عيادة د/رامى مرشد استمايروا لطب الاطفال وحديثى الولادة

24/08/2025

✨
ماما حبيبتي.. بقى عندي شهر دلوقتي 🥺♥️
وعايز أقولك إني بقيت أقدر أرفع راسي شوية صغيرين، بس لسه محتاجك تسنديني لما تشيليني فوق 🤱❤️

بسمع همساتك الحنينة وبحس إن قلبك كله حب وحنان ليا 💕
عايزك كمان تحطيني على بطني كل شوية، ده بيساعدني أتعلم وأقوى 🥺❤️

هتلاقي صوابعي معظم الوقت مقفولة، بس ساعات بفتحها.. ولما بتلمسي إيدي بلف صوابعي الصغيرة حوالين إيدك 🖐️❤️

سامحيني يا ماما لو بصحى وأعيط كتير 😢
أنا مش قصدي أتعبك.. بس يمكن عايز أرضع 🍼🥺❤️
أو بطني بتوجعني شوية عشان جهازي الهضمي لسه بيكمل نموه، أو يمكن وحشني حضنك وريحتك ودفء جسمك 🥺💕

ولما تسمعيني بطلع أصوات صغيرة كده، ده معناه إني فرحان إني شايفك يا ماما

22/08/2025

سن السنتين ده بيجيب انهيار عصبى😅
ربنا يكون في عون كل الأمهات الفترة دى 🥲

19/08/2025

" عَظَّمَ الرَّبُّ الْعَمَلَ مَعَنَا، وَصِرْنَا فَرِحِينَ "
بنعمة ربنا افتتاح عيادة القوصية
⚡️⚡️⚡️⚡️⚡️⚡️⚡️⚡️
من بكرا الاربعاء ٢٠_٨_٢٠٢٥
🎉🎉🎉🎉🎉🎉🎉🎉
بمناسبة الافتتاح الكشف ٦٠ ج فقط لمدة اسبوع
📢📢📢📢📢📢📢📢
الكشف ٦٠ ج فقط كل يوم سبت
📣📣📣📣📣📣📣📣
فلنبدا بدءا حسنا
💠💠💠💠💠💠💠💠
القوصية شارع الجلاء بجوار بنك مصر القديم وأمام خير زمان

22/07/2025

عاجل🛑..
موجة أشد حرارة تبدأ من يوم الأربعاء القادم وتستمر لمدة ٤ أيام.. نخلي بالنا بلاش تعرض الأطفال للشمس وقت الظهيرة وتهوية واستحمام علطول ونعوض بسوائل لمنع الاجهاد الحراري والجفاف🫡

16/03/2025

بنقول من زمان ونعيد ونزيد محدش يبوس طفل صغير علي الوجه..
علي حسب صحيفة الديلي ميل البريطانية طفل صغير يفقد عينه اليسري بعد ما أحد أقاربه قام بتقبيله علي العين وكان عنده قرحة هربس Cold sore علي فمه.

العدوي بفيروس الهربس البسيط Herpes simplex من الحاجات الشائعة جداً علي الفم وبتحصل كتير بالتزامن مع أدوار البرد العادية. انتقال العدوي للعين ممكن يعمل التهاب في قرنية العين Keratitis وتقرحات Corneal ulcers تصل لمرحلة الثقب الكامل Corneal perforation والعمي الكامل Blindness.

كمان العدوي بفيروس الهربس البسيط علي الأصابع بتعمل حاجة إسمها Herpetic witlow بتظهر علي هيئة حبوب بيضاء وحويصلات صغيرة علي الأصابع ولو تم لمس العين بالأصبع ممكن تؤدي لنفس المضاعفات مع انتقال العدوي للعين.

كمان فيروس الهربس من أكتر أسباب التهاب المخ Encephalitis في الأطفال.

فناخد بالنا ان محدش يقرب من أطفالنا ويكون عنده أى عدوى
👼🧑‍🦰

17/07/2024

02/06/2024

تنبيه هام جدا 📣📣
من أكتر الحالات اللى بنشوفها اليومين دول ونظرا لإرتفاع درجة حرارة الجو :: dehydration fever :: او مايعرف بأسم حُمى الجفاف وخاصة فى الاطفال حديثى الولادة.

لذا علينا التنبيه 🚨🚨

حمى الجفاف عند الطفل حديث الولادة هي ارتفاع درجة حرارة جسم الطفل فوق ٣٨ بسبب كثرة الملابس وإرتفاع درجة المحيط الخارجي كما يحدث الآن فى الوقت الحالى مع قلة التبريد والسوائل الداخله للطفل والمتمثله في كمية اللبن بالنسبه لحديثى الولاده.

**ماهى الاسباب**
١-- ارتفاع درجة الحراره كما يحدث الآن وطول شهور الصيف
٢--خوف الاهالى الزائد على الطفل فيلفوه بلفف كتير
٣--مش بيرضع لسه في الاول كويس وخاصة فى اول ايامه
٤--لو بيرضع صناعى كمية لاتتناسب مع عمره
اجتماع هذه العوامل يؤدى الى ارتفاع درجة حرارة البيبي وقد تصل الى درجات عاليه مع قلة نوم اونوم زياده وقله فى إخراج البول ونهجان. وقد تتداخل هذه الاعراض وتتشابه مع مع مايعرف بالتسمم الوليدي و الإلتهاب الرئوي ويتم التفرقه بواسطة الطبيب المعالج.

****طرق التجنب****
كما هو موضح بالشكل بالأسفل..
* التهويه الجيده للمكان المتواجد به الطفل
* تقليل الملابس وان تكون ملابس قطنيه ممكن كمان يلبس بنص كم
* ممكن نحمى (شاور) الطفل يوميا
*تزويد عدد الرضعات وان تشرب الام سوائل بكثره حتى يزداد كمية السوائل بلبنها
* عدم الازدحام بجوار الطفل
* لاكن لوقدر الله وظهر اى من الاعراض السابقه التوجه فورا للطبيب حتى يستطيع التميز مابين حمى الجفاف او التسمم الوليدى .

27/01/2024

✨ طفلك بلع جسم غريب😿😱
*(بلية ؛ جنيه ؛ دبوس ؛ حجر ساعة ؛زرار.. الخ)

👈👈اوعى تأكله قطن لأن القطن هيعمل انسداد فى الأمعاء ويحتاج لجراحة استكشاف وبلاش فتاوى ومتاخدش بكلام أى حد 🤐

📌 طيب نعمل ايه ؟؟ 🤷‍♂
*نخلى راسه لتحت شويه يعنى نوطيه على وشه بس نتأكد إن مجرى التنفس سليم ومفتوح ونخبط على ضهره بكف الايد بس نخبط مش نرزع أو نكسر ضهره ونحاول إستخراج الجسم ده ولو فات وقت أو معرفتش تعمل كده على طول استقبال أقرب مستشفى ويكون فيها أشعه أو قريب منها مركز اشعة عشان يعمل اشعة عادية على الصدر والبطن واقفا عشان نستبعد وجود الجسم الغريب ده في الصدر ( الحنجره أو الرئتين او الشعب الهوائية او القصبة الهوائية) منعا لحدوث اختناق 🥵

🍁 لو كان في الصدر :- 😥

💫 يبقى فى أسرع وقت هيدخل عمليات عشان الجسم ده يتشال تحت مخدر عام بإستخدام المنظار

🍁 لو مش فى الصدر يبقى فى الأمعاء ودى أسهل وبعدنا كده عن منطقة الخطر إلى مشكله أقل🏃
عدا طبعا بلع بطارية اخطر ما يكون زي ما قلنا قبل كده

📌طب ياكل إيه ؟! 👨‍🍳
*ياكل أكل طرى لين يعنى زبادى وعسل ومربى وعيش فينو وموز طبعا الحاجات دى ملينه وهتحرك الجسم الغريب بسهوله .
بس ده بعد ما نعمل اشعة ونستبعد عدم اجراء تدخل جراحي او منظار

03/11/2023

امتي اخد مكملاتي الغذائيه
●vitamin B
في الصباح علي معده فارغه مع كوب ماء
لتعزيز الامتصاص ❣️
● iron الحديد
من الأفضل عدم تناوله مع مشتقات الألبان وتناول معه فيتامين c لتعزيز الامتصاص ❣️
● vitamin D
في اي وقت ماعدا قبل النوم
يفضل اكله مع دهون صحيه لتعزيز الامتصاص ❣️
●vitamin C
في الصباح مع كوب ماء لتعزيز الامتصاص ❣️
●magnesium الماغنسيوم
وقت النوم
يساعد علي افراز الميلاتونين والاسترخاء ف النوم 🥀🥀🥀

●zinc الزنك
قبل الأكل مع كوب ماء
يفضل عدم تناوله مع الاطعمه الغنيه بالحديد✨️

●omega 3 الاوميجا
تناولها مع وجبه غنيه بالدهون الصحيه لتعزيز الامتصاص ✨️

09/06/2023

🔥🔥 سخونة الصيف و ارتفاع الحرارة فى الاطفال🔥🔥

و دى من اشهر الحاجات ال بتقابلنا واللى لها اسباب كتيرة جدا اولها واهمها هو موضوعنا انهاردا👌
لكن مبدئياً فيه نقطتين مهمين جدا لازم نعرفهم🤏

اولا ...(ارتفاع الحرارة يا جماعه مش بالاحساس❌.❌❌.... ولكن بالقياااااس 🌡️) وعشان كدا لازم يكون فيه ترمومتر خاص بالطفل لوحده
ثانيا ....درجة حرارة الطفل الطبيعية بتكون مابين٣٦.٥ الى ٣٧.٥ كحد اقصى
👇👇👇
🔥🔥الحرارة المكتسبة (Environmental Fever) 🔥🔥
📌يعنى الجو يبقى حر او مايل للحرارة و حضرتك ملبسة البيبى سبع فانلات وتلاتة تتقيل والطقم الخارجى ومكلفتاه زى السندوتش🤢 و عليه كوڤرتة و بطانية كمان🤦
و اوقات بلاقى امهات لافين قماشة كدا حوالين بطنه بيقولولى عشان تدفى بطنه و تمسك سرته يادكتور... معرفش هتمسكها من ايه بصراحه😂😂😂
📢 حضرتك كدا مش بتدفيه... انتى بتخنقيه بهدوم زيادة جدا وبتحبسى حرارة ف جسمه و مسام الجلد مكتومة ف مفيش اى متنفس ليها انها تطلع عرق يخفف من حدة حرارة الجو وبالتالى جسم الطفل هيسخن جدا

طيب ايه الحل ونعالجها ازااااى ؟؟🙆
👈اولا نخفف الهدوم دى شوية الحرارة بتبدأ تهدا
👈 نعمل كمادات للطفل فى الاماااااااكن الصح 👌👌وهى (تحت الرقبة وتحت الابط و بين الفخذين ) او يستحمى ب مياة فاترة🛀 لا هى ساقعه ولا هى دافية
👈 ممكن ندى خافص حرارة جرعة كدا فى الاول لو الطفل سخن جدا بحيث تساعدنا فى تنزيل الحرارة الشديدة دى عشان الطفل ميدخلش فى تشنجات لاقدر الله..
👈الرضااااااااعه ثم الرضااااعه ...لان دى هى مصدر الميه ال هتدخل للطفل تلطف من الحرارة وتأثيرها على اعضاء جسمه

📌📌طيب ايه خوافض الحرارة اللى نستخدمها؟؟🤔

💁قبل 6 شهور..... الادوية اللى فيها مادة باراسيتامول زى سيتال مثلا فقط و جرعته ثابتة نقطة لنقطتين لكل كيلو يعنى لو الطفل وزنه مثلا 3كيلو تديله من 3 الى 6 نقط فى الجرعه الواحده ..من ٣ ل ٤ مرات ف اليوم مش اكتر من كدا
💁بعد 6شهور.... متاح نستخدم الادوية اللى فيها مادة ايبروفين زى بروفين مثلا
و دا بيتحسب بجرعة معينه حسب وزن كل طفل
بعد كدا هنتابع حرارة الطفل وننتظر تحسن خلال يوم كامل عادى جدا لانها ممكن تاخد شوية وقت عما تستقر
🔥 فى استمرار السخونة لازم مراجعة دكتور الاطفال للفحص والعلاج وتجنب المضاعفات