)
يرطب بعمق بدون ما يسد المسام ✨

وده اللي هتلاقيه في أقوى سيرومين للبشرة الدهنية 👇
1️⃣ Kolagra Retinol Serum
2️⃣ Dear Retinol Serum

اختاري اللي يناسبك…
ومتنسيش، السيروم خطوة أساسية قبل واقي الشمس والمرطب
والبوست الجاي هنكمل فيه عن أفضل واقي شمس ومرطب للبشرة الدهنية 😍

21/10/2025

🌿 نصايح د. مينا للعناية بالبشرة الدهنية 👩‍⚕️✨

البشرة الدهنية محتاجة روتين بسيط لكن منتظم علشان تحافظي على نضارتها وتقللي الحبوب 👇

1️⃣ استخدمي الغسول المناسب لنوع بشرتك (اللي بيقلل الإفرازات من غير ما ينشفها).
2️⃣ استخدمي مرطب خفيف قوامه جل أو فري أويل.
3️⃣ واقي شمس خفيف مخصص للبشرة الدهنية مهم جدًا خصوصًا وقت الخروج الصبح ☀️
4️⃣ اعملي ماسك أسبوعيًا لتنظيف المسام وشد البشرة.
5️⃣ اختاري منتجاتك من ماركات طبية موثوقة – متوفرة حصريًا في صيدلياتنا 💚

💧 الطريقة الصحيحة لاستخدام غسول الوجه:
1️⃣ اشطفي وجهك بالماء أولًا.
2️⃣ ضعي كمية مناسبة من الغسول على وجهك.
3️⃣ دلّكي بلُطف بأطراف 3 أصابع لمدة نصف دقيقة.
4️⃣ اغسلي الوجه بالماء حتى يُزال الغسول تمامًا.

⚠️ معلومة مهمة:
ما تسيبيش الغسول في أماكن حارة أو تحت الشمس ☀️ (أعلى من 30°C) علشان تحافظي على تركيبته الفعالة.

✨ مثال لغسول مثالي للبشرة الدهنية:
Jivacare Facial Cleanser
للبشرة الدهنية والمعرضة للحبوب 💚
تركيبة ثلاثية صاروخية بنتائج سريعة ومبهرة:

💠 Tea Tree Oil (زيت شجرة الشاي):
مضاد للبكتيريا، يقلل الالتهابات، يوازن إفراز الدهون ويساعد على جفاف الحبوب.

💠 Matmarine (الكولاجين البحري):
يجدد خلايا البشرة، يرطبها، مضاد أكسدة طبيعي، يحميها من الالتهابات ويساعد على التئام آثار الحبوب.

💠 Niacinamide (فيتامين B3):
يقلل إفراز الدهون، يخفف الاحمرار، يصغّر المسام، ويوحد لون البشرة.

💚 الغسول ده من أفضل الخيارات للبشرة الدهنية “قيمة مقابل سعر” ومتوفر دلوقتي في صيدليات د. مينا فايز
زورونا أو ابعتوا رسالة لصفحتنا واختاري معانا الروتين المثالي ليكي ✨
#صيدليتك

14/10/2025

💫 الحلقة الثانية من سلسلة العناية بالبشرة الدهنية

🎬 العنوان:
“الروتين المثالي للبشرة الدهنية المعرّضة للحبوب”

👩: يا دكتور، خلاص عرفنا بشرتنا دهنية… نعمل إيه بقى؟
👨‍⚕️: بصي، الروتين الصح سهل جدًا لو التزمنا بيه:

🌤 الصبح:
1️⃣ غسول لطيف مخصص للبشرة الدهنية (يفضّل يحتوي على AHA أو BHA).
2️⃣ مرطب خفيف خالي من الزيوت.
3️⃣ واقي شمس مناسب للبشرة الدهنية (مات، خفيف، مايسدش المسام).طبعا يفضل يكون جيل.

🌙 بالليل:
1️⃣ إزالة أي مكياج أو شوائب.
2️⃣ غسول لطيف تاني.
3️⃣ سيروم خفيف فيه مكونات مقشرة زي AHA / BHA.
4️⃣ مرطب مناسب.

💡 يعني إيه AHA و BHA؟

BHA (Beta Hydroxy Acid): زي الساليسيليك أسيد، بيذوب في الدهون ويفتح المسام وينظفها.

AHA (Alpha Hydroxy Acid): زي اللاكتيك أسيد والجلايكوليك أسيد، بيذوب في الماء ويقشر الطبقة السطحية للبشرة بلُطف.

👩: يعني ده بيساعد على إيه يا دكتور؟
👨‍⚕️: بيساعد على تقليل الدهون، إزالة الرؤوس السودة، وتفتيح البشرة وتوحيد لونها 👌

✨ النتيجة:
بشرة أنقى، أنعم، وأهدى من أي وقت قبل كده 💚

🩺 كل منتجات الروتين المثالي متوفرة في صيدليات د. مينا فايز، واسأل الصيدلي يساعدك تختار الأنسب لنوع بشرتك.

📌 الحلقة الجاية حنتكلم عن نصايح د.مينا للعناية بالبشرة الدهنية..

#صيدليتك

10/10/2025

👩: يا دكتور، ازاي أتأكد إن بشرتي دهنية وكمان فيها حبوب؟
👨‍⚕️: الموضوع سهل جدًا… لو لقيت:

بشرتك لامعة وفيها دهون.
المسام مقفولة.
رؤوس سودة وحبوب بتظهر.

👩: طب ليه كده؟
👨‍⚕️: لأن البشرة الدهنية فيها غدد دهنية نشيطة جدًا بتفرز دهون و زيوت (sebum) أكتر من الطبيعي، ومع انسداد المسام بالخلايا الميتة بتتراكم البكتيريا… وده يسبب الحبوب.
👩: وده بيزيد معانا في فترة الشباب؟
👨‍⚕️: بالظبط… بسبب زيادة الهرمونات (androgens)، ومع أكل المقليات والسكريات الوضع بيكون أسوأ.

👩: يا دكتور مينا ، أنا رحت لطبيب وكتبلي علاج اسمه (Spironolactone)… إيه رأيك؟ ينفع أخويا فرغلي ياخده؟
👨‍⚕️: استني بس… نفهم الأول 😊.
الدواء ده بيشتغل كـ Anti-Androgen، يعني يقلل إفراز الدهون (Sebum) ويقلل انسداد المسام.

👩: طب بنت عمي بسنت وأخوها دياسطي ممكن يكرروا الروشتة؟
👨‍⚕️: لا طبعًا ! ❌

العلاج ده لازم يوصفه طبيب وبمتابعة وتحاليل.

كمان الولاد زي دياسطي أو فرغلي مينفعش يخدوه لأنه بيأثر على هرمونات الذكورة.

👩: طب يا دكتور… مشاكل البشرة الدهنية إيه بالظبط؟
👨‍⚕️: بصي:
1️⃣ لمعة طول اليوم.
2️⃣ مسام واسعة.كمان مش بيثبت عليها مكياج.
3️⃣ حبوب ورؤوس سودة.
4️⃣ بقع وآثار حبوب خصوصًا لو ضغطنا عليها.

👩: ونتغلب على كل ده إزاي؟
👨‍⚕️: بالروتين الصح…
👩: إيه هو الروتين؟
👨‍⚕️: استنوا الحلقة الجاية… هنكشف فيها أفضل 😉
روتين للبشرة الدهنية المُعرضة للحبوب












#صيدليتك

10/10/2025

07/10/2025

👩‍🦰 الأم:
دكتور.. ابني عنده برد وصوته مبحوح وحرارته بسيطة.. عايزة مضاد حيوي سريع يخلصه.

👨‍⚕️ الصيدلي:
طب هو البرد سببه إيه؟ بكتيريا ولا فيروس؟

👩‍🦰 الأم:
هو برد عادي.. مش فاهمة قصدك.

👨‍⚕️ الصيدلي:
البرد والأنفلونزا ومعظم التهاب اللوزات في الشتاء بيكونوا فيروسات.. والمضاد الحيوي ماينفعش معاهم.
المضاد الحيوي دوره ضد البكتيريا بس.. لو استخدمناه غلط:

البكتيريا هتعمل مقاومة 🦠
جسم ابنك مش هيستفيد 💔
وممكن يحصل أعراض جانبية 🚫
👩‍🦰 الأم:
طب أعمل إيه دلوقتي؟

👨‍⚕️ الصيدلي:

راحة وشرب سوائل دافية زي الينسون والقرفة 🫖

غرغرة بمياه دافية وملح 🧂 أو استخدام بخاخ للحلق زي Orex spray

أقراص استحلاب مطهرة للحلق زي Lary Pro أو Bradozen lozenges 👅

الإكثار من الفاكهة الغنية بفيتامين سي زي الجوافة والبرتقال 🍊وكمان عصير الليمون

خافض حرارة عند اللزوم 🌡️
ولو الأعراض استمرت أو الحراراة عالية 👨‍⚕️ لازم زيارة دكتور.

✅ نصائح عامة من صيدليات د.مينا فايز

1. ما تستخدمش المضاد الحيوي من نفسك.
2. استشر دكتور أو صيدلي قبل أي دواء.
3. الفيتامينات و التغذية الصحية خط دفاع طبيعي.
4. الاستخدام المفرط للمضادات = خطر على صحتك وصحة ولادك.

🩺 صيدليات د.مينا فايز
#صيدليتك

06/10/2025

الكلام ده ليك 👇
🍕 بتحب الأكل الدسم؟
🌶️ بتاكل أكل حراق؟
🔥 بتشتكي من الحموضة على طول؟

الحل؟
ممكن تستخدم 💊 مالوكس أكياس أو جيفسكون أكياس عند اللزوم… بس خد بالك ⚠️

❌ الاستخدام المتكرر غلط ليه يا د.مينا؟
✔️ لأنها بتحتوي على معادن زي الماغنسيوم والألومنيوم → ممكن تسبب إمساك أو إسهال ومغص.
✔️ كمان بتأثر على الكلى لأنها بتخرج عن طريقها.
✔️ وفيها صوديوم → يأثر على الضغط والقلب.

💡 الخلاصة:

الأدوية دي زي المسكن.. يعني "عند اللزوم بس".

لو الحموضة متكررة لازم نعرف السبب مع الدكتور 👨‍⚕️.

وكمان لازم نفصل بينها وبين:
🕑 المضاد الحيوي / أدوية الغدة / الحديد → ساعتين فرق على الأقل علشان الدواء يشتغل صح.

اهتم بصحتك ✅
خلي الحل الصح من البداية مع دكتورك ومع صيدليتك اللي دايمًا جنبك.
مع بعض نصحح العادات الغلط...
#صيدليتك

05/10/2025

"صباح الخير ☀️
معظمنا بيفوق نفسه الصبح بفنجان قهوة جميل… طيب تمام، أومال إيه المشكلة؟

أول مشكلة يا صديقي: زيادة ضربات القلب ❤️، وده سببه إن القهوة بتزود هرمون الكورتيزول، اللي بيرفع مقاومة الإنسولين وكمان يرفع الضغط.

تاني مشكلة: الهضم. القهوة بتزود الحموضة وتعمل التهابات في المعدة 🤢.

كمان لو شربتها على الريق… تزود إدرار البول 🚽، يعني جسمك يخسر كالسيوم (تسأل نفسك ليه عضمك بيوجعك أو عندك شد عضلي؟).

ومش بس كده… القهوة بتخلي الجسم يخسر ماغنسيوم، وده بيأثر على النوم 😴. عشان القهوة بتزود الكورتيزول وفي نفس الوقت بتقلل الميلاتونين، فيكون نومك متقطع ومقلق.

طيب إيه الحل؟ 👌
البديل البسيط: الجنزبيل أو الميرامية 🍵.
الاتنين بيزودوا الدورة الدموية، التركيز، والنشاط… ومن غير مشاكل القهوة."

لمزيد من المعلومات و الاستشارات ٠١١١١٩٣٩٢٠٥
#صيدليتك #صيدليات د.مينا فايز

03/10/2025

✨ الحلقة الأخيرة من سلسلة "إزاي أنجح الليزر؟" ✨
المرة دي مش مجرد نصايح… دي مواقف وأكشن من قلب الصيدلية 🎬

👩‍🦰 الموقف الأول:
بنوته بعد الجلسة استخدمت كورتيزون بعد الميبو على طول 😱
➡️ النتيجة: التهاب ومشاكل في البشرة.
✔️ الحل: الميبو بيترطب ويهدّي، لكن الكورتيزون مينفعش استخدامه روتين… لازم تحت إشراف ٣ايام ولفترة محدودة بس

👨 الموقف التاني:
أب جايب لبنته فيوسِكورت + ميبو مع بعض.
➡️ الغلط: الفيوسِكورت (كورتيزون + مضاد حيوي) مش علاج أساسي بعد الليزر.
✔️ الصح: الميبو كفاية جدًا للتهدئة والترطيب.

💎 الموقف التالت (الزبونة الـ loyal 😍):
جاية تشتكي إن جلدها بيبقى أغمق بعد كل جلسة.
➡️ السبب: إهمال الصن سكرين + استخدام الميبو بشكل غلط (مع بعض يعملوا Barrier).
✔️ الحل:

استخدام الصن سكرين بعد الميبو بفاصل ربع ساعة ⏱️

اختيار غسول جيل غير رغوي لتقليل تهيّج البشرة اول اوصل البيت ثم استخدم المرطب المناسب لبشرتي.
---

💡 الخلاصة:
نجاح الليزر مش بس في الجلسة نفسها… إنما في الروتين الصح بعدها ✨
ودايماً تلاقي الحلول والنصايح في صيدليات د. مينا فايز 🩺

#صيدليتك

02/10/2025

🌸✨ الحلقة التانية من: إزاي أنجح الليزر؟ ✨🌸

👩‍⚕️ أهم خطوة عند الدكتور بعد جلسة الليزر:تهدئة الجلد المتهيج 🔥
وده بيكون عن طريق:

كورتيزون مائي خفيف (زي Texacort) يوميًا مرتين.

لو الالتهاب شديد: Betaderm مرة يوميًا.

لو بشرتك حساسة: ميبو مرهم مساءً.

⚠️ خلي بالك: استخدام الكورتيزون أكتر من ٣ أيام ممكن يضعف الكولاجين ويقلل نضارة البشرة.

🗓️ طيب وبعد ٣ أيام؟
حسب نوع بشرتك:
💖 البشرة الحساسة → ميبو أو Cica cream
💧 البشرة الجافة → ميبو أو برناسورس
✨ البشرة الدهنية → Cica cream (وبلاش ميبو لأنه تقيل)

🔥 طيب لو حصل تلف أو حرق لا قدر الله؟
نستخدم كريم فيه Beta-sitosterol.
---

📌 نصائح د. مينا للبنات بعد الليزر:
1️⃣ إزالة الشعر بتبان بعد أسبوعين تقريبًا.
2️⃣ إزالة التصبغات والندبات محتاجة أسابيع ➡️ الليزر مش جلسة واحدة! (من 6–8 جلسات + جلسات تثبيت).
3️⃣ ممنوع سويت أو واكس ❌ .. نستخدم Shaving علشان نحافظ على جدر الشعر.
4️⃣ لو بتاخدي أدوية بتسبب حساسية من الشمس (زي مضادات حيوية فيها Ciprofloxacin أو أدوية سيولة زي الماريفان) → اسألينا في الكومنت أو واتس.
5️⃣ سيرم Vit C & E 💧 هايل لترطيب البشرة خصوصًا الوجه.
6️⃣ طبيعي بعد الليزر: الجلد يكون حساس، يحصل احمرار/سخونة/تقشير خفيف أو حبوب.
وهنا يبان دور الدكتور الشاطر إنه يتصرف صح.

--

🎬 في الحلقة الجاية: مواقف حقيقية وأكشن من صيدليات د. مينا فايز… انتظرونا 😉

#صيدليتك 🩺 ✨

01/10/2025

🌸💫 سؤال بيخطر في بال كل بناتنا وإخواتنا:
❓ هل لازم نستخدم مرطب وكورتيزون بعد جلسات الليزر؟

قبل ما نجاوب، لازم نعرف إن البداية من المركز الموثوق… لكن النتيجة الحقيقية في إيدك إنتِ 🙋‍♀️

طيب إيه أكتر الأخطاء اللي ممكن تحصل بعد الليزر؟
🚫 استخدام ميك أب من تاني يوم → بيقفل المسام ويسبب مشاكل
🚫 غسل المنطقة بمية سخنة / دخول جيم / سونا → الجلد بيكون متهيج جدًا وممكن يحصل عدوى
🚫 استخدام أي كريم فيه كحول → بيزود التهيج
🚫 استخدام الكورتيزون أو المرطب بطريقة غلط → وده هنتكلم عنه في البوست الجاي مع مواقف حقيقية حصلت عندنا في صيدليات د. مينا فايز 👨‍⚕️💊

💡 كمان مهم نعرف أنواع الليزر المختلفة:
1️⃣ إزالة الشعر → تقدري تنزلي من تاني يوم 👌
2️⃣ الفراكشنال → بيعالج آثار الحبوب والتصبغات، وهنا لازم نستنى ٤٨ ساعة قبل ما نتعرض للشمس 🌞
3️⃣ الكربوني → للتنظيف والتقشير، بيفتح المسام وممكن يسيب إحساس بسيط بالحرقة… لازم برضه نستنى ٤٨ ساعة ⏳
4️⃣ ليزر التصبغات → بيركز على البقع الغامقة، وبعده الجلد بيكون حساس جدًا لأي حرارة أو شمس

✨ استنونا في البوست الجاي:
"إزاي ننجح جلسات الليزر ونوصل لأحسن نتيجة؟" مع نصايح وأدوية لازم ناخد بالنا منها 👩‍⚕️

#صيدليتك

18/09/2025

📢 اعرف الفرق بين أنواع الميلجا و المكملات الغنية بفيتامين ب ✨

💊 ميلجا أقراص
👉 تحتوي على فيتامين B1, B6, B12
✔️ بتساعد على تقوية الأعصاب وعلاج التنميل والخدر.

💊 ميلجا أدفانس
👉 نفس مكونات الميلجا العاديةبس بتركيز أعلى
✔️ مناسبة للي بيعاني من التهاب أعصاب شديد أو نقص حاد.

💊 Limitless Milga
👉 تركيبة حديثة من فيتامينات B1, B6, B12
✔️ بنفس تأثير الميلجا لكن زيادة عليه الماغنسيوم اللي بيقلل حدوث الشد العضلي و كمان كوانزيم كيو ١٠ مضاد الأكسدة اللي بيخلص الجسم من السموم

💊 Limitless B-Complex
👉 مش بس B1, B6, B12 لكن كمان باقي مجموعة فيتامينات ب زي البيوتين الهام لايض الدهون و الكربوهيدرات كمان فيه الفوليك اسيد اللي بيدخل في تكوين خلايا الدم الحمراء
✔️ بتدي طاقة وحيوية للجسم كله وبتساعد في تحسين عملية الأيض والدعم العام للصحة.

✨ في صيدلية د. مينا فايز تلاقي كل اللي جسمك محتاجه من فيتامينات ومكملات غذائية بأفضل الأسعار 💙
📍 تعال دلوقتي وخلي صحتك أقوى كل يوم
#صيدليتك
لمزيد من المعلومات و الاستشارات الطبية واتس ٠١١١١٩٣٩٢٠٥