https://www.instagram.com/a7medeidbakri/

Nursing With Ahmed Bakry, Beni Suef (2026)

26/01/2026

عاملين اي

حاجة ملهاش علاقة بالبيدچ بس لازم اتكلم عنها

النهاردة وانا راجع من شفت السهر ف المواصلات متعود اني بنام لحد ما اوصل عشان ببقى راجع تعبان..

بس النهاردة حصلت حاجة غريبة ركبت ف اخر كرسي ف العربية وجنبي رجل كبير ف السن معدي ال60 سنه وقدامه ع طول بنت تقريباً معديه ال20 سنه..

مكنتش مركز ف الاول خالص ولسه هنام واحط دماغي ع الكرسي وفجأة لقيت الرجل بيحاول يحط ايده ع البنت قولت يمكن مش قصده وخلاص..

حاول يكرر الموضوع بس كنت مركز معاه جامد ف مكانش عارف يقرب ايده من البنت والبنت حرفياً مركزة ف الفون جامد ولا كأنها موجودة وكل شوية كان بيشوفني مركز معاه ولا لا...

من التعب لقيت نفسي مش قادر اقاوم النوم لاني مكنتش نايم كويس وفجأة ببص عليه لقيته حاطط ايده ع البنت وهي مش حاسه ومركزة ف الفون..

اتدخلت هنا وخبطته ف دراعه جامد ف لم ايده ورجع مكانه وطول الطريق مستني اي فرصه عشان يحاول يلمس البنت...بس بصراحة كنت مستنيه يلمسها عشان اقوم اتخانق معاه بجد واللى يحصل يحصل بقا...بس بصراحة بعد ما فوقت قولت هركز عشان البنت دي لحد ما تنزل بقا وخلاص وطول الطريق عيني عليها ومركز وهو كل ما يفكر حتى يلاقي عيني معاه ف مش عارف يتحرك ولا يعمل اي حاجه...

ف عقلي قولت مش هتكلم الا لو حاول يعمل حاجه تاني هتخانق معاه وهزعق بس احترم نفسه وخاف..

حاولت اشوف البنت هتنزل فين عشان اوقفها واقولها بعد كده لازم تاخد بالها من نفسها وتركز كويس جداً وخصوصاً لما تركب مواصلات بس نزلت وخدت مواصلة تاني بسرعة ف ملحقتش..

ف قولت انزل البوست ليكم كلكم بقا عشان تاخدوا بالكم ان شاء الله ف الجاي...

ناخد بالنا لما نركب مواصلات ونكون فايقين ومركزين ونحاول نتجنب الفون ع قد ما نقدر ونحاوفظ ع نفسنا بقدر الإمكان...ربنا يستركم كلكم♥

ملحقتش اصور بصراحة بس صورت دي بسرعة

24/01/2026

اي ده يعني دفعة 2024 مش هتعيد معانا بأول مرتب؟! 🥲

23/01/2026

• ال"Solumedrol" مينفعش يمشي مع ال"Diprivan" ف لاين واحد..

• ال"Solumedrol" مينفعش يمشي مع ال"Atracurium" ف لاين واحد..

معلومة اكتشفها مستر/ مازن محمد زميلنا ف الرعاية ربنا يكرمه..

لما بحثت ودورت لقيت ان:

•السوليميدرول + الديبرفان

• الديبرفان عبارة عن مستحلب دهني (lipid emulsion).

• السوليميدرول محلوله مائي وفيه مواد بتغيّر الـ pH..

• لما نخلطهم يحصل كسر للمستحلب الدهني يتكوّن precipitation / تكتلات دهنية فيزود خطر انسداد
الـIV line أو دخول جزيئات للمريض..

• يعني عدم توافق فيزيائي (Physical incompatibility)..

• اما السوليميدرول + الأتراكيم

• الأتراكيم حساس جداً للـ pH
السوليميدرول بعد التحضير بيكون قلوي نسبيًا..

• لو خطلناهم هيحصل تحلل الأتراكيم بسرعة ثم فقدان مفعوله گ مرخي عضلات احتمال تكوّن راسب..

• يعني عدم توافق كيميائي (Chemical incompatibility)..

• Thanks for Mr/ Mazen Mohamed

16/01/2026

من ساعة ما "الخبص" ف المستشفى بقى اسمه "OVR" واحنا البركة قلت في الشغل والله 🙂

16/01/2026

ازيك؟!

• تفتكر ليه اي مريض "Renal" لازم يبقى مكتوبله ف ال(Drug Sheet) اقراص الBone Care؟!

• باختصار اي مريض "Renal" دايماً بيحصله نقص ف الكالسيوم وهو ما يسمى بال(Hypocalcemia)..

ولو عملنا لمريض ال"Renal" تحاليل كالسيوم سواء

Ca Total
Ca Ionized

• هنلاقيهم اقل من المعدل الطبيعي وهنلاقي المريض عنده (Hypocalcemia)..

• وده لأن المسئول عن امتصاص الكالسيوم ف الجسم هو Vitamin D..

•و (Vitamin D) المفروض ان الكلى بتحوله للصورة النشطة اللى هي ال(Active Form) عشان الجسم يقدر يستفيد منه..

• وتحويل Vitamin D للصورة النشطة ده بيتم ع مراحل:_

• بيدخل (Vit D) عن طريق الجلد بعدين يروح للكبد بيتضافله حاجه اسمها (25-HO) بعد كده الكبد يحوله للكلى يتضافله حاجه اسمها (1-25-HO) وبعدين يتحول للصورة النشطة من (Vitamin D) بقا عشان الجسم يقدر يستفيد منه بشكل كويس..

• ولكن ف حالة مريض الكلى
الكلى تعبانه مش شغال مش بتقدر تقوم بالدور بتاعها اذن عندنا مشكلة كبيره جداً ف امتصاص الكالسيوم لان Vit D المسئول عن امتصاص الكالسيوم مش هيتحول للActive Form لان الكلى مش شغاله..

ف مثلاً هنسيب العيان كده عنده (Hypocalcemia)

ف بنلجأ وقتها لل(Bone Care)

اشمعنا ال"Bone Care" طيب؟!

• ده عشان الBone Care بيحتوي ع مادة ال"Alfacalcidol"..

• مادة ال"Alfacalcidol" هي المادة الوحيدة اللى احنا نقدر نديها لمريض الكلى ويحصها عملية Active ف الكبد وتتحول ل(Vit D) والجسم يقدر يستفيد منه من غير ما نحتاج الكلى ف حاجه...

15/01/2026

معايا واحد صحبي ف المستشفى كل ما استلم منه الحاله يقولي الحاله تمام ومفيهاش حاجه ومتقلقش وكله زي الفل

ادخل الاوضه اغير هدومي والبس واطلع اكتشف بقا الplans بتاع الحاله

خد عندك وعد معايا

العيان محجوزله كيسين دم واربعه وبلازما..
السنتر مش شغال وعايز يتغير
العيان مطلوبله CT Chest, CT Brain
ليه Correction بوتاسيوم متاخدش
العيان pass stool ومبهدل الدنيا
القسطره محتاجه تتغير
العيان ضغطه مش مسموع وقايلي ان اخر ضغط 130/80
الETT مسدودة وعايزه تتغير وهو قايلي انه بيSuction الحاله كل ساعه وانا اللى بلبس وبيتعمل فيا مذكرة اني مش بSuction الحاله...
سايب علاج زيادة جنب الحاله متاخدش ونسي يديه وبعدين بيرن عليا بيقولي ابقا اديه انت..

15/01/2026

• لسه واخدها حالاً من ع لسان دكتور أحمد رمضان وهو بيمر..

لو طلبنا لمريض عندنا ف الرعاية تحليل ESR
ولقيت الESR أعلى من 100 فكر ف 3 حاجات:_

• TB
• Autoimmune Disease
• Myeloma

14/01/2026

كبت الشتايم ف المستشفى واحنا ف الشفت بيوجع اكتر من كبت المشاعر صدقوني انا بمسك نفسي بالعافيه🙂

12/01/2026

انا اسف ان صورت الصورة دي من غير ما استأذن منه بس ان شاء الله هيسامحني يعني😂❤

مستر إسلام من الناس المحترمة اللى معانا ف الICU وحد محبوب جداً ف المكان ومن الناس القديمة اللى شايلة المكان عندنا ف الرعاية..

مستر إسلام من الناس اللى وقفت معايا وعلمتني لما كنت ف الامتياز وحتى بعد اما رجعت من الجيش وحقيقي اتعلمت ع ايده حاجات كتير وتركات كتير مهمة❤

مستر إسلام من الناس اللى بتقف مع الناس الجديدة ومع الامتياز وبيفهمنا كل حاجه وبكل بساطة..

مستر إسلام سوي نفسياً عشان عمره ما فكر يمارس الأقدمية ع حد واول واحد بيطلع ف اي مشكلة وبتكلم بالنيابة عننا❤

اكتر حاجه بحبها ف مستر إسلام هو وقت الصلاة دايماً اول ما الصلاة تيجي ييجي ياخدنا كلنا عشان نصلي ويفكرنا دايماً بالصلاة تحت اي ظروف..

حتى لو هو شغال ومطحون ف الشفت اول ما يخلص شغل مش بيريج بيروح للصلاة ع طول وبيفكرنا احنا كمان دايماً بالصلاة ❤

مستر إسلام من الناس اللى بينطبق عليهم قول الله عزوجل

﴿ رِجَالٌ لَّا تُلْهِيهِمْ تِجَارَةٌ وَلَا بَيْعٌ عَن ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ ۙ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ﴾

البوست ده ف حب مستر إسلام حسان وانه دايماً بيفكرنا بالصلاة وبيساعدنا وبيعلمنا وبيقف معانا❤

12/01/2026

عندي واحد صحبي كل ما يقابلني ف المستشفى
"يقولي صورني" بحس انه بييجي المستشفى يتصور مش جاي عشان يشتغل!! 🙂

11/01/2026

التأخير ع زمايلك وانت بتستلم منهم الشفت من الحاجات اللى ربنا هيحاسبك عليها "طالما معندكش مبرر للتأخير"

لو أخرت ع زميلك وانت بتستلم منه الشفت وضيعت وقته دي من الحاجات اللى ربنا هيحاسبك عليها لانك ممكن تكون سبب ف انه يتأخر عن صلاة او شغل او ميعاد مهم بالنسبة ليه او هتخليه يتمرمط ف المواصلات ويتبهدل ويروح بيته متأخر او هتخليه يتأخر عن شغل تاني هو المفروض بيشتغله جنب الشغل بتاعه فياخد جزا بسبب انك اخرت عليه وغيره وغيره وغيره..

زي ما انت بتحب تروح بيتك بدري وتقعد وسط اهلك وتطمن عليهم وترتاح وتغير هدومك وتأكل وغيره وغيره وغيره هو كمان زيك..

زي ما انت ابوك وامك واخواتك بيكونوا قلقانين عليك هو برضو عنده اهل..

ممكن تأخيرك ع زمايلك ده يأذي حد تاني من اهله او ولاده او اخواته زي انه عنده حد فيهم مريض وهو اللى بيديله العلاج وغيره وغيره وغيره..

زي ما انت عايز زميلك ييجي يستلم منك بدري عشان تروح وترتاح تعالى انت كمان استلم بدري...

مش هتبقى حلوه ليك ووحشه لزميلك..

زي ما بتحب الخير والراحة لنفسك حبهم لغيرك عشان ربنا يسترك ويسهلك كل صعب..

ممكن تبان تكون دي حاجه تافهه بالنسبالك بس صدقني ربنا هيحاسبك عليها...

ف استقم يرحمك الله♥

10/01/2026

دفعة 2024 لوزارة الصحة دلوقتي:_

Nursing With Ahmed Bakry

26/01/2026

24/01/2026

23/01/2026

16/01/2026

16/01/2026

15/01/2026

15/01/2026

14/01/2026

12/01/2026

12/01/2026

11/01/2026

10/01/2026

Address

Telephone

Website

Alerts

Shortcuts

Share