Psy Aya Mohamed

23/04/2026

في زحمة الحياة والمسؤوليات، ممكن نوصل لمرحلة نحس فيها إن طاقتنا خلصت…مش قادرين نكمل وتعبنا... جسمنا تعب .....ده مش ضعف، ده اسمه احتراق نفسي.
هل نستسلم للفتره ده ونقول خلاص هي دي الحياة😞
💡 خلينا نتعلم ازاي تحمي نفسك:
🟢 اعرف حدودك
مش لازم تقول “نعم” لكل حاجة. الرفض أحيانًا حماية لنفسك.
🟢 خد فواصل بانتظام
حتى لو 10 دقايق يوميًا بعيد عن الضغط، هتفرق جدًا.
🟢 اهتم بجسمك
نوم كفاية + أكل صحي + حركة = طاقة نفسية أحسن.
🟢 افصل الشغل عن حياتك الشخصية
حاول تسيب الشغل في وقته، وتدي لنفسك حقها في الراحة.
🟢 اتكلم وماتكتمش
مشاركة مشاعرك مع شخص موثوق بتخفف الحمل.
🟢 اعمل تفريغ مشاعر
طلع المشاعر السلبيه اللي جواك وعبر عنها بطريقة مناسبه.
🟢 راجع توقعاتك من نفسك
الكمال مش هدف… التوازن هو الأهم.

✨ افتكر دايمًا:
العناية بنفسك مش رفاهية… دي ضرورة

23/04/2026

16/04/2026

26/03/2026

تضخّم الذات هو حالة نفسية بيكون فيها الشخص شايف نفسه أكبر أو أهم أو أميز من الآخرين بشكل مبالغ فيه، وغالبًا بيكون ده وسيلة لتعويض شعور داخلي بالنقص أو عدم الأمان.
🔍 إيه اللي بيظهر في تضخم الذات؟
الإحساس إنه دايمًا على حق
التقليل من الآخرين أو انتقادهم باستمرار
حب الظهور والاهتمام الزائد بالمدح
صعوبة الاعتراف بالخطأ
حساسية شديدة للنقد (حتى لو بسيط)
💭 ليه بيحصل؟
تضخم الذات مش بييجي من فراغ، وغالبًا بيكون وراه:
تربية فيها تدليل زائد أو العكس (انتقاد مستمر)
تجارب نقص أو رفض في الطفولة
محاولة حماية النفس من مشاعر ضعف أو فشل
⚖️ الفرق بين الثقة بالنفس وتضخم الذات
الثقة بالنفس: شايف نفسك كويس ومن غير ما تقلل من حد
تضخم الذات: شايف نفسك كويس لازم على حساب الآخرين
⚠️ تأثيره على العلاقات
بيخلي العلاقات سطحية أو متوترة
الناس ممكن تبعد بسبب الإحساس بالتكبر أو عدم التقدير
صعوبة في التواصل الحقيقي أو التعاطف
🧠 هل هو اضطراب؟
مش دايمًا، لكن لو كان شديد ومؤثر على الحياة والعلاقات، ممكن يكون جزء من سمات نرجسية أو اضطراب في الشخصية.
🌱 التعامل مع تضخم الذات
لو عايز/ة تعرف إزاي تتعامل مع تضخم الذات وهل وصل لاضطراب ولا لاء تقدر تتواصل معانا

26/02/2026

تعالوا النهارده نشوف قصة سلمي وايه اللي حصل معاها 👀
🌱 قصة "سلمى ولوحتها"
كانت سلمى بتحب الرسم جدًا، وقررت تشارك أول مرة بلوحة في معرض المدرسة.
بعد ما علّقت لوحتها، وقف شخصين يتفرجوا عليها.
أول شخص بصّ للوحة وقال:
"الرسمة دي مش حلوة خالص… الألوان ملخبطة وانتي واضح إنك مش موهوبة."
سلمى حسّت بـ:
إحباط
فقدان ثقة
رغبة إنها تبطل الرسم
لأن الكلام كان:
حكم جارح
بدون توضيح
بدون مساعدة أو حل
👉 الهدف هنا كان الانتقاد نفسه مش التطوير.
وده كان نقد سلبي🔴
بعده جاءت مُدرّسة الفن وقالت:
"واضح إن عندك خيال جميل واختيار الألوان جريء، بس لو جرّبتي توازني بين الألوان الفاتحة والغامقة اللوحة هتكون أقوى."
سلمى حسّت بـ:
تشجيع
فهم نقاط قوتها
حماس إنها تتحسن
لأن الكلام كان:
محترم
محدد
فيه اقتراح للتحسين
👉 الهدف هنا التطوير مش التقليل.
وده النقد الإيجابي🟢
✨ الخلاصة
النقد السلبي.🌵
يهاجم الشخص
يسبب إحباط
عام وغامض
بدون حلول

النقد الإيجابي💯
يقيّم السلوك أو العمل
يشجع على التحسن
واضح ومحدد
يقدم اقتراحات

26/02/2026

25/02/2026

في رمضان…
لا نسأل فقط عن أحكام الصيام،
بل نسأل عن قلوبنا.
عن قلقنا.
عن أبنائنا.
عن علاقات أنهكتها الحياة.
عن أفكارٍ تؤرقنا ولا نجد لها إجابة.

لهذا أطلقتُ مبادرة
“اسأل د. أحمد فهمي”

مساحة آمنة…
تكتب سؤالك كما هو،
وأجيبك بعلمٍ وخبرةٍ وقلبٍ يفهم.

سواء كان سؤالك نفسيًا، تربويًا، أسريًا،
أو حتى سؤالًا وجوديًا يبحث عن معنى…

اكتب سؤالك عبر الرابط أو الـ QR
وسأجيبك بنفسي.

لأن بعض الأسئلة
تغيّر مسار حياة كاملة.

في انتظار أسئلتكم 🌙
اللينك في أول تعليق 👇
او ممكن تعمل scan qr

19/02/2026

كتير من الناس بتخلط بين اضطراب تعدد الشخصيات و الفصام رغم إنهم مختلفين تمامًا.
تعالوا نعرف ايه الفرق بينهم:
🧠 أولًا: اضطراب تعدد الشخصيات
Dissociative Identity Disorder
(اسمه العلمي: اضطراب الهوية الانفصالية)
ما هو؟
هو اضطراب بيظهر فيه أكتر من هوية أو شخصية داخل نفس الشخص، وكل شخصية ممكن يكون لها:
اسم مختلف
صوت مختلف
سلوك مختلف
طريقة تفكير مختلفة
السبب غالبًا؟
غالبًا بيكون مرتبط بـ صدمات نفسية شديدة في الطفولة، وبيكون كآلية دفاع نفسي للهروب من الألم.
أهم الأعراض:
فقدان ذاكرة لفترات زمنية
إحساس بالانفصال عن النفس (dissociation)
الإحساس إن في جزء تاني “مسيطر” أحيانًا
👉 هنا المشكلة في الهوية.
🧩 ثانيًا: الفصام
Schizophrenia
ما هو الفصام؟
⚡اضطراب ذهاني بيأثر على طريقة التفكير والإدراك والواقع.
أهم الأعراض:
🪵هلاوس (سماع أصوات مثلًا)
🪵ضلالات (اعتقادات غير حقيقية زي إن حد بيراقبه)
🪵تفكير غير منظم
🪵انسحاب اجتماعي
👉 هنا المشكلة في الإدراك والواقع، مش الهوية.
ماهي الاسباب الشائعة
💥صدمات نفسية
💥عوامل بيولوجية + وراثية
هل بيكون في وعي بالمرض
⚡أحيانًا بيكون مدرك
⚡غالبًا بيبقى مقتنع بضلالاته
🌱وهنا مينفعش نسيب الإضطراب لانه بيحتاج لعلاج دوائي + علاج معرفي سلوكي ولا يقل أهمية علاج عن الاخر

11/02/2026

💌 الرسائل الخفية للطفل

كل لحظة في نمو طفلك ليها قيمة… وخطوة صغيرة النهارده ممكن تفرق في مستقبله كله 🕰️🤍
كل تصرف بيعمله طفلك وراه رسالة، والمشكلة بتبدأ لما منعرفش نفهم معناها.

عشان كده بنقدّم لكم ورشة "الرسائل الخفية للطفل" ضمن فعاليات حملة
«نحو طفولة آمنة… طفلي بيكبر صح» 🌱

هنتكلم فيها عن:
✨ ما وراء سلوكيات طفلك
🫂 الاحتياجات الحقيقية للطفل
🤔 نصائح عملية للأم للتعامل في البيت

🎁 ولكل الأمهات الحاضرات: هيكون فيه تقييمات نمو مجانية للأطفال في يوم مخصص لاحقًا ضمن خدمات الحملة.

📆 موعدنا: الخميس 12/2/2026
🕦 الساعة: 11:30 صباحًا
📍 المكان: فيلا ٢٠١ شارع طيبة – كليوباترا

الدعوة عامة لكل أم حابة تفهم طفلها أكتر وتطمن على نموه 🤍

09/02/2026

ميكانيزمات الدفاع النفسية
هي أساليب لا واعية بيستخدمها العقل علشان يخفّف القلق أو الصراع الداخلي، من غير ما نحس. وجودها طبيعي، المشكلة بس لما نبالغ فيها.
أهم الميكانيزمات (بأمثلة بسيطة):
⚡الكبت (Repression)
دفن مشاعر أو ذكريات مؤلمة في اللاوعي.
مثال: شخص ناسي تفاصيل حادث صادم.
⚡الإنكار (Denial)
رفض الاعتراف بالحقيقة.
مثال: مدخن ينكر ضرر التدخين.
⚡الإسقاط (Projection)
ننسب مشاعرنا للآخرين.
مثال: شخص غيور يتهم شريكه بالغيرة.
⚡التبرير (Rationalization)
إيجاد سبب منطقي لسلوك غير مقبول.
مثال: “سقطت لأن الامتحان كان ظالم”.
⚡الإزاحة (Displacement)
تفريغ الغضب في هدف آمن.
مثال: زعلان من المدير → يتعصب في البيت.
⚡التكوين العكسي (Reaction Formation)
إظهار عكس الشعور الحقيقي.
مثال: كره شديد يتحول لمبالغة في اللطف.
⚡التسامي (Sublimation) (ناضج)
تحويل الدافع السلبي لشيء مفيد.
مثال: غضب → رياضة/فن.
⚡النكوص (Regression)
الرجوع لسلوك طفولي تحت الضغط.
مثال: بكاء/عناد عند التوتر.
⚡العزل الانفعالي (Isolation)
فصل المشاعر عن الحدث.
مثال: حكي حادث مؤلم بدون إحساس.
⚡التعويض (Compensation)
تغطية نقص بنجاح في مجال آخر.
مثال: ضعف دراسي → تفوق رياضي.
تصنيف سريع:
☘️ناضجة: التسامي، الفكاهة، الإيثار.
🌱متوسطة: الكبت، التبرير، العزل.
🪵غير ناضجة: الإنكار، الإسقاط، النقوص.