12/05/2021
اي الحيرة دي هو الفيريتين بتاع مخزون الحديد ولا كورونا؟
تعالى اقولك الحكاية ببساطة
الفيريتين دا زي مانت عارف بالظبط، ايوا بيعبر عن مخزون الجسم من الحديد 💪
ولو قل يبقى في نقص حديد وهنسميه
Iron deficiency
ونروح لأقرب مقاول نشتري سيخين حديد عز والدنيا هتظبط
ولو زاد الحديد هنسميه
Iron overload 😄
عامة لو زاد مصيبة ولو قل كارثة
وكلنا عارفين ان الدكتور بيطلبه لما نعمل تحليل صورة دم كاملة ويلاقي في انيميا
Low hemoglobin
وشاف مثلا ان حجم الخلايا صغير
Microcytic
ومحتواها من الهيموجلوبين قليل
Hypochromic
فعشان يعرف مين المجرم اللي عمل كدا في خلايا الدم الحمراء
هل انيميا البحر الاخضر المتوسط 😁
Thalassemia
ولا انيميا نقص اسياخ الحديد 😄
Iron deficiency anemia
فيقوم ببساطه طالب تحليل نسبة الفيريتين في الدم
Serum ferritin
هل طبيعي هل عالي هل قليل؟؟؟
دا لغاية هنا كلنا عارفين الكلام دا وحافظينه
تعالى اقولك الخلاصة لاصه
الفيريتين دا ايه ايه ايه انطق؟؟؟
يابني مهو اخروه ايييين in، يبقى بروتين
معظم المواد اللي اخرها ايييين تبقى بروتين☺️
الفيريتين دا بروتين عادي جدا، شايل حديد
متقوليش الفيريتين حديد هو مش حديد بلاش هبل، هو عربية محملة حديد
تمام اوي
ومكانو فين مكانو فين؟
في الدم
غشيم غلط طبعا
الفيريتين مكانو جوا الخلايا، وشويه او حبة صغنطتين منه بيتسرمحوا في الدم
الشوية اللي بيلفوا ف الدم دول بيعبروا طرديا عن النسبة اللي في الخلايا
قشطة قشطة
اللي عايزك تعرفه بقا عن الفيريتين انه بروتين بيزيد نسبته مع الالتهابات
اه والله العظيم
يعني اقدر اقول عليه
Inflammatory marker
ايوا دليل التهاب
يعني الفيريتين زي CRP و ESR
ايوا زيهم، دليل التهاب
مع وجود اختلافات طبعا لكن دلوقت عايزك تعرف انه زيهم
تعالى نلخص اللي فات
الفيريتين بروتين شايل حديد لو قل هلاقي انيميا حديد مثلا ولو زاد يبقى في رد فعل مناعي التهابي فرفعه دا بالبلدي مع ان في اسباب كتير لزياده ولنقصه
لما يبقى في إلتهاب في الخلايا، وتتدمر ياعيني بتطلع الفيريتين اللي جواها وتحرره😔
مش لسه قايلك من شويه انه موجود اكتره ف الخلايا
طيب الالتهابات بقا ياصديقي
ممكن تكون بسبب عدوى
Inflammation due to infection
وممكن تكون بسبب تاني مش عدوى
Inflammation due to non infections
تعالى ع الالتهابات بسبب عدوى
ايه هي العدوات
العدوى ممكن بسبب
بكتريا
Bacterial infection
او فيروسات
Viral infections
او طفيليات
Parasitic infection
او فطريات
Fungal infections
تعالى نركز ف
Viral infections
زي عم كوفيد
Covid19
بيرفع الفيريتين
اخر حاجه علشان تعبت من الكتابه
فيرتينين عالي يعني في التهاب ما مش شرط كوفيد
اذا هو غير متخصص non specific
فيرتينين طبيعي يمكن يكون في التهاب والله عادي جدا
اذا هو non sensitive
للالتهابات عامة
ابحث كتير هتلاقي ال
Sensitivity and specificity
مختلفة من مشكلة لاخرى
والسلام عليكم
نسألكم الدعاء
منقول 🤗
