Rawan Saeed

26/03/2026

حاجات كفيلة أنها تبوظ فرحتك بأي حاجة💔



#المقارنة

18/03/2026

مع نهاية شهر الرحمة 🌙
والمغفرة والسكينة

نتمنى لو أن الأيام لا تمضي
وأن تتباطأ الساعات

لنظل في هذا الصفاء
في هذا الهدوء والاطمئنان

قريبين من تلك النسخة النقية
التي اكتشفناها داخل أنفسنا.

لكن الحقيقة الأجمل
أننا نستطيع أن نخرج بهذه النسخة معنا بعد رمضان
أن نحافظ على هدوء قلوبنا
وسلام أرواحنا
واتزان أنفسنا

فاجعل من نهاية رمضان بداية عهد جديد
ونسخة أكثر وعيًا ونضجًا.

وداعًا رمضان
على أمل أن يتجدد اللقاء بك🤍🌙




#هدوء
#طمأنينة

13/03/2026

كل مرحلة
هي خطوة مهمة، حقيقية في رحلة اعداد أفضل المعالجين النفسيين.
وجزء من مسار مستمر نحو تطوير القدرات♥️

للانضمام إلى الجمعية رابط التسجيل في أول تعليق 👇

#كورسات
#تعلم

12/03/2026

أسوأ فكرة ممكن تقنعك بيها نفسك دلوقتي هي" إن الوقت فات."

بيعدي علينا أوقات إحساس بالتقصير، مش بس في رمضان،
وإنما في حاجات كتير في حياتنا😔

بس فيه اللي بيصدق الإحساس ده، وفيه اللي بيكمل رغم إن الإحساس ده لسة موجود.

وأول ما تحس إنك عايز تتغير وتبدأ من جديد، تدخل أفكارك زي القطر 🤯 وتقولك
" هو انت نسيت اللي فات .... لسة فاكر تتغير دلوقتي"

لسة فاكر تخلص شغلك دلوقتي.
لسة فاكر تهتم دلوقتي.

✨ساعتها فكر نفسك بحاجة مهمة
إن الوقت مخلصش، ولسة فيه فرصة تبدأ من جديد💌

كل يوم وكل ساعة هي فرصة جديدة للتغيير
" أن تأتي متأخرًا خير من أن لا تأتي أبدًا "❤️‍🩹

مش مطلوب منك تعوض كل اللي فات مرة واحدة.
ولا مطلوب تكون مثالي من بكرة.

مش مطلوب منك أصلا تكون مثالي.
تقدر تبدأ بخطوة صغيرة😊

فلو قصّرت قبل كدة
الباب لسه مفتوح.

ابدأ من النهاردة.
يمكن يوم واحد يغيّر كل شيء❤️

اللهم أنزل السكينة والهدوء والطمأنينة على قلوبنا جمعيًا🤲

#هدوء
#سكينة
#تغيير



#وعي

11/03/2026

🎓✨ إنجاز جديد في مسار التأهيل المهني

في مهمة لإعداد معالجين متخصصين في التعامل مع الأطفال، والمساهمة في دعم صحتهم النفسية.

من أجل طفولة آمنة، ومستقبل مشرق وأكثر توازنًا
مستمرين في تحقيق مزيد من الإنجازات، والنجاحات.

للانضمام إلى الجمعية رابط التسجيل في أول تعليق 👇

07/03/2026

إذا كنت تبحث عن بيئة مهنية داعمة، وتطوير حقيقي قائم على التدريب والممارسة.

رابط التسجيل في أول تعليق 👇

06/03/2026

احتياجنا للحب والقبول .... احتياج طبيعي
شعور جميل أن تكون مقبولًا ومحبوبًا بين الناس،
وأن يكون لوجودك أثر طيب في قلوبهم.

‼️ لكن دون أن تنسى نفسك،
أو يصبح هدفك الوحيد في الحياة هو إرضاء الناس،
فتعيش لأجلهم فقط.

أن تنشغل بالبحث عن مكان لك في قلوب الجميع،
وتترك نفسك، وربما تبتعد حتى عن رضا الله.

فالرضا الوحيد الذي ينبغي أن نسعى إليه حقًا هو رضا الله 🤍
فإذا رضي الله عنا، جعل لنا القبول في قلوب الناس،
وفتح لنا أبوابًا كثيرة من الخير.

اجعل رمضان بداية جديدة،
تعيد فيها ترتيب أولوياتك،
وتعيد ضبط بوصلتك،
ويكون رضا الله هو البداية🤍

03/03/2026

‼️🎯عمرك فكرت قبل كدة إنك جاني ومجني عليه في نفس الوقت.
إنك شخص مؤذي وقاسي، وفي نفس الوقت ضحية.

بتحاول تراضي اللي حواليك، وسايب طفلك وحيد مفيش كلمة تواسيه.
وأنا هنا مش بتكلم عن طفل، أنا بتكلم عنك انت

🔔بتكلم عن طفلك الداخلي اللي عايش معاك، وبيأثر فيك🧐
موجود جواك، ومستنيك دايماً.

هو ذكرياتك، ومشاعرك، وتجاربك الإيجابية والسلبية اللي مريت بيها خلال فترة الطفولة.

هو "ذاتك" الحقيقية اللي بتأثر بشكل مباشر على سلوكياتك، علاقاتك، نظرتك لنفسك، وصحتك النفسية في الحاضر.

بيدور على الأمان، والتقبل والحب، والاهتمام❤️‍🩹
عارف إنك هترجعله في يوم وهتتكلم معاه، وتهدي خوفه، ووجعه😔

تخيل دلوقتي إن طفلك الداخلي موجود قدامك وشايفه ... تحب تقوله إيه؟
هتحضنه، وتطبطب عليه، وتطمنه🫂
ولا هتعاتبه😢

هتقول له شد حيلك؟
ولا أنا آسف إني سبتك لوحدك كل السنين دي❤️‍🩹

عايزاك/ ي في لحظة هدوء كدة تجيب ورقة وقلم وتكتب رسالة، هتبعتها لحد عزيز عليك ( طفلك الداخلي)، وفكر كدة هتكتب فيها إيه🤔

وهنتكلم في البوست اللي جاي عن العلاقة بين تصرفاتنا
وطريقة تفكيرنا، وبين طفلك الداخلي، وازاي عدم التصالح معاه بيأثر على حياتنا وعلاقاتنا باللي حوالينا.


#تعافي
#تصالح


#وعي

24/02/2026

علشان نقدر نحمي ولادنا من أذى الشاشات📱
محتاجين احنا كمان ننتبه على تصرفاتنا قدامهم.

يعني مينفعش أقوله مسموح لك نص ساعة أو ساعة في اليوم
وأنا مش بسيب التليفون من إيدي ساعة حتى 👩‍💻📱

لإن ولادنا بيتعلموا من البيئة المحيطة بيهم، وبيلاحظوا سلوكياتنا وتصرفاتنا.
وبالتالي هيقلدوا اللي احنا بنعمله بالظبط.

علشان كدة لو محتاجين نشوف تغيير حقيقي على ولادنا .... يبقى لازم التغيير يبدأ من عندنا الأول❤️

14/02/2026

مش شرط اللي بنحبهم يكونوا الحبيب والحبيبة، ممكن الأم، الأخت، الأخ، الصديق، الصديقة، الجار 💌

وزي ما قالت ليلى علوي في " حب البنات " مش شرط يكون الحبيب والحبيبة.

مش شرط كمان يكون للحب يوم واحد في السنة، مش لازم نستنى يوم نعبر فيه عن حبنا للي بنحبهم 🫂
ليه نستنى مناسبة علشان نعبر عن مشاعرنا‼️

جملة قريتها عجبتني أوي
" الحبّ هو أن تبلغ أقصى الأماكن وأكثرها مشقّة ولا تشعر بعناء المسافة ".
مهما كان الطريق صعب وطويل .... بيهون بالحب♥️

الحب أمان، ودفى، وود، الحب طاقة قادرة على إعادة تشكيل العلاقات الإنسانية على أسس من التعاطف والعدل والرحمة🥰

بهدية، أو رسالة، أو كلمة حلوة ممكن تعمل فرق كبير مع اللي بتحبه😍

لو نفسك تقول للقريبين منك قد إيه بتحبهم، بلاش تضيع وقت وعبر عن اللي جواك ..... علشان ميجيش يوم تندم وتقول ياريتك تعرف أنا بحبك قد إيه❤️🫂


#الحب

11/02/2026

💌الدعوة عامة لكل أم حابة تفهم طفلها أكتر وتطمن على نموه

💌 الرسائل الخفية للطفل

كل لحظة في نمو طفلك ليها قيمة… وخطوة صغيرة النهارده ممكن تفرق في مستقبله كله 🕰️🤍
كل تصرف بيعمله طفلك وراه رسالة، والمشكلة بتبدأ لما منعرفش نفهم معناها.

عشان كده بنقدّم لكم ورشة "الرسائل الخفية للطفل" ضمن فعاليات حملة
«نحو طفولة آمنة… طفلي بيكبر صح» 🌱

هنتكلم فيها عن:
✨ ما وراء سلوكيات طفلك
🫂 الاحتياجات الحقيقية للطفل
🤔 نصائح عملية للأم للتعامل في البيت

🎁 ولكل الأمهات الحاضرات: هيكون فيه تقييمات نمو مجانية للأطفال في يوم مخصص لاحقًا ضمن خدمات الحملة.

📆 موعدنا: الخميس 12/2/2026
🕦 الساعة: 11:30 صباحًا
📍 المكان: فيلا ٢٠١ شارع طيبة – كليوباترا

الدعوة عامة لكل أم حابة تفهم طفلها أكتر وتطمن على نموه 🤍

06/02/2026

أوقات ضغوط الحياة بتسحب طاقتنا واحدة واحدة من غير ما ناخد بالنا…

بيمر عليك أوقات بتبقى عايز تفصل شوية وتروح عالم تاني هادي .... بس ساعات مش بتقدر تعمل كدة بسبب المسئوليات 😮‍💨

فتعالى اقولك على شوية نصايح لو بتمر بأعراض اكتئاب نتيجة ضغوط الحياة💁‍♀️

1️⃣ التمشية في مكان هادئ وجميل مسافة طويلة.
أو تقعد في مكان تحبه لو مش حابب تمشي المهم تتأمل الطبيعة الخلابة اللي في المكان.

‼️طب لو انت شخص بيتوتي مش بتحب الخروج 🛌

يبقى تعمل أكلة حلوة بتحبها أو مشروب بتحبه واتفرج على فيلم كوميدي أو فيلم بتحبه بس مش حزين احنا بنحاول نخرجك من مود الاكتئاب 😅

2️⃣ أقرأ القرآن أو الانجيل بتركيز وانصت إليه كويس❤️

3️⃣ اتصل بصاحب قديم أو اخرج مع اصحابك اللي بتحب وجودهم وبترتاح في الكلام معاهم🫂

يعني لو عندك صاحب دخل في مود (كله رايح)😔 ياريت تبعد عنه دلوقتي لحد ما تتحسن.

4️⃣ لو انت شخص بتحب الكتابة .... اكتب
لإن الكتابة مهمة مهمة جدا بتساعد ذهنك يكون صافي، وتفرغ أفكارك ومشاعرك أول بأول.

5️⃣ التمارين الرياضية مهمة وبتحسن المزاج، وبتجدد الطاقة
أعملها بطريقة بسيطة وبدون إجهاد شديد🧘‍♀️

6️⃣ اسمع اغنية بتحبها مفرحة مش حزينة🎧 أو اسمع أي محتوى بتحبه

7️⃣ دور على الحاجات الحلوة اللي فيك وامدح نفسك بيها، كل واحد فينا فيه مميزات لو ركزت عليها هتلاقيها ❤️

وفي وسط زحمة الحياة… متنساش أهم شخص محتاج اهتمامك هو انت
مش ضعف إنك ترتاح، ومش أنانية إنك تختار نفسك شوية… ده وعي بيحميك من إنك تنهار فجأة❤️


#الاكتئاب


#اضطراب