Dr_ahmed tawfiek pharmacy

26/08/2025

02/07/2025

في أطفال كتير بيجيلهم دور برد مصاحب لنزلة معوية في نفس الوقت، وده بيكون مرهق جدًا للطفل، والأهل كمان.

تلاقي الطفل عنده:
– رشح وكحة وسخونية،
وفي نفس الوقت
– قيء، مغص، وإسهال.

السبب؟

حرارة الجو + التكييف أو المروحة

أو أكل أو شُرب غير نظيف

أو عدوى من طفل تاني

أهم حاجة نخاف منها هي الجفاف.

✅ طيب نعمل إيه؟

1. أول ما يحصل إسهال أو ترجيع، ندي الطفل محلول معالجة الجفاف بعد كل مرة.

2. نخلي أكله خفيف: بطاطس مسلوقة، أرز، زبادي، وشوربة.

3. نوقف اللبن أول يومين.

4. نخلي بالنا من أي علامات خطر زي قلة التبول، خمول، أو دم في البراز.

5. ولو السخونية عالية أو الأعراض ما اتحسنتش خلال 48 ساعة، نروح للدكتور فورًا.

تابعونا لمعلومات طبية أكتر...
سلام.

09/09/2024

مجموعة كريم هيالو الفعالة🌿

ماهو الفرق بين أنواع هيالو Hyalo 4 المختلفة؟

🌿 Hyalo 4 skin gel
💛يحتوي على هيالورنات صوديوم فقط، مادة معروفة بتسريعها لإلتئام الجروح.

🌿Hyalo 4 start
يحتوي على مادتين هما: هيالورنات صوديوم، المادة المسؤولة عن تسريع إلتئام الجروح، ومادة اخرى كولاجينيز collagenase والتي تساعد على تحلل الكولاجين الأصلي وبالتالي تسرع من عملية التئام الجروح وتمنع تكون الندبات.

🌿Hyalo 4 control
يحتوي على مادتين هما: هيالورنات صوديوم، وهي المادة التي تسرع من التئام الجروح،
ومادة أخرى تدعى سلفاديازين الفضة، والتي تعمل كمضاد حيوي ضد مجموعة واسعة من البكتيريا والفطريات، وبالتالي فهي تحفاظ على الجرح من الميكروبات والجراثيم.

23/08/2024

⛔ #سيتال قطارة و سيتال شراب أيهما أكثر أمانا وأقل خطورة :

مبدأيا البوست مهم يلف الفيس بوك والله والشير هيحمي اطفال كتيره اوي.......

🤔أصل الحكاية لما الطفل #بيسخن خاصة لو كان لسة بيبي الام بتجري وتديله سيتال نقط ( قطارة ) . أو حتي سيتال شراب ..

الغريب بقي واللي بتحذر منه الجهات الصحية الرقابية هي أن القطارة اخطر من دواء الشرب .. فميغركش شكل العلبة الصغير . مش بالحجم ع فكرة 😁.. ليه بقي

⛔لان القطارة الدواء اللي فيها مركز عن اللي في دواء الشرب .. اه والله وبالتالي الغلطة فيها في الجرعة ممكن يعرض كبد الطفل أو حياة الطفل للخطر ..

✅️الغريب بقا ان الأمهات مفكرين أن علبة الدواء الشرب اخطر من علبة النقط يمكن عشان شكلها أكبر ..

ياجماعة القطارة هتلاقي مكتوب عليها ال ١ مل فيه ١٠٠ ملجم مادة فعالة .. بينما الشراب ال ٥ مل فيهم ٢٥٠ ملجم مادة فعالة ، يعني نقسم علي خمسة يبقي ال ١ مل من الشراب فيهم ٥٠ ملجم مادة فعالة ..

👈شراب سيتال : ١ مل فيه ٥٠ ملجم باراسيتامول
👈قطارة سيتال : ١ مل فيه ١٠٠ ملجم باراسيتامول .

يبقي الأخطر هو القطارة ..ولازم نتعامل معاها بحذر ..

طيب ما تكسب فينا ثواب وتقلنا الجرعات بالمرة عشان نتفادي أصلا اي خطأ من الجرعات : تمام اتفقنا ⁦✌️⁩

📌الاطفال من ٣ شهور لسنة :

🚥نص القطارة الي قطارة كاملة ٤ مرات يوميا
🚥أو ١ سم الي ٢ سم من الشراب ٤ مرات .

📌من سنة ل ٦ سنوات :
القطارة : ملو القطارة الي قطارتين ٤ مرات يوميا .
الشراب : ٢.٥ سم الي ٥ سم ٤ مرات يوميا

📌الاطفال من ٦ سنوات الي ١٢ سنة :
الشراب : من ٥ سم الي ١٠ سم ٣ مرات يوميا .

⁦♨️⁩ وخد بالك علي اي وضع متديش اكتر من ٤ جرعات يومية وبفاصل علي الاقل ٤ الي ٦ ساعات .

✅️مع العلم قطاره نقط سيتال =1 سم

⁦♨️⁩ولو حابب تحسب بدقة متناهية شوف وزن طفلك واضربه في ١٥ مجم باراسيتامول ..دا اللي ياخده في الجرعة الواحدة وبحد اقصي ٤ جرعات في اليوم بفاصل ٤ ساعات ع الاقل ..

وانت معدي اعمل up
البوست دا من أهم البوستات اللي ممكن #تشيرها في حياتك لان كل الاطفال وقت ما بتسخن بنستخدم سيتال
هذا المنشور خاص بصفحة قطوف صيدلية

17/05/2023

لو في خراج موجود تحت الاسنان مينفعش نستخدم
الالفتيرين والمكسيلاز لعلاج التورم الموجود في اللثة ولكن بعد عمل اى جراحه أو تنظيف للخراج ممكن مع المضاد الحيوي دى نستخدم مضاد للالتهاب من مجموعة الالفتيرين والمكسيلاز يفيد فى الاوديما او التورم
لية لان الالفتيرين والمجموعة دي يعتبر protolytic enzyme بتشتغل علي تكسير الخراج و الخراج عباره عن immune response أو رد فعل مناعي الهدف منة عدم انتشار البكتريا لمحيط الفم فاستخدام للمجموعة دي قبل تنظيف الخراج هيساعد علي انتشار البكتريا
ممكن نستخدم مضاد حيوي ومضاد للبكتريا اللاهوائية
بس كل دة بيبقي اختصاص دكتور الاسنان

17/03/2023

البوست طويل شوية بس مهم جدا
اعراض الإصابة بمرض السكر
زيادة مرات التبول polyuria
والعطش polydipsia
والأكل الكتير polyphagia ومع ذلك بيحصل نقص في الوزن lose of weight
دي علامات لاحتمالية الإصابة بمرض السكر
لكن مش دليل على الإصابة بمرض السكر
واي حد حاسس ان الأعراض دي عندوا محتاج يروح لطبيب أو مركز طبي عشان يتأكد بشكل نهائي من وجود المرض أو لا
لية بقول الكلام دة لأن مرض السكر لو اتساب من غير متابعة بيبقي لية توابع خطر واكتشافك لمرض السكر في مرحلة مبكرة واهتمامك بالعلاج وتنظيم طريقه اكلك وتجنبك لعادات يومية غير صحيحة بيجنبك مشاكل بتحصل لمريض السكر الغير متحكم في سكرة .
في تلت اختبارات بتتعمل في المعمل للتأكدة من وجود المرض أو لا
١.قياس نسبة السكر في الدم الصائم fasting blood glucose
المريض يروح المعمل يقيس السكر بعد صيام علي الاقل ٨ساعات عن الأكل وشرب اي حاجة عدا المية
الشخص الطبيعي تحليل السكر الصائم بيكون 100mg/dlاو اقل
الشخص اللي هتبقى متأكد أن بنسبة كبيرة أنة مريض سكر هتلاقي تحليل السكر الصائم بيتجاوز 126mg/dl
طيب المريض إللي بيلاقي السكر الصائم بين البنين
110 أو 115 مثلا
دي بيكون معندوش سكر لكن بيبقي عندو القابلية للإصابة بمرض السكر prediabetic
٢.قياس نسبة السكر بعد الاكل بساعتين post prandial
التحليل دة بيتم بعد تناول المريض للاكل وبعد الاكل بساعتين بنقيس نسبة السكر في الدم
التحليل دة بيتعمل بشكل خاطئ من المرضى
لية لأن لما بتقول للمريض أفطر أو كل وتعالى بعد ساعتين نقيس السكر المريض عشان يشوف نفسه كويس ولا لا بياكل كمية كبيرة من الاكل أو بيشرب سكريات بكمية كبيرة
ودة بيخلي التحليل في الغالب بيطلع عالي ويزيد من شك المريض.
المفروض لما يطلب منك تحليل السكر الفاطر بتتناول حاجة خفيفة تعادل تقريبًا 75 جرام من الجلوكوز عن طريق الفم
والله لو التحليل طلع 140 أو اقل يبقي الشخص دي طبيعي
مريض السكر بيكون تحليل الفاطر اكتر من 200
وبرضوا لو لقيت تحليل الفاطر بين البنين 170 أو 180 مثلا
بيكون معندوش سكر لكن بيبقي عندو القابلية للإصابة بالسكر prediabetic
3.تحليل السكر التراكمي hba1c
( glycated haemoglobin)
ودة بيقيس نسبة الجلوكوز اللي بتتحد مع الهيموجلوبين
الشخص الطبيعي بيكون القياس من 5 الي 5.5 __6
ميزدش عن كدة
مريض السكر بيكون اكتر من 6.5
وبرضوا اللي بين البنين 6.2 أو 6.3 مثلا بيكون معندوش سكر لكن بيبقي عندو القابلية للإصابة بالسكر prediabetic
تحليل السكر التراكمي بيكون مفيد في حاجة مهمة جدا
مش بس هو بيحدد إذا كان الشخص مصاب ولا لا
دي كمان بيخليك تعرف مريض السكر متحكم في السكر بتاعة ولا لا
ودي بيساعد الطبيب أن يغير الأدوية اللي كاتبها أو ينبه على المريض أن لازم يلتزم بالتعليمات اللي قابلوا عليها
فلو كان السكر التراكمي اكتر من 6.5 دي معاناة أن المريض مش بس عندوا سكر لا دة كمان غير متحكم فية
Uncontrolled or poor control
اخير السكر التراكمي بيتعمل كل ثلاثة أشهر
المرة الجاية هنتكلم عن انواع مرض السكر ومريض السكر ورمضان
كل سنة وانتم طيبين
جمعة مباركة
اللهم اغفر لابي وامي وارحمهم واجعل الجنة هي دارهم

25/02/2023

! لو عاوز تدمر ابنك بسهوله اعمل كدا

١- الشتم للطفل (مثل: أنت لا تفهم، ولا تطاق، ....)

٢- المقارنة (أخوك / رفيقك أحسن منك..)

٣- الحب المشروط (أحبك إذا عملت كذا، ولم أعد أحبك لأنك فعلت كذا)، الصواب أنا أحبك لكن لا أحب هذا التصرف منك. لأن حبك له غير قائم على مصلحة!

٤- المعلومات الخطأ (لا تبكي فالرجال لا يبكون !!)

٥- الإحباط (كسلان، غير نافع..)

٦- التهديد (سأضربك، سأعاقبك، ….)

٧- الرفض غير المقنع (لأ يعني لأ، هكذا أنا حرّ)

٨- الدعاء عليه (وهذا الأمر مرفوض تماما)

٩- الفضيحة (بنشر سلوكه وعلاماته أمام الأقارب والناس)

١٠- الاتهام (هذا الولد جنني، سيجلطني، سيموتني)

24/02/2023

معلومة مهمة جداااا 🔊🔊🔊
جلسات الاستنشاق Inhalation
عند عمل جلسات الاستنشاق لايفضل اطلاقا استعمال اى نوع من انواع الماء سواء التى تستخدم فى الحقن او الاشربة
والسبب فى ذلك ان الماء فى هذة الجلسات سوف يسبب ضيق الشغب الهوائية ولذا يفضل استعمال محلول الملح والتركيز الشائع هو 0.9 % ويمكن فى حالة عدم توفره استعمال نقط محلول الانف التى لها نفس التركيز مثل salinex and unimer وكذلك يمكن استخدام التركيز الاقل مثل lyse 0.65% او otrivine saline 0.74% ولكن بالطبع سيكون التاثير اقل

13/02/2023

علاج الديدان بالوصفات الطبيعية

الديدان طفيليات توجد بالجهاز الهضمى وخاصة على جدار الامعاء وهناك منها العديد من الانواع
ومن الاعراض التى تسببها
الام فى المعدة & غازات & اسهال & رائحة الفم الكريهة & الجوع & الارق & حكة حول فتحة الشرج & فقدان الوزن & الصداع وفقر الدم
ومن اسباب الاصابة بها
الغذاء والماء الملوث & سوء النظافة & التعرض للمناطق المعروفة بوجود طفيليات بها & ضعف المناعة وتناول اللحوم الغير ناضحة
العلاج من الطبيعة

* العلاج بجوز الهند وهو علاج فعال لجميع انواع الديدان وذلك باخد ملعقة كبيرة من جوز الهند المجروش مع وجبة الافطار ثم بعد ثلاثة ساعات شرب كوب من اللبن الدافئ مع ملعقة زيت خروع وتكرر يوميا حتى تختفى الاصابة ولكن يراعى عدم اعطاء زيت الخروع لمن يعانون من امراض الجهاز الهضمى او الاطفال دون سن الخامسة من العمر
كما يمكن شرب ٤ - ٦ ملاعق زيت جوز الهند يوميا يساعد على التخلص من الديدان ويعزز جهاز المناعة

* العلاج بالثوم حيث ان له القدرة على مقاومة الطفيليات وذلك بتناول ثلاثة فصوص من الثوم على معدة خالية يوميا لمدة اسبوع

* العلاج ببذور اليقطين وذلك باضافة ملعقتين من بذور اليقطين المقشروالمسحوق الى ثلاثة اكواب من الماء المغلى لمدة نصف ساعة ثم تركه ليبرد ثم يشرب ويفضل الصيام لمدة يوم بعد هذا العلاج

* العلاج بالرمان من افضل العناصر لمقاومة الديدان حيث يطحن قشور الرمان الجافة وتوضع ملعقة فى كوب ماء دافئ وتحلى بالعسل وتشرب يوميا لمدة اسبوع
كتاب قطوف صيدلانيه