https://www.facebook.com/959205633948106/

Dr Rasha Fathy, Alexandria (2026)

20/02/2026

لو انت شخص مش بتعانى من أمراض معينة او حالة صحية خاصة ، النصائح دى هتكون مناسبة ليك 🤗👇
#تغذية

20/02/2026

✨️من أراء متابعات التغذية الاونلاين 🤗
فخورة جدا بالتغيير اللى بنحققه سوا حقيقى ♥️♥️🤗
للتواصل والمتابعة اونلاين :
015 15225769

17/02/2026

تفتكروا ليه بنجوع بسرعة في الصيام؟
وليه الأكل الصيامي أحيانا مش بيشبع كويس وبنرجع نجوع تاني بسرعة❗️❗️
الحقيقة انه السبب هو اختيارات نوع الأكل فى الوجبة الواحدة ...👇
⬅️كتير من الوجبات الصيامي بتعتمد على النشويات البسيطة بس زي :-
مكرونة و رز 🍝
عيش أبيض
بطاطس🥔
وده بيخلي: السكر في الدم يرتفع بسرعة ، ثم ينخفض بسرعة فنحس بالجوع بسرعة 🙂
⬅️سبب تاني مهم :-
لو الوجبة مفيهاش بروتين كفاية ، الجوع بيرجع بسرعة جدا لأن البروتين أهم عنصر للشبع
⬅️سبب ثالث:
قلة الألياف فى الوجبة لان الألياف بتبطئ الهضم وتخلي الإحساس بالشبع أطول..
💡✨️الحل ببساطة:
خلي وجبتك متوازنة 👌
يعني تحتوي على: بروتين نباتي (عدس – فول – حمص – فاصوليا )🫘
خضار وفاكهه 🍎🫑🍐🥕
دهون صحية (زيت زيتون – مكسرات )🫒🥜
نشويات معقدة وحبوب كاملة ( عيش برده _ بطاطا _ بليلة )
ونشرب مياة كويس 💧
💡اذن الحل انه الوجبة تحتوى على بروتين نباتى والياف ودهون صحية 🙏♥️

16/02/2026

تفتكروا ليه الاكل الصيامى مش بيشبع كويس وبنرجع نجوع بسرعة جدا ونضطر ناكل اكتر ؟ 🤔
وايه الحل ؟؟🙃💡

13/02/2026

كل سنة وأنتم طيبين ورمضان كريم 🌙
بصراحة أغلب الناس بتقول إنها بتتخن في رمضان…
لكن الحقيقة إن الصيام فرصة لصحتنا وكمان للدايت👌👇
العلم بيتكلم عن نظام اسمه الصيام المتقطع (Intermittent Fasting)
وفكرته الامتناع عن الأكل لفترات محددة (14–16 ساعة)
وده اللي بنعمله طبيعي في رمضان 😊
طيب النظام ده مفيد في إيه؟ 🤔

⬅️✨️✨ تحسين حساسية الإنسولين
في حاجة اسمها مقاومة إنسولين، وده معناه إن الإنسولين موجود لكن الخلايا مش بتستجيب ليه كويس، وده مع الوقت ممكن يزود خطر الإصابة بالسكر
الصيام بقى بيساعد الجسم لأنه:
_بيقلل تكرار إفراز الإنسولين بسبب قلة الاكل
_بيخلي الخلايا تستجيب للإنسولين بشكل أفضل
_ الجسم يستخدم مخزون الجلوكوز أولا لانه مفيش جلوكوز خارجى داخله (الاكل يعنى )
_وبعد استهلاك الجلوكوز يبدأ الجسم في حرق الدهون
ببساطة شديدة 🤝😊
الصيام بيساعد على تحسين مقاومة الإنسولين وبيقلل خطر الإصابة بالسكر .

⬅️✨️✨️ تقليل الشعور بالجوع
ده بيحصل مع تنظيم مواعيد الأكل :- هرمونات الجوع بتنتظم

⬅️✨️✨ المساعدة في خسارة الوزن وده يحصل لما👇
_ ما نحاولش نعوض الصيام بأكل مضاعف 🤌
يعنى صوم متقطع + عجز سعرات =خسارة فى الوزن .
_نوزع الأكل على وجبتين او 3 وجبات ومش هتبقى وجبة واحدة كبيرة
_ نهتم بجودة الأكل يكون صحى ومتوازن (بروتين + كربوهيدرات صحية + خضار + دهون )

ونصيحة كده 💡⬅️ ممكن نشرب كوب مياة قبل الاكل + ننام كويس ونشرب مياه كويس من 2 ل 3 لتر يوميا
كل سنة وانتم طيبين ♥️🙏
#تغذية

11/02/2026

✨️ فيتامين دال مهم فى عملية الحرق والتمثيل الغذائى ، ده غير دوره الاساسى فى صحة العظام والمناعة 🙏

علشان كده مهم نكتشف نقص فيتامين د 🤝
⬅️ فى أعراض ممكن تشير لنقصه 👇
_إرهاق وتعب مستمر
_آلام فى العضلات والمفاصل
_ضعف عام
_تقلبات مزاجية
_تساقط شعر
_بطء التئام الجروح
_ضعف المناعة
⚠️ لكن الأعراض لوحدها مش كفاية للتشخيص👇
لو عندك اكتر من عرض + قلة التعرض للشمس ده مؤشر لنقصه لكن 👇
⬅️ التأكيد بيكون بتحليل فيتامين د فى الدم

💊 هل ناخد مكملات فيتامين د من نفسنا؟
❌ لا مش بناخدها بشكل عشوائى ، لان الجرعات العالية ممكن تعمل سمّية وده ممكن يحصل وبالتالي👇
✔️ فيتامين د بيتاخد بجرعات محددة
✔️ ولمدة معينة تحت إشراف طبى حسب مدى النقص

⬅️اما عن مصادر فيتامين د الطبيعية لتجنب نقصه هى 👇
☀️ الشمس (المصدر الرئيسى والأساسى)
التعرض للشمس 15–20 دقيقة عدة مرات أسبوعيًا بيساعد الجسم يصنعه
🥚 صفار البيض
🐟 الأسماك الدهنية (زى السلمون والتونة والسردين )
🍄 المشروم
⚡️ الكبدة

11/02/2026

خطوات عملية للتعامل مع الجوع العاطفي❤️‍🩹🤍
⬅️ نحدّد مواعيد ثابتة للأكل ⏱️
ده بيساعد الجسم يعرف إمتى يجوع وامتى المفروض ياكل

⬅️ لو حسينا بجوع فى غير المواعيد 👀
قبل ما ناكل نقف شوية ونسأل نفسنا🤔
• أنا باكل ليه دلوقتى؟
• جوع حقيقى ولا شعور معين؟
غالبًا الرغبة بتهدى لو كانت عاطفية ولما ندرك 🤝

⬅️نشرب مياه الأول ونستنى شوية 🤌
احيانا العطش بيتفسر كجوع ، ولو الجوع مش حقيقى الاحساس هيقل⏱️

⬅️نستخدم مقياس الجوع من 1 لـ10
نقيم إحساس الجوع:
1–3 غالبا جوع عاطفى
7–10 جوع حقيقى

⬅️نجهز بدائل للأكل للتعامل مع المشاعر السلبية زى🧘‍♀️:
_ المشى أو أى حركة بسيطة جوا البيت
_ ممارسة الرياضة
_كتابة المشاعر
_أو أى نشاط بنحب نعمله علشان نفرغ الطاقة السلبية فى حاجه غير الأكل ...😊
_حد متخصص لو فى احتياج لده

⬅️ولما ناكل، نغيّر طريقة الأكل نفسها ✋️
✔️ نغرف الأكل فى طبق واحد لتحديد الكمية
✔️ ناكل ببطء علشان هرمون الشبع فنحس بالشبع من غير ما نزود الكمية
✔️ مش قدام التلفزيون أو الموبايل علشان نركز فى كمية الأكل
✨ مع الوقت هنعرف نفرّق بين الجوع الحقيقى والعاطفى
ونبنى عادات صحية مع الأكل 🙏♥️

08/02/2026

لية كتير يبتدوا دايت ويبذلوا مجهود لكن الحرق بطيء والنتيجة ضعيفة…❗️
أحد الأسباب هو نقص فيتامين دال
طيب إيه علاقة فيتامين د بالحرق؟🤔
فيتامين د ليه دور في :-
⬅️تنظيم حساسية الإنسولين
يساعد الجسم انه يتعامل أفضل مع السكر ، وده هيقلل مقاومة الأنسولين و تخزين الدهون
⬅️بيدعم معدل الحرق🔥
نقصه مرتبط ببطء في معدل الحرق ، وده ممكن يخلي نزول الوزن أصعب.
⬅️تقليل الالتهابات في الجسم
⬅️تحسين طاقة الجسم والمزاج
✨️لما مستواه يكون كويس
✔️النشاط بيزيد
✔️الكسل والخمول بيقلوا
✔️الالتزام بالدايت والرياضة يبقى أسهل
✨️علشان كده مهم جدا نعرف لو فى نقص فى فيتامين د ..
✨️والاكيد لما نكتشف هنعرف نصلح المشكلة 💃

08/02/2026

هو ايه اللى بيخلينا ناكل !؟ 🤔
سؤال يبان بسيط واكيد اجابته المتوقعة
" علشان حاسين بالجوع❗️"
لكن الحقيقة انه السؤال ده ليه اكتر من اجابة ومش دى اجابته الوحيدة ..👀
الحقيقة الاكل مش دايما مرتبط بالجوع الجسدى فقط احيانا بيكون مرتبط بالمشاعر ...
وده اللى بنسميه جوع حقيقى✔️ وجوع عاطفي 🧠
⬅️الجوع الحقيقى :- هو استجابة فسيولوجية لاحتياج الجسم للطاقة ، كل العمليات الحيوية فى جسمنا محتاجة طاقة وبالتالي محتاجين الاكل ..
علاماته :-
_بيظهر تدريجيا
_احساس فراغ أو قرقرة فى المعدة
_اى اكل متوازن ممكن يشبعك
_وبيختفى بعد الأكل بدون احساس بالذنب
⬅️الجوع العاطفي :- هو مش ناتج عن احتياج الجسم للطاقة ، لكنه سببه مشاعر سلبية زى : توتر - قلق -ضغط - ملل - حزن وكتير من الناس لقوا فى الاكل وسيلة تهدئة نفسية ..
وعلميا التوتر بيرفع هرمون الكورتيزون اللى ممكن يزود الشهية وخاصة السكريات ..
علاماته:-
_بيظهر فجأة
_بيستمر حتى بعد الاكل
_غالبا بيجى بعده احساس بالذنب
✨️علشان كده حاجه اساسية جدا انه نعرف نفرق بين الجوع الحقيقى والجوع العاطفي وازاى نتعامل معاه ؟
عايزة اقول انه كل العادات الصحية مش بتتبنى من يوم وليلة لكن خطوة خطوة وبالوعى 🤝
وهكتبلكم فى بوست تانى ازاى ممكن نتعامل عمليا مع الجوع العاطفي 🙏♥️

07/02/2026

أنا د. رشا أخصائية علاج طبيعي وتغذية علاجية
بعد ما درست التغذية واشتغلت فى المجال ، نظرتي للأكل ومجال التغذية عامة اتغيرت تمامًا…..
وكمان نظرتي لكتير من عاداتنا اليومية واللى شوية تعديلات فيها ممكن جودة حياتنا تتحول للافضل فعلا ...
اكتشفت إن التغذية مش مرتبطة بشكلنا بس ، لكنها جزء أساسي من صحتنا، أمراضنا،حالتنا النفسية، وحتى مودنا ..
ولانه انا كان عندى مشاكل مع وبسبب الأكل وكنت محتاجة افهم اللى انا اعرفه دلوقتى ..
وانه قد فرق معايا انه فهمت ..
علشان كده قررت أعمل الصفحة دى وأشارك فيها كل اللي نفسي الناس تعرفه عن :-
إزاي ناكل صح ؟
إزاي نعيش بشكل صحى ؟
إزاي نحافظ على صحة ولادنا ونبني عادات غذائية صح ونحميهم ؟
إزاي نمنع أمراض كتير قبل ما تحصل ؟
إزاي نتعامل مع الأمراض الموجودة بالتغذية ؟
إزاي نوصل لوزن وشكل يخلينا أفضل نسخة من نفسنا ؟
وكل اللى هشاركه هنا هيكون معتمد على معلومات علمية وتجارب حقيقية 🙏
هشتغل بقلبى فى البيدج دى بجد ويارب كل الناس تستفيد منها فعلا ♥️
وممكن تقولوا وتقترحوا اى موضوع حابين نتكلم فيه♥️

Dr Rasha Fathy

20/02/2026

20/02/2026

17/02/2026

16/02/2026

13/02/2026

11/02/2026

11/02/2026

08/02/2026

08/02/2026

07/02/2026

Address

Website

Alerts

Shortcuts

Share

Category