د/ محمد حمدي عبدالهادي

01/11/2025

متواجد بإذن الله في مركز الشيماء الطبي يوم الجمعة من كل أسبوع بعد صلاة الجمعة ❤️

صحتك أمانة،،، واهتمامنا بيك بيبدأ من التشخيص الصح 👌
في عيادة الباطنة بــ مركز الشيماء الطبي بنهتم بكل تفاصيل حالتك، من أول الأعراض البسيطة لحد متابعة الأمراض المزمنة (سكر، ضغط، أمراض غدد،.... إلخ) ف هتلاقي دايمًا اهتمام بكل التفاصيل ❤️

مركز الشيماء الطبي بيقدملك رعاية طبية متكاملة بخبرة واهتمام 🫰

مواعيد عيادة الباطنة 👈 يوم الجمعة من كل أسبوع بعد صلاة الجمعة

27/09/2025

👈 سؤال بيتكرر في العيادة:
"هو الكركديه البارد بيوطي الضغط يا دكتور، والساخن بيعليه؟؟؟"

✅ الحقيقة العلمية:
الكركديه فيه مواد طبيعية بتساعد على ارتخاء الأوعية الدموية وزيادة إدرار البول، وعشان كده تأثيره الأساسي خافض للضغط العالي سواء كان ساخن أو بارد.

👈 أما بقى الاعتقاد إن "الساخن يرفع والبارد يوطي" مجرد خرافة شعبية.

⚠️ فَ خُد بالك:

✨ الكركديه مش علاج لوحده للضغط العالي، المتابعة مع الطبيب والالتزام بالعلاج أساس لا غنى عنه.

✨ الإفراط فيه شرب الكركديه ممكن يسبب هبوط ضغط عند اللي ضغطهم أصلًا منخفض.

✨ ممكن الكركديه يعزز تأثير أدوية الضغط، عشان كده الأفضل استشارة الطبيب لو بيتاخد بانتظام.

👌 من الناحية الغذائية:

✅ (تقليل الملح، الإكثار من الخضار والفواكه، شرب مياه كفاية).

✅ مشروبات زي الشاي الأخضر أو عصير الرمان ممكن تساهم في دعم صحة القلب والضغط.

❎ لكن مفيش مشروب أو أكل يغني عن العلاج الطبي.

📌 الخلاصة:
الكركديه (ساخن أو بارد) مفيد ضمن أسلوب حياة صحي، لكن الطبيب والعلاج وأسلوب الغذاء الصحي هم الأساس بإذن الله.

07/04/2025

13/02/2025

مقاومة الإنسولين عاملة زي قنبلة موقوتة ممكن تنفجر في أي لحظة 💣💥

ده إنت كمان ممكن تكون عايش معاها من سنين ومش عارف 🤔⚠️

مقاومة الإنسولين عبارة عن مرحلة أولى لمرض السكر من النوع الثاني، وده معناه إن الجسم بينتج الإنسولين لكن مش بيستخدمه بشكل فعَّال ❌❌❌

والخطر الأكبر إن كتير من المرضى مش بيكتشفوها غير بعد تدهور الحالة والوصول لمرحلة السكر بالفعل 🤦🏻‍♂️
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سيب كومنت 💭 واحنا هنرد عليك بأهم العلامات اللي لو ظهرت عليك هتكون محتاج زيارة للعيادة عشان تطمن ❤️

04/02/2025

لو إنت من المصابين بحساسية الصدر 🫁

ف إنت محتاج تهتم بالوقاية .. ومتستناش الأزمة ❌

١- غيَّر ملايات السرير 🛌🏻 واغسلها كل أسبوع -عشان عث الغبار-.
٢- استخدم الكمامة 😷 وقت تنظيف الأتربة.
٣- حافظ على علاجك الوقائي 💊 بانتظام -حتى لو حاسس بتحسن-.

اكتب لنا إيه أكتر حاجه بتهيج صدرك...؟

30/01/2025

تفتكروا مريض السكر بيتحسن فعلًا مع استخدام عيدان القرفة 🤔

✅ الحقيقة العلمية: إن القرفة ممكن تساعد في تحسين حساسية الإنسولين، لكن -هي مش بديل- عن العلاج!

⚠ نصيحة الدكتور: إنك متغيّرش جرعتك من غير استشارة، حتى مع استخدام الأعشاب الطبيعية!

شير للبوست عشان غيرك يستفاد، ولو عندك تجربة في تحسين حساسية الأنسولين شاركها معانا في كومنت 💭

28/01/2025

قصور الغدة الدرقية له علامات محتاجين ناخد بالنا منها، زي:
👈 احساس دائم بالبرد حتى والجو دافي.
👈 إمساك مستمر من غير سبب واضح.
👈 تساقط الشعر بشكل غير طبيعي.

لو عندك مشكلة منهم أو أكتر سيب كومنت 💭 وهقولك تعمل إيه؟؟

27/01/2025

مين قالك إن الضغط العالي بيظهر أعراض واضحة دايمًا؟؟! 🤔

📣 معظم المصابين بــ ارتفاع ضغط الدم مش بيحسوا بأي أعراض ⚠️

عشان كده محتاجين ناخد اجراءات وقاية دايمًا 👌 اللي بتتلخص في نقطتين مهمين جدًا 👇
١- نقيس الضغط بشكل دوري كل ٣ شهور -حتى لو احنا كويسين ومش حاسين بتعب-.
٢- نقلل ملح على قد ما نقدر، وبالأخص الملح الخفي، زي: (المخللات - الجبنة الحادقة - الوجبات السريعة).
ــــــــــــــــــــــــــــــــــــــــــــــــــــــــــــــــــــــــــــــــــــــــ

لو عندك سؤال سيبه في كومنت 💭 وهنرد عليك ❤️