14/10/2025
🛑 مصل الانفلوانزا. 2025/2026
👈تنبيه هام ..
هو مصل اختياري وليس اجباري
🛑 يعنى انا لو اخدت المصل ده مش هتجيلى انفلونزا؟
* المصل ضد الانفلونزا الفيروسية هيوفرلك 5 حاجات باذن الله :
1️⃣ حماية ٨٠٪ من الانفلونزا الفيروسية الموسمية.
2️⃣ بيقلل حدة الأعراض.
3️⃣ يقصر مدة الأعراض.
4️⃣ بيمنع المضاعفات.
5️⃣هيحمي الرئه بتاعتك جدا عشان متكونش ضعيفه وعرضه للاصابه بفيروسات كتيرة.
🛑 طيب هو مين اللى لازم يأخذه ؟؟
كلنا بلا استئناء لازم نأخذه ، و خصوصا اننا محتاجين مناعة قوية علشان نحصن نفسنا
من اى دور انفلونزا ممكن يجيلنا
فيضعف مناعتنا و نكون عرضة لا قدر الله لاى فيروس تانى
بس لو حبيت اوجه كلامى لناس بعينها :
1️⃣ الاطفال ثم الاطفال ثم الاطفال
و خصوصا ان المدارس رجعت و احنا فى وقت صعب
2️⃣ مرضى حساسية الصدر
لإن دور الإنفلونزا والبرد من المثيرات اللي ممكن تدخله في ازمة تنفسية لا قدر الله.
3️⃣ مرضى الجيوب الانفية.
4️⃣ ذو المناعة الضعيفة ، اللى مع اى دور برد بيحصلهم مشاكل كتير.
5️⃣ كبار السن.
6️⃣ الحوامل بس يُفضل بعد الثلاثة اشهر الاولى.
7️⃣ المرضعات.
🛑 المفروض يتاخد إمتى ؟
يُفضل إعطاءه قبل دخول فصل الشتاء
عشان مفعوله يبدأ يظهر عند بداية موسم البرد
(بيستغرق من إسبوعين إلي ثلاثة أسابيع لظهور تأثيره)
يعني افضل توقيت شهر سبتمبر
ولا يُنصح بإعطاءه أثناء أدوار البرد .
🛑 طيب ايه هى الجرعة ؟ وهل ينفع لكل الاعمار
1️⃣ ينفع لكل الاعمار فوق ال ٦ شهور
بياخذ المصل كله
بس بشرط ان الطفل لو كان اول مرة يأخذه فى حياته
لازم يكرر الجرعة بعد شهر
2️⃣ 10 سنين فيما فوق
بياخذ المصل مرة واحدة فقط
👌 المصل يُعطى فى عضلة الكتف بعمق
و ممكن تحت الجلد (في الذراع مثلا)
🛑 هل ليه اعراض الجانبية ؟
1️⃣ فى بعض الحالات وجع بسيط وإحمرار أو تورم مكان الحقنة
2️⃣ نادرا ما يسبب سخونة أو صداع وآلام بالجسم
3️⃣ وحالات نادرة جدا جدا يحدث حساسية أو طفح جلدى
🛑 و بالمناسبة مفيش اى تعارض بين تطعيم الانفلونزا الموسمى و اى تطعيمات
و خلى بالك لازم التطعيم يكون محفوظ فى الثلاجة علشان ميبوظش.
