08/06/2021
ناس كتير سالوا الفتره اللى فاتت على ازاله الشعر بالليزر علشان كده ده هيكون موضوع النهار ده🌹
الأول اى شعر ينفع نشيله باليزر ؟
الاجابه لا .... الليزر يشتغل على الشعر السميك الغامق زى اللى فى الاندرارم او الساقين لكن الشعر الخفيف الوبرى زى مثلا الوجه فى اغلب الناس الليزر ما ينفعش
بس طبعا فى بعض الناس الشعر فى الوجه بيبقى ثقيل و
يتشال عادى🌺
طب لو خلاص الشعر ينفع يتعمل ليزر إيه الخطوات
اللى لازم اعملها ؟👇
اولا ماينفعش تكونى عامله نتف للشعر على الاقل شهر قبل الجلسه 👍
تانى حاجه ماتكونيش متعرضه لشمس جامده و مغيره لون جلدك يعنى عامله تان قبل الجلسه و بعد الجلسه باسبوعين على الاقل 👍
بداتى تعملى ليزر انسي السويت و الفتله خالص
اى شعر بيدايقك يتشال شفره 🙏
ايه ده هو انا هايطلعلى شعر؟ 😱
ايوه هايطلع شعر بين الجلسات و بعدين يقع و مع التكرار هايخف علشان كده لازم اقولك على نظام الجلسات
الليزر بيبقى فى حدود من ٦ الى ٨ جلسات بتاخدى جلسه كل شهر
مع تكرار الجلسات الشعر بيبقى ارفع و اخف و أنعم و عدده يقل
بعد مابنخلص الجلسات بنحتاج جلسه تنشيطيه كل من ٦ شهور الى سنه مره علشان تحافظى على النتيجه و الشعر حتى اللى بيطلع بيبقى خفيييف و ناعم يعنى لو شيلتيه بالشفره ممكن يقعد شهور على ما يطلع🌻
طب فيه الم ؟ 🤔
لا لان الجهاز فيه تبريد بيساعد على عدم حدوث الم
اعمل ايه بعد الجلسه؟ 😊
بتستخدمى كريم مهدئ الجلد و بتحافظى على نفسك من الحراره و الشمس و لو بتخرجى بتستخدمى كريم واقى شمس و نشوفك بعدها بشهر علشان الجلسه التاليه .... هكذا 👍
