https://www.facebook.com/306006983423727/

ADHD, Asyut, Asyut (2025)

05/06/2022

ايه دور مادة الدوبامين في اضطراب فرط الحركة ونقص الانتباه ؟

طول الوقت واحنا صاحيين حواسنا بتستقبل مثيرات من كل حتة
مثيرات صوتية ومثيرات بصرية وشمية وحسية وأحيانا تذوقية

لو ان تركيزنا وانتباهنا راح لكل مثير بيدخلنا من حواسنا ده هيفقدنا القدرة على فعل أي شى
وده لأن أغلب المثيرات مش مهمة ومش مفيدة
زي ملمس التيشرت اللي انت لابسه وصوت العصفورة اللي عالشجرة والوان السجاد اللي على الارض

عشان كدة لازم يبقى فيه فلتر
الفلتر ده بيقسملي المشهد لحاجات في الخلفية background
وحاجات في الواجهة foreground
والحاجات اللي في الخلفية المخ بيتجاهلها تلقائي

طيب على أساس ايه الفلتر بيختار ايه اللي يبقى في الواجهة وايه اللي يبقى في الخلفية

على أساس حاجة اسمها ال saliency

وده معناه مدى علاقة المثير ده بأهدافنا واهميته لينا وارتباطه بشخصيتنا وزاكرتنا

زي واحد داخل محل ملابس بهدف انه يشتري بنطلون عنيه بتروح تلقائي عالبناطيل وتسيب اي حاجة تانية
طب لو واحد معندوش ال saliency
هيبقى داخل يشترى بنطلون ويطلع بقميص وتيشرت وممكن ينسى البنطلون

وزي واحد فني تكييف اول ما يخش اوضه عنيه بتقع عالتكييف اللي فيها

طيب ايه اللي بيخلي مثير معين يبقى salient ؟

هنا يجي دور الدوبامين

لما بنستقبل مثير والمثير ده مرتبط بذاكرتنا او بمشاعرنا او باهدافنا أو باحتياجتنا بيتفرز ساعتها الدوبامين عشان يوجه العقل للمثير ده

وكأن الدوبامين وظيفته انه ينبه العقل للحاجة المهمة ليه
وكان الدوبامين بيدي للمثير معنى وقيمة

زي واحد ميت من العطش وداخل اوضه اول حاجة بيدور عليها هي المية وبتبقى حواسه كلها وحركات جسمة موجهة تجاه انه يلاقي مية

اللي بيحفزه ويدفعه لده هو الدوبامين

طب لو افراز الدوبامين مش كفاية ؟

ساعتها مش هيبقى فيه أي مثير salient

يعني كل المثيرات هتبقى في الخلفية وكلها متساوية في الاهمية

فيدخل محل مثلا يبقى مش عارف يشتري ايه ولا ايه
يقعد يزاكر ولا يقوم يلعب
يتنقل من حاجة لحاجة من غير ما يركز في حاجة
وده بيخليه ساعات يختار اللي يجي في طريقه بغض النظر عن مدى اهميته وعليه حياته ما بتمشيش في خط مستقيم

او يبقى محتاج مثير قوي أوي عشان يفرز دوبامين
فتلاقي الطفل ما يركزش غير في اللعب او الكارتون واي حاجة فيها متعة لكن لو مذاكرة مملة مستحيل يركز فيها

وعشان كدة ادوية فرط الحركة ونقص الانتباه بتركز على انها تزود من افراز الدوبامين

مش عشان المتعة ولكن عشان ال sailency

أمال لو كان الدوبامين عالي بقى مش ناقص ؟
ساعتها كل المثيرات هتبقى في الواجهة وكلها هتبقى salient يعني كلها هتبقى مهمة وليها معنى وقيمة وده هيخلي الشخص يفسر حاجات عادية تفسيرات غلط
زي ما بيحصل في الفصام واللي ادويته بتعتمد على انها تقلل الدوبامين ...

بس دي قصة تانية هبقى احكيلكو عنها بعدين

يتبع ....

26/05/2022

إنطلاق أولي فعاليات حملة ال ADHD وهو اضطراب فرط الحركة وتشتت الإنتباه وانطلقت الفعاليات بمقر تخصص المرض وهي حضانة "أحباب الرحمن" والتي بها جزء مخصص للتعامل مع أطفال هذا الإضطراب ورعايتهم..

07/05/2022

رسالة من طبيب متخصص..
بلاش نقول مفاهيم غلط ونشخص بمزاجنا..

هتكلم معاكم عن
مسلسل خالي بالك من زيزي.
المسلسل بيتكلم بشكل عام عن حالات ADHD .

طيب اولا هتكلم عن حالتين شوفتهم في حياتي و حالتين مختلفين تماما و انما الاثنين عندهم ADHD.

اول طفل اسمه ابراهيم سنه ٧ سنين
طفل دا جالي الصف في منتصف السنه و كانت المعلمه مش قادره عليه كان بيضرب ولاد و كان ممكن يخزء عين عيل. طفل شرس بالمعنى لا يمكن تسيطري عليه.
لا يمكن يعقد علي كرسي دقيقه واحده
لايمكن يجواب علي اي سؤال بتساليه
لا يمكن ينتبه لدقيقه كامله بقول دقيقه كامله.
لو قاعد بيتهز و بيتحرك في مكانه.
كان ممكن يفتح باب الصف و يجري و طبعا المدرسه كلها كانت بتجري وراه.

طيب شهر كامل اتحملنا و تمت مراقبته من قبل متخصصه في مجال الحالات الخاصه.
استدعينا وليه امره بعد ما خضع ولاد لحل امتحان انجليزي و عربي و ماث لتحديد مستواه الاكاديمي و مدي تحصيله
دي نقطه فارقه جدا جدا.

امه جت و انكرت تماما ان ابنها عنده مشكله و قالت انو شقي و بيحب يجري و يلعب وملوش في تعليم.
ضغطنا عليها انها لازم تاخده مركز لحالات الخاصه لتشخيص لحالته.
و بعد فتره من الضغط عليها تقريبا لمده شهر.
تم تشخيصه انو عنده ADHD بدرجه عاليه جدا جدا و لازم ياخد علاج بشكل دقيق و محدد من قبل متخصص و يكون معاه معلمه مرافقه لمساعدته.
و بالفعل الولد تحول تحول تام.

حاله ثانيه بنت اسمها ان ٩ سنين مرحله صف خامس.
البنت دي كانت حالتها جدا غريبه و من حالات لي اثرت نفسيا عاليا بشكل كبير.
البنت جدا هاديه بس عايشه في عالم تاني
تكلميها في موضوع تكلمك في موضوع تاني.
شاطره جدا في انجليزي بس الماث بالنسبه لها معضله.
تركزها ضعيف جدا جدا علي رغم من هدوءها.
بعد المراقبه لفتره.
تم تحدث مع امها و كانت الصدمه.
الام عارفه حاله البنت و لكنها انكرت تماما اي كلام.
و بالحرف قالت انا لا يمكن اوصم بنتي بالعار
انا بنتي مش مجنونه و لا متخلفه.
انا بنتي شاطره و انا هنقلها من الصف و محدش يقرب من بنتي او يكلمها.
بالفعل تم نقلها من الصف و لم يتم تشخيص حالتها.

الامهات من الممكن تدمر ابنها او بنتها من خوفها عليهم او خوفها من المجتمع لي حواليها.

اولا: مفيش طفله عندها سبع سنين تقدر تجسد دور طفل عنده ADHD لان تجسيد شخصيه بحاله زي دي جدا شي صعب و معقد لغايه.

ثانيا: طفل ADHD طفل مش بس شقي و طول اليوم بيتنطط علي كنب.

ثالثا: السعاده ليست وسيله لعلاج الطفل ADHD.

رابعا: طفل ADHD مش طفل عنده مشاكل نفسيه نتيجه انفصال الاب و الام ، الطفل بيتولد عنده ADHD.

خامسا: بيتم تشخيص الطفل ان عنده ADHD من قبل متخصصين في مجال الحالات الخاصه و بيخضع لمراقبة لفتره طويله.

سادسا: علاج ADHD بيتاخد بمقدار محدد و لا يوجد له اي اضرار سلبيه
طفل بيكون هادي و بيكون نايم شويه و بعدان بيتحسن مش ترجيع و خلافه.

سابعا: مش كل شادو تيتشر بتكون فاشله زي ما مسلسل ورانا.

و لا يمكن لا يمكن لا يمكن اي اب او ام او معلمه ان تقول ان طفل دا عنده فرط حركه او ADHD او ADD او اي مشكله من حالات الخاصه غير لما يخضع لاختبار في مركز متخصص.

بقول لكل ناس ADHD ليس مرض ليس مرض ليس مرض
هوا طفل طبيعي جدا بس عنده متطلبات مختلفه

لان طفل ADHD بيكون عنده مجموعه بقول مجموعه مجموعه من صفات لي بتكون عنده و بالتالي بيكون عنده ADHD.
مش بس مش مركز
مش بس بيتحرك كتير
مش بس بيضرب
مش بس بيصرخ او بيتعصب

جدا شي معقد لغايه و فقط مختص بيشخص حالته. .

28/04/2022

_ابني عنده فرط حركة يادكتور
_عرفتي منين طيب
_كل الاعراض بتاعت فرط الحركة عنده
_طب حللتي غدة درقية يمكن تكون نشطة زيادة؟ 😃
_لا 😳
_حللتي ماغنسيوم جايز يكون فيه نقص؟ 😔
_لا😳
_اتطمنتي على فيتامين b12 طيب واتأكدتي انه مش قليل؟ 😡
_لا برضو😅
_طب شوفتي نسبة السكر يمكن تكون قليلة مثلا🥸
_لأ يادكتور _ ماتزهقنيش بقى😒
_طيب الولد عنده اضطرابات في النوم؟
_الشر برة وبعيد داحنا بنام الفجر يادكتور🥱
انت عاوز ايه من كل التحاليل دي طيب😡
يامدام يامامي ياسوت الحاجة كل دي حاجات ممكن تأثر على الطفل وتجيب ليه اعراض تشبه فرط الحركة وتشتت الانتباه وامشي بقى😭😭

17/04/2022

* انت غبي
* ايه العيل الشقي ده
* كفايه تنطيط .. ايه مش بتتهد
* لااا انتا مش نافع ولا مركز .. الل واخد عقلك ياعم
* دايما ايدك سابقة لسانك .. ومتهور
* انتا مش طبيعي!!

❌❌❌❌❌❌❌❌

كل التعلقات دي ممكن تقابل مريض AdHd وأكتر كمان .. بس هو فـ الحقيقة مش غبي 🙊 ولا كمان شقي 😱
الموضوع وباختصار شديد أنه إنسان طبيعي جدا بس هو حصله نقص الناقلات العصبية في الدماغ (الدوبامين، النورادرينالين، سيروتونين) وده بيخلي اوقات كتير مش مركز وبيحصله تشتت انتباه وممكن زيادة ع التشتت ده يحصله فرط حركة غير طبيعي وميستريحش فـ مكان مدة قصيرة متتجاوزش الدقايق .. ده غير طبعا الاندفاع الل بيكون فيه مريض ADHD🤯🤯

لالاا متقلقش هو كويس جدا ومبدع كمان 💪✍🏻

بس محتاج رعاية واهتمام من الاهل والاصدقاء عشان يعرف يوظف طاقته صح .. والاهم يقبل اختلافه مش يتفرط عليه😉

طب ازاي اعرف إن ابني / بنتي عنده اضطراب فرط الحركة وتشتت الانتباه ؟؟ وهل ليه علاج ؟؟ طب فيه ناس كان عنده الاضطراب ده وقدروا ينجحوا فـ حياتهم؟؟!

كل الأسئلة دي جاوبنا عليها فـ البوستز الل فاتت زي الاعراض وازاي نتعامل مع مرضى ADHD .. وهنتكلم اكتر وباستفاضة الفترة الل جاية وكمان هنجبلكم أمثلة ونماذج مشرفة كان عندهم المرض ده .. والل بالمناسبة كان بيسموه مرض العباقرة 🙊😱

بس خلينا فكرين أن مهما كان الاختلاف بينا فـ 💪🫂

05/04/2022

📝🧮 كيف أعرف انى مصاب بال ADHD: أهم أعراض ADHD أو اضطراب فرط الحركة ونقص الانتباه..

ووفقا للجمعية الأمريكية للطب النفسى (APA)، فهناك بعض الأعراض التى تدل على الإصابة بمرض ADHD، من خلال مجموعة من السلوكيات المرتبطة باضطراب فرط الحركة ونقص الانتباه. تشمل ما يلى:

1. ظهور مشكلة فى التركيز على المهام
2. النسيان بشأن إكمال المهام
3. التشتت بسهولة
4. صعوبة فى الجلوس
5. مقاطعة الناس أثناء حديثهم
6. فرط النشاط عند الأطفال.
7. يواجه مشكلة فى التعلم خلال تواجده بالمدرسة.

📌📌 وهناك ثلاثة أنواع من ADHD أو اضطراب فرط الحركة ونقص الانتباه، وتشمل:

1. النوع الأول يطلق عليه مصطلح "غافل"..

يعانى الأشخاص المصابون بهذا النوع من اضطراب فرط الحركة ونقص الانتباه عندهم صعوبة بالغة فى التركيز وإنهاء المهام واتباع التعليمات.

📌📌كما يعتقد الاستشاريين أيضًا أن كثير من الأطفال المصابين بنوع عدم الانتباه من اضطراب فرط الحركة ونقص الانتباه.. لا يتلقون التشخيص المناسب، وهذا النوع هو الأكثر شيوعًا بين الفتيات المصابات باضطراب فرط الحركة ونقص الانتباه.

2. الاندفاع المفرط..

يُظهر الأشخاص المصابون سلوكًا مفرط النشاط ومندفعًا فى المقام الأول، يمكن أن يشمل ذلك التململ ومقاطعة الأشخاص أثناء حديثهم وعدم القدرة على انتظار دورهم.

3.يجمع بين فرط النشاط وصعوبة التركيز..

وهو النوع الأكثر شيوعًا من اضطراب فرط الحركة ونقص الانتباه، حيث يُظهر الأشخاص المصابون أعراضًا غائبة عن الانتباه وفرط النشاط، وتشمل هذه عدم القدرة على الانتباه والميل نحو الاندفاع ومستويات أعلى من المعتاد من النشاط والطاقة.

📌📌 ومن طرق العلاج من ADHD أو اضطراب فرط الحركة ونقص الانتباه..

فهناك عادةً العديد من العلاجات السلوكية أو الأدوية أو كليهما، وتشمل أنواع العلاج
( العلاج النفسي أو العلاج السلوكي، واللي يقدر يساعدك في الطريقة دى من العلاج أنت أو طفلك في تعلم كيفية مراقبة سلوكك وإدارته.

وكثير من الأطباء النفسين والإستشاريين أكدوا احتمالية أن يكون الدواء مفيدًا جدًا بنسبة عالية..عندما تكون مصابًا باضطراب فرط الحركة ونقص الانتباه.. حيث تم صنع أدوية ADHD للتأثير على المواد الكيميائية في الدماغ بطريقة تخليك تقدر تتحكم بشكل أفضل في دوافعك وأفعالك.. وتغير من سلوكياتك..

ومن ننساش إن

02/04/2022

كيفية علاج مريض Adhd

العلاج بالأدوية .... وهنا فكرة العلاج ممكن تبقي غريبة شوية لأنها بتقوم علي إعطاء المريض جرعة معينة من المنشطات ... ممكن تستغرب واتقولي ازاي !!؟ دا انت كدا المفروض هتزود من حالة التشنج اللي عند المريض!! ...
هقولك .. الجهاز العصبي عند المريض بطبيعته بيكون غير الجهاز العصبي الإنسان العادي بمعني العامل الحفاز اللي فيه بيكون متمركز بنسبة اكبر ف خلايا المخ بنسبة اكبر بكتير عن الإنسان ال normal او الطبيعي ..

العلاج النفسي واللي هو العلاج السلوك المعرفي

وفي النوع دا من العلاج بتحاول تعدل من سلوك المريض بطريقة خاصة بمعني انك تبتعد عن اجباره بفعل حاجات معينة او تزود الضغط الناتج عليه او ممكن من خلال جلسات الاسترخاء .. بتحاول ف النوع دا من العلاج تبقي لطيف بقدر المستطاع مع المريض واي حاجة غلط يعملها .. متلموش عليها زي تقوله ولا يهمك .. انت حاولت وعملت اللي عليك ... انا شايفك هتبقي حاجة كبيرة في المستقبل..👌

وخليك دايما فاكر ان 😁🤝

01/04/2022

من نحن..؟!

31/03/2022

ماهي متلازمة "ADHD"

ADHD

05/06/2022

26/05/2022

07/05/2022

28/04/2022

17/04/2022

05/04/2022

02/04/2022

01/04/2022

31/03/2022

Address

Telephone

Website

Alerts

Contact The Practice

Shortcuts

Share

Category