09/11/2025
من المفارقات العجيبة اللى بنلاحظها يوميا فى حالات الاجهاض المتكرر هى عدم الاهتمام بعمل فحص جينى للجنين بعد الاجهاض ....
الحقيقة لما نعرف ان الخلل الجينى مسئول عن ٥٠% من اسباب الاجهاض المتكرر او الغير متكرر و لانهتم بعمل فحص جينى للجنين يبقى احنا بنفقد نصف ادواتنا فى الوصول لسبب الاجهاض و بالتالى نصف ادواتنا فى علاج الحمل القادم للوقاية من المشكلة دى .....
الحقيقة انه من الاشياء المثيرة للدهشة اننا نشوف المريضة عاملة تحاليل باهظة التكلفة زى
(MTHFR mutation )
اللى هو مش مطلوب انه يتعمل اصلا و بنهمل طلب فحص جينى للجنين نفسه ...
علشان كدة لو لاقدر الله حصل مشكلة للحمل و الطبيب قرر انهاء الحمل لازم قبل البداية فى اخذ علاج الاجهاض نتناقش فى الفحوصات المطلوبة .. و طريقة حفظ الانسجة .. والمكان اللى هيعمل الفحص الجينى .. ونوع الفحص نفسه لان الفحوصات الجينية كتيرة ..علشان ده هيحدد طريقة العلاج بعد كدة ....
علشان كدة احنا فى فيتو كير بنجاوبك على الاسئلة دى
فيتوكير لطب الجنين وتشخيص التشوهات ببنى مزار
